မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


18 March 2010

1 ဘယ်လိုပဲ ဖြစ်ဖြစ် ပျော်ရွှင်ပါစေ သူငယ်ချင်း . . .





ငါကလည်းခက်တယ်..
ကဗျာတစ်ပုဒ်နဲ့
နေမ၀င်အင်ပါယာ
ဘယ်ဟာယူမလဲလို့ မေးလာရင်
ဒုတိယအရာကို
ငါ……….ငြင်းတယ်…။

ကျွန်တော့်မှာ ကဗျာတစ်ပုဒ်ရှိပါတယ်။ ဒီကဗျာကို “ မီးတောက် ရစ်သမ် ” လို့ နာမည်ပေးထားပြီး ၊ ဒီကဗျာထဲက ကောင်မလေးကို ကျွန်တော့်ချစ်သူ မဖြစ် စိတ်ကူး၍ရေးထားခြင်းပါ။ သူ့နာမည်ကို ကျွန်တော်က ကျွန်တော့်ဖာသာ “ ထိပ်ထား ” လို့ ခေါ်ထားတယ်။ သို့သော် ကျွန်တော့်မှာ နှစ်ဦးသဘောတူ ချစ်သူ မရှိသေးပါ။ ထိပ်ထားကတော့ ကျွန်တော့်စိတ်ကူးထဲက ချစ်သူပေါ့။

အဲ တစ်ခုတော့ ရှိတယ်။ လွန်ခဲ့တဲ့ ၃ နှစ်လောက်ကတော့ ကောင်မလေးတစ်ယောက်ကို တကယ်ချစ်လို့ ချစ်ရေးဆိုခဲ့ဖူးတယ်။ ဘာမှလည်း သေချာ မစဉ်းစားမိလေတော့ ကောင်မလေးကို ချစ်ရေးဆိုရင် ကောင်မလေးတွေက ငြင်းတတ်ကြတယ်လို့ ကြားဖူးလေတော့ ကိုယ်လည်း ချစ်ရေးဆိုပြီးရော သူပြန်ပြောတာကို သေချာ နားမထောင်တော့ဘူး။ သူ့စကားကို ပိတ်ပြောပြီး ....

“ နင့် ငါ့ကို ဘာမှ မပြောနဲ့တော့။ နင် စဉ်းစားပါ။ နောက်ထပ် တစ်ပတ်ကြာရင် ငါ့ကို အဖြေပေး။ ”

လို့ပြောခဲ့ပြီး လှည့်ထွက်လာခဲ့တယ်။ ကောင်မလေးကတော့ တစ်ခုခု ပြောချင်နေတဲ့ ပုံ။ ကျွန်တော် အနိုင်နဲ့ ပိုင်းခဲ့တာပေါ့လေ။ ဒါပေမဲ့ ကျွန်တော် မှားသွားတယ်။ ကောင်မလေးက ကျွန်တော် ချစ်ရေးဆိုပြီး နောက်နေ့က စလို့ ဘယ်ကိုမှန်း မသိအောင် အိမ်ပြောင်းသွားတယ်။ သူက ကျွန်တော့်ကို ဒါပြောချင်နေတာ ထင်တယ်။ သွားရော။

ဒီလိုနဲ့ ကျွန်တော် နဲ့ အချစ်ဆိုတာ ဖာသိဖာသာ နေလာခဲ့ကြတာပါ။ နောက်တော့ စိတ်ကူးပေါက်ပြီး ဒီကဗျာကို ရေးမိခဲ့တယ်။ ဒီကဗျာကို ဖတ်ရတဲ့ သူငယ်ချင်းတွေ အားလုံးကလည်း အရမ်းကောင်းတယ်လို့ ပြောကြတယ်။ ကျွန်တော်လည်း ဝမ်းသာတယ်ဗျာ။ ဒီကဗျာလေး ရေးပြီး သိပ်မကြာဘူး။ ကျွန်တော့် ချစ်သူ ကောင်မလေးနဲ့ ပြန်တွေ့လိုက်ရတာပါပဲ။ ဒီတော့ အရင်ဇာတ်လမ်းပြန်ဆက်ပြီး ကျွန်တော် အဖြေပြန်တောင်းတာပေါ့။

ဒီအချိန်မှာ သူငယ်ချင်းတစ်ယောက် ကောင်းမှုနဲ့ သူက ကျွန်တော်ရေးထားတဲ့ ကဗျာလေးကို ဖတ်မိသွားပါလေရော။ ဒီမှာ ဒီကောင်မလေးက ဘယ်ရောက်သွားပြီလဲလို့ မေးတယ်။ ကျွန်တော်ကလည်း ဒါဟာ အပြင်မှာ တကယ်မရှိတဲ့ အကြောင်း ၊ ကျွန်တော် စိတ်ကူးထဲက ချစ်သူသာ ဖြစ်ကြောင်း ပြောတာပေါ့ဗျာ။

ဒါပေမဲ့ ထင်သလို အဆင်မပြေဘူးဗျာ။ သူက ပြောတယ် သူ့ဆီက အဖြေကို လိုချင်ရင် ဒီကဗျာကို မီးရှို့ပစ်ရမယ်တဲ့။ တကယ်တော့ ကဗျာထဲက “ ထိပ်ထား ” က ကျွန်တော့် စိတ်ကူး ချစ်သူ တစ်ယောက်ပါ။ သူကတော့ ကျွန်တော့်အပြင်က ချစ်သူ သူဒီလို မလုပ်သင့်ပါ။

နောက်ဆုံးမှာတော့ ကြေကွဲမှုက ကျွန်တော့်ဆီ စောစီးစွာ ရောက်လာခဲ့ပါတယ်။ သူက လကွယ်ညတစ်ညမှာ မီးပုံလေး ဖိုထားတဲ့ ကျွန်တော့်ဆီကို ဖဲကြိုးလေးတပ်ထားတဲ့ ဂစ်တာတစ်လက်နဲ့ ရောက်လာပြီး သူ့ဆီက အချစ်ကို လိုချင်ရင် ကျွန်တော့်ကဗျာထဲက ကောင်မလေးကိုရော ၊ ကဗျာကိုရော မေ့ပစ်ရမယ် ဆိုပြီး ကျွန်တော့်ကဗျာလေးကို မီးပုံထဲ လွှတ်ချလိုက်ပါတယ်။

သူ့လက်ထဲက ကဗျာစာရွက်လေး လွတ်သွားပြီး လေပေါ်မှာ ဝဲနေတဲ့ အချိန်ဟာ ကျွန်တော့်နှလုံးသားလည်း တန်းလန်းပါသွားသလိုပါပဲ။ ကျွန်တော်မနေနိုင်ခဲ့ပါ။ မီးပုံထဲ ကျွန်တော့်ကဗျာလေး ရောက်မသွားခင်မှာ လှမ်းပြီး ဖမ်းလိုက်ပါတယ်။ သူကတော့ ပြောပါတယ်...

“ ဒါ အဖြေပဲနော်..။ ပြီးသွားပါပြီ...။ ”

တဲ့။

အဲဒီညက ကျွန်တော် မအိပ်ဖြစ်ပါ။ စိတ်ကူးထဲက ချစ်သူကြောင့် အပြင်က ချစ်သူက ကျွန်တော်နဲ့ ဝေးသွားခဲ့ရပြီ။ ကျွန်တော်တစ်ညလုံး ဂစ်တာတစ်နဲ့ တစ်ညလုံး သီချင်းထိုင်ဆိုရင်း မနက်မိုးလင်းသွားခဲ့တယ်။ မိုးလင်းမှတော့ မထူးဘူး ဆိုပြီး စိတ်လေးပြောင်းအောင် လမ်းလျှောက်မယ် ဆိုပြီး ထလာခဲ့တယ်။ ဟိုဟိုဒီဒီ ခဏ လမ်းလျှောက်ပြီးတော့ ကျွန်တော့်ဆီကို ဖုန်းဝင်လာတယ်။ ဖုန်းကို ကြည့်လိုက်တော့ ကျော်ဇေယျ ဆက်တာ။ ကျွန်တော်ကိုင်လိုက်တော့...

“ ကိုဇော်...လား။ ”

“ အေးပေါ့ကွ။ ငါ့ဖုန်းဆက်ပြီး ငါလား ဆိုတော့ ..မင်းက. . . ”

“ အေးပါကွ။ ဒါထားပါဦး။ မင်းကို တိုင်ပင်စရာ တစ်ခု ရှိတယ်။ ”


“ အေး ..ပြောလေကွာ။ ”

“ ငါ စိတ်ညစ်နေတယ်ကွာ။ ငါ့အိမ်က ငါ့ကောင်မလေးကို သဘောမတူ ဘူးတဲ့။ ”


“ ဟေ ..ဘာဖြစ်လို့တဲ့လဲ။ ”

“ ဟုတ်တယ်ကွာ။ ငါလည်း သူတို့နဲ့ တွေ့ရအောင် အိမ်ကိုခေါ်ပြီး မိတ်ဆက်ပေး လိုက်တာ ဒါကို သူတို့က ပြောတယ်။ ငါ့ကောင်မလေးက ရုပ်ရင့်တယ်တဲ့။ ”

“ ဟာ..ဒါကောင်းတာပေါ့ကွ။ ရုပ်ရင့်တယ် လို့ ပြောတာက အသက်ငယ်တယ်လို့ ပြောတာနဲ့ အတူတူပဲလေ။ မဟုတ်ဘူးလား။ ”

“ အဲ. . . ”

ဟိုဘက်ကနေ ကျော်ဇေယျ ခဏငြိမ်သွားတယ်။ နောက်မှ ဝမ်းသာသံကြီးနဲ့....


“ အေး..ဟုတ်တာပဲကွ။ ငါ အခုမှ တွေးမိသွားတယ်။ ဒါပေမဲ့ နောက်ပြီး ငါ့အိမ်က ငါ့ကောင်မလေး အဖေက မုတ်ဆိတ်မွှေးတွေထားတာကိုလည်း ကြည့်မရဘူး ဖြစ်နေတယ်။ အဲဒါ....................။ ”

“ ဟ...အဲဒါ ကောင်းတာပေါ့ကွ။ ဒီလို ဆောင်းနံနက်ခင်းမှာ မင်းယောက္ခကြီးနဲ့ အတူတူ လမ်းလျှောက်ထွက်ရင် ပျော်စရာကြီး နေမှာပဲ။ ”

“ အမ်.။ ဘာလို့လဲကွ။ ”

“ ဟုတ်တယ်လေကွ။ ဆောင်းမနက်စောစောမှာ မင်းယောက္ခမကြီး မုတ်ဆိတ်မွှေးမှာ လာကပ်နေမဲ့ နှင်းမှုန်တွေကို ငါ တွေးပြီး ကိုင်ကြည့်တာနဲ့တင် ပျော်စရာ ကောင်းနေပြီ။ တကယ်သာ ကိုင်ရမယ်ဆိုရင် ပိုတောင်မှ ပျော်စရာကောင်းဦးမယ်။ ”
“ အေးကွာ။ မင်းပြောလိုက်တော့လည်း ဟုတ်နေတာပဲ။ ငါ စိတ်ဓါတ်တွေ တတ်သွားပြီကွာ။ ”

“ တတ်နေရင်လည်း သူတို့ သဘောမတူလည်း
ရအောင်သာ ခိုးပြေးတော့ကွာ။ ”

“ အေးအေး..သူငယ်ချင်း။ ငါ သူ့ဆီသွားလိုက်ဦးမယ်။ ကျေးဇူးတင်တယ်ကွာ။ မင်းနဲ့ စကားပြောရတာ တကယ်ကို စိတ်ဓါတ်တွေ တတ်လာပြီ။ တာ့တာကွာ။ ”

ဒီလိုနဲ့ ကျော်ဇေယျ ဖုန်းချသွားပါတယ်။ သူ့ကိစ္စတွေသာ ပြောသွားတာပါ။ ကျွန်တော် ဘယ်လိုနေတယ် ၊ ဘာတွေ ဖြစ်နေတယ် ဆိုတာ တစ်ချက်မှကို မေးသွားတာ မဟုတ်ပါ။ ကျွန်တော်ကလည်း ကျွန်တော် ဘယ်လိုပဲ ဖြစ်ဖြစ်နေနေ သူငယ်ချင်းတွေကို ပျော်ရွှင်စေချင်တစ်ယောက်ပါ။ ဒါကြောင့် ကျွန်တော် အသည်းကွဲနေတဲ့ အချိန်မှာတောင်မှ သူငယ်ချင်းတွေကို ပျော်ရွှင်မှုတွေကိုပဲ ပေးချင်ခဲ့တဲ့ သူပါ။

ဒီအဖြစ်အပျက်လေးဟာ ကျွန်တော်နဲ့ တော်တော် တူတယ်လို့လည်း ခံစားမိပါတယ်။ ကျွန်တော် ဘယ်လောက်ပဲ စိတ်တွေ ညစ်နေပါစေ။ Online က သူငယ်ချင်းတွေ အပါအဝင် ၊ သူငယ်ချင်း အားလုံးကို ကျွန်တော် ပျော်စေချင်သူပါ။ ဒါကြောင့် ကျွန်တော် မေးလ်နဲ့ ပို့တဲ့ စာလေးတွေမှာ အမြဲပါတတ်ပါတယ်။

“။..................ဘယ်လိုပဲ ဖြစ်ဖြစ် ပျော်ရွှင်ပါစေ သူငယ်ချင်း...............။ ”




မီးတောက်ရစ်သမ်


(၁)

အခုလို…

လှပအေးစက်နေတဲ့ ညမှာပဲ

ငါ….ပျိုးထားတဲ့ မြနှင်းဆီဟာ

ကြယ်တစ်ရာ ခြံရံပြီး ကြွေကျသွားခဲ့တယ်။


တိမ်လွှာမျဉ်းကောက်တွေကလည်း

ချစ်သူတစ်ယောက်ရဲ့ မီးအိပ်မက်မှာ

ရွှေမျက်ရည်တွေ စိုလက်လာပြီလို့

မှိုင်းညို့နေတဲ့ ကောင်းကင်ကြီးကို

တီးတိုးပြောလိုက်ကြတယ်။


‘ချစ်ခြင်းမေတ္တာ’…..ဟာ

မှော်ဆရာတစ်ယောက်ရဲ့နိဂုံးလို

နောက်ဆုံးမှာ…

မီးခိုးလုံးများဖြစ်သွားရော့မလား….လို့

နှုတ်ခမ်းကိုက်ပြီး ငါစဉ်းစားဖူးတယ်။


လူငယ်တစ်ယောက်ကိုပြုစားဖို့

နင့်လက်တွေဖြန့်ကာတောင်းခံခဲ့သလား…..

ငါ့ရာဇ၀င် ခပ်ကျဲကျဲကို

ငရဲမီးထဲ တွန်းချလိုက်ချင်တယ်..။


သံယောဇဉ် ဆိုတာ

အရောဝင်လို့မကောင်းတဲ့ခွေးကလေးပါပဲ…..။


လောကဓံဦးတုန်းက

အလွန်အကြူးသောက်ခဲ့တဲ့ အရက်တစ်ခွက်

ခုမှ စံပယ်ရွက်ပေါ်မူးလဲ

အသည်းကွဲတယ် ဆိုတာ

သီချင်းလေးတွေ တိုးတိုးညည်းရင်းက

ထိရှခဲ့တဲ့ သွေးမဲ့ဒဏ်ရာတစ်ချက်ပါ..။


သိုးကျောင်းသားရဲ့ ခံနိုင်ရည်နဲ့

နတ်ဘီလူးတွေရဲ့ သတိရခြင်းမျိုးက

ငါ့ကို စီးမိုးထားတယ်။


စက်ရုပ်ကိုဒူးထောက်ကျစေတဲ့

နင့်ရဲ့ မျက်ဝန်းစိမ်းလဲ့မှာ

ငါ ဘယ်လိုမှမေ့မရတဲ့

မဟာလင်္ကာ တစ်ပိုင်းတစ်စ ရှိနေလေရဲ့။


အဲဒီလိုနဲ့ပဲ

ငါပြန်လည် ချည်နှောင်ခဲ့ပါမယ်

ချစ်သောဖဲကြိုးဝါကလေးရယ်..။


(လက်နက်မပါဘဲ စစ်ဝင်္ကပါမှာ ငါ….မတိုက်ရဲဘူး)

ညံ့တယ်လို့ဘဲ

လက်ညှိုးထိုးပြီးပြောလိုက်ပါတော့။


(၂)

အရှေ့လေတွေတိုက်တုန်းက

ခါးကုန်းနေတဲ့ ငါတို့ရဲ့ မြရာပင်အိုကြီးဟာ

တုန်ယင်ချည့်နဲ့စွာ ယိမ်းထိုးနေတော့တယ်။

ကျောင်းတော်ရဲ့စည်းအပြင်

နှောင်းရ်ိပ်တွေ တစ်လွင်လွင်နဲ့

ထင်ယောင်ထင်မှား

လမ်းပေါ်မှာ ငါစဉ်းစားတာ

နင့်အကြောင်းခေါင်းစဉ်များစွာပါပဲ။


ထိပ်ထားရယ်….

အီဂျစ် ပြက္ခဒိန်ထဲက

မိုးတိမ်တွေရွာမယ့်နေ့

နင်နဲ့ငါပြန်လည်ဆုံတွေ့ကြရင်

ဒီအကြောင်းတွေ ပြောပြချင်ပါသေးတယ်..။


ငါကဆပ်ပြာပူဖောင်းကို ခိုစီးပြီး

မြင့်မိုရ်တောင်ကြီးနဲ့ တိုက်မိမှာ

စိုးရိမ်ရှာသူ မဟုတ်ခဲ့..

ဒါပေမဲ့

လေပွေလမ်းကြောင်းများမှ

တုန်ဝါးဖျော့အေး

‘သစ္စာ’ ကိုပဲ့တင်သံနဲ့ပဲပြန်ပေးနိုင်ခဲ့သူ..။


ငါ့ကိုသတ်…ငါ့ရင်ဘတ်ကိုထိုးခွဲဖောက်လှန်ကြည့်

ငါ့လက်သီးထဲမှာကျစ်ကျစ်ပါအောင်ဆုပ်ထားတဲ့

သုညတစ်လုံးပဲရှိလိမ့်မယ်…။


ဝိုင်ယာကြိုးတွေ

‘ထောင်း’ ခနဲ မီးပွင့်ပြတ်တောက်သွားပြီး

ရုတ်ချည်းမှောင်အတိကျသွားတဲ့

‘အန္ဓ’ တို့ရဲ့အိမ်အိုမှာ

တေလေပီသစွာ…ငါနေတယ်…။


တိတ်ဆိတ်…ပြာလဲ့နေတဲ့ည..

ရေတွင်းထဲ ခေါင်းငုံ့ပြီး..

‘….’ ကို ချစ်တယ်..လို့

ဘယ်ဆီဘယ်ဝယ်..ဟစ်အော်တမ်းတရတာ..

ဘာကြောင့်ပါလဲ…။


‘အုံ့ပုန်းချစ်’ သီချင်းကို

မဆိုချင်ဘဲဆိုရတာ

ရွှေရည်စိမ်ထားတဲ့ လက်ပစ်ဗုံးကို

ကိုက်မျိုရသလိုပါပဲ..လို့

အက်ကွဲနေတဲ့ မယ်ဒလင်ကြီးက

ငါ့ကိုပြောပြတယ်။


အဲဒီလိုနဲ့..

မိုးကိုဆန့်မြှောက်ထားတဲ့

မမှီနိုင်သော ကမ်းလက်တွေဟာ

ဟိုး………..တုန်းကလိုပဲ

ငါ့ဆီမှာ မြေမှုန်တွေစွန်းထင်လျက်ပါပဲလေ…


(၃)

‘လူ’ ဆိုတာ..

လင်းဝေစိမ်းမြတဲ့ ပန်းညများစွာထက်

သရဲခြောက်ရာ ညတစ်ညကို ပိုသတိရတတ်တယ်…။


ငါသေသွားခဲ့လို့ရှိရင်

ငါ့ရဲ့ သင်္ချိုင်းဂူမှာ …

ကြက်ခြေခတ်တစ်ခုကိုသာ

မှတ်တိုင်အဖြစ် စိုက်ပေးထားပါ။


တကယ်တော့..အဲဒါဟာ

ငါသိသမျှ လောကဓမ္မကို

အကြွင်းမဲ့ ဖော်ပြသွားခြင်းပဲ ဖြစ်လိမ့်မယ်။


ဟိုး..ငယ်ငယ်..ကျောင်းမပြေးတတ်ခင်တုန်းက

ခရေပွင့်ပြထားတဲ့ သင်္ချာတစ်ပုဒ်

ငါ့အပေါ်ခုန်အုပ်ပြီး

မင်နီတွေ ရဲခနဲ သုတ်သွားဖူးတယ်။


ငါ … သတ္တိကောင်းကင်မှာ….နီလွင်ထစ်ချုန်း

တစ်..နှစ်..သုံး

အနက်ရှိုင်းဆုံး ထိုးကျပစ်လိုက်တယ်။


ထူးလှတယ်တော့လည်း မဟုတ်ပါဘူးလေ….

ကြောက်မက်ဖွယ်ရာ လူတွေရဲ့

မဟာဘုတ် ဗေဒင်ထဲမှာမှ

ငါကလည်း ‘ အဓိပတိဘွား ‘ ဖြစ်ချက်ခဲ့တာကိုး….။


အိမ်အပြန်ညများစွာမှာ

ဘယ်သူမှမပြောချင်တဲ့စကားတွေပွေ့ပိုက်

ကိုယ့်ကိုယ်ကို ‘ လူမိုက် ‘ လို့ပြန်ခေါ်ခဲ့ရတယ်…

၁၉၉၃..၁၉၉၄..

ငါ့ကဗျာလေးတွေ ဆွေးမြေ့ကြေကွဲ

လမ်းဘေးအုတ်ခုံပေါ် လဲကျနေတယ်…။


နှင်းမြှားတစ်လက်ရဲ့ အဆိပ်နဲ့

နိမိတ်မကောင်းတဲ့ပုံပြင်

မမြင်ဘူးသော နေ့များ…ညများ………

ပိတောက်ပိုင်းဖျားမှာ……၀ပ်တွားစုရုံး

ငါ့ကိုချည်ထုံးခဲ့တာ…….

ခု…………အချိန်တိုင်အောင်

အလင်းစိမ်းတန်းတွေ ရစ်ဖွာလို့ကွယ်။


(၄)

မြို့ပြင်လမ်းကွေ့က

တွေ့ခဲ့ဖူးသမျှ ဂျစ်ပစီတွေလို

ဖြစ်ခဲ့သမျှကို

ရယ်ကာမောကာပြန်ပြောနိုင်တဲ့ အကျင့်လေး

သွေးအေးအေးနဲ့ ကြိုးစားမွေးနိုင်ခဲ့ပြီ။

ဘာဘဲဖြစ်ဖြစ်

ကျောက်ခေတ်၊ ကြေးခေတ်

နျူကလီးယား ကင်ဆာ၊ အနာဂတ်ခေတ်

အားလုံးအတွက်

သေချာတဲ့ ငါ့…….ကြေငြာချက်ကတော့

နင့်ကိုထာဝရချစ်နေမယ် ဆိုတာပါပဲ..။

ထိပ်ထားရယ်..

ဖြစ်နိုင်မယ်ဆိုရင်

ဂန္တ၀င် ပန်းပုရုပ်မှာ..

နန်းသုံးအက္ခရာနဲ့ ခြယ်မှုန်း

နင့်နာမည်လေး စာသုံးလုံးကို

စီရီသီကုံးပေးချင်တယ်..။


နင့်အပေါ်ထားတဲ့ ငါ့ရဲ့ချစ်ခြင်းမေတ္တာဟာ

မိုးပေါ်ကိုဦးမော့ပြီး

ဝင်းပစွာ လင်းမြတုန်ခါနေတဲ့

ရွှေဝါရောင် မီးတောက်မီးလျှံလိုပါပဲ…။


ကျောင်းရှေ့ကစံပယ်ရုံမှာ

ဗီးနပ်စ်ရဲ့ နက္ခတ်တို့ တလက်လက်ပြာဝေမှုန်သင်း

ကျောင်းခန်းတွင်းမှာ..

လမင်းကလေးသာခဲ့ဖူးတယ်..။


ချစ်သောကျောင်းသွားဖော်ရဲ့

ပန်းရုပ်လွှာကို မျှော်တွေးရင်း

ဆွေးလျညှိုးခွေ ဖြေမပြေသူလေး အတ္ထုပ္ပတ္ထိ

မြရာပင်ကြီးသိပါတယ်။


ကမ္ဘာဦးလူတို့လည်း (ဂူနံရံမှာ)

ငယ်ကျွမ်းမျက်နှာေ၀၀ါး

ပညာရှင်ကြီးများရယ်..

ပါဠိစာလုံးတွေနဲ့

ငါ့အပေါ် မဆုံးဖြတ်ပါနဲ့ဦး…။


‘ချစ်သူကိုတောင်

ချစ်တယ်လို့မပြောရဲတဲ့ကောင်..

ရာစုတစ်ထောင်မှာနေရစ်ခဲ့

ထိုသို့ဖြင့် စကားမဲ့စေသတည်း…’

မြရာပင်ကြီးရဲ့

ညည်းတွားသဲ့သဲ့ သန်းခေါင်ယံ

ငှက်ဆိုးအုပ်နဲ့အတူ

ရုတ်တရက်ထပြန်သွားတယ်..။


ချို့တဲ့သော ကျောင်းသားဘ၀

ဆန္ဒရဲ့ မပြေလည်မှု

အနီရောင်မှတ်တမ်းတစ်ခုနဲ့ ချစ်သူအတွက်ပန်သစ္စာ

သြော်…ငါ့ကိုလေ

နားလည်ပါ…နားလည်ပါ..

နားလည်စမ်းပါ..။


(၅)

အဲဒီနေ့ရက်တွေမှာ

မာရ်နတ်ရဲ့ ဘယ်ဘက်လက်က

အနက်ရောင် ကျမ်းချပ်တစ်ပိုဒ်ဟာ

ငါ့ကိုစီးနင်းတိုက်ခိုက်ဖို့

မြင်းကကြိုးတို့ကိုပြင်လို့ ‘ သ ‘ လို့နေခဲ့ပေါ့။


ဘာဘဲပြောပြော

ရွှေနဲ့စက်ဝယ်လို့မရတဲံ

နောက်ဆုံးကလူရဲ့ အတွေ့အကြုံမှာ..

သံမှုန်တွေကပ်ပါနေရဲ့

ငါ………..ဘာကိုမှ မကြောက်ခဲ့ဘူး။


ဟောဒီလောကတောက်လျှောက်

‘ ကျောက်သင်ပုန်းပေါ်က သုညနဲ့စာရင်

ဗလာစာအုပ်ပေါ်က သုညကမြတ်တယ် ‘ တဲ့

အဲဒီအော်သံကို ငါရယ်နေခဲ့တယ်..။


‘ မင်းကကော ဘာလဲ ‘ လို့

အနန္တတွေ က ၀ိုင်းမေးတော့

၁..၂..၃..၄..၅

ငါ အကုန်စဉ်းစားတယ်

၆..၇..၈..၉..၀..

တစ်ခုမှမဟုတ်ဘူး

ငါ့အတွက် ဂဏန်းမရှိဘူး..။


သွေးနဲ့ယက်တဲ့ ကတ္တီပါစလို

နီလွရှင်းတောက်

ကြောက်ခမန်းလိလိ လှပတဲ့

နှလုံးသားက ဂီတသံစဉ်

နှင်းဝိဥာဉ်မှာ တင်တဲ့ကမ္ဗည်း

လကွယ်ညရောက်တိုင်း…………..ငါ

ဂစ်တာတီးနေမယ်….။


ကျဆုံးတော့မဲ့ စစ်သူရဲအိုက

ငယ်ဘ၀က ဓါးနဲ့ချစ်သူကို

ပြင်းရှစွာ သတိရလိုက်သလိုမျိုး

နင့်ကိုငါ သတိရနေတယ်။


ထိပ်ထားရေ…

ထိပ်ထားရေ…

ထိပ်ထားရေ…

သစ်ခုတ်သမားတွေ မရှိတဲ့တိုင်းပြည်မှာ

ငါ…လယ်သမားဖြစ်ချင်တယ်

နင်….ဘုရင်မ……လာမလုပ်ရဘူးနော်။

တော်တော်ကြာ

တံစဉ်တစ်လက်ရဲ့ ကျင့်ဝတ်မှာ

သန်လျက်အတွက် ပန်းခူးပေးခွင့် မပါလို့…..

ရွာဇနပုဒ်နဲ့  မိုးရေထဲ

ငါ……..တစ်ယောက်တည်း

မျက်ရည်ဝဲနေရပါဦးမယ်…..။


ငါကလည်းခက်တယ်..

ကဗျာတစ်ပုဒ်နဲ့

နေမ၀င်အင်ပါယာ

ဘယ်ဟာယူမလဲလို့ မေးလာရင်

ဒုတိယအရာကို ငါ……….ငြင်းတယ်…။


အဲဒီလိုနဲ့ပဲ

မှောက်ထားတဲ့

ငါ့ရဲ့ ကံ့ကော်ရွက် ဖဲချပ်ကလေးတွေ

လောကကြီးကိုအမျှဝေရင်း

ကာလများစွာ……..ကြာပြီကောလေ။


(၆)

တောင်ညိုမှာပျိုတဲ့မိုးတွေ

နင့်မျက်လုံးကို တိုးသက်တဲ့အခါ

တောင်ပင်လယ်က ဗေဒါတွေဟာ

ဆောက်တည်ရာမရ ဖြစ်ကုန်ကြတယ်။


ဟေး………ငါပြောမယ်

…….အက်ဆစ်တိမ်ခိုး………တို့

မုတ်သုန်ကိုနှိုးပါ

ဒီလူဆိုးအတွက်လည်း

မိုးကြမ်းတို့တစ်စက်စက်ရွာပါ…….


‘ မထိုက်တန်သူဆိုတာ လွင့်မျောရမှာပါဘဲ ‘

ခွဲခွာခြင်းဟာ

ခရမ်းပြာကျည်ဖူကို

အဆိပ်ချိုတွေလိမ်းသုတ်

နှလုံးသားတည့်တည့်ဆီ

ချိန်ရွယ်မောင်းဖြုတ်လိုက်တယ်။


သက်ပြင်းဝေေ၀

ခရေတို့ နှင်းစက်ဖားလျား

မျက်ရည်ကိုစားတဲ့

ချောက်ချားဖွယ် စကားမဲ့ည

ငါဟာ……..ထက်ပိုင်းချိုးခံရတဲ့

တစ်ခြမ်းပဲ့ ‘ လ ‘ ပဲ ဖြစ်တယ်။


အိပ်မက်ထဲက ကမ္ဘာစစ်လို

အရိုးပြိုင်းပြိုင်း ညနေအိုက…

မြေကိုရှိခိုး..

မြူအိုးတို့ ပျောင်းအိညွတ်တွဲ

လူငယ်ဘ၀ရဲ့

ညရိပ်တို့မှုန်ေ၀၀မ်းနည်းခဲ့ရတယ်။


အခင်ဆုံးမဖြစ်ခဲ့ပေမဲ့

အခင်ဆုံးတွေအကြောင်းပြောတိုင်း

သတိရမိနေကျ သူငယ်ချင်းတစ်ယောက်ဆီ

ငါ…..မရောက်ရောက်အောင်သွားမယ်..


ပြီးတော့

ခရိုးခရိုင် လက်ဖက်ရည်ဆိုင်လေးမှာ

ကဗျာအကြောင်း စာအကြောင်းပြောရင်း

ကိုယ့်ကိုယ်ကို ပြန်လည်ဖန်ဆင်းပစ်မယ် ……….ကွယ်။


အရက်သမားက

သူတစ်ပါးကိုလွမ်းဆွတ်တာ

ရယ်စရာမဟုတ်ပါဘူး

တစ်ရံတစ်ခါရဲ့

ပြန်မလာသူတို့

သိကြဖို့ကောင်းတယ်….။


လေညင်းကလေးရေ

ငါချစ်မြတ်ရတဲ့ ကမ္ဘာရဲ့ထိပ်ထားကို

သူ့ဆံနွယ်ခက်လေးတွေ

ဖွားခနဲ လွင့်ဝဲသွားရုံ

တစ်ချက်လောက် အုံ့သည်းတိုက်ခတ်ပေးပါ…။


လေစီးထဲမှာ

ဖွာကြဲလှပနေရှာမဲ့

သူ့ရဲ့ကေသာဆံမြကို

အဝေးကနေ ရှိုက်မွှေး လွမ်းဆွတ်ပါရစေဦးနော်..။.


(၇)

အထီးကျန်တောင်ကို အုပ်စိုးဖို့

နတ်ပြည်ကရွာချတဲ့

ငါ့အတွက်……..အညတရမိုး..ရေ

နေပါစေတော့….။


အဲဒီညဟာ

တစ်ခြမ်းပဲ့ ‘ လ ‘ က

အသက်ပေးပြီး ကာကွယ်ခဲ့ရတဲ့

အလံမလဲမီ ‘ ည ‘ ဖြစ်တယ်။


မြက်ရိုင်းက..

မိုးကုပ်စက်ဝိုင်းကိုနမ်းမရသလိုမျိုး

နေနဲ့လက….

တစ်ယောက်ကိုတစ်ယောက် မပိုင်ဆိုင်ကြသလိုမျိုး

ရိုးသားစွာ ..တို့ ဝေးလိုက်ကြပါစို့။


ချစ်သူကို မြတ်နိုးရုံနဲ့

အရာရာကိုလက်ဖြန့်မိုးစောင့်ရှောက်ချင်တဲ့လူငယ်

ခု……ချွင်းချက်နဲ့ လက်နက်ချလိုက်ပါတယ်…။


တေလေဘ၀ရဲ့

ပထမဆုရအမှားတွေကို

လွယ်အိတ်ညိုထဲထည့်ပြီး

မီးအိမ်လက်ဆွဲ..

ရာဇ၀င်ထဲမှာ ခရီးဆက်ရဦးမယ်။


ထိပ်ထားရေ……….

ကချေသည်တို့ရဲ့ တေးတွေနဲ့

ငြိမ်းအေးပျော်ရွှင် ထာဝစဉ် ချမ်းမြေ့စေသား..

ကောင်းသောမိုးသောက်ချိန်၌လည်း

ငြိမ်သက်တည်ကြည်ပါစေ..

ငါ…ဆုတောင်းပေးနေမယ်..။


ပန်းခူးရင်း

သူငယ်ချင်းတွေနဲ့နေရင်း

စကားပြောရင်း

သီချင်းလေးတွေ ဆိုရင်း

မင်း…….ငါ့ကို……..မေ့သွားမှာပါ။


ခုတော့….သွားတော့နော်

ငါချစ်မြတ်ရတဲ့ နေရောင်ခြည်တွေနဲ့ မိန်းမပျိုကို

‘ ဘ၀ ‘ ဆိုတဲ့ မာယာနိုင်ငံအိုက…

စောင့်ကြိုလို့နေရော့မယ်..

သာမညလမ်းခွဲမှာ..

ဝမ်းမနည်းသလို ငါတို့နှုတ်ဆက်

မနက်ဖြန်ခါမှာ…အောင်မြင်ပါစေ

မနက်ဖြန်ခါမှာ…အောင်မြင်ပါစေ

မနက်ဖြန်ခါတိုင်းမှာ…အောင်မြင်ပါစေ……..

ထိပ်ထားရေ……………။

တာရာမင်းဝေ

ဆရာတာရာမင်းဝေ ၏ “ သိုးကျောင်းဂစ်တာ တစ်လက်၏ မှတ်တမ်း ” စာအုပ်ကို ကျောရိုးယူပြီး တင်ပြတာပါ။

အားလုံးကို ပျော်စေချင်သော
ကိုဇော်


http://zaw357.multiply.com/journal/item/762 မှာ 18.11.2009 က ရေးထားတာပါ။

.
Share/Bookmark

1 ယောက် ရဲ့ ထင်မြင်ချက်:

ညရဲ့ကောင်းကင် said...

ကဗျာက အရမ်းကို ကောင်းတယ်ဗျ ...
တကယ့်ရသကို ပေးပါတယ် ...

Related Posts Plugin for WordPress, Blogger...

ဧည့်သည်များ

သွားသွားလာလာ
hidden hit counter




free counters

6.8.2010 မှ စ ကလိသည်။

.