မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


31 December 2011

8 နှလုံးသား ပျောက်ဆုံးရာ



ကျွန်တော် အခု ရေးထားတဲ့ ဝတ္ထု နောက်ဆက်တွဲလေးကို အခုမှ ကျွန်တော့် ဘလော့ကို လာဖတ်သူတွေ အနေနဲ့ နားလည်ဖို့ ခက်ပါလိမ့်မယ်။ ပေါ့ပေါ့ပါးပါး အနေနဲ့ ဖတ်သွားမယ် ဆိုရင်တော့ ဖတ်လို့ ရပေမဲ့ ဒီ့ထက်ပိုပြီး အတွင်းကျကျ နားလည်ချင်တယ် ဆိုရင်တော့ အခု ကျွန်တော် ပေးတဲ့ လင့်လေးတွေကို အရင် ဖတ်စေချင်ပါတယ်။


ဒီပို့စ်လေးတွေကို အစဉ်အတိုင်း ဖတ်သွားလို့ ရနိုင်သလို တစ်ပုဒ်ချင်းစီ မဖတ်ချင်ဘဲ တစ်ခါတည်း ဖတ်ချင်သူတွေ အတွက် ကျွန်တော် ပို့စ် အားလုံးကို စုစည်းပြီးတော့ Ebook လေး လုပ်ပေးထားတာ ရှိပါတယ်။ ဒါကိုတော့ . . . .


ဒီပုံလေးကို နှိပ်ပြီးတော့ သွားဒေါင်းကာ ဖတ်နိုင်ပါတယ်။ ဒါစာလေးတွေကို ဖတ်ပြီးပြီ ဆိုရင်တော့ . . . .

ဟုတ်ကဲ့ . . . အခု အောက်မှာ ဆက်ရေးမှာက အဲဒါတွေရဲ့ အဆက်ပါပဲ။



နှလုံးသား ပျောက်ဆုံးရာ

" အင်း . . . ဟလို "

ရုတ်တရက် ဖုန်းမြည်သံကြောင့် အိပ်ပျော်နေရာမှ ထရင်း ဖုန်းကို လှမ်းထူးလိုက်မိ၏။

" - - - - - "

တစ်ဘက်က ဘာသံမှ မကြားသေး။ ဒါကြောင့် . . . .

" ဟလို . . . . ဟလို . . . ."

" ဟလို . . . ဟေ့ကောင်  . . . ငါကွ "

အာ . . . အိပ်ချင်မူးတူးကြောင့် ခေါင်းမကြည်ရတဲ့ အထဲ အဲဒီလို ဖုန်းထဲကနေ " ငါကွ " တို့ ၊ " ငါလေကွာ " တို့ ၊ " ငါပါဟ " တို့ ဆိုတာတွေကို အတော်ကို စိတ်လေမိသည်။ လူချင်း မြင်နေရတာမှ မဟုတ်ဘဲ။ ဘယ်လိုလုပ် မှတ်မိမလဲ။ " မောင်ခွေး " ဆို " မောင်ခွေး " ၊ " ဒေါ်ပုရစ် " ဆို " ဒေါ်ပုရစ် " ဆိုပြီး မိတ်ဆက်ပေါ့။ အခုတော့ မမြင်ရဘဲ အသံနဲ့ လာပြီးတော့ " ငါ က လာ ကွ " နေရသေး။

" ဘယ်က ငါကွလဲ။ နာမည်ပြော . . . . "

ခပ်တင်းတင်းပဲ ပြန်ပြောလိုက်မိ၏။ ဒီတော့မှ တစ်ဘက်က ဖုန်းထဲက အသံက ခပ်ဂျစ်ဂျစ် ရယ်သံနဲ့ အတူ ထွက်လာ၏။ ထိုသူကို ရင်းနှီးတယ် ဆိုပေမဲ့ ရုတ်တရက်တော့ အသံ နဲ့ လူကို မတွဲမိသေး။

" အဟဲ . . . . ကိုဒေါသကလည်း လုပ်ပြီ။ ငါပါကွ သန်းထိုက် . . သန်းထိုက် . . . မင်းရဲ့ ဆရာ . . . သန်းထိုက် "

အာ . . . ဒီကောင် လုပ်လာပြန်ပြီ။ ဘယ်ကနေ လှမ်းဆက်တာလဲ မသိ။

" သြ . . . ငါ ထင်တော့ ထင်သားပဲ။ လက်စသတ်တော့ ငါ့တပည့်လေး သန်းထိုက်ကိုး။ မင်း အခု ဘယ်ကို ရောက်နေတာလဲ ဟေ့ကောင် "

" အောင်မာ . . . မင်းတပည့်ပဲ ဖြစ်ရသေးတယ်။ ငါအခု ချီလီကကွ "

" ဘာကိစ္စလဲ ဟေ့ကောင် ၊ ငါ အိပ်နေတာ . . ."

" အေး . . ငါ ထင်တော့ ထင်သားပဲ။ ဒါပေမဲ့ ငါလည်း ပျင်းနေလို့ လှမ်းဆက်လိုက်တာ . . . "

သူပျင်းတာနဲ့များ အိပ်နေတဲ့ လူကို လှမ်းနှိုးရသတဲ့။

" မင်းပျင်းနေပေမဲ့ ငါ မပျင်းအားဘူး ဟေ့ကောင် ၊ ငါ အိပ်စက် အနားယူနေတယ်။ "

"  ဟ ဟ ဟ ဟ . . . .  မင်းစကားထဲမှာလည်းကွာ ဟေ့ကောင် ၊ ဟေ့ကောင် ဆိုတဲ့ အသုံးတွေ အရမ်းများနေပါလား။ "

" အေး . . ဒီတော့ မင်းက ဘာဖြစ်လဲ။ ဘာပြောချင်လဲ။ "

" အင်း . . . . ."

ဆိုကာ သူက ညည်းသံကို အရှည်ပြုသည်။  တွေးတွေးဆဆ ပြောတော့မယ် ဆိုသော သဘော။ မြန်မာဗီဒီယို ဇာတ်ကားတွေ ထဲကလို ဆိုရင်တော့ဖြင့် မုတ်ဆိတ်မွှေးကို လက်ဖြင့် ပွတ်သပ်နေမလား မသိနိုင်။

"  ဘာအင်းလဲ ဟေ့ကောင် . . . ."

"   အင်း မဟုတ်မှ လွဲကွာ ၊ မင်း မအိပ်ခင်မှာ တစ်ယေက်ယောက်နဲ့ အကြာကြီး စကားပြောနေခဲ့တဲ့ ပုံပဲ။ "

ဒီကောင် ရမ်းတုပ်တာပဲ ဖြစ်မှာပါ လို့ ကိုယ့်ဖာသာ အားပေးပြီး ခပ်တည်တည် ဆက်မေးလိုက်၏။

" ဘာကို ငါက တစ်ယောက်ယောက်နဲ့ စကား အကြာကြီး ပြောခဲ့ရမှာလဲ။ "

" ဟဲဟဲ . . . အခု အခု ပြန်ပြောတဲ့ ပုံစံကိုက အငြင်း ဆိုတာထက် အမေး ပုံစံ ဖြစ်နေတယ်။ "

" ဟာ . . .  မင်းကတော့ လုပ်လာပြန်ပြီ။ "

" ဟဲ ဟဲ ဟဲ ဟဲ . . . ."

ကျွန်တော့်ရဲ့ အသံကို သူက အောက်သိုးသိုး ဂျစ်တစ်တစ် ရယ်သံဖြင့် တုံ့ပြန်သည်။ ဆက်ပြောရင် ပေါ်ကုန်တော့မှာ စိုးလို့ ကျွန်တော် ဘာမှ ဆက်မပြောဘဲ ငြိမ်နေလိုက်မိသည်။

" ဘယ်လိုလဲ ငါ ပြောတာ ဟုတ်တယ် မဟုတ်လား။ "

" ဘာကိုလဲ ဘာကို ဟုတ်ရမှာလဲ။ "

" သြော် . . . မင်း မအိပ်ခင်မှာ တစ်ယောက်ယောက်နဲ့ စကား အကြာကြီး ပြောခဲ့တယ် ဆိုတာလေ။ ပြီးတော့ ငါ့ အထင်သာ မမှားခဲ့ဘူး ဆိုရင် သူနဲ့မင်း ကြည်ကြည်နူးနူးကို စကားပြောခဲ့တာပဲ ဖြစ်ရမယ်။ ပြီးတော့ . . . . "

သူက စကားကို ရပ်ထားပြီး ဖုန်းထဲကနေ အောက်ကလိ အာသော အသံဖြင့် တစ်ဟင်းဟင်း ရယ်နေလေသည်။

" ပြီးတော့ . . . ဘာဖြစ်လဲ။ "

ကျွန်တော်က မနေနိုင်စွာ မေးလိုက်မိသည်။

" ဟဲ ဟဲ ဟဲ . . .  ပြီးတော့ အဲဒီလူကလည်း မင်းရဲ့ " နှလုံးသား ရှိရာ " ဝတ္ထုထဲက ဇာတ်ကောင်ပဲ ဖြစ်ရမယ်။ "

" ဟင် . . .  "

အံ့သြမှုကို ဘယ်လိုမှ ကျွန်တော် မထိန်းသိမ်းနိုင်တော့ပါဘူး။ ကျွန်တော့်ဆီကို နွယ့် ဆီမှ မေးလ် ရောက်လာပြီး နှစ်ပတ်ကျော်မှ ကျွန်တော်နဲ့ နွယ် ပြန်စကားပြောဖြစ်ခဲ့၏။ ဒီလို စကားပြောဖြစ်ခဲ့သော နေ့ရက်မှ စကာ ရေတွက်မယ် ဆိုရင် ဒီနေ့ဟာ ငါးရက်မြောက်သော နေ့သာ ဖြစ်သည်။ ကျွန်တော်နဲ့နွယ် အဆက်အသွယ် ပြန်ရခြင်းကို ကျွန်တော်က လွဲလို့ ဘယ်သူမှ မသိနိုင်ပေ။ သိလည်း သိစရာ မလိုဘူးဟု ကျွန်တော် ခံယူမိသည်။ ကျွန်တော် သေဆုံးခဲ့တာ နှစ် အတော်ကြာခဲ့ရပြီ မဟုတ်ပါလား။

အခုတော့ ရက်ပိုင်း အတွင်းမှာကို ပင်လယ်မှာ ပျော်နေတဲ့ ကျွန်တော့် သူငယ်ချင်း သန်းထိုက်က လာသိနေပါရောလား။ ဟင့်အင်း  . . . မဖြစ်နိုင်ဘူး။ သူ ထင်ရာကို စကားနှိုက်ချင်လို့ ကျွန်တော့်ဆီက " စကားအစ် " တာပဲ ဖြစ်ရမယ်။ သို့သော် . . . သူ့လေသံက အရမ်းကို သေချာတဲ့ လေသံ. . . ။

" ဟုတ်တယ် မဟုတ်လား။ ငါ ပြောတာကို မင်း လက်ခံတယ် မဟုတ်လား။ ငြင်းရော ငြင်းချင်သေးလို့လား။ "

" မင်းက ဘာ အထောက်အထားတွေနဲ့ ငါ့ကို စွပ်စွဲချင်ရတာလဲ။ "

" ငါက အရမ်းတော့ ပြောတာ မဟုတ်ပါဘူးကွာ။ သေချာတော့လည်း မသိဘူး။ ဒါပေမဲ့ မင်းရဲ့ နှလုံး ပြတင်းပေါက်ကနေ လှစ်ဟနေတဲ့ အရာတွေ အားလုံးကို ခန့်မှန်းပြီးတော့ ပြောလိုက်တာပါကွ။ "

သူ ဒီလောက် သူများစိတ်ကို ဖတ်တတ်လိမ့်မယ်လို့ ကျွန်တော် မယုံကြည်ချင်ပေမဲ့ ပါးရည်နပ်ရည် ရှိသူ တစ်ယောက် ဆိုတာတော့ ကျောင်းတုန်းက သူ့အရည်အချင်းတွေကြောင့် ကျွန်တော့် လက်သင့်ခံရပေလိမ့်မည်။

" - - - - - - - "

"  ဟုတ်တယ် မဟုတ်လားကွ။ ဘာလို့ အသံတိတ်သွားရတာလဲ။ "

"  ဘာမှ အသံမတိတ်ပါဘူး။ မင်း ရမ်းသမ်းပြောတိုင်း ငါက ဝန်ခံရမှာလားကွ။ "

"  ဟားဟားဟား . . .  ရမ်းသမ်း ပြောတယ် . . . . ၊ ဝန်ခံတယ် . . . . ဟားဟားဟား . . . "

" ဘာလဲ ဘာကို ရယ်တာလဲကွ။ "

"  မင်း ဒီလိုတွေ ပြောလိုက်ကတည်းက မင်းမှာ ဖြစ်နေတယ်လို့ ဝန်ခံလိုက်တာပဲပေါ့။ ကိုဇော်ရာ . . .  မင်းက ဟိုးအရင်ကလည်း မလိမ်တတ်ပါဘူး။ အခုလည်း မင်း မလိမ်တတ်သေးပါဘူး။ မင်း မှတ်ထား . . လိမ်တယ် ဆိုတဲ့ လူက ဟန်ဆောင်ကောင်းရတယ်ကွ။ မင်းက ဟန်ဆောင်တတ်တဲ့ လူမှ မဟုတ်တာကွ။ မင်းပုံစံအတိုင်း ပွင့်ပွင့်လင်းလင်းသာ နေစမ်းပါ။ "

"  ဟူး . . . . "

ထိန်းချုပ်ထားရင်းကကို သူနဲ့ စကားပြောနေရင်း လေပူ တစ်ချက်ကို မှုတ်ထုတ်လိုက်မိ၏။ ကျွန်တော်လည်း ရင်ထဲမှာ ထိန်းချုပ်ထားရလို့ မွန်းကျပ်နေခဲ့တာပဲ မဟုတ်လား။

" ငါပြောတာတွေ ဟုတ်တယ် မဟုတ်လား။ "

" ဟုတ်တယ် သန်းထိုက် ၊ အမှန်ပဲ။ ငါ အခု နွယ့်ဆီက အဆက်အသွယ် ရတယ်။ ပထမတော့ သူ့ဆီက ပို့တဲ့ မေးလ်တစ်စောင်ပါပဲ။ ငါ အမှန်အတိုင်း ပြောရရင် ငါ သူ့ကို ကြောက်နေတယ် သူငယ်ချင်း။ "

" အမ် . . . ဘာကို ကြောက်ရတာလဲ။ "

" မသိဘူးကွ။ ငါ့စိတ်ထဲက ဖြစ်နေတာကို ပြောတာပါ။ ဒါကြောင့် သူပို့တဲ့ မေးလ်တွေကို ငါ ဖတ်ပြီးတော့ ဖျက်လိုက်တယ်။ Reply လည်း မပြန်ဖြစ်ဘူး။ "

" ဒီတော့  . . . . "

" ဒီလိုနဲ့ နှစ်ပတ်လောက် ကြာတယ်။ သူနဲ့ ငါနဲ့ မတွေ့ဖြစ်ဘူး။ တစ်ရက်တော့ သူနဲ့ ငါနဲ့ လိုင်းပေါ်မှာ တွေ့ဖြစ်တယ်။ အဲဒီနေ့က စပြီးတော့ သူကလည်း သူနဲ့ငါ ဒီကြားထဲမှာ ဝေးကွာနေရတဲ့ အကြောင်းတွေ အဖြစ်အပျက်တွေကို ပြန်ပြောပြတယ်။ နောက်တော့ . . . . . "

" နောက်တော့ . . . ပြန်လည် ဇာတ်ပေါင်းထုပ်တယ် ဆိုတဲ့ သဘောပေါ့လေ။ "

" - - - - - - - "

" ဟုတ်တယ် မဟုတ်လား။ "

" ဇာတ်ပေါင်းထုပ်တယ် လို့ မဆိုနိုင်ပေမဲ့ ငါတို့ အရင်က တိမ်မြှုပ်နေတဲ့ သံယောဇဉ် အဟောင်းလေးတွေကို ပြန်လည်တူးဖော်ဖြစ်ကြတယ်။ "

" ဟားဟားဟား . . . မင်းကွာ။ စာရေးဆရာဂျီးလို့ မပြောရဘူး။ စကားလုံးတွေ လာပြီး နုဖတ်နေပြန်ပါပြီ။ ပြန်လည် ပေါင်းစည်းဖို့ ၊ ဇာတ်ပေါင်းထုပ်ဖို့ ပြင်ရင် ပြင်နေကြတယ်ပေါ့ကွာ။ ငါ့ကတော့ ဒဲ့ပဲပြောတတ်တယ်နော်။ မင်းလို့ စကားလုံး လှလှလေးတွေနဲ့ ကာဗာတွေ ယူမနေဘူး။ "

" ငါကလည်း ငါ ပြောတတ်သလို ပြောတာလေကွာ။ "

" အင်း . . ထားပါတော့။ အခု မင်းတို့ နှစ်ယောက် အခြေအနေက ဘယ်လို အခြေအနေ ပြန်ရောက်နေပြီလဲ။ "

" အမှန်အတိုင်း ပြောရရင် ငါ သူ့ကို ကြောက်တယ် . . . အဲ . . ကြောက်တယ် ဆိုတာထက် လန့်တယ် ဆိုတာက ပိုများမှာပေါ့လေ။ ဘာမှ အကြောင်းပြချက် မရှိဘဲ ၊ ငါ့ကို နှစ်နဲ့ချီပြီး ထားခဲ့တယ်။ အခုတော့ လာပြီးတော့ ပြန်ဇာတ်လမ်းဆက်တယ် ဆိုတာ ဘာကြောင့်လဲ ဆိုတာ ငါလည်း သိချင်တယ်။ ပြီးတော့ သူ့ဘက်က အချစ်စစ်နဲ့ ချစ်နေခဲ့လို့ ဆိုရင်တောင်မှ ဘယ်တော့ သူ ပြန်ထားခဲ့မလဲ ဆိုတဲ့ လန့်တဲ့ စိတ်က ငါ့မှာ ပိုတယ်။ "

" ဒီတော့ . . . . "

" ဒါပဲလေ။ ဒီတော့ ဆိုပြီးတော့ ဆက်ပြောစရာ မရှိပါဘူး။ "

" မင်းက လန့်တယ်သာ ပြောတာ သူနဲ့ မပြောဘဲရော နေနိုင်လို့လား။ "

" ငါ အခု သူနဲ့ မပြောရ မနေနိုင် ဖြစ်နေတာ မဟုတ်ဘူး။ သူနဲ့လည်း နေတိုင်း မပြောဖြစ်ပါဘူး။ ပြောဖြစ်တိုင်းလည်း ဟိုးအရင်ကလို အချစ်အကြောင်းတွေချည်းပဲ ထုံသင်းနေအောင် ပြောနေတာ မဟုတ်ဘူး။ အခုနောက်ပိုင်း ပြောဖြစ်ရင်လည်း အလုပ်အကြောင်းတွေ ၊ တခြားသော လူတွေရဲ့ စိတ်တွေအကြောင်း ဒါတွေပဲ ပြောဖြစ်ကြတာ။ "

" နေ့တိုင်း ပြောဖြစ်တယ်တော့ မဟုတ်ဘူးပေါ့။ "

" ဟုတ်တယ် . . . နေ့တိုင်း မပြောဖြစ်ဘူး။ လိုင်းပေါ်မှာ တွေ့မှပဲ ပြောဖြစ်တာ။ "

"  - - - - - - - - "

"  ဒါပါပဲ . . . "

"  - - - - - - - - "

"   - - - - - - - - "

ကျွန်တော့် စကားဆုံးတော့ နှစ်ယောက်လုံး စကားလုံးတွေ ကုန်ဆုံးသွားသလို တိတ်ဆိတ်သွား၏။ တိတ်ဆိတ်ခြင်းကပဲ ကျယ်လောင်သော အသံတွေကို သယ်ဆောင်လာသလို  ကြာလာတာနှင့်အမျှ နားထဲမှာ ဆူညံလာ၏။

" ကိုဇော် . . . "

"  ဟေ . . . ဘာလဲ . . . "

"  အင်း . . . . "

"  ဘာလဲကွ . . . "

"  ငါ ပြောရင် ကောင်းမလား စဉ်းစားနေတာ . . . . "

"  ပြောလေကွာ။ ငါနဲ့မင်းနဲ့က ပြောရမလား ဆိုပြီးတော့ စကား ပလ္လင်ခံနေရမဲ့ လူတွေမှ မဟုတ်တာ။ "

" အင်း . . . "

"  ပြောစမ်းပါ . . . ဘာပြောချင်နေလို့လဲ။ "

"  ဒီလိုကွ။ မင်း " စုန်း " ဆိုတာကို ကြားဖူးလား။ "

"  အင်း . . ကြားတော့ ကြားဖူးပါတယ်။ စုန်းတောက်တယ် ၊ စုန်းပြုစားတယ် ၊ စုန်းကဝေ ဘာညာပေါ့။ "

"  ဟုတ်ပြီ။ အဲဒီလိုထဲက " ဝမ်းတွင်းစုန်း " ဆိုတာရော ကြားဖူးလား။ "

"  အေး . . .ကြားဖူးတယ်။ ဝမ်းတွင်းစုန်းကလည်း ပြုစားတတ်တယ် ဆိုလား ဘာလားပဲ။ "

"  ဟုတ်တယ် မှန်တယ်။ သူက ပြုစားတတ်ရုံတင် မကဘူး။ သူ့မှာ ထူးခြားချက်တွေ ရှိတယ်ကွ။ "

"  ဟုတ်လား . . ဘာများလဲ လုပ်စမ်းပါဦး။ မင်းက ပြောလိုက်ရင် ထူးထူးဆန်းဆန်းတွေချည်းပဲ။ "

" သိပ်တော့ ထူးခြားလှတယ် မဟုတ်ပါဘူး။ ဝမ်းတွင်းစုန်း ဆိုတဲ့ စကား အတိုင်းပဲ သူတို့က အမိရဲ့ ဝမ်းတွင်းမှာကို အလိုလို စုန်းအတတ် တတ်လာခဲ့ကြတာ။ မွေးရာပါလို့ ပြောရမှာပေါ့။ သူတို့ကို အောက်လမ်းဆရာတွေလိုနဲ့ ဘယ်သူမှ လာသင်ပေးစရာ မလိုဘူး။ သူတို့ဖာသာ လူတစ်ယောက်ကို ပြုစားလို့ ရတယ်။ သူတို့ဖာသာ ပြုစားတတ်နေတယ်။ "

"  သြ . . . "

" ဒါက မထူးဆန်းသေးဘူးကွ။ ထူးဆန်းတာက အခုမှ စတယ်။ "

" ဘာများလဲ။ "

" ဝမ်းတွင်းစုန်းတွေက သူတို့ ချစ်ရင်လည်း ပြုစားတတ်တယ် ၊ သူတို့ မုန်းရင်လည်း ပြုစားတတ်တယ် ၊ နောက်ဆုံး သူတို့ ပျော်ချင်ရင်လည်း သူများကို ပြုစားတတ်တယ်ကွ။ "

" ဒီတော့ . . . .  "

" သူတို့ရဲ့ ထူးခြားချက်ကတော့ သူတို့ဟာ သူတို့ ပြုစားထားတဲ့ လူတွေကို ဒီအတိုင်း ပြီးပြီးရော ပစ်ထားတတ်လေ့ မရှိဘူးကွ။ သူတို့ ပြုထားတဲ့ လူ ဘယ်လို နေလဲ ဆိုတာကို ပြန်ပြန် လာကြည့်လေ့ ရှိကြတယ်။ "

" ဟုတ်လား . . ဘာဖြစ်လို့လဲ။ "

" ဒါတော့ ငါလည်း သေချာ မသိဘူး။ ဒါပေမဲ့ ငါ့ အထင်တော့ သူတို့ ပြုစားထားတဲ့ လူရဲ့ အခြေအနေကို လာပြီး ပြန်အကဲခတ်တာလို့ ထင်တာပဲ။ "

" ဘာလို့ အကဲခတ်ရတာလဲ။ "

" သြော် . . ဒါကတော့ကွာ. . . ပြုစားထားပါတယ် ဆိုနေမှ . . သူတို့ ပြုစားထားခြင်း ခံရတဲ့ လူ ၊ သူတို့ ပြုစားထားသလို ဖြစ်နေရဲ့လား ဆိုပြီးတော့ ပြန်လာစစ်ဆေးတဲ့ သဘောပေါ့။ "

" ဒီလိုလား . . . "

" ဟုတ်တယ်။ ဒီလိုပဲ။ ဒါကြောင့် ငါကလည်း မင်းကို စုန်းပြုစား ခံနေရတာလားလို့ ထင်နေမိတာ. . . . "

"  ဟ . . ဘာဆိုင်လို့လဲ။ "

" ဆိုင်တာပေါ့ကွာ။ စုန်းပြုစား ခံရတဲ့ လူတွေကလည်း သူတို့ကို စုန်းပြုစားနေတယ် ဆိုတာကို သူတို့ ဖာသာ မသိကြဘူးကွ။ သူတို့ကတော့ သာမာန်လို အောက်မေ့ပြီးတော့ နေကြတယ်။ ဒါပေမဲ့ သူတို့ကို ပြုစားထားတဲ့ ဝမ်းတွင်းစုန်းကတော့ သူတို့ကို ပြုစားထားတဲ့ သူ ဆိုတော့ သိတာပေါ့လေ။ ဒီတော့ . . . "

" ဘာဖြစ်လို့လဲ . . . "

" ဒီတော့. . . ငါ ပြုစားထားတဲ့သူ ဘယ်လိုနေလဲ ဆိုပြီးတော့ ပြန်လာလာပြီးတော့ ကြည့်လေ့ ရှိတယ်လေ။ အခု မင်းလည်း ဒီလို ဖြစ်နေပြီ။ မင်းကို ပြုစားထားတဲ့ လူက မင်းကို ဘယ်လို နေလဲ ဆိုပြီးတော့ လာပြန်ကြည့်တဲ့ အချိန်လေးကို မင်းက သာယာနေတယ် မဟုတ်လား။ သူက မင်းကို ချစ်ချင်တဲ့ အချိန်မှာ ချစ် ၊ ပစ်ချင်တဲ့ အချိန်မှာ ပစ် ၊ နောက်ပြီးမှ ငါ ပြုစားထားတဲ့ သူ ဘယ်လိုနေလဲ ဆိုပြီးတော့ မသေမရှင် အချိန်လေးမှာ လာပြီးတော့ ကစားနေတာကို မင်းက အဟုတ်မှတ်နေလား။ "

" - - - - - - - - - "

" လောကမှာ အချစ်ဆိုတာက ထူးဆန်းပါတယ်ကွာ။ အတင်းအကျပ် လုပ်ယူလို့ မရသလို ဇွတ်ကြီးလည်း ဖျက်ဆီးလို့ ရတာ မဟုတ်ဘူး။ အခု မင်းကိုမင်း သေချာ ပြန်မေးကြည့်စမ်းပါဦး။ မင်း သူ့ကိုရော စိတ်ရှင်းရှင်းနဲ့ အရင်လို ချစ်နေတာ ဟုတ်ရဲ့လားလို့ . . ."

" - - - - - - - - "

" ဖြေလေကွာ။ "

" အမှန်အတိုင်း ဖြေရရင်တော့ ဟုတ်တယ် သန်းထိုက်။ ငါ့ရဲ့ စိတ်ထဲမှာလည်း သူနဲ့ ပတ်သတ်ပြီးတော့ အချစ်ဆိုတာ မရှိတော့ပါဘူး။ သူ့ကို ချစ်တဲ့ စိတ်ထက် ထိတ်လန့်မှု ဆိုတဲ့ စိုးရိမ်စိတ်က ပိုများနေပြီ။ သူက မင်း ပြောသလိုပဲ ချစ်ချင်တဲ့ အချိန်မှာ ချစ် ၊ ပစ်ချင်တဲ့ အချိန်မှာ ငါ့ကို ပစ်ထားခဲ့တာပဲလေ။ ဒါပေမဲ့ ဒီလို အခြေအနေကို ဘာလဲ ဆိုတာ ငါ မသိခဲ့ဘူး။ အခု မင်းပြောတော့မှ ငါက " စုန်းပြုစား ခံနေရသူ " ဆိုတာ သိတော့တယ်။ "

" - - - - - - - "

" ပြီးတော့ သူ ငါ့ကို လာလာ စကားပြောတယ် ဆိုတာကလည်း သူ ပြုစားထားတဲ့ လူတစ်ယောက် ဘယ်လိုနေလဲ။ သေလုမျောပါး ဖြစ်နေလား ၊ ငါ့အပေါ် ဘယ်လို ခံစားချက် ရှိနေသေးလဲ ဆိုတာကို လာလာ စစ်နေတယ် ဆိုတာကို ငါ သဘောပေါက်တော့တယ်။ "

" - - - - - - - - "

" ဟ ဟ ဟ ဟ . . . . လောကကြီးက တော်တော် ရယ်ဖို့ ကောင်းတာပဲ။ ငါလည်း ငါ့စိတ်ထဲမှာ တစ်ခုခုကို မှားနေသလိုလို ၊ တစ်ခုခုကို လွဲနေသလိုလို ထင်နေမိတာပဲကွ။ အခုမှ ငါက စုန်းကိုက်ခံနေရတဲ့ လူဆိုတာ သိတော့တယ်။ ပြီးတော့ စုန်း အစာချက်ခံနေရတဲ့ လူတစ်ယောက် ဖြစ်မှန်း မသိ ဖြစ်နေတော့တာပါလား။ "

" - - - - - - - - "

" အိုကေ သူငယ်ချင်း။ ကျေးဇူးတင်တယ် သန်းထိုက်။ မင်းက ငါ့အတွက်တော့ လမ်းပြပေးနိုင်သူ တစ်ယောက်ပါပဲ။ မင်းပေးတဲ့  ဥပမာလေးတွေကလည်း အရမ်းကောင်းပါတယ်။ စိတ်ချ. . . ငါ အရင်က မသိခဲ့လို့ စုန်းကိုက်ခံရတဲ့ လူတစ်ယောက် ဖြစ်ချင် ဖြစ်ခဲ့လိမ့်မယ်။ ဒါပေမဲ့ အခု အချိန်က စပြီး ငါ စုန်းကိုက်ခံရတဲ့ လူတစ်ယောက် မဖြစ်စေရတော့ဘူး။ "

" - - - - - - - "

" ငါ ဒီနေ့ ဒီအချိန်က စပြီးတော့ ကတိပေးတယ် သန်းထိုက်။ ငါ့ဘဝမှာ ၊ ငါ့ဘလော့ပေါ်မှာ ၊ ငါနဲ့ ပတ်သတ်သမျှ နေရာအားလုံးမှာ နွယ် ဆိုတာ မရှိစေရတော့ဘူး သူငယ်ချင်း။ ငါ့မှာ သူနဲ့ ပတ်သတ်ပြီးတော့ သူ့အတွက် ဆိုပြီး သိမ်းထားတဲ့ External Hard Disk တစ်လုံးပဲ ရှိတယ် သူငယ်ချင်း။ အဲဒီအထဲမှာ သူ့အတွက် ဆိုပြီး ကဗျာလေး တစ်ပုဒ် နဲ့ သီချင်းလေး တစ်ပုဒ် ရှိတယ် သူငယ်ချင်း။ အခုတော့ ဒီကဗျာနဲ့သီချင်းက ငါ့အတွက် စုန်း အစာ ဖြစ်နေမယ် ထင်တယ်။ "

" - - - - - - -  "

"  ငါ့ဘဝမှာ စုန်းကိုက်ခံရတာ ၊ စုန်းလာခြောက်လှန့်ခံရတာမျိုး ဘယ်တော့မှ မရှိစေရတော့ဘူး။ "

" - - - - - - - "



ကျွန်တော့်မှာ ချစ်သူ တစ်ယောက် ရှိသည်။

( ခွင့်လွှတ်ပါ . . . အမှား ပြင်ပါရစေ။ )

ကျွန်တော့််မှာ ချစ်သူ တစ်ယောက် ရှိခဲ့ဖူးပါသည်။ ကျွန်တော့်မှာ သူနဲ့ ပတ်သတ်သော ဓါတ်ပုံများ ၊ စာများ ၊ ဗီဒီယိုများကို သိမ်းထားသော External Hard Disk လေး တစ်လုံး ရှိခဲ့ဖူးပါသည်။ ထို External Hard Disk လေးသည် သူနဲ့ ပတ်သတ်သော အကြောင်းအရာများကို စုထားခြင်းကြောင့် ကျွန်တော်၏ နှလုံးသားကို တည်ထားရာ နေရာလေးလို့ သတ်မှတ်ကာ " နှလုံးသား ရှိရာ " ဟု ကျွန်တော် အမည် သတ်မှတ်ခဲ့ပါသည်။

သို့သော် သိပ်မကြာခင်မှာ ခင်မင်ရသော သူငယ်ချင်းရဲ့ အကြံပေးမှုကြောင့် ကျွန်တော် နှလုံးသား ရှိရာ ထဲမှာ ရှိနေသော ဓါတ်ပုံများ ၊ စာများ ၊ ဗီဒီယိုများ နှင့် အကြောင်းအရာများကို ကျွန်တော် လုံးဝ ဖျက်လိုက်ပါ၏။ ထိုအထဲမှာ ကမ္ဘာမြေရဲ့ တစ်နေရာမှ ချစ်သူကို ရည်ရွယ်၍ ကျွန်တော် ရေးထားတာသော ကဗျာလေး တစ်ပုဒ် နဲ့ သူ့အတွက် ရည်ရွယ်ထားသော သီချင်းလေး တစ်ပုဒ်ကိုသာ ထည့်ထားပါသည်။ ကျွန်တော့်ရဲ့ ရည်ရွယ်ချက်ကတော့ သူနဲ့ ပြန်လည် ဆုံစည်းတဲ့ အခါမှာ ဒီ External Hard Disk လေးကို ပေးမယ် လို့ ရည်ရွယ်ထားခဲ့တာပါ။

အခုတော့ . . . .



ကျွန်တော် နေသော အခန်းက လေးထပ်မှာ ဖြစ်၏။ ဒီထက်လည်း မမြင့်တော့ပါ။ သို့သော် ကျွန်တော့် သူငယ်ချင်းတွေ နေသော အခန်းကတော့ ကိုးထပ်မှာ ဖြစ်သည်။ ဒါ့အပြင် သူတို့ရဲ့ ကွန်ဒိုတိုက်ဟာ ၁၈ ထပ် မြင့်ပါသည်။ ထိုတိုက် ၁၈ ထပ်ပေါ်မှ လှမ်းမျှော်ကြည့်ရင် နီးကပ်နေသော ရေနုတ်မြောင်းကြီးကို မြင်နိုင်ပါသည်။ တစ်ခါတလေ မိုးများကာ ရေစီးသန်သော အခါ ထိုမြောင်းကြီးသည် ငရဲအော်သံလို ဆူညံကာ ရေစီးသန်နေလေ့ ရှိသည်။

ထိုအချိန်မှာ သာမာန် လှေငယ်ဖြင့်ပင် ထိုမြောင်းကြီးထဲ လှော်ခတ်သွားဖို့ ဘယ်လိုမှ မဖြစ်နိုင်ပေ။ ရေရဲ့ စီးအားက အလွန်ပင် ကြောက်မက်ဖွယ်ရာ ကောင်းနေလေ့ ရှိသည်။



အခု ကျွန်တော် ရပ်နေသော နေရာသည် ကျွန်တော့် သူငယ်ချင်း နေထိုင်ရာ တိုက်ခန်းရဲ့ အပေါ်ဆုံးထပ် ဖြစ်သော ၁၈ ထပ်ကို ရောက်နေခဲ့တာ ဖြစ်၏။ ကောင်းကင်မှာ တိမ်တွေက မည်းမှောင်ကာ လျှပ်စီးများပင် တလက်လက် ထနေခဲ့သည်။ အသံနဲ့အတူ အားပြိုင်ကာ သွန်ချသလို ရွာသွန်းနေသော မိုးရေတွေကလည်း အင်အားပြင်းထန်လွန်းလှသည်။

မိုးအားကောင်း၍ ရေများရင် ပြည့်လျှံနေလေ့ ရှိသော ရေမြောင်းကြီးသည် တဟဲဟဲ အော်မြည်ကာ မိုးရေများကို မြောင်းရေများ အဖြစ် အသွင်ပြောင်း၍ စီးဆင်းနေလေသည်။ ထိုမြောင်းထဲမှ ရေများပေါ်တွင် တစ်ခါတလေ မျောပါလာတတ်သော ဖော့ဗူးခွံများသည် ခဏတာသာ မြင်ရလိုက်လေ့ ရှိသည်။ ချက်ချင်းဆိုသလိုပဲ ရေစီးအားကြောင့် မြှုပ်သွားလေ့ ရှိသည်။



ကျွန်တော့် လက်ထဲမှာ " နှလုံးသား ရှိရာ " လို့ ကျွန်တော် နာမည် တပ်ထားသော External Hard Disk လေး ရှိနေသည်။ မိုးကောင်းကင်မှာ မိုးက မည်းမှောင်ကာ လျှပ်စီးများ ဝင်းလက်တောက်ပနေ၏။ မြေပြင်ကို ကောင်းကင်မှ ကျလာသော မိုးစက်တွေက ဝရုန်းသုန်းကား နိုင်လှပေသည်။ မြေပြင်သို့ ကျလာသော မိုးစက်တွေ စုစည်းက ရေစီးကြောင်းကြီး အဖြစ် ရေနုတ်မြောင်းကြီး ဆီသို့ စီးဆင်းနေလေသည်။ မိုးရေအား ကောင်းသောကြောင့် ရေနုတ်မြောင်းကြီးထဲမှာ ရေစီးအားကလည်း အလွန် အားကောင်းလှ၏။

ရုတ်တရက် ကျွန်တော့်လက် မြောက်တတ်သွားသည်။  ကျွန်တော့် ဘေးနားမှာ ဘယ်သူမှ မရှိချေ။ ဒါကြောင့် ကျွန်တော် ဘာလုပ်လိုက်တယ် ဆိုတာ ကျွန်တော်က လွဲလို့ မည်သူမှလဲ သိစရာ မလိုအပ်ပါ။ ဒါပေမဲ့ ပြုမူလိုက်သော ကျွန်တော့် လုပ်ရပ်ကိုတော့ ကျွန်တော်သာလျှင် အသိဆုံး ဖြစ်ပေလိမ့်မည်။

ကောင်းကင်က မိုးရေကလည်း အားသွန်လျက် ရွာသွန်းနေဆဲ ၊ မိုးရေတွေကလည်း အားကောင်းစွာ မြေပြင်ပေါ်သို့ ကျနေဆဲ ၊ ရေစီးအားကလည်း ရေနုတ်မြောင်းထဲမှာ အားပြင်းစွာ စီးဆင်းနေဆဲ ၊ ကျွန်တော့် လက်ထဲကနေ လွှင့်ပစ်လိုက်သော External Hard Disk လေးက ရေပေါ်ကို ပေါ်နေနိုင်သော အစွမ်းသတ္တိ မရှိပါ။ ဒါကြောင့် ရေ အားကောင်းကောင်းနဲ့ စီးဆင်းနေသော ရေနုတ်မြောင်းထဲသို့ အရောက်မှာ ချက်ချင်း ဆိုသလိုပင် ရေအောက်ထဲသို့ ရောက်သွားပါလိမ့်မည် ဟု ကျွန်တော် ယုံကြည်မိပါသည်။



တစ်နေ့နေ့ တစ်ချိန်ချိန်မှာ ကျွန်တော် ဘလော့မှာသော်လည်းကောင်း ၊ ကျွန်တော့် ပတ်ဝန်းကျင်မှာသော် လည်းကောင်း ၊ တစ်နေရာရာမှာသော် လည်းကောင်း " နွယ် " နှင့် ပတ်သတ်သော အကြောင်းအရာ တစ်ခုခုကို ရေးဖြစ်ခဲ့ပါက " ကိုဇော် . . . ဝမ်းတွင်းစုန်းတွေမှာ ထူးခြားချက် တစ်ခုရှိတယ်။ " ဟု ဆိုကာ ကျွန်တော့်ကို ပြင်းပြင်းထန်ထန် သတိပေးစေလိုပါသည်။

မည်သို့ပင် ဖြစ်စေ ကျွန်တော် . . . ကျွန်တော့် စာဖတ်သူ အားလုံးကို ကျေးဇူးတင်ပါသည်။



ဒီပို့စ်ကိုသာ ဖတ်ဖူးပြီး အရင်က ပို့စ်တွေကို မဖတ်ဖူးသေးသော သူများ အတွက် ဒီနေရာလေးကို နှိပ်ပြီး အရင် ဒေါင်းကာ ဖတ်စေချင်ပါတယ်။




လေးစားစွာဖြင့်
ကိုဇော်
31-Dec-2011
11:28 PM


Share/Bookmark

25 December 2011

17 ၃ - ၂ (သို့) မယ်ရီ ခရစ္စမတ်



သြော် . . . ဘာလိုလိုနဲ့ ကြမ်းပေါက်ကျွံလို့ အောက်ထပ်ကို ခြေချဖူးသလို ဘလော့လောကထဲကို မထင်မှတ်ဘဲ ရောက်ခဲ့တာပါ။ စိတ်ထဲမှာ ထက်ထက်သန်သန် ဖြစ်လာတဲ့ နေ့မှာ ချက်ချင်း ထပြီးတော့ ဘလော့ ရေးမကွ ဆိုပြီး ဘလော့ ထလုပ်ပြီး ရေးဖြစ်သွားတာပါ။ 

အဲဒီ့ နေ့က ဘာနေ့တွေ ဘာညာတောင်မှ သတိမထားခဲ့မိပါဘူး။ ဒီလိုနဲ့ ထူးခြားတိုက်ဆိုင်စွာ 25-Dec ဖြစ်ပြီးတော့ ခရစ္စမတ်နေ့နဲ့ လာရောက် တိုက်နေခဲ့တာပါပဲ။ ဒါနဲ့ပဲ ကျွန်တော် ဘလော့လေးဟာ ခရစ္စမတ်နေ့မှာ စလုပ်ခဲ့တယ်လို့ ပြောလို့ ရသလို ခရစ္စမတ်နေ့တိုင်းလည်း နှစ်ပတ်လည်နေ့ ဖြစ်နေဦးမှာပါပဲ။

ဒီနေ့ 25-Dec-2011 ဆိုရင် ကျွန်တော့် ဘလော့လေးက စိတ်ကူးပေါက်ရာတွေကို ချရေးရင်း ၃ နှစ်တောင်မှ တိုင်ခဲ့ပါရောလား။ ဘယ်လိုပဲ ဖြစ်နေပါစေ. . . ကျွန်တော် ရေးသမျှ တင်သမျှကို ကောင်း၍ပဲဖြစ်စေ ၊ မကောင်းဘဲနဲ့ ဖြစ်စေ ၊ ကြိုက်၍ ဖြစ်စေ ၊ မကြိုက်ဘဲနဲ့ ဖြစ်စေ . . . လာရောက် ဖတ်ရှု့သူ အားလုံးကို ကျေးဇူး အထူးတင်ပါတယ်။

Merry Christmas (သို့) မယ်ရီ ခရစ္စမတ် ဆိုပြီးတော့ ပို့စ်လေး ရေးပေးပါဦး ဆိုပြီး Tag ထားသူ များကိုလည်း ဒီနေရာကနေ အနူးအညွှတ် တောင်းပန် လိုက်ပါတယ်။ ကျွန်တော့်မှာ ရေးစရာ မရှိပါ။ ကျွန်တော့် ရင်ထဲမှာတော့ . . . . " မယ်ရီ ခရစ္စမတ် ထက်စာရင် လယ်တီ ဆရာတော် ဘုရားကြီးကို ပိုပြီးတော့ စိတ်ဝင်စားပါတယ်။ " ပြီးတော့ ကိုယ်နဲ့ သိပ်မသက်ဆိုင်တဲ့ အကြောင်းအရာတွေမှာ မပါတတ်လို့ပါ။ ( စိတ်ထဲ ရှိနေတဲ့ အတိုင်း ပြောတာပါ။ ဘယ်လိုမှတော့ မထင်ပါနဲ့။ ) 

ပြီးတော့ ဟိုးအရင်ကဆို Happy New Year လို့ တစ်ယောက်ယောက်က လာနှုတ်ဆက်တာတောင်မှ ကြောင်တောင်တောင် ပြန်ကြည့်ပြီးတော့ Yes . . . Yes ဆိုပြီး ပြန်ပြောမိတတ်တဲ့ လူ့ဂွစာ တစ်ယောက်ပါ။ ဒါကြောင့် စိတ်ထဲမှာ တကယ် မရှိဘဲ လျှောက်ရေးမိရင်လည်း ဘယ်လိုမှ . . . ဘယ်သူ့မှ ခံစားလို့ ရမည် မဟုတ်ပါ။ ဒါကြောင့် ဒီနေ့ဟာ ကျွန်တော့် ဘလော့ရဲ့ နှစ်ပတ်လည်နေ့လေး ဖြစ်နေတာကို ကျေးဇူးတင်ရမလိုပါပဲ။ 

မည်သို့ပင် ဖြစ်နေပါစေ . . . ။ ကျွန်တော့် ဘလော့လေးကို ကောင်းကောင်း ၊ ဆိုးဆိုး ကျွန်တော့် စိတ်ထဲမှာ ဖြစ်သမျှ ချရေးမိတဲ့ အကြောင်းအရာတွေကို သုံးနှစ်လုံးလုံး ဖတ်ရှု့ပေးတဲ့ စာဖတ်ပရိသတ်များကို ကျေးဇူး တင်ပါတယ်။ ဒါကြောင့် ကျွန်တော် ပြောနေကြ အတိုင်းလေး ပြောရမယ် ဆိုရင် . . . .
  • ကျွန်တော့်ကို ချစ်သော . . . .
  • ကျွန်တော့်ကို မုန်းသော . . . .
  • ကျွန်တော့်ကို ဘယ်လိုမှ မနေသော စာဖတ်သူ ပရိတ်သတ်များ အားလုံးကို ကျေးဇူးတင်ပါတယ်။
အခုတော့ ကျွန်တော် သိပ်ပြီး လူ့ဂွစာ သိပ်မကျတော့ဘူး ထင်ပါတယ်။ ဘယ်လိုပဲ ဖြစ်ဖြစ် Merry Christmas  ဆိုပြီး လာနှုတ်ဆက်သူ အားလုံးကိုလည်း ကိုယ်နဲ့ မဆိုင်ပေမဲ့ ပြန်လည် နှုတ်ဆက်နေတတ်ခဲ့ပါပြီ။

အားလုံးပဲ Merry Christmas ပါ။

လေးစားစွာဖြင့်
ကိုဇော်
25-Dec-2011

Share/Bookmark

22 December 2011

17 ကျွန်တော်တို့ အိမ်



" ကျွန်တော်တို့ အိမ် "

တကယ်တော့ . . .
ကျွန်တော်တို့ဟာ ရိုးသားကြပါတယ်။
ဒါကြောင့် . . .
ကျွန်တော်တို့ အိမ်လေးကလည်း ရိုးသားပါတယ်။

ဟိုးငယ်ငယ်တုန်းက
ကျောင်းမှာ စာအုပ်ပဲ အပ်အပ် ၊ စာအုပ်ပဲ ယူယူ
ညီညီညာညာ တန်းစီခဲ့ကြဖူးတယ်။
စောင့်ဆိုင်းမှုကို အခြေပြုပြီး
ကျွန်တော်တို့စိတ်တွေ ရိုးသားခဲ့ကြပါတယ်။

အသက်တွေကြီးတော့ . . .
အရှေ့က လူတန်းကို ဖြတ်ကျော်ဖို့
စောင့်ဆိုင်းမှုတွေကို ဆွဲချုံ့ဖို့
ခုန်ပျံကျော်လွှားသော နည်းမျိုးစုံတွေကို သုံးတတ်လာခဲ့ကြတယ်။
တန်းစီခြင်း အနုပညာတွေကို
မုန့်ပုံးတွေ ၊ ပါတိတ်တွေ ၊ ခြင်္သေ့တွေနဲ့
ရိုးသားမှုကို ပါးလျအောင် ပွန်းတိုက်ခဲ့ကြတယ်။

ဘယ်လိုပဲ ဖြစ်နေပါစေ . .
လူတွေမှာ ရိုးသားမှု နည်းလာပေမဲ့ . . .
ကျွန်တော်တို့ အိမ်ကတော့ ရိုးသားနေဆဲပါ။

တချို့သော ပညာရှင်တွေက သုံးသပ်ကြတယ်။
နောက်ထပ် အနှစ်နှစ်ဆယ် ဆိုရင်
မြန်မာနိုင်ငံဟာ အာဖရိက လိုမျိုး ဖြစ်လာနိုင်သတဲ့။
ဒါပေမဲ့. . .
ကျွန်တော်တို့ အိမ်လေးကတော့ ရိုးသားနေဆဲပါ။

ကျွန်တော်တို့ အိမ်လေးဆီကို
ကျွန်တော် . . . အလည်ပြန်ခါနီး နှမလုပ်သူက ပြောတယ်။
လူတွေ . . .
လူတွေရဲ့ . . . မျက်လုံးကို သေချာ ကြည့်ခဲ့ပါ တဲ့။
ဗင်းဆင့်ဗန်းဂိုးရဲ့ အာလူးစားသူများ ပန်းချီထဲက
လူတွေရဲ့ မျက်ဝန်းတွေကတော့ တပ်မက်မှုတွေ ပြည့်နေခဲ့တယ်။
ကျွန်တော်တို့ အိမ်သားတွေရဲ့ မျက်ဝန်းတွေထဲမှာတော့ . .
စိုးရိမ်မှုတွေ နဲ့ စိုးထိတ်စွာ ပြည့်နေခဲ့တယ်။
ဒါပေမဲ့ . . .
ကျွန်တော်တို့ အိမ်လေးကတော့ ရိုးသားနေဆဲပါ။

လူတစ်ယောက် ရေသန့်ဘူး တစ်ဘူး ဝယ်သောက်တယ် ဆိုပါစို့။
တချို့က ဘူးရောင်းစားဖို့ ရေသန့်ဘူးကို အိမ်ကို ပြန်သယ်တယ်။
တချို့က ရေပြန်ထည့်ဖို့ ရေသန့်ဘူးကို အိမ်ကို ပြန်သယ်တယ်။
တချို့က စနစ်တကျ လွှင့်ပစ်ဖို့ အမှိုက်ပုံးကို ရှာရင်း အိမ်ပြန် သယ်မိသလို ဖြစ်တယ်။
တချို့က စနစ်တကျ လွှင့်ပစ်ထားတဲ့ အမှိုက်ပုံးထဲက ရေသန့်ဘူးကို
ပြန်နှိုက်ယူရင်း တခြား အမှိုက်ကိုပါ ဖွတယ်။
တချို့က အမှိုက်ဆိုတာ အမှိုက်ပဲ ဆိုပြီး ဂလုံ ဆိုပြီး လမ်းဘေးမှာပဲ ပစ်ချတယ်။
အမှိုက်ပုံးမှာ အမှိုက် မရှိဘူး။
အမှိုက်ပုံးဘေးမှာ အမှိုက်တွေ ပွနေတယ်။
အမှိုက်ပစ်ရန် နေရာမှာ အမှိုက်တွေ မသိမ်းဘူး။
အမှိုက်မပစ်ရ နေရာမှာ အမှိုက်တွေနဲ့ ပြည့်နေတယ်။
ဒါပေမဲ့ . . .
ကျွန်တော်တို့ အိမ်လေးကတော့ ရိုးသားနေဆဲပါ။

လူတစ်ယောက်က မနိုင်မနင်း ဖြစ်နေလို့
လူတစ်ယောက်က ကူညီတယ် ဆိုတဲ့ ဖြစ်စဉ်တွေ
ရာဇဝင်ထဲက သမိုင်းထဲမှာ ကျန်နေခဲ့ရပြီ။
အခုတော့ . . .
အကူအညီ လိုသလား ၊ ရေလောင်း ၊
အကူအညီ ခံချင်သလား ၊ ရေဖြန်း ၊
အကူအညီကို မေတ္တာနဲ့ မဆုံးဖြတ်ကြတော့ဘူး ၊
အကူအညီကို ရေနဲ့ပဲ ဖြတ်ဆုံးတဲ့ ခေတ်ကို ရောက်လာခဲ့ကြပြီ။
ကျောက်ခေတ် ၊ ကြေးခေတ် ၊ သံခေတ် ၊
ပလတ်စတစ်ခေတ် ၊ နြူကလိယခေတ် ၊ အင်တာနက်ခေတ် . .
ပြီးတော့ . . . အခု . . ရေလောင်းရတဲ့ " ရေခေတ် "။

ဒါပေမဲ့ . . .
ဘယ်လိုပဲ ခေတ်တွေ ပြောင်းလဲသွားပါစေ။
ကျွန်တော်တို့ အိမ်လေးကတော့ ရိုးသားနေဆဲပါ။

ဟိုက်ဒရိုဂျင် နှစ်ဆ နဲ့ အောက်စီဂျင် တစ်စကို ရောရင် ရေဖြစ်. . .
နိုက်ထရိုဂျင်နဲ့ အလှဆီ ( ဂရစ်စလင်း ) ကို ပေါင်းစပ်ရင် ဗုံးဖြစ် . . .
ဟိုဟာနဲ့ ဒီဟာကို ရောရင် ပေါက်ကွဲစေတဲ့ အရာဖြစ် . . .
ဒီဖော်မြူလာတွေ ကြားထဲမှာ လူတွေက ပိတ်လှောင်မွန်းကြပ်လှစွာ။
ရေ လောင်းရင်း . . . .
ဗုံးလန့်ရင်း . . . .  နေ့ရက်တွေ ကုန်ဆုံး။
ရေကစားရင်းနဲ့လည်း လန့် . . .
ရထားစီးရင်းနဲ့လည်း လန့် . . .
ကားစီးရင်းနဲ့လည်း လန့် . . .
လမ်းသွားရင်းနဲ့လည်း လန့် . . .
ဈေးဝယ်ရင်းနဲ့လည်း လန့် . . .
အိမ်သာတက်ရင်းနဲ့လည်း လန့် . . .
ကိုယ့်အိမ်မှာ နေရင်းနဲ့လည်း လန့် . . .
ဒီလိုနဲ့ အသက်တွေ မဝတဝ ၊ လေငတ်နေတဲ့ ငါးတွေလို ဟစိဟစိ နဲ့
ဒါပေမဲ့ . . .
ကျွန်တော်တို့ အိမ်လေးကတော့ ရိုးသားနေဆဲပါ။

တကယ်လို့ နေ့သစ်တွေ ပွင့်လန်းလာမဲ့နေ့ . . .
ရောင်ခြည်နွေးနွေးတွေ ဖြာယှက်လာမဲ့ နေ့မှာ . . .
ရေလောင်းစရာ မလိုသော နေ့ . . .
ဘာကိုမှ လန့်စရာ မလိုသော စိတ်ရှင်းမဲ့ နေ့ . . .
တစ်ယောက်ကို တစ်ယောက် ကြည်ကြည်နူးနူး ကူညီတတ်ကြမဲ့ နေ့ . . .
ဒီလိုနေ့ရက်မျိုးမှာ  . . .
ပြာလဲ့လဲ့ ကောင်းကင်ကြီး အောက် . .
လွင့်ပျံနေတဲ့ နိုင်ငံတော် အလံအောက် . .
ကျွန်တော်တို့ အားလုံး ညီညီညာညာ နိုင်ငံတော် သီချင်း ဆိုချင်မိသေးတယ်။

တကယ်တော့ဗျာ . . .
ကျွန်တော်တို့ဟာ ရိုးသားကြပါတယ်။
ဒါကြောင့် . . .
ကျွန်တော်တို့ အိမ်လေးကလည်း ရိုးသားပါတယ်။
ကျွန်တော်တို့ နေထိုင်ရာ အိမ်လေးဟာ ရိုးသားနေဆဲပါ။

ကိုဇော် 
22-Dec-2011




Share/Bookmark

14 December 2011

19 ပန်းပွင့် ပုံပြင်



တစ်ခါက . . .

တောနေ ဒေသရှိ မြို့ရိပ်မြို့ရာ ဝေးလံခေါင်းပါးတဲ့ ဒေသ တစ်ခုမှ " တောသားလူကြီး " တစ်ယောက် ကြုံကြိုက်လို့ မြို့ပြကို ရောက်လာသတဲ့။ သူ တစ်ယောက်တည်း ရောက်လာတာ မဟုတ်ပေဘူး။ သူ့ကို လူကြုံ ခေါ်လာတာက သူတို့ ရွာက " ရွာသူကြီး " ပါပဲ။ မြို့မှာ နေထိုင်ဖို့ ဆိုတာ အသိ ရှိမှ အဆင်ပြေမယ် မဟုတ်လား။ အခုလည်း ရွာသူကြီးနဲ့ ထိုတောသား လူကြီးက ရွာသူကြီးရဲ့ စီမံမှုကြောင့် မြို့ပေါ်မှာ အခြေကျ နေထိုင်နေတဲ့ " ပညာတတ် လူကြီး " တစ်ယောက်ဆီမှာ ခေတ္တ တည်းခိုတယ်။

အဆင်ပြေပါတယ်။ မပြေစရာလည်း မရှိဘူးလေ။ ထိုပညာတတ်လူကြီးက အရမ်းကို သဘောကောင်းကာ ဖော်ရွေတတ်သူ ၊ မိတ်ဆွေများကို လေးစား ခင်မင်တတ်သူ ဖြစ်တယ်။ သူ့ဆီကို လာရောက် တည်းခိုတာနဲ့တင် သူက ခင်မင်ပျော်ရွှင်နေလေ့ ရှိတယ်။ ဒါကြောင့်လည်း ရွာသူကြီး ဖြစ်သူက သူ့ဆီမှာ တည်းခိုဖို့ ဆုံးဖြတ်လိုက်ဟန် တူပါတယ်။ 

သူတို့ ထိုပညာတတ်လူကြီး ဆီကို ရောက်တော့ . . .  ၊ ရောက်တယ် ဆိုရင်ပဲ ပညာတတ်လူကြီးက ပြာပြာသလဲ ဧည့်ခံရှာတယ်။ နှစ်ပေါင်းများစွာ သူနဲ့ ဝေးနေပြီ ဖြစ်သော ရွာအကြောင်းကိုလည်း ဂရုတစိုက် မေးမြန်းစုံစမ်းတယ်။ ဘယ်သူတွေ ဘယ်လိုနေလဲ ၊ ဘယ်သူတွေကတော့ ကျန်းမာနေတုန်းလား ၊ ဘယ်သူတွေကတော့ ဆုံးပါးသွားပြီ ဆိုတာ သူ သိလိုက်ရရင် ထိတ်လန့် အံ့သြသော အမူအရာ အပြည့်နဲ့ပေါ့။ ဒီလို ဖော်ရွေမှုကြောင့် သူ့ဆီမှာ လာရောက် တည်းခိုသော ရွာသူကြီးနဲ့ တောသားလူကြီးတို့ အတွက် ရှိန်နေတာတွေ ဘာမှ မရှိတော့ဘူးပေါ့။

နေ့ဘက်မှာ ပညာတတ်လူကြီးကလည်း သူလုပ်စရာ ရှိတာတွေကို လုပ်ရင်း ၊ ရွာသူကြီးနဲ့ တောသားလူကြီးကလည်း လည်စရာ ပတ်စရာတွေကို သွားရောက် လည်ပတ်ပြီး ညဘက် အချိန်ဆိုရင်တော့ လက်ဖက်သုတ်ကလေးနဲ့ ရေနွေးကြမ်းအိုးလေး တည်ခင်းကာ အလာပ သလာပ ပြောဆိုနေလေ့ ရှိတယ်။ စကားတွေကတော့ ဟိုရောက် ဒီရောက်ပေါ့။ ဗဟုသုတ ရစရာတွေ ပါသလို ၊ ပျော်စေ ပျက်စေ ဟာသလေးတွေလည်း ပါတယ်။ ခင်မင် ဖော်ရွေတတ်သူတွေရဲ့ စကားဝိုင်း ဆိုတော့ ပျင်းရိ ငြီးငွေ့ဖွယ် မရှိဘူးပေါ့။

ဒီလိုနဲ့ စကားပြောနေရင်း ရွာသူကြီးက ရုတ်တရက် တစ်ခုခုကို သတိရသလိုနဲ့ စကားစပြောတယ်။

" ခင်ဗျားကတော့ သိမှာ မဟုတ်ဘူး။ ဒီလူ့မှာ ထူးဆန်းတဲ့ ပန်းပွင့်တစ်ပွင့် ရှိတယ်။ သူတို့ ဆွေစဉ် မျိုးဆက် အလိုက်ကို ဒီပန်းပွင့်ကို ထိန်းသိမ်း လာခဲ့ကြတာ . . . "

ဟု ဆိုကာ တောသား လူကြီးဘက်ကို လက်ညှိုးထိုးကာ စကားစတယ်။ ရွာသူကြီးက ဒီလို ပြောလိုက်တော့ ပညာတတ်လူကြီးက အံ့သြသွားသလို မျက်ခုံး အစုံကို ပင့်လိုက်ပြီး . . . 

" ဟုတ်လား . . . ဘယ်လို ထူးဆန်းတဲ့ ပန်းပွင့်မျိုးပါလိမ့်။ "

" ဘယ်လို ထူးဆန်းတဲ့ ပန်းပွင့်လည်း ဆိုတာကတော့ ကျုပ်တို့လည်း မသိဘူးဗျာ။ အခု ကြုံတုန်း ခင်ဗျား တောင်းကြည့်လိုက်ပါလား။ "

လို့ ရွာသူကြီးက ဆော်သြတယ်။ ပညာတတ်လူကြီးက ထပ်၍ အံ့သြသွားသလိုနဲ့ . . . 

" ဒီလို ပန်းတစ်ပွင့်ကို သွားလေရာ ယူလာပါ့မလား ၊ ရွာမှာ ထားခဲ့မှာပေါ့ မဟုတ်ဘူးလား။ "

ဒီတော့ ရွာသူကြီးက ခပ်မိန့်မိန့်ကြီး ပြုံးကာ  . . . . 

" ဒါတော့ ခင်ဗျား မှားပြီ။ သူက ဒီပန်းပွင့်ကို အသက်နဲ့ လဲပြီးတော့ ကာကွယ် စောင့်ရှောက်ထားရတာလေ။ ဒါကြောင့် သူ ဘယ်သွားသွား သွားလေရာမှာ ယူသွားလေ့ ရှိတယ်။ အခုလည်း ပါလာမှာပါ။ "

လို့ ဆိုကာ တောသားလူကြီး ဆီကို အကြည့် မျက်လုံး အစုံကို ပို့လိုက်တယ်။ သူ့ကို ဝိုင်းကြည့်နေတဲ့ ရွာသူကြီးနဲ့ ပညာတတ်လူကြီးရဲ့ မျက်လုံး ဒဏ်တွေကို တောသားလူကြီးက မခံနိုင်ရှာဘူး။ မျက်လွှာလေး ချကာ တိတ်တဆိတ် ငြိမ်သက်နေတယ်။

" တကယ်လို့ ဒီပန်းပွင့်လေး ပါလာရင် ကျွန်တော့်ကို ခဏလောက် ပြပါလားဗျာ။ ကျွန်တော်က ရုက္ခဗေဒနဲ့ ဒေါက်တာဘွဲ့ယူထားတာ ဆိုတော့ ဒီပန်းပွင့်လေးကို လေ့လာကြည့်ချင်လို့ပါ။ "

ဟု ဆိုတာကာ ပညာတတ်လူကြီးက တောသားလူကြီး ဆီကနေ ပန်းပွင့်လေးကို ကြည့်ခွင့် ရဖို့ ခွင့်တောင်းတယ်။ တောသားလူကြီးကတော့ သူ့အပေါ်မှာ စေတနာတွေ ကောင်းပြီး မြို့ကို ရောက်ဖူးအောင် ခေါ်လာခဲ့တဲ့ ရွာသူကြီးနဲ့ အခမဲ့ တည်းခိုခွင့် ပြုတဲ့ အပြင် လိုလေသေး မရှိအောင် ပြုစုတဲ့ ပညာတတ်လူကြီးရဲ့ စကားကြောင့် ငြင်းဆန်ဖို့ အင်အား မရှိတော့သလောက် ဖြစ်သွားခဲ့တယ်။ ဒါပေမဲ့ ဒီထူးဆန်းတဲ့ ပန်းပွင့်လေးကို ထုတ်ပြဖို့ ဆိုတာကလည်း သူ့မှာ မျိုးစဉ် မျိုးဆက် သတ်မှတ်ချက် အရ အခက်အခဲလေးတွေ ရှိနေသေးတယ်။

" ကျွန်တော့်ကို ခဏလောက် ပြလို့ ရမယ် မဟုတ်လား ခင်ဗျာ။ "

လို့ ပညာတတ်လူကြီးက ထပ်၍ တောင်းဆိုတယ်။ ဒီတော့ တောသားလူကြီးက အလွန်ကို အားတုံ့ အားနာ ဖြစ်သွားပြီး . . . 

" ကျွန်တော် မပြချင်လို့ မဟုတ်ပါဘူးဗျ။ ဒါပေမဲ့ ဒီပန်းပွင့်က ထူးဆန်းတယ် လို့ပဲ ကျွန်တော် သိထားပါတယ်။ ဒါပေမဲ့ ဘယ်လို ထူးဆန်းတယ် ဆိုတာ ကျွန်တော်လည်း မသိဘူး။ ဆွေစဉ်မျိုးဆက် ထိန်းသိမ်းလာတဲ့ ပန်းပွင့် ဖြစ်လေတော့ မျိုးဆက်ရဲ့ စည်းကမ်းချက် အရ ထိန်းသိမ်းထားရတာမို့ပါ။ ပြီးတော့ သူ့မှာ စည်းကမ်းချက်တွေ ရှိနေလို့ပါ။ "

တောသားလူကြီးက ဒီလို ပြောလိုက်တယ် ဆိုရင်ဖြင့် ပညာတတ်လူကြီးက ပိုပြီးတော့ သိချင်သွားပြီး  . . . 

" ဘယ်လိုများ စည်းကမ်းချက်တွေ ရှိနေတာပါလိမ့်ဗျာ။ အဲဒီ့ စည်းကမ်းချက်တွေကို ကျွန်တော် အတိအကျ လိုက်နာပါ့မယ်။ ထူးဆန်း လှပါတယ် ဆိုတဲ့ ဒီပန်းပွင့်လေးကို ကျွန်တော် မြင်တွေ့ချင်မိရုံလေးပါပဲ။ "

လို့ ဆိုကာ စည်းကမ်းကို လိုက်နာမည့် အကြောင်း သူ့ဖာသာ ကတိတွေပေးလေတယ်။ ကျဉ်းထဲ ကျပ်ထဲ အခြေအနေ ရောက်နေလေတော့ တောသားလူကြီးလည်း မတတ်သာတဲ့ အဆုံး သူတို့ ဆွေစဉ်မျိုးဆက် ထိန်းသိမ်းလာတဲ့ ထူးဆန်းသော ပန်းပွင့်လေးကို ထုတ်ပြဖို့ သူတည်းခိုရာ အခန်းထဲကို ဝင်သွားကာ အထုပ်လေး တစ်ခုကို ယူလာခဲ့တယ်။ ပြီးတော့ ဒီအထုပ်လေးကို ရွာသူကြီးနဲ့ ပညာတတ်လူကြီး ရှေ့ စားပွဲပေါ်မှာ တင်ပြီးတော့ တည်ကြည်စွာ စကားဆိုတယ်။

" ကျွန်တော့်တို့ရဲ့ စည်းကမ်း ဆိုတာ တခြားတော့ မဟုတ်ပါဘူး။ ဒီပန်းပွင့်လေးရဲ့ ထူးဆန်းတဲ့ အာနိသင်က ဘာရှိမလဲတော့ ကျွန်တော်လည်း မသိဘူး။ ဒါပေမဲ့ ဆွေစဉ်မျိုးဆက်ကတော့ လက်ဆင့်ကမ်းပြီး ပြောလာခဲ့ပါတယ်။ ဒါတွေကတော့ . . . 

၁။ ထူးဆန်းတဲ့ ပန်းပွင့်လေးကို ထည့်ထားတဲ့ ပုလင်းလေးထဲက လုံးဝ အပြင်ကို မထုတ်ရပါဘူး။
၂။ တကယ်လို့ ထုတ်ခဲ့မိတယ် ဆိုရင်လည်း သူ့ကို လက်နဲ့ကိုင်ခြင်း ၊ အသားနဲ့ ထိခြင်း မလုပ်ရပါဘူး။
၃။ တကယ်လို့ အသားနဲ့ ထိခဲ့မိမယ် ဆိုရင်လည်း သူ့ရဲ့ မွှေးရနံ့ကို မရှူမိစေရပါဘူး။
၎။ တကယ်လို့ သူ့ရဲ့ ရနံ့ကို ရှူမိခဲ့မယ် ဆိုရင်လည်း သူ့ရဲ့ အရသာကို သိရလေအောင် ဒီပန်းပွင့်ကို လျှာနဲ့ မလျက်မိစေရပါဘူး။

ဒါကတော့ ကျွန်တော်တို့ ဆွေစဉ်မျိုးဆက် ထိန်းသိမ်း လာခဲ့တဲ့ စည်းကမ်းပါပဲ။ ကျွန်တော့်ကို လက်ဆင့်ကမ်းခဲ့တဲ့ ကျွန်တော့် အဖေကလည်း စောင့်ထိန်းခဲ့တယ်။ ကျွန်တော့် အဖေကို လက်ဆင့်ကမ်းလာတဲ့ အဘိုးကလည်း ထိန်းသိမ်းခဲ့တယ်။ ဒီလိုပဲ ဆင့်ပွားလက်ဆင့် ကမ်းလာတဲ့ ဆွေမျိုးတွေကလည်း စောင့်ထိန်းခဲ့ကြပါတယ်။ ဒါကြောင့်လည်း ဒီထူးဆန်းတယ် ဆိုတဲ့ ပန်းပွင့်လေးဟာ ဒီအတိုင်းပဲ ကျွန်တော်တို့ လက်ထဲမှာ ရှိနေခဲ့တာပါ။ " 

တောသားလူကြီးက ရှင်းပြ အပြီးမှာ ပညာတတ်လူကြီးက မေးခွန်း တစ်ခုကို မေးတယ်။

" ဒါဆို ဒီထူးဆန်းတယ် ဆိုတဲ့ ပန်းပွင့်လေးရဲ့ ထူးဆန်းတယ် ဆိုတဲ့ အချက်ကို ဘယ်သူ့မှ သေချာ မသိနိုင်ဘူးပေါ့။ " 

ပညာတတ်လူကြီးရဲ့ အမေးစကားကို ကြားရတော့ တောသားလူကြီးလည်း ရုတ်တရက် မင်သက်သွားတယ်။ တကယ်တော့ သူလည်း ဆွေစဉ်မျိုးဆက် ထိန်းသိမ်း ဆိုလို့သာ ထိန်းသိမ်း လာခဲ့တာ ၊ ဆွေစဉ်မျိုးဆက်က စောင့်ထိန်း ဆိုလို့သာ စောင့်ထိန်း လာခဲ့တာ ဘယ်လို ထူးဆန်းတယ် ဆိုတာ သူ တကယ်ကို မသိခဲ့ဘူး။ 

" အမှန်ပါပဲ။ တကယ်တော့ ကျွန်တော်လည်း ဒီပန်းပွင့်လေးရဲ့ ထူးဆန်းတယ် ဆိုတဲ့ အရာကို သေချာ မသိခဲ့ပါဘူး။ ဆွေစဉ်မျိုးဆက် ဒါတွေကို ရှောင်ရမယ် ဆိုလို့သာ ကျွန်တော်တို့ ရှောင်ရင်း ပန်းပွင့်လေးကို ထိန်းသိမ်း လာခဲ့တာပါ။ ကဲ . . . အခု ကျွန်တော့်ရဲ့ ထူးဆန်းတယ် ဆိုတဲ့ ပန်းပွင့်လေးကို ကြည့်ရအောင် . . " 

သူက ပြောလည်း ပြော ၊ လက်ကလည်း အထုပ်လေးကို ဖြေကာ ဖွင့်လိုက်တယ်။ အထုပ်လေးလည်း ပြေသွားရော အထဲမှာ ပုလင်းလေး တစ်လုံးထဲမှာ ပြာလဲ့လဲ့နဲ့ ပန်းပွင့်လေး တစ်ပွင့်ကို တွေ့လိုက်ရတယ်။ ပန်းပွင့်လေးက အခုမှ လတ်လတ်ဆတ်ဆတ် ခူးပြီး ပုလင်းထဲ ထည့်ထားသလို လန်းဆန်းနေတယ်။ ဒါပေမဲ့ ပုလင်းလေးကို သေချာစွာ ပိတ်ထားတာ နှစ်ပေါင်းများစွာ ကြာနေပြီ ဆိုတာကိုတော့ ကြည့်တာနဲ့တင် သိနေနိုင်တယ်။ 

" တကယ်ကို ထူးဆန်းပါပေတယ်ဗျာ။ ပန်းပွင့်လေးရဲ့ ထူးဆန်းတယ် ဆိုတဲ့ အာနိသင်ကတော့ ဘယ်လို နေမလဲ မသိပေမဲ့ ပန်းပွင့်ကို မြင်တာနဲ့တင် ထူးဆန်းတယ် ဆိုတာ လက်ခံပါတယ်။ ဒါပေမဲ့ . . . ဘာကြောင့် ထူးဆန်း ရတယ် ဆိုတာကိုလည်း သိချင်မိတယ်။ "

လို့ ပညာတတ်လူကြီးက ဆိုတယ်။ ရွာသူကြီးကတော့ ဘာမှ မပြောဘဲ ဘေးကနေ ထိုင်ကြည့်နေယုံပါပဲ။ တောသားကြီးကတော့ ခပ်ငူငူကြီးသာ ထိုင်နေတယ်။ သူလည်း ထူးဆန်းတယ် ဆိုတဲ့ ပန်းပွင်လေးရဲ့ ထူးဆန်းမှုကို မသိခဲ့ဘူး မဟုတ်လား။ ဒီမှာ ပညာတတ်လူကြီးက စကားဆက်တယ်။

" ဖြစ်နိုင်မယ် ဆိုရင် ကျွန်တော့်ကို သုတေသန ပြုဖို့ ဒီပန်းလေးကို ခဏလောက် ငှားပါ။ အများကြီး မဟုတ်ပါဘူး တစ်ရက်ထဲပါပဲ။ ဒီလို ပန်းမျိုး တစ်ခါမှ မတွေ့ဖူးလို့ ကျွန်တော် ဓါတ်ပုံရိုက် မှတ်တမ်း တင်မယ်။ ပြီးတော့ ပန်းပွင့်လေးရဲ့ အချက်အလက်လေးတွေကို ကျွန်တော် မှတ်တမ်းလေး ရေးထားရုံလေးပါပဲ။ "

ပညာတတ်လူကြီးက ဒီလို ပြောတော့ တောသားလူကြီးက ခေတ္တ ငြိမ်သက်သွားပြီးတော့မှ  . . . 

" ကျွန်တော် ငှားချင်ပါတယ်။ ဒါပေမဲ့ အထက်က ကျွန်တော် ပြောခဲ့တဲ့ စည်းကမ်းတွေကို မေ့သွားမှာ စိုးလို့ပါ။ မတော်လို့ ဒီပန်းလေးကို ပုလင်းထဲက ထုတ်လိုက်ရင် ဘာဖြစ်လာမလဲ ကျွန်တော်လည်း မသိဘူး။ ပုလင်းထဲက ထုတ်ပြီးတော့ လက်နဲ့ကိုင်မိရင် ဘာဖြစ်လာမလဲ ကျွန်တော် မသိနိုင်ဘူး။ တကယ်လို့ ကိုင်မိရုံတင်မကဘဲ သူ့ရဲ့ အနံ့ကိုပါ ရှူမိရင်လည်း ဘာဖြစ်လာမယ် ကျွန်တော် မသိဘူး။ ရှူမိရုံတင် မကဘဲ သူ့ရဲ့ အရသာကို လျက်မိရင်လည်း ဘာဖြစ်လာမယ် ကျွန်တော် လုံးဝ မသိပါဘူး။ ဒါပေမဲ့ ဒါဟာ အန္တရာယ် ရှိလို့ တားမြစ်ထားတယ် လို့ပဲ ကျွန်တော် သိထားပါတယ်။ "

" ဟုတ်ကဲ့ . . . ဒါကို ကျွန်တော်ကလည်း သဘောပေါက်ပါတယ်။ ဒီစည်းကမ်းကို ကျွန်တော်လည်း လိုက်နာမှာပါ။ ကျွန်တော့်ကို ဒီပန်းပွင့်လေး တစ်ရက်လောက်သာ ငှားပါ။ "

လတ်တလော ကျေးဇူး ရှိသူလည်း ဖြစ် ၊ သူတို့ အပေါ်မှာလည်း အရမ်းကောင်းနေသူ ဖြစ်တဲ့ အပြင် ပညာတတ် လူကြီး လူကောင်း တစ်ယောက်ဆိုတာကြောင့် တောသားလူကြီးက ပညာတတ်ကြီးကို သူတို့ ဆွေစဉ်မျိုးဆက် ထိန်းသိမ်းလာခဲ့တဲ့ ထူးဆန်းတဲ့ ပန်းလေးကို တစ်ရက် ငှားလိုက်တော့တယ်။ 



စူးစမ်းတတ်သူ ၊ ကိုယ့်ဝါသနာပါရာကို စူးစိုက်တတ်သူတို့ရဲ့ ထုံးစံ အတိုင်း ညဥ့်နက်လို့ ရွာသူကြီးနဲ့ တောသားလူကြီး အသီးသီး အိပ်ယာ ဝင်သွားပေမဲ့ ပညာတတ်လူကြီးကတော့ မအိပ်နိုင်သေးပါဘူး။ သူ့လက်ထဲမှာ ရောက်နေတဲ့ ထူးဆန်းတဲ့ ပန်းပွင့် ပြာတာတာလေးကို ကြည့်ပြီး ပီတိတွေ ဖြာဝေ နေတယ်။

သူ့ရဲ့ စာဖတ်ခန်းနဲ့ သစ်ပင် ပန်းမန်တွေကို လေ့လာတဲ့ သုတေသန အခန်းထဲမှာ တကုတ်ကုတ်နဲ့ အလုပ်ရှုပ်နေခဲ့တယ်။ ပုလင်းလေးကို စားပွဲပေါ်တင်ထားလိုက်ပြီး မှတ်တမ်းတင် ဓါတ်ပုံ ရိုက်ဖို့ ပြင်ဆင်နေခဲ့တယ်။ အဆင်သင့်ဖြစ်ပြီ ဆိုကာ ဓါတ်ပုံ ရိုက်လိုက်တော့ ထွက်လာတဲ့ ဓါတ်ပုံက မလှပပေ။ ပုလင်းကို အလင်းတွေ ပြန်ကာ ပုလင်းထဲက ပန်းပွင့်လေးရဲ့ ပုံရိပ်ကို ကောင်းကောင်း မရပေ။ အကြိမ်ကြိမ် ရှု့ထောင့်မျိုးစုံကနေ ကြိုးစားပေမဲ့ ပုလင်းဆိုတာကလည်း အလုံးကြီး ဖြစ်နေလေတော့ အဆင်ပြေသော ဓါတ်ပုံ တစ်ပုံကို ရိုက်မရခဲ့ဘူး။

တောသားလူကြီး ဆီက ခဏတာ ငှားရမ်း ခဲ့တာ တစ်ရက်ထဲ ဖြစ်လေတော့ သိပ်ကြာကြာလည်း အချိန်ကို အကုန်မခံနိုင်ဘူး။ နည်းမျိုးစုံနဲ့ ဓါတ်ပုံ ရိုက်နေရင်း အဆင်မပြေလေတော့ သူ စိတ်မရှည် ဖြစ်လာကာ ပန်းပွင့်လေးကို ပုလင်းထဲကနေ အပြင်ကို ထုတ်ပြီး ဓါတ်ပုံ ရိုက်ဖို့ စဉ်းစားလိုက်မိတယ်။ ဒီလို စဉ်းစားလိုက်မိတယ် ဆိုရင်ပဲ တောသားလူကြီးရဲ့ စည်းကမ်းချက်တွေကိုလည်း တစ်ခါတည်း သတိရမိတယ်။ သို့သော် ချက်ချင်းပဲ ပန်းပွင့်လေးကို ဓါတ်ပုံ ရိုက်ချင်နေစိတ်က များနေတာ ဆိုတော့ ပန်းပွင့်လေးကို ပုလင်း အပြင် ထုတ်မိပေမဲ့ ငါ လက်နဲ့ မကိုင်မိရင် ဘာမှ မဖြစ်နိုင်ပါဘူး လို့ တွေးလိုက်မိတယ်။

ဒါနဲ့ ပုလင်းလေးရဲ့ အဖုံးအဖြစ် စွပ်ထားတဲ့ အစွပ်လေးကို ဖြေးညှင်းစွာ ဖြုတ်လိုက်ပြီး ပန်းပွင့်လေးကို အပြင်ကို လျောတိုက် ထုတ်ယူလိုက်တယ်။ လျောတိုက်ကာ ထွက်ကျလာတဲ့ ပန်းပွင့်လေးကို သူ သုတေသန လုပ်နေကျ လင်ဗန်းလေးထဲ လျောတိုက်ပဲ သွန်ချကာ ထည့်လိုက်တယ်။ ပြီးတော့ အပေါ်မှ ၊ ဘေးတိုက် မျိုးစုံမှ ဓါတ်ပုံတွေကို တဖျပ်ဖျပ် ရိုက်ယူတော့တယ်။ ဓါတ်ပုံ ရိုက်ပြီးလို့ ရလာတဲ့ ပုံလေးတွေကလည်း အရမ်းကို တောက်ပစွာနဲ့ ပန်းပွင့်လေးကို ပုံဖော်ပေးတယ်။ ဘာရယ်လို့ ပြောရခက်သော ဆွဲဆောင်မှု တစ်မျိုးနဲ့ ပန်းပွင့်လေးက သူ့ကို ညှို့ယူကာ ဆွဲဆောင်နေခဲ့တယ်။

ကင်မရာကို ကိုင်လိုက် ပန်းပွင့်လေးကို ရိုက်လိုက်နဲ့ သူ အရာအားလုံးကို မေ့နေတဲ့ အချိန်မှာပဲ။ ပန်းပွင့်လေးကို အညှာလေးကနေ ထောင်ပြီးတော့ ဓါတ်ပုံ ရိုက်ရရင် ဆိုတဲ့ စိတ်ကူး သူ့မှာ ပေါ်လာခဲ့တယ်။ ဒါနဲ့ သူ တောသားလူကြီးကို ပေးထားတဲ့ ကတိကို မေ့သွားကာ ပန်းပွင့်လေးဆီကို လက်လှမ်းကာ ကိုင်လိုက်မိတယ်။ သူ့ရဲ့ ရည်ရွယ်ချက်ကတော့ ပန်းပွင့်လေးကို အညှာကနေ ထောင်ထားလိုက်ဖို့ပါ။ ဒါပေမဲ့ ဒီလို ပန်းပွင့်လေးကို သူ့လက်နဲ့ ထိလိုက်တယ် ဆိုတာနဲ့ ထူးဆန်းတဲ့ အင်အား တစ်ခုနဲ့ ဘာမှန်း မသိသော အရသာ တစ်ခုက သူ့လက်ကို လာရောက် စီးဝင်ပြီး ကြင်ခနဲ ခံစားလိုက်ရတယ်။

နွေးခနဲသော အသိနဲ့ အတူ ပန်းပွင့်လေးက သူ့အပေါ်မှာ ပိုပြီးတော့ ဆွဲဆောင်အား ကောင်းလာခဲ့တယ်။ နောက်တော့ သူ ဘာဆို ဘာမှ မသိတော့ဘူး။ ကိုင်ထားတဲ့ ကင်မရာကို ဓါတ်ပုံ ရိုက်ဖို့ ဆိုတာ မေ့သွားခဲ့ပြီ။ ကင်မရာကို ဘေးမှာ ချထားလိုက်ပြီး ပန်းပွင့်လေးကို ရင်ခုန်တပ်မက်စွာ ကိုင်တွယ်မိရင်း လေ့လာနေမိတယ်။ ဒီအချိန်မှာ ပန်းပွင့်လေးမှ ထွက်ပေါ်လာတဲ့ မွှေးမြမြ ရနံ့လေးကိုလည်း သူ သတိမထားမိတော့ဘူး။ ဒီရနံ့လေးဟာလည်း သူ့အတွက် ဆွဲဆောင်မှု တစ်ခု ပိုဖြစ်နေခဲ့တယ်။ နောက်တော့ ဒီလောက် မွှေးနေတဲ့ ပန်းပွင့်လေးရဲ့ အရသာဟာ ဘယ်လိုများ နေမလဲ ဆိုတဲ့ မသိစိတ်ရဲ့ ဆွဲဆောင်မှု နောက်ကို သူ့ရဲ့ စိတ်က လိုက်ဖို့ အဆင်သင့် ဖြစ်နေခဲ့လေပြီ။

ပန်းပွင့်လေးကို သူ လက်နှစ်ဘက်နဲ့ သေချာစွာ ကိုင်နေခဲ့ပြီး ပန်းပွင့်ရဲ့ ရနံ့လေးကိုလည်း သူ တပ်မက်စွာ ရှူနေခဲ့မိပြီ။ နောက်ဆုံးမှာတော့ ပန်းပွင့်လေးရဲ့ ပွင့်ဖတ်ဆီမှ ဘာအရသာများ ရှိနေလိမ့်မလဲ ဆိုသော စိတ်ဖြင့် သူ့ရဲ့ လျှာကို ထုတ်ကာ လျက်ဖို့ ပြင်လိုက်လေတော့တယ်။

" - - - - - - "



မနက် မိုးလင်းလို့ ရွာသူကြီး နဲ့ တောသားလူကြီး အိပ်ယာက နိုးလာတဲ့ အချိန်မှာတော့ သူတို့ တည်းခိုနေတဲ့ မြို့က ပညာတတ်လူကြီး အိမ်ဟာ ကြောက်မက်ဖွယ်ရာ ကောင်းသော အသံဖြင့် အော်ဟစ်သံတွေကို ကြားနေခဲ့ရတယ်။

ဘာဖြစ်လုိ့များပါလိမ့် ဆိုတာ သူတို့ စုံစမ်းကြည့်လိုက်တော့ . . . .။ ထိုအိမ် ပိုင်ရှင် ပညာတတ် လူကြီး ကိုယ်တိုင် သွက်သွက်ခါအောင် ရူးသွပ်နေတာကို တွေ့ကြရတယ်။ ညက အကောင်း ၊ ဒီမနက်မှ ဘာကြောင့် ဒီလို ရူးသွပ် သွားတယ် ဆိုတာ သူတို့လည်း သေချာ မသိကြဘူး။ သူတို့ အခု တွေ့နေရတဲ့ ပညာတတ် လူကြီးကတော့ ညကလို ယဉ်ယဉ်ကျေးကျေး အမူအရာ နဲ့ မဟုတ်တော့ဘဲ ၊ မြင်သမျှ တွေ့သမျှကို ဟစ်အော်ကာ ယုတ်ရင်းကြမ်းတမ်းတဲ့ စကားတွေကို ပြောဆိုနေတဲ့ သာမာန် လူအရူးကြီး တစ်ယောက်မျှသာ ဖြစ်နေခဲ့လေပြီ။

တောသားလူကြီးက သူ့ရဲ့ ပန်းပွင့်လေးကို ပြန်တောင်းချင်ပေမဲ့လည်း အခုလို ဖြစ်နေတဲ့ ပညာတတ် လူကြီးဆီကနေ ဘယ်လိုလုပ် ပြန်တောင်းလို့ ရနိုင်ပါတော့မလဲ။ ပြီးတော့ တစ်အိမ်လုံး အနှံ့ လိုက်ရှာပေမဲ့ ထူးဆန်းတဲ့ ပန်းပွင့်လေးကို လုံးဝ ရှာလို့ မတွေ့တော့ဘူး။ ထူးဆန်းသော ပန်းပွင့်လေးဟာ ထူးဆန်းစွာနဲ့ပဲ ပျောက်ဆုံး သွားခဲ့လေပြီ။

သူတို့ အခု လက်ရှိတွေ့ နေရတာကတော့ သွက်သွက်ခါအောင် ရူးနေပြီး မြင်သမျှကို အလိုမကျစွာ အော်ဟစ်နေတဲ့ " ပညာတတ် အရူးကြီး " တစ်ယောက်ကိုသာ ဖြစ်ပါတော့တယ်။

ပုံပြင်လေးကတော့ ဒါပါပဲ။



ဟိုတစ်နေ့က ကျွန်တော် သတင်းလေး တစ်ပုဒ် ဖတ်လိုက်တယ်ဗျာ။


မိုးပျံရထားလမ်းအတွက် စင်ကာပူနဲ့ချိတ်ပြီး ရင်းနှီးမြှုပ်နှံသူရှာ။

ဆိုတဲ့ ခေါင်းစဉ်နဲ့ သတင်းလေးပါ။ အားလုံးလည်း ဖတ်ပြီးကြမှာပါ။ တချို့ကလည်း ဘာရယ် ညာရယ် မသိဘဲ ကြိုဆိုကြသလို ၊ တချို့က ကျတော့ အကျိုးသင့် အကြောင်းသင့် ထောက်ပြ ပြောဆိုကြတယ်။ တချို့ကျတော့ ဘာမှန်းကို မသိဘဲ ဝေဖန်နေလိုက်ကြတာ မြင်ရ ဖတ်ရတာကို စိတ်ဆင်းရဲစရာပါပဲ။

အဲ . . .

ဒီကြားထဲမှာ နောက်ထပ် သတင်း တစ်ပုဒ်ကို ထပ်ဖတ်လိုက်ရတော့ ပိုဆိုးပါလေရော။  " ရန်ကုန်ကို စင်္ကာပူ လို ဖြစ်အောင် လုပ်မယ် " ဆိုတဲ့ သတင်းလေးပါ။

ဟိုးအရင်ကတော့ ပြည်ပ သတင်းဌာနတွေက ရေးလိုက်ကြတာ ညစ်ပတ် နံစော်နေတဲ့ ရန်ကုန် ၊ ပုပ်သိုးနေသော မြို့ပျက် အဟောင်း ၊ ဘာညာနဲ့ စုံနေတာပါပဲ။ ကျွန်တော်က ရန်ကုန်မှာ မွေးလို့ နာရတယ်လည်း မဟုတ်ပါဘူး။ အရှိကို အရှိအတိုင်းပဲ လက်ခံပါတယ်။ ဟုတ်တယ်လေ။ မိုးတွေ ရွာလို့ ရေတွေ များရင် ကျွန်တော်တို့ ရန်ကုန်မှာ ရေတွေ ကြီးတယ်။ ဘာလို့လဲ ရေစီး ရေလာ မကောင်းလို့။ ဒါပဲပေါ့။ မကောင်းတာကို မကောင်းဘူးလို့ပဲ အရှိအတိုင်း လက်ခံပါတယ်။

အခုဗျာ။ ဒီလို ဖြစ်နေတဲ့ မြို့ပျက် အဟောင်းကြီးကို စင်္ကာပူ လို ဖြစ်အောင် လုပ်မယ် ဆိုပြီးတော့ ကြွေးကြော်တာဟာ မလုပ်ဘူးကွာ ဆိုပြီး ထိုင်နေတာထက် စာရင်တော့ တော်သေးတယ် လို့ ကျွန်တော်ကတော့ မြင်တာပါပဲ။ လုပ်တယ် မလုပ်ဘူး ဆိုတာကတော့ စောင့်ကြည့်ရမှာပေါ့လေ။ အခုတော့ လုပ်ပါမယ် ဆိုပြီး ပြောရုံ ရှိသေးတယ်။ စင်္ကာပူလောက်ပဲ သိတာလား ၊ တခြား နိုင်ငံတွေ ဘယ်လောက် တိုးတတ်နေတယ် ဆိုတာ မသိဘူးလား။ ဘာလား ၊ ညာလားနဲ့ ဝေဖန်နေလိုက်တာ အတော်ကို စိတ်ပျက်ဖို့ ကောင်းပါတယ်။

ကျွန်တော်လည်း အတော်ကို စိတ်ပျက်ပါတယ်။ လူတစ်ယောက်က လုပ်မယ် လို့ ပြောရင် လုပ်ပါစေဦးပေါ့လား။ လုပ်ပါမယ် ဆိုတာကို ဟိုလိုလုပ်ပါလား ၊ ဒီလိုလုပ်ပါလား ၊ ဆိုတာတွေနဲ့ လူတွေက တော်တော်ကို ဆိုးဝါးစွာ ၊ ရောင့်ရဲမှု နည်းပါးစွာနဲ့ ဝေဖန်နေတော့တာကိုး။ ဒါကို ယဉ်ကျေးသော စကားနဲ့ သုံးနှုန်းရမယ် ဆိုရင်တော့ အကြံပေးတယ်ပေါ့လေ။ ထောက်ပြတယ် ပေါ့လေ။

လုပ်ပါစေဦးဗျာ။ ပုပ်သိုးနေတဲ့ မြို့ပျက် အဟောင်းကြီးကနေ စင်္ကာပူလောက် ဖြစ်လာမယ် ၊ ပြီးတော့မှ တခြားသော တိုးတတ်နေတဲ့ နိုင်ငံတွေကိုလို ဆက်ပြီး တိုးတတ်အောင် လုပ်မယ် ဆိုရင် ပိုပြီး မကောင်းပေဘူးလား။ ဝေဖန် အပြစ်တင်မှုတွေ များလာရင် လူဆိုတာကလည်း လူပဲ မဟုတ်လား။ တော်ပြီကွာ ဆိုပြီး ငုတ်တုပ် ထပ်ထိုင်နေလိုက်မှဖြင့် ဆိုကာ ကျွန်တော် အတော်ကို စိတ်ပျက် မိတယ်။

အထူးသဖြင့် ကိုယ်က အပြင်ကို ရောက်နေတယ် ဆိုတဲ့ မီဒီယာများ ၊ သတင်းဌာနများ ၊ အတိုက်အခံများကို ကျွန်တော် " ပန်းပွင့် ပုံပြင် " ဆိုတဲ့ ပုံပြင်လေး တစ်ခုကို ပြောပြချင်ပါတယ်။

အရင်က မတွေ့ဖူး ၊ မကြုံဖူးခဲ့ဘူးလေဗျာ။ အခု တွေ့ဖူး မြင်ဖူး ကြုံဖူးပြီ ဆိုတော့လည်း လူဆိုတာ ပိုပြီးတော့ လိုလား တောင့်တာနေတတ်တာ အပြစ်တော့ မဟုတ်ပါဘူး။ ဒါပေမဲ့ သတိလေးနဲ့ တဆင့်ချင်း သွားကြရင် ကောင်းမယ် ထင်ပါတယ်။ တစ်ခါတည်း သတိလက်လွတ်ပြီးတော့ ပန်းပွင့်ကို အတင်း ဖမ်းဆုပ်ကာ ၊ ပန်းပွင့်ကို နမ်း ၊ ပန်းပွင့်ကို လျက်မိသော " ပညာတတ် လူကြီး " လိုတော့ မဖြစ်စေချင်ပါဘူး။

တစ်ခုသော စကားပုံကလည်း ရှိသေးတယ်လေ။ " ပညာရှိ သတိဖြစ်ခဲ " ဆိုလားပဲ။ ဘယ်လိုပဲ ဖြစ်နေပါစေ။ တကယ်သာ ပညာရှိ ၊ ပညာတတ်ခဲ့မယ် ဆိုရင် ဒီပညာကို လေးစားသော အားဖြင့် အသိလေး ၊ သတိလေးနဲ့ ချင့်ချင့်ချိန်ချိန် ပြောဆိုကြဖို့တော့ လိုပါလိမ့်မယ်။

ဘာလို့လဲ ဆိုတော့ ကျွန်တော် သိထားသော " ပန်းပွင့် ပုံပြင် " ထဲက ပညာတတ် လူကြီးရဲ့ ဇာတ်သိမ်းကတော့ . . . . . . .



*** အခု တလော ကျွန်တော် စာတွေ သိပ်မရေးဖြစ်တာ ဒီလို စာတွေ ရေးဖြစ်မှာ စိုးလို့လည်း ပါပါတယ်။ လွတ်လပ်စွာပဲ ကွဲလွဲနိုင်ပါတယ်။ ***



လေးစားစွာဖြင့်
ကိုဇော်
14-Dec-2011

Share/Bookmark

30 November 2011

24 အလံ


ဘယ်သူလဲတော့ မမှတ်မိတော့ပါဘူး။ ကျွန်တော့် သူငယ်ချင်းထဲက တစ်ယောက်ပါပဲ။ သူရေးတဲ့ ကဗျာလေး တစ်ပုဒ်ထဲက စာလေး တစ်ကြောင်းကို အခုတလောမှာ သတိတရ ဖြစ်နေမိတယ်။ ဒီလိုဗျ။

" ဆက်ကြောင်းတွေ ရှိနေတိုင်း အက်ကြောင်းတွေ ဖြစ်နေတာတော့ မဟုတ်ပါဘူး။ " 

တဲ့။ သူ့ရဲ့ ကဗျာထဲက အစိတ်အပိုင်းလေး တစ်ခု မျှသာပေါ့။ 

အဲ . . . ဒီနေ့ ထူးထူးခြားခြား အနေနဲ့ မြန်မာနိုင်ငံကို နှစ်ပေါင်း ၅၀ ကျော် ကာလအတွင်း ပထမဦးဆုံး လာရောက် လည်ပတ်တယ် ဆိုတဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် အကြောင်း Facebook မှာ တော်တော်ကို မြင်ရပါတယ်။ နေရာတကာ သူ့ပုံချည်းပဲလို့ ပြောလို့တောင်မှ ရပါရဲ့။ ဒါပေမဲ့ တစ်နေရာမှာတော့ ဓါတ်ပုံလေး တစ်ပုံကို တင်ထားတာ တွေ့ရတယ်။ ဒီ အောက်က ပုံလေးပေါ့ဗျာ။


တကယ်တော့ ဒီမြန်မာနိုင်ငံ အလံကို ကျွန်တော် လွန်ခဲ့သော လေးလလောက်ကတည်းက ရွှေဂုံတိုင်မှာ ရှိနေတဲ့ အလံ နှင့် တံဆိပ်ရိုက် လုပ်ငန်းတွေ အနားက ဖြတ်သွား ဖြတ်လာရင်း သတိထား ကြည့်မိပါတယ်။ မြန်မာနိုင်ငံတော် အလံကို အသစ်ပြောင်းပြီးကတည်းက အပြင်မှာ တွေ့ဖူးတာလည်း ဖြစ်လေတော့ သေချာ ကြည့်မိတယ်။ အလံရောင်းတဲ့ ဆိုင်မှာ နမူနာ ပြထားတဲ့ အလံတွေ အားလုံးက တွန့်ကြေမွနေကြတာ မဟုတ်ပေမဲ့ အဝါ ၊ အစိမ်း ၊ အနီ ဆိုသော ပိတ်စ ဖြတ်စ သုံးစကို လွယ်လင့်တကူ တွဲဆက်ကာ ပုံဖော်ထားခြင်း လို့ပဲ ကျွန်တော် မြင်လိုက်မိပါတယ်။

ဟိုးအရင်က မြန်မာနိုင်ငံတော် အလံ အဟောင်းကို ပြန်မြင်ယောင်ကြည့်တော့  အခု လက်ရှိ အလံလောက် တွဲဆက်ထားခြင်း နည်းလို့ သိပ်တွန့်ကြေခြင်း မရှိဘူးလို့ ထင်မိပြန်ပါတယ်။ ဒါနဲ့ပဲ မြန်မာနိုင်ငံ အဝှမ်း ၊ ဌာန အသီးသီးမှာ လွှင့်တင်ထားကြတဲ့ မြန်မာနိုင်ငံတော် အလံတွေကို ဒီလို ပုံစံပဲ ဖြစ်နေမယ်လို့ ယေဘုယျ သဘောနဲ့ ဒီလိုပဲ ခပ်မဆိတ် နေခဲ့လိုက်ပါတယ်။

ဟော . . . ဒီနေ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် လာမယ် ဆိုလို့ နှစ်နိုင်ငံ အလံတွေကို လွှင့်တင်ထားလိုက်တော့မှ ကျွန်တော် သတိထားမိတော့တယ်။ မြန်မာနိုင်ငံ အလံက အရောင် သုံးမျိုးပဲ စပ်ထားတာပါ။ သုံးရောင်ခြယ် ဆက်စပ်ခြင်း ဆိုပါတော့။ အမေရိကန် အလံက ကျတော့ အပိုင်းပိုင်းလေးတွေ ပိုပြီးတော့ ဆက်စပ်ထားတာ မဟုတ်ဘူးလား။ 

အဲဒီ့ အလံ နှစ်ခုကို ကျွန်တော် ယှဉ်ကြည့်လိုက်တော့ တစ်မျိုးတစ်မည် ခံစားမိတယ်။ နိုင်ငံနဲ့ချီပြီးတော့ ဂုဏ်ယူစွာ လွှင့်တင်ထားခဲ့တဲ့ အလံတော်တွေမှာတော့ သတိထားဖို့ ကောင်းမယ် ထင်ပါတယ်။ အခုတော့ ဟိုဘက်က အမေရိကန် အလံက ဆန့်ဆန့် ပြန့်ပြန့် ရှိနေသလောက် ကျွန်တော်တို့ မြန်မာနိုင်ငံ အလံက တွန့်လိမ်ကွေးကောက်စွာ ဆက်စပ်ခံထားရတယ်။ တကယ်ဆို အဆက်များသော အမေရိကန် အလံ ဆိုရင် ပိုတောင်မှ တွန့်လိမ်နေဖို့ ကောင်းတယ် မဟုတ်လား။ 

ကျွန်တော်တို့ မြန်မာနိုင်ငံတော် အလံ အသစ်ကို သုံးရောင်ခြယ်ထားပြီးတော့ သုံးပိုင်းစပ်ကာ မသုံးဘဲနဲ့ ပိတ်စ တစ်သားထဲမှာ အရောင်သုံးမျိုးခြယ်ကာ အပေါ်မှာ ကြယ်တစ်ပွင့်တပ်ပြီး သုံးရင်ရော မဖြစ်နိုင်ဘူးလား။ ဒါမှမဟုတ်ရင်လည်း အရောင်သုံးရောင် ပိတ်စ သုံးစကို ဆက်စပ်ချင်လည်း ဆက်ပါ။ ဒါပေမဲ့ တွန်လိမ်နေခြင်း မရှိဘဲ ပြေပြေပြစ်ပြစ်လေး တွဲစပ်ပြီး လှလှပပ မြန်မာနိုင်ငံတော် အလံလေး တစ်ခုတော့ ဖြစ်စေချင်ပါတယ်။ 

ဘာရယ်တော့ မဟုတ်ပါဘူး။ ဒီလို နိုင်ငံနဲ့ ချီတဲ့ နေ့ရက်ကြီးမှာ ဒီလို မြင်လိုက်ရလို့ ခံစားမိတာလေးကို ချရေးမိတာပါ။ ဒီလို ပြောလို့ ကျွန်တော်က မကောင်းမြင် ဝါဒ သမားတော့ မဟုတ်ပါဘူး။ ကောင်းစေချင်တဲ့ စိတ်ဆန္ဒနဲ့ ပြောမိတာပါ။ ဒီအချိန်မှာ ကျွန်တော် . . . ကျွန်တော့် သူငယ်ချင်း တစ်ယောက်ရဲ့ ကဗျာထဲက စာသားလေး တစ်ကြောင်းကို ပြန်သတိရနေမိတော့တာပါပဲ။

" ဆက်ကြောင်းတွေ ရှိနေတိုင်း အက်ကြောင်းတွေ ဖြစ်နေတာတော့ မဟုတ်ပါဘူး။ "




*** အလံပုံလေးကို Facebook မှ ယူပါသည်။ ***

လေးစားစွာဖြင့်
ကိုဇော်
30-Nov-2011

Share/Bookmark

21 November 2011

10 စကားပုံပျက် ကဗျာ



ဗေဒင် နဲ့ ဝေဟင်
တကယ်တော့ ဘာမှ မတော်ပါ။
ဒီလိုပဲ သူတို့ ကက်ကင်းလည်း မကျ
သူတို့ဖာသာ ယုံကြည်ချက်နဲ့ ရပ်တည်နေခဲ့ကြတာပါ။

တနင်္ဂနွေ ဆိုပြီး . . .
တောင်ပံကို ခပ်ပြင်းပြင်းခတ်
အကြံကုန်တိုင်း ပင်လယ်ကို မျှော်ငေးပြီး
ဆားထိုင်ချက်နေတတ်တဲ့
ဂဠုန် တစ်ကောင်လည်း မဟုတ်ရပါ။

ငယ်စဉ်က သား ၊ ကြီးသော် အား
ငယ်စဉ်က သား ၊ ကြီးသော် ကျား 
ဆိုသော ကျားကျားယားယား
တနင်္လာသား တစ်ယောက်လည်း မဟုတ်ရပါ။

ကျွန်တော်က " အင်္ဂါသား " ပါ။
ခြင်္သေ့တို့ရဲ့ ထုံးစံ အတိုင်း
ဇာတိပြတဲ့ အနေနဲ့ တစ်ခါတလေတော့လည်း
ဟိန်းတတ် ၊ ဟောက်တတ်ပါတယ်။
စိတ်ပါလို့ရယ်တော့ မဟုတ်ဘူး ၊ ဗီဇ ကြောင့်ပါ။

ဗုဒ္ဓဟူးတွေလို . . .
အစွယ်ပါ နဲ့ အစွယ် မပါ
နေ့ရက်တွေကို နှစ်ပိုင်းခွဲကာ ငြင်းကြပြီး
သူတို့က ရှေ့မတိုးခင်မှာ . . .
နောက်တစ်လှမ်း ဆုတ်ကြသတဲ့ ၊
ကျွန်တော် နောက်ဆုတ်နေတဲ့ ဆင်တစ်ကောင် မဟုတ်ပါ။

ကြာသပတေး ရဲ့ အရိပ်အယောင်က
ကြွက်တစ်ကောင်လို့ ကြားတိုင်း
ကြွက်သိုး ၊ အိမ်ကြွက် ၊ မြေကြွက် ၊ ကြွက်မြီးတန်း
ဒီလိုတွေ လျှောက်တွေးရင်း
မီးခိုးကြွက်လျှောက် တွေးလို့ကို မဆုံးနိုင်တော့ဘူး ၊
သေချာတာက  . . .
ကျွန်တော့်စိတ်တွေ ကြွက်တက်နေခဲ့ပြီ။

သောကြာ . . . ပူးလ် ဆိုတာ
Pooh မဟုတ်ကြောင်း
တချို့သော လူတွေကို ရှင်းပြခဲ့ဖူးတယ်။
သောကြာသားတွေ အောက် . . . .အဲ . .
သောကြာသမီးတွေ အောက် . . . အီး . .
အဲဒီလို လမ်းလျှောက် ဗေဒင် ဆရာတွေလို
ကျွန်တော် ဟိုလိုလို ဒီလိုလို မပြောချင်ပါ။
ပြောချင်တာကတော့ . . .
သောကြာ သားသမီးတွေဟာ မွေးရာပါ ကံကောင်းကြပါတယ်။

စနေတွေကို ဂြိုလ်ရှိန်ကြီးတယ်လို့ ယူဆရာကနေ
သူတို့က နေရင်းထိုင်ရင်း ပါဝါတက် လာတတ်ကြတယ်။
စနေကို နဂါးနဲ့  နှိုင်းတတ်ကြလေတော့ . . .
သူတို့ကလည်း နဂါး ဖြစ်တာရော ၊ ဂြိုလ်ကြီးတာရောကြောင့်
တဆိတ်ရှိ အမောက်လေး တထောင်ထောင် ဖြစ်နေတတ်ကြတယ်။
စိတ်မရှိပါနဲ့ . . . ကျွန်တော် ပြောပြပါ့မယ်။
နဂါးနိုင် ဂါထာ ကျွန်တော့်မှာ ရှိပါတယ်။
နဂါးတွေနဲ့ ဆုံရင် သူတို့နဲ့ တည့်တည့်မှာသာ ရပ်ပြီး
မျက်လုံးချင်းတည့်တည့်သာ ကြည့်ပြီး ဆက်ဆံပါ။
ဘေးမှာတော့ မရပ်မိစေနဲ့။
ချစ်သူ ကောင်မလေး ဆိုရင်တော့ ပိုဆိုးပြီပေါ့. . .
ဘာလို့လဲ ဆိုတော့ " နဂါး မျက်စောင်း " ဆိုတာ အကြောင်း သုံးပါး မရွေးဘူး။
မတော် တရော်ဗျာ . . .
ခင်ဗျား နှလုံးသား အရည်ပျော်ကျသွားလိမ့်မယ်။

ဟိုတလောက
ရှေးဟောင်းသမိုင်းကို ဖတ်လိုက်ရတော့ . .
ယတြာ ကောင်းရင် မင်းလောင်းပျောက်တယ် ဆိုပဲ။
ထိုယတြာဆရာက ပေးလိုက်တာ . . .
ထိုမင်းလောင်းအတွက် " အဆိပ် " . . တဲ့။
အင်း . . . တယ်ကောင်းတဲ့ ယတြာပါပဲ။

ဟိုတလောက
သူငယ်ချင်း တစ်ယောက်ပြောတော့
မျက်လုံးပြူးပြီး အံ့သြမိသေးတယ်။
နိမိတ်တဲ့ ၊ ဓါတ်တဲ့ ၊ ယတြာတဲ့ . .
သူ ခပ်သာသာ ပြောသွားတယ်။
မြန်မာနိုင်ငံကို ပိတ်ထားတဲ့ . . .
အဲ . . ဆံရှင် ဆိုလား ၊ ဆံရှည် ဆိုလားကို ပြန်ရအောင် . .
ဓါတ်ဆင်တဲ့ အနေနဲ့ . . .
ခေါင်းဆောင်ရဲ့ ခေါင်းမှာ ဆံပင်ရှားသူကို တင်ရမယ် တဲ့လေ။
သူ ပြောတာကို နားထောင်ပြီး . . .
ကျွန်တော်လေ . . နားထောင်နေတဲ့
နားတွေအစား လက်ကောက်ဝတ်တွေ ယားလိုက်တာ။

အဲဒါနဲ့ . . . ကျွန်တော်က
လူတွေ စုပြုံတိုးနေတဲ့ ရက်ရာဇာမှာ
အလှူခံချင်လာတယ်။
ပြဿဒါးရက်မှာ
သူများတွေ အလှူ နားထားတုန်း ပြန်လှူချင်လာတယ်။
ပုဏ္ဏားနတ်သမီး ရကိန်းပဲ ဖြစ်ဖြစ်
မုဆိုးရွှေအိုး ရကိန်းပဲ ဖြစ်ဖြစ်
သူများ အသက်သတ်ရင်တော့ ငရဲပဲ။
ဒီလိုပဲ . . . .
သွေးအံကိန်းပဲ ဖြစ်ဖြစ်
မြေမျိုကိန်းပဲ ဖြစ်ဖြစ်
နဂါးခေါင်း ဘယ်ဘက်ကို လှည့်လှည့်
ကောင်းမှု လုပ်ဖို့သွားရင်တော့ ကုသိုလ်ရမှာပါပဲ။

ခက်တော့ ခက်တယ်ဗျာ. . . .
ဒီလိုတွေ လျှောက်တွေးရတာကိုက
အနေအထိုင်တွေက မကျ
စကားပုံတွေ . . . မ . . လှ . . တော့ . . . ဘူး . . . ။

ကိုဇော်
21-Nov-2011
Share/Bookmark

19 November 2011

မာနဝင်ရိုးစွန်းရဲ့ တစ်ဘက်မှာ


သာမာန် လူသား တစ်ယောက်ပေမဲ့ သူက ပစ္စည်းမဲ့ ၊ ဂုဏ်မဲ့ လူတန်းစား တွေရဲ့ ရှိရင်းစွဲ လက်ကိုင် ဆောင်ပုဒ် ဖြစ်သော " ပစ္စည်းမဲ့ မာန " တွေ ပြည့်ပြည့်ဖြိုးဖြိုး ကြွားဝါလျက် ရှိသည်။ ဘာမှ မရှိတာကိုပဲ တစ်ခါတလေ ဂုဏ်ယူနေတတ်ပြီး ၊ တစ်ခါတရံ ဘာမှ မရှိတာကိုပဲ ဂုဏ်ပြောင်နေတတ်သည်။ 

သူ့မှာ မိဘ နှစ်ပါးတော့ ရှိ၏။ ဒါပေမဲ့ သူက မိဘတွေဆီမှ လက်ဖြန့်ပြီးတော့ ပိုက်ဆံကို အများသူငါတွေ နာမည်တပ်သလို " မုန့်ဖိုး " ပေးပါ ဟုပင် မတောင်းဖူးချေ။ " ငိုသော ကလေး မုန့်စားရ၏။ " ဆိုသော စကားလေး အတိုင်းပါပဲ။ သူက မတောင်းတတ်သူ ဖြစ်သောကြောင့် သူ မရချေ။ ဒါကိုလည်း သူက အထူးအဆန်းလုပ်ပြီး ငိုကြွေး ဝမ်းနည်းနေတတ်သူ မဟုတ်။ 

လက်ဖြန့်တောင်းသူတွေကို မြင်တိုင်း သူတစ်ပါးရဲ့ ဖုန်းကံကို မှီခို စားသောက်နေခဲ့ရသော " သူဖုန်းစား ၊ သူတောင်းစား " များကိုသာ မြင်နေမိတတ်သည်။ သို့သော် သူ လက်ရှိ မြင်နေရသူတွေကတော့ ထိုသို့ ပေရေ စုတ်ပြတ်သတ်နေသူတွေတော့ မဟုတ်ကြပါ။ တချို့တွေဆိုရင် သပ်ရပ်သားနားပြီး ထည်ဝါလှသော ကားအကောင်းစားများကို စီးထားသော်လည်း သူများဆီမှ လက်ဖြန့်တောင်းနေသော ဟန်ပုံဖြစ်နေကြ၏။ ထိုသူတွေကို မြင်တိုင်း သူ နားမလည် ဖြစ်ကာ ခေါင်းခါရမ်းမိလေသည်။

သူ့ရဲ့ မုန့်ဖိုး အတွက် သူမိဘတွေဆီက သူတောင်းတာတောင်မှ " သားကို တစ်ပတ်စာ ပေးပါလား။ " " တစ်လစာ မုန့်ဖိုး ပေးထားပါလား။ " ဟု တောင်းကြိမ်နည်းအောင် သူက တောင်းလေ့ရှိ၏။ သူ၏ သဘောထားကို သိထားသော မိဘများကလည်း သူ့ကို " သားရေ မုန့်ဖိုး  . . . ရော့ " ဆိုပြီး သူ့လက်ထဲကို ပေးလေ့ မရှိ။ ဟိုးယခင် ပထမပိုင်း ကာလတုန်းကတော့ သူ့ကို ဒီလို ပေးခဲ့ဖူး၏။ ထိုအချိန်မှာ သူက " သားရဲ့ စာကြည့်စားပွဲက အံဆွဲထဲကို ထည့်လိုက်ပါ မေမေ " ဟုသာ ဆိုလေသည်။ 

ဒီလို တစ်ကြိမ်တစ်ခါ မဟုတ်. . . ။ သူနဲ့ ထိတွေ့သူတိုင်း ထိုကဲ့သို့ပင် သူ့ကို နားလည်ရခက်စွာ ခံစားမိတတ်သည်။ သူ၏ ဦးလေး တော်သူ တစ်ယောက်ကတော့  . . " မင်းကလည်းကွာ ၊ ဘာကြီးတုန်း။ ဘယ်လိုပဲ ပေးပေး ရဖို့ အဓိက မဟုတ်လား။ လက်ဖြန့်တောင်းတာနဲ့ သူတောင်းစား ဖြစ်ရမလားကွ။ " ဟု ခပ်ထေထေ ပြောတော့ သူက ဘာမှ ပြန်မပြောဘဲ ခပ်ပေပေသာ နေခဲ့လေ၏။

သူ့မှာ သူငယ်ချင်းတွေ များစွာ ရှိသည်။ သူ့ကိုလည်း သူငယ်ချင်းတွေ များစွာက ချစ်ကြသည်။ သို့သော် သူတို့ ထုံးစံ အတိုင်း သူ့ကို နားမလည်နိုင်ကြ။ သို့သော် မကြာခင် အချိန်မှာတော့ သူ့ရဲ့ စိတ် ၊ သဘောထားကို သိသွားကြကာ နားလည်သွားတတ်ကြသည်။ ဒီလို နားမလည်ချိန် ကာလကြားမှာတော့ သူတို့ သူ့ကို နားမလည်နိုင်ကြချေ။ " ဘာလဲဟ အသားလွတ် ဘဝင်ကိုင်နေပါလား။ " ဟု ခပ်ပေါက်ပေါက် ဝေဖန်တတ်ကြသည်။ သို့သော် သူကလည်း သူ့ရဲ့ ပုံစံ အတိုင်း မမှုချေ။

အချိန်ကာလ တစ်ခုကို ဖြတ်ကျော်အပြီးမှာတော့ သူ အတော်အတန် အရွယ်ရောက်လာသလို အတော်အတန်လည်း ရင့်ကျက်လာခဲ့သည်။ " အတော်အတန် " ဆိုတဲ့ စကားလုံး အတိုင်းပဲ သူ " အလုံးစုံ " တော့ ရင့်ကျက်သွားခြင်း မဟုတ်ပါ။ သူ့ဆီက ငွေချေးထားသော သူငယ်ချင်းတွေဆီက သူက လက်ဖြန့်ရမှာ စိုးတာ တစ်ခုတည်းက ပြန်တောင်းလေ့ မရှိချေ။ ဒါကို သိနေသော တချို့က သူ့ဆီမှ အခွင့်ကောင်း ယူလေ့ ရှိသည်။ သို့သော် သူက အပြုံးတော့ မပျက် ၊ သို့သော် နောက်ထပ် တစ်ခုတော့ အမုန်းဖြစ်အောင် ရှောင်လေ၏။ 

ဒီလိုပဲ တစ်ခါတလေ သူငယ်ချင်းတွေဆီမှ အကြောင်းကြောင်းကြောင့် သူ ငွေယူလိုက်ရသလို ရှိပြီး တစ်ခါတလေ ရုတ်တရက် ချေးလိုက်ရတာတွေ ရှိရင် သူက ပြားစွန်းမှ စပြီး ပြန်ပေးလေ့ ရှိသော သူ့ရဲ့ အလေ့အကျင့် အတွက် သူငယ်ချင်း တချို့က အောင့်သက်သက် ခံစားရဖူးသည်။ သို့သော် ဒီအချိန်က သူ့အပေါ်မှာ သိပ်နားမလည်သေး၍ ဖြစ်ပြီး ၊ သေချာ နားလည်သွားသော အခါမှာ သူ့ကို ခွင့်လွှတ်ပေးတတ်ကြသည်။ သို့သော် ထိုကဲ့သို့ ဖြစ်သော အကြိမ်တိုင်းတော့ သူတို့ အကြိမ်ကြိမ် အံ့သြယူကြရသည်။ 

သူ့နဲ့ ပတ်သတ်ပြီး တခြားသူတွေ အံ့သြယူရတာကို မဆိုလေနဲ့ သူရဲ့နှမကလည်း သူ့အပေါ်မှာ အနီးကပ်ရှိနေလျက်နဲ့ အံ့သြခြင်းတွေက မကုန်နိုင်။ သူ့ရဲ့ လုပ်ခ လစာကို ကြည့်ပြီး သူ့နှမက ပြောလေ့ ရှိသည်။ " ဟာ . . . ကိုကြီးက လခကလည်း x x x x x x x " ဆိုတဲ့ နောက်မှာ သူက ဘာမှ ဆက်မပြောနိုင်အောင် သူ့နှမကို ခပ်စိမ်းစိမ်း စိုက်ကြည့်လိုက်လေ့ ရှိသည်။ ဒီအချိန်ဆိုရင် သူ့နှမ အသာအယာ ငြိမ်သွားလေ့ ရှိသည်။ 

သို့သော် မိုးသားတွေ ကြည်လင်နေတဲ့ နေ့ရက်မှာတွေမှာတော့ သူ စိတ်လိုလက်ရ သူ့ရဲ့ နှမလေးကို သူ ပြောပြတတ်သည်။ သူ့ရဲ့ အကြောင်းပြချက်ကို ကြားတော့ သူ့နှမက အံ့သြမှုတွေ အပေါ်မှာ အံ့သြမှုတွေ ထပ်ဝေဝေအုပ်အုပ် ဖြစ်ကာ မှိုင်းပြာလဲ့နေတတ်သည်။ 

" ကိုကြီး Incentive ဆိုတဲ့ စကားလုံးကို မုန်းတယ် ညီမလေး။ ကိုကြီး ရတဲ့ လခ အပြင်မှာ သူက Allowance ဆိုပြီး ပေးတာ ရှိတယ်။ ဒါကို ကိုကြီး လက်ခံတယ်။ ဒါပေမဲ့ အဲဒီ့ Incentive ဆိုတဲ့ စကားလုံးကို ကိုကြီး မကြိုက်ဘူး။ ကိုကြီးက သူများ မက်လုံးပေးပြီး အလုပ်လုပ်ခိုင်းမှ အလုပ်လုပ်တတ်တဲ့ လူစားမျိုး မဟုတ်ဘူး။ ကိုကြီးက မက်လုံး မပေးလည်း ကိုယ့်အလုပ်တာဝန်ကို ကိုယ် ကျေအောင် လုပ်တတ်ပါတယ်။ ဒါပေမဲ့ ကိုကြီးတို့ သူဌေးက အလုပ်သမားတွေ အားလုံးကို Allowance နဲ့ ထိန်းထားယုံ မကဘူး။ Incentive နဲ့ ကိုင်ထားတယ်။ ကိုကြီးက အဲဒီ Incentive ကို ငြင်းလိုက်တဲ့ အတွက် သုံးပုံ တစ်ပုံ နီးပါးလောက်သော ကိုကြီး လခတွေက ပါမလာတော့ဘူး။ ဒါပေမဲ့လည်း တစ်ခါမှတော့ ဝမ်းမနည်းဖူးပါဘူး။ Incentive ပေးမှ အလုပ်လုပ်တယ် ဆိုတဲ့ လူတွေထဲမှာ မပါတာ တစ်ခုတင် ကျေနပ်တယ်။ "

အဲဒီညနေလေးဟာ သူ့အတွက် ကြည်လင်ပြာစင် နေနိုင်ပေမဲ့ သူ့နှမအတွက်တော့ အံ့သြမှုတွေ နဲ့ ဝေနေခဲ့သည်။ အကြိမ်ရေ များလာလို့ ပေထုံထုံ ဖြစ်လာတာကလွဲလို့ သူ့နှမ အတွက်ကလည်း တွက်ရခက်သော ပုစ္ဆာ တစ်ပုဒ် ဖြစ်လာခဲ့သလို ၊ တွက်မရသော ပုစ္ဆာ တစ်ပုဒ်လည်း ဖြစ်နေဆဲ ဖြစ်၏။

တစ်နေ့တော့ . . . .

လသာသာလား ၊ ကောင်းကင်ပြာပြာလား မသိသော ည တစ်ညမှာ သူ့မှာ ချစ်သူ တစ်ယောက်ရလာခဲ့သည်။ အဝေးကလို့ ပြောလို့ ရသလို ၊ မဝေးဘူးလို့ ဆိုရလောက်အောင် သူတို့ စိတ်ချင်း နီးစပ်ခဲ့ကြသည်ဟု သူ ယုံကြည်နေခဲ့သည်။ အချစ်ဆိုတာ ဒါလား လို့ သူ သေသေချာချာ မသိသော အချိန်လေးမှာ သူကို သူမက ပစ်သွားခဲ့ပြီဟု သူ ယောင်ပေပေ အတတ သိလိုက်ရသည်။ သူ့ထက် သာရာ ၊ သူ့ထက် မြင့်မားရာ နေရာကို တိုးဝှေ့ချိတ်တတ်သွားခြင်း ဖြစ်သည်။ 

သူမရဲ့ အကြောင်းပြချက်ကတော့ သူက သူမကို မြင့်မားရာသို့ ဆွဲခေါ်နိုင်သော လက်တစ်စုံ မရှိဟု သမုတ်သည်။ ဒီအချိန်မှာ တစ်ချိန်လုံး သူ မေ့ထားသော တခြားသော ရှု့ထောင့်က သူ့ရဲ့ ရင်ဝသို့ ခပ်စူးစူး ဝင်တိုးလေတော့သည်။ တင်းပြည့်ကျပ်ပြည့် မာနတွေက ဝရုန်းသုံးကား သူ့နှလုံးသားတွေကို စီးဆင်း၏။ သူ သုံးရက် တိုင်တိုင် အိပ်မပျော် ၊ အိပ်၍ မရခဲ့ပေ။ စိတ်လွတ်နေသူ တစ်ယောက်ကဲ့သို့ သူ သူ့ပတ်ဝန်းကျင်မှာ ကျင်လည်၏။ သူ့ရဲ့ လက်သို့ သူ ကြည့်နေမိသည်။ 

လက်ဆိုတာ ကမ်းယူဖို့တင် မဟုတ်ပါလား။ လက်ဆိုတာ သူများကိုလည်း ကမ်းယူ တွဲခေါ်လို့ ရပါသေးလား ဟု သူ အလန့်တကြား သိခွင့် ရခဲ့သည်။ သို့သော် သူ့ရဲ့ ချစ်သူ ဟု နာမည်တပ်သော သူ့ရဲ့ သူမကတော့ တခြားသော တစ်ယောက်ဆီမှ ဖြန့်ကားထားသော လက်ဖဝါးဆီကို တွယ်ချိတ်သွားခဲ့လေပြီ။

လက် . . .

လက် . .

လက် . . . .

ဆိုပြီး သူ အကြိမ်ရေ တသန်း မက သူ ရေရွတ်ခဲ့ဖူးပြီး ၊ လက်ကမ်းခြင်းကို သူ ရှု့ထောင့်မျိုးစုံမှ လေ့လာဖြစ်ခဲ့သည်။ ပြီးတော့ သူ နံရံမှာ စာတစ်ကြောင်း ချရေးခဲ့၏။ 

" ချစ်ခြင်း နဲ့ လက်ထပ်ခြင်း ကွဲပြား ခြားနားစွာ မသိခင် အထိ ကျနော်နဲ့ သူမ ချစ်သူတွေ ဖြစ်ခဲ့ကြပါသည်။ " 

ထိုစာသားက သူ့ရဲ့ မူပိုင် စာသား မဟုတ်ပေမဲ့ အခုနေ အချိန်မှာတော့ သူ့ရဲ့ သည်းပွတ်စာ ဖြစ်၏။ ဒီလိုနဲ့ နေညိုတော့လည်း လထွက် ၊ နေ့ရက်တွေ ကူးပြောင်းသွားခဲ့ကြပါတော့သည်။ 

ချစ်သူကို လက်ကမ်းနိုင်ဖို့ ဘာတွေ အဓိက လိုလေမလဲ လို့ သူ သူငယ်ချင်းတွေနဲ့ တိုင်ပင်တတ်လာခဲ့သည်။ သူ့သူငယ်ချင်းတွေမှာ တချို့က ကျယ်ကျယ်လောင်လောင် အော်ကြသည်။ တချို့က ဖာသိဖာသာ ၊ တချို့က ကိုယ့်ဖာသာ ကိုယ် ရှာဟု ဆို၏။ တချို့က ပုံသေကားချပ် မကျဟု ပြောသည်။ ဘယ်လိုပဲ ဖြစ်ဖြစ် အားလုံးရဲ့ အသံတွေကို စလုတ်တိုက်ပြီး ရာခိုင်နှုန်း တစ်ခု အထိ စစ်ထုတ်လိုက်တော့  .. . . .  

" ဂုဏ် "

" ငွေ "

" ပညာ "

" သိက္ခာ "

" အဆင့်အတန်း "

" အပေါင်းအသင်း "

" မျိုးရိုး "

ဒီလိုနဲ့ အမျိုးမျိုးပါပဲ။

ဒီလိုနဲ့ နဂါးခေါင်း သူ့ဘက် လှည့်တဲ့ တစ်နေ့မှာ သူ ကောင်မလေး တစ်ယောက်ကို ထပ်တွေ့ခဲ့၏။ အမှန်အတိုင်း ဆိုရရင် ရုတ်တရက်လည်း သူ ရင်မခုန်ပါ။ ခင်မင်မှု ဆိုတာထက် သူမဟာ ခဲတစ်လုံးများ ဖြစ်လေမလားလို့ သူ့ကိုယ်သူ စာသူငယ်လို သဘောထားပြီး သူ တွေဝေ နေခဲ့သည်။ ဒီအချိန်မှာ သူ့ရဲ့ ခေါင်းတွေက ဖုထစ် မူးဝေနေခဲ့သည်။ 

ကျိတ်မှိတ် မျိုသိမ့်ရခြင်းရဲ့ ဝေဒနာက စာချရေးဖို့ ခက်လွန်းလှသည်။ သူမကို မြင်ရင် . . . . ( Sorry ) လိုင်းပေါ်တတ်နေသော အကောင့်လေးမှ သူမ တင်ထားသော သူမ ဓါတ်ပုံလေးကို မြင်ရင် သူ့ရဲ့ ဒဏ်ရာတွေကို မေ့ကာ Hi လို့ နှုတ်ဆက်မိပြန်လေသည်။ ထိရှလာစေနိုင်တဲ့ ဒဏ်ရာတွေက အဆက်မပြတ်သော ခဲတွေမှ ဖြစ်နိုင်တယ် လို့ သူ့ကို သူ သတိပေးရင်း တစ်နေ့တော့ သူ့လက်ကို သူ သတိတရ ပြန်ကြည့်မိသည်။ 

ချစ်သူ တစ်ယောက်ကို ကမ်းလင့်သော လက်ဖြစ်စေဖို့ သူမ အတွက် ဘာတွေ လိုအပ်လေလိမ့်မလဲ။ 

" ဂုဏ် "

" ငွေ "

" ပညာ "

" သိက္ခာ "

" အဆင့်အတန်း "

" အပေါင်းအသင်း "

" မျိုးရိုး "

ဒီလိုနဲ့ သူ ပြန်ပြီးတော့ ဆွံအ သွားခဲ့ပြန်တော့သည်။ လူအ တွေရဲ့ အိပ်မက်ကလည်း နန်းတော်ထဲမှာ ရတနာတွေနဲ့ ဇယ်တောက် နေနိုင်သေးတာပါပဲ။ သူကလည်း သူမ အတွက် ခမ်းခမ်းနားနား ဇယ်တောက်နေမိ၏။ သို့သော် သူ့ဟာသူ ချုပ်ကာ သူက အ နေခဲ့သည်။ 

" ဂုဏ် " ဆိုတဲ့ စကားလုံးကို အဓိပ္ပါယ် ဖွင့်မိတဲ့ နေ့က " ဂငယ် " လည်း ပျောက်ပြီး " ဏကြီး " တစ်လုံးတည်းကသာ သူ့ကို တစ်ထီးတစ်နန်းနဲ့ ဂဏာန်းကြီးလို ကာဆီးကာဆီး လုပ်နေခဲ့၏။ သူက " ဂုဏ် " ငယ်သူ တစ်ယောက်ထက် ပိုပြီး " ဂုဏ် " ငယ်သွားခဲ့ရသည်။ 

ချစ်သူကို ချစ်တယ် လို့ ဆိုဖို့ အရှေ့က စကားလုံးတွေက သူ့ကို ကိုယ်ယောင်မပြဘဲ ခြောက်၏။ အသံ မပေးဘဲ လှန့်၏။ ကြာတော့လည်း သူ့ဖာသာ သူ လိပ်ပြာလန့်ကာ သူ့ဖာသာသူပဲ ကျယ်ကျယ်လောင်လောင် တိတ်တဆိတ် ကွဲကြေမိသည်။ 

သူ  . . . . 

နောက်ထပ် . . . . 

နောက်ထပ် . . . . 

နောက်ထပ်သော ချစ်သူကို ကမ်းဖို့ လက်တွေကို သူ အဓိပ္ပါယ် မဖွင့်ဆိုနိုင်ခဲ့တော့ပါ။ သူ့ဘက်က ၁၀၀ ရာခိုင်နှုန်း မဟုတ်တာတောင်မှ တချို့သော အရာတွေကို လက်ဖဝါးမှာ ခပ်ပါးပါး ရှိလာတဲ့ နေ့မှာ သူ့ချစ်သူကို သူ ဖွင့်ပြောမယ် လို့ သူ့ဖာသာ တစ်ကိုယ်တည်း အသံတိတ် ကြုံးဝါးခဲ့သည်။ ဖြစ်ချင်တော့ အဲဒီနေ့က လကွေးက သူ့ကိုယ်သူ ခြုံလို့ မလုံတလုံနဲ့ သူ့ကို ငေးနေခဲ့သည်။

ထလိုက် . . . .

ထိုင်လိုက် . . . . 

လဲကျလိုက် . . . 

ပြန်ထလိုက်နဲ့ . . . .

သူ့ဘဝကို သူ ထူနေရင်း မထင်မှတ်တဲ့ တစ်နေ့မှာ သူ့ချစ်သော သူမကို သူ ရုတ်တရက် " ခကွေး " ခပ်လှလှလေးနဲ့ " ချစ်တယ် " လို့ ပြောမိသွားသည်။ ကြယ်တွေ အုန်းအုန်းကျွက်ကျွက် ကခုန်နေသလိုမျိုး သူ့မျက်ဝန်းထဲမှာ အလင်းတန်းတွေက ဖြာလဲ့နေခဲ့သည်။ 

ချစ်သူကို ချစ်တယ် လို့ ပြောရတဲ့ စကားက ရင် အစုံကို ခြေကန်ပြီး နှလုံးသားကို ထုတ်ယူလိုက်သလိုပါပဲ။ အဲဒီနေ့က သူ သူမကို ပြောပြီးတော့ အားနည်းနေခဲ့သည်။ ဘဝမှာ စကားနည်းပြီး အတီးအတ နဲ့ တကယ်ကို ဂွတီးဂွကျ ဖြစ်နေခဲ့သည်။ 

အင်နဲ့ အားနဲ့ စိတ်တွေကို သူမဆီ ပို့လိုက်ရသူလို သူ အင်ပြတ် အားပြတ် ဖြစ်ကာ အိမ်အပြန်လမ်းမှာ သူ့ဖာသာ တွေးနေမိသည်။ 

ငါ . . . .

ငါ . . . .

ငါ . . . . 

ဆိုပြီး အခါခါ တွေးနေခဲ့သည်။ ဒီအချိန်ထိလည်း သူ့ရဲ့ လက်မှာ ဗလာနဲ့။ ပြီးတော့ . . . . ဗလာပါပဲ။ ကျိန်ဆဲတတ်သူ ဆိုရင် ဒီအချိန်ဟာ " တစ်ခါ သေဖူးတာတောင်မှ ပျဉ်ဖြုန်းတဲ့ ကောင် " လို့ သူ့ကိုယ်သူ သတ်မှတ် ရလေမလား။ 

ဒါပေမဲ့ . . .

သူလည်း စစ်ထဲ ရောက်ရော ၊ သူက တတ်ကြွနေခဲ့တဲ့ သူရဲကောင်း တစ်ဦး ဖြစ်နေခဲ့ပါသည်။ ဘာလို့လဲ ဆိုတော့ သူ့ကျည်တောက်ထဲမှာ မြားတွေက တစ်ပုံတစ်ပင်နဲ့။ သူ ချစ်သော သူ့ချစ်သူ ကောင်မလေးရဲ့ မြားတွေနဲ့ ၊ အရာရာကို ပစ်ခွင်းမယ်ဆိုတဲ့ မာန်တွေနဲ့ သူ ရဲဝံ့နေခဲ့၏။ ဟုတ်တယ် . . သူ့ကောင်မလေးက သူ့ကို ပြန်ချစ်ခဲ့သည်။ 

တိုက်တိုင်းအောင်နေခဲ့တဲ့ စစ်သူကြီး တစ်ယောက်လို ယုံကြည်ရဲဝံ့သော ခြေလှမ်းတွေနဲ့ အနာဂတ်ကို သူ မှန်းကြည့်ခဲ့သည်။ 

သို့သော်  . . .  သူချစ်ခဲ့သော သူမသည် ချစ်စရာ ကောင်းလှသော မိန်းကလေး တစ်ယောက်သာ ဖြစ်သည်။ ထို့ကြောင့် သူ ကမ်းချင်သော သူ့ရဲ့ လက်မှာ တချို့သော အရာတွေ ရှိနေဖို့ လိုအပ်ပါသေးသည်။

" ဂုဏ် "

" ငွေ "

" ပညာ "

" သိက္ခာ "

" အဆင့်အတန်း "

" အပေါင်းအသင်း "

" မျိုးရိုး "

အဲဒီနေ့က သူ သူ့ဖာသာ ကျရှုံးကာ မြို့အိုအိုမှာ ငိုနေခဲ့မိသည်။ ပြီးတော့ နံရံမှာ စာတစ်ကြောင်း ရေးခဲ့၏။ 

" အ နေတာကမှ ကောင်းသား။ အခုတော့ စကားသင်ပြီးမှ ဆက်ပြောခွင့် မရတဲ့ လူလို ငါ ဘဝကို ငါ သူမ မပါဘဲ ဘယ်လို ဆက်ရေးရမလဲ။ " 

သို့သော်  . . .

သူ . . . . 

သူမ ရဲ့ ရင်တွင်းကို နားလည်ခဲ့ပါသည်။ 

သို့သော်  . . .

သူ . . . .

သူမရဲ့ ရင်ထဲကို အသေအချာ နားမလည်နိုင်သေးပါ။ 

ဘယ်လိုပဲ ဖြစ်နေပါစေ။ သူကတော့ သူမကို မှေးမှိန် ဖျော့တော့သည် အထိ ဆက်ချစ်နေပါလိမ့်မည်။ တစ်ခါတရံမှာ တချို့ကိစ္စတွေက . . . . သဲထဲ ရေသွန်ပြီး အရာထင်နိုင်သလို ၊ တချို့ကိစ္စတွေကျတော့ ရေထဲ သဲသွန်ရုံပါ ၊ ရေဂယက်ငြိမ်ရင် ဖာသိဖာသာနဲ့ . . . . .

အခုတော့ သူ့ရင်မှာ " ဟာ " နေခဲ့ပါသည်။ 

ဘယ်လိုပဲ ဖြစ်ပါစေ . . . သူမကို သူ အမြဲတမ်း ဆက်ချစ်နေပါဦးမည်။

ဖြစ် . . . နိုင် . . . ခဲ့ . . .  မယ် . . . ဆို . . . ရင်. . . . ဘ . . . ဝ . . . များ . . . စွာ . . .  ပေါ့ . . . . ။



*** မလေးစားလို့ မဟုတ်ပါ။ သို့သော် စိတ်ခံစားမှု အရ ရေးလိုက်တာ ဖြစ်၍ ဤပို့စ်တွင် Comment ပေးရန် မလိုပါ။ ဒါကြောင့် ပိတ်ထားပါသည်။ ***



လေးစားစွာဖြင့်
ကိုဇော်
19-Nov-2011

Share/Bookmark

09 November 2011

19 မေတ္တာ ပေါင်းကူး တံတား




တစ်ခါက . . . 

တောင်ပေါ်ရွာလေး နှစ်ရွာဟာ ချောက်ကမ်းပါးကြီး တစ်ခုကို အလယ်မှာ ခြားလျက် မျက်နှာချင်းဆိုင် တည်ရှိနေသတဲ့။ ထိုချောက်ကမ်းပါးကလည်း ပေတစ်ရာ နီးပါးလောက် ကျယ်ပြီးတော့ ပေ ၃၀၀ လောက် နက်ကာ အောက်မှာတော့ အရှိန်ပြင်းပြင်းနဲ့ စီးဆင်းနေတဲ့ ချောင်းလေး တစ်ခုကလည်း ရှိနေလေတယ်။ မနက် မိုးလင်းလိုပဲ ဖြစ်ဖြစ် ၊ ညနေ နေဝင်ရီတရောမှာပဲ ဖြစ်ဖြစ် တစ်ဘက်ကနေ တစ်ဘက်ကို လှမ်းကြည့်လိုက်ရင် ရွာလေး နှစ်ရွာဟာ တစ်ရွာကို တစ်ရွာ ထင်ထင်ရှားရှား ပြတ်ပြတ်သားသား မြင်နေရပေမဲ့ ချောက်ကမ်းပါးကြီးက ခြားနေတဲ့ အတွက်ကြောင့် တစ်ဘက်နဲ့ တစ်ဘက် ကူးလူး ဆက်သွယ်ခွင့် မရကြရှာဘူး။

တစ်ဘက်မှာ မြင်နေရတဲ့ ရွာနဲ့ ဒီဘက်က ရွာ ဆက်သွယ်ကြဖို့ ဆိုတာ တောင်ပေါ်ကနေပြီးတော့ တောင်ကို ပတ်ပြီး ဖောက်ထားတဲ့ တောင်ပတ်လမ်းကနေ နှစ်နာရီလောက် ဆင်းသွားပြီးတော့ တောင်ခြေ မရောက်ခင်မှာ ဟိုဘက်ကို သိပ်မဝေးတော့တဲ့ နေရာကနေ တောင်ကို လှမ်းကူးထားတဲ့ ခိုင်ခိုင်ခံ့ခံ့ တံတားလေးကနေ ဟိုဘက် တောင်ကို ကူးပြီးမှ တောင်ပေါ်ကို နောက်ထပ် နှစ်နာရီလောက် တက်ရင် တောင်ပေါ်က ရွာလေးကို ရောက်သွားပြန်တယ်။ ဒီလိုနဲ့ပဲ မြင်နေရတဲ့ တောင်ပေါ် ရွာလေး တစ်ရွာကနေ နောက်ထပ် တောင်ပေါ်ရွာလေး ဆီကို ကူးသန်းကြရတယ်။

ဒီလိုနဲ့ နှစ်ပေါင်းများစွာ သူတို့ရဲ့ တောင်ပေါ် ရွာလေး နှစ်ရွာရဲ့ ကူးလူး ဆက်ဆံရေးဟာ ဒီလိုပဲ ရှိနေခဲ့တယ်။ လေငြိမ်နေတဲ့ အချိန်ဆိုရင် ဒီဘက် ချောက်ကမ်းပါးမှာ ရပ်နေတဲ့ လူတစ်ယောက်က ဟိုဘက် ချောက်ကမ်းပါးမှာ ရပ်နေတဲ့ လူကို လှမ်းအော်ပြီးတော့ စကားပြောလို့ ရပေမဲ့ တစ်ဘက်နဲ့ တစ်ဘက် ကူးသန်းဖို့ ကျတော့ ဒီဘက် တောင်ပေါ်က ဆင်းပြီးတော့မှ ဟိုဘက် တောင်ပေါ်ကို တက်ကြရတယ်။ အခုလို ကြားမှာ ခြားနေတဲ့ ချောက်ကမ်းပါးကို ကူးသွားနိုင်ဖို့ တံတားဆင်ဖို့ ဆိုတာကလည်း ကြိုးတံတားက လွဲလို့ မဖြစ်နိုင်ဘူး။ 

ဒီလို ကြိုးတံတား တည်ဆောက်ဖို့ သူတို့ အကြိမ်ပေါင်းများစွာ ကြိုးစားဖူးခဲ့တယ်။ လူပေါင်းများစွာ ၊ ပစ္စည်းပေါင်းများစွာနဲ့ လျှောက်လှမ်းနိုင်ဖို့ ဆိုတာ များစွာသော ဝန်ကို တံတားက ထမ်းထားရမှာ ဖြစ်လို့  တံတားကို အဓိက ထမ်းပိုးထားမဲ့ ကြိုးဟာလည်း အလွန်အားကောင်းပြီး ကျစ်လျစ် တုတ်ခိုင်တဲ့ ကြိုးဖြစ်ဖို့ လိုတယ် လို့ သူတို့ တွေးခဲ့ကြတယ်။ ဒါကြောင့် တံတားထိုးဖို့ ကြိုး အလုံးကြီးကြီးကို တစ်ဘက်ကမ်းကနေ ဟိုဘက် ကမ်းကို ရောက်အောင် ဘယ်လို ပို့ရမယ် ဆိုတာကို စဉ်းစား မရခဲ့ကြဘူး။ လူပေါင်းများစွာရဲ့ အလေးချိန် ၊ ပစ္စည်း အထွေထွေရဲ့ အလေးချိန်ကို ခံနိုင်ဖို့ ကြိုးတံတားကို ကြိုး အလုံး ကြီးကြီး နဲ့ သွယ်ဖို့ ထိုကြိုးအလုံးကြီးကို တဘက်ကမ်းဆီ ရောက်အောင် ဘယ်လိုမှ ဆက်သွယ် မရခဲ့ဘူး။

ကြိုးလုံးကြီးကို ဒီဘက်ကမ်းကနေ ဟိုဘက်ကမ်းကို ရောက်အောင် လှမ်းပစ်တော့လည်း ဘယ်လိုမှ ဟိုဘက်ကမ်းကို မရောက်နိုင်။ သူတို့ ဟိုဘက် ကမ်းကို ကူးတဲ့ လမ်းကြောအတိုင်း ကျတော့လည်း ခရီးလမ်းက ရှည်တော့ ဘယ်လိုမှ ကြိုး အရှည်က မရောက်နိုင်။ ဒီလိုနဲ့ နှစ်ပေါင်းများစွာ ဟိုဘက်ရွာနဲ့ ဒီဘက်ရွာဟာ ကူးလူးဆက်ဆံမှုက တောင်ပေါ်မှ တောင်ခြေကို ဆင်း ၊ တောင်ခြေမှ တခြားတောင်ခြေကို ကူးကာ တောင်ပေါ်ကို ပြန်တက်ရတဲ့ နည်းလမ်း တစ်ခုတည်းနဲ့တင် သူတို့ ရွာနှစ်ရွာရဲ့ ပေါင်းသင်းဆက်ဆံရေး အဆင်ပြေစေခဲ့တယ်။ မြင်နေရတဲ့ တောင်ပေါ်မှ ချောက်ကမ်းပါးမှာ ဟိုဘက် ဒီဘက် ကူးဖို့ ကြိုးတံတား တည်ဆောက်ရေးကိုတော့ အားလုံးက မဖြစ်နိုင်ဘူး ဆိုတာ လျစ်လျူရှူ့ကာ မေ့ထားလိုက်လေတော့တယ်။



တစ်နေ့တော့ . . .  .

သူတို့ရဲ့ တောင်ပေါ် ရွာလေးဆီကို လူငယ် တစ်ယောက် ရောက်ရှိလာခဲ့တယ်။ အဲဒီ လူငယ်က တောင်ပေါ်ကနေပြီးတော့ လှမ်းကြည့်လိုက်တော့ ချောက်ကမ်းပါးသာ ခြားနေတဲ့ ဟိုဘက်က ရွာကို မြင်ပြီး ဒီချောက်ကမ်းပါးကို ကြိုးတံတားလေး ထိုးလိုက်ရင် ဟိုဘက် ဒီဘက် လွယ်ကူသွားမယ် ဆိုတဲ့ အကြောင်းကို ပြောလာခဲ့တယ်။ သူ့ဆီက စကားကို ဘယ်သူကမှ အရေးတယူ မရှိကြပါဘူး။ ဘာလို့လဲ ဆိုတော့ ဒီလို အကြံကို သူတို့ တောင်ပေါ်ရွာက လူတွေ ရခဲ့တာ နှစ်ပေါင်းများစွာ ရှိနေခဲ့ကြပြီးတော့ ကြိုးတံတားလေး မထိုးနိုင်တာကလည်း အကြံရပြီးကတည်းက နှစ်ပေါင်းများစွာ ရှိနေခဲ့ပြီ မဟုတ်ပါလား။ တကယ်ကို ကြိုးစားခဲ့ကြသူတွေလည်း ရှိခဲ့ပါတယ်။ သူတို့ အားလုံးလည်း တံတားထိုးဖို့ ကြိုးလုံးကြီးကို ဟိုဘက် ကမ်းကို ရောက်အောင် ဘယ်လိုမှ အောင်မြင်အောင် မကြိုးစားနိုင်ခဲ့ဘူး။

ဟိုဘက် ဒီဘက်ကို လှမ်းမြင်နေရတဲ့ တောင်ပေါ်ရွာလေး နှစ်ရွာကို ကြည့်ပြီး ကြိုးတံတား ထိုးဖို့ စိတ်အား ထက်သန်နေတဲ့ လူငယ်လေးကို ရွာက လူတွေ အားလုံးက ဝိုင်းပြီးတော့ နှစ်သိမ့်ကြတယ်။ သူတို့လည်း နှစ်ပေါင်းများစွာ ကတည်းက ဒီစိတ်ကူးကို ရခဲ့ကြဖူးပြီးတော့ ကြိုးစားကြဖူးကြောင်း ဒါပေမဲ့ လူအား ဝန်အားကို ခံနိုင်တဲ့ ကြိုးလုံး တုတ်တုတ်ကြီးတွေကို ဟိုဘက် ကမ်းကို ရောက်အောင် ဘယ်လိုမှ ပို့လို့ မရလို့ ဒီအတိုင်းသာ ထိုင်နေရတာ ဖြစ်ကြောင်း ဖျောင်းဖျကြတယ်။ သူတို့ရဲ့ စကားကို ကြားတော့ အလည်ရောက်နေတဲ့ လူငယ်လေးက သူတို့ကို ကြည့်ပြီးတော့ အံ့သြသွားတယ်။

“ ဒီကိစ္စကို မပူပါနဲ့။ ဟိုဘက်ကမ်းကို ရောက်အောင် ကြိုးပို့ဖို့ ခက်နေတယ် ဆိုရင် ဒါကို ကျွန်တော် ကူညီပေးလို့ ရပါတယ်။ ဟိုဘက် ဒီဘက် ကြိုးတစ်စ ဆက်သွယ် လိုက်နိုင်ပြီ ဆိုတာနဲ့ ကြိုးတံတား တည်ဆောက်ဖို့ အဆင်ပြေ သွားမှာပါ။ ကြိုးတံတား ထိုးဖို့ စိတ်ကူး ရှိတယ် ဆိုရင် ကျွန်တော် ပြောသလိုသာ လုပ်ပါ။ ”

ဆိုပြီး ပြောတယ်။ ရွာက အတွေ့အကြုံ ကြွယ်ဝသူတွေကလည်း လူငယ်လေးရဲ့ တတ်ကြွမှုကို မတားချင်ပေမဲ့လည်း နှစ်ပေါင်းများစွာ သူတို့ နည်းလမ်းပေါင်းများစွာနဲ့ ကြိုးစားမှုကို ကိုယ်တွေ့ ခံစား သိရှိထားတော့ လူငယ် ပြောတာကို ဘယ်လိုမှ ဖြစ်နိုင်မယ် မထင်မိဘူး။ ဒါကြောင့် သူတို့ စိတ်မပါ လက်မပါနဲ့ ခေါင်းငြိမ့်ခဲ့ကြတယ်။ လူငယ်လေး ဘယ်လို ပြင်ဆင်မယ် ဆိုတာ မသိပေမဲ့ အားတတ်သရော မရှိကြဘူး။ ပြီးတော့ လူငယ်လေး ရဲ့ တံတားထိုးဖို့ လိုအပ်တယ် ဆိုတဲ့ ပြင်ဆင်မှုကိုလည်း ကြားရရော သူတို့ အားလုံး လူငယ်လေးကို ဝိုင်းပြီးတော့ နားမလည်နိုင်သလို ကြည့်ကြတယ်။ လူငယ်လေးက သူ့ရဲ့ လိုအပ်ချက်ကို ပြောပြတယ်။

" ကျွန်တော် အခု လောလောဆယ် လိုအပ်နေတာက စာပို့ခိုလေး တစ်ကောင်နဲ့ အပ်ချည်ကြိုး ရှည်ရှည် တစ်လုံးပါပဲ။ "

လို့ ဆိုတယ်။ လူငယ်လေးရဲ့ စကားကိုလည်း ကြားရော အားလုံးက လူငယ်လေးကို စိတ်မနှံ့သူလို့ ယူဆလိုက်မိသလို ဖြစ်သွားကြတယ်။ ဒါပေမဲ့ လူငယ်လေးကတော့ တည်ကြည်စွာ ဆက်လက် တောင်းဆိုနေခဲ့တယ်။ လူပေါင်းများစွာ ၊ အလေးချိန် များသော ပစ္စည်းပေါင်းများစွာနဲ့ ဖြတ်သန်းမဲ့ ကြိုးတံတားကို ဆောက်ဖို့ ခိုင်ခန့်တဲ့ ကြိုးတွေကို မတောင်းဘဲနဲ့ အပ်ချည်ကြိုးကိုပဲ တောင်းနေတော့ လူငယ်လေးကို နားမလည်နိုင်အောင် ဖြစ်ကြရတယ်။ ဒါပေမဲ့  လူငယ်လေး ထပ်ကာ ထပ်ကာ တောင်းဆိုနေတဲ့ အတွက် လူငယ်လေး လိုချင်တာကို စိတ်မပါဘဲ ပေးလိုက်ကြတယ်။

စာပို့ခို နဲ့ အပ်ချည်ကြိုး ရပြီ ဆိုတာနှင့် တပြိုင်နက် လူငယ်လေးက စာပို့ခိုလေးရဲ့ ခြေထောက်မှာ အပ်ချည်ကြိုးကို ချည်ကာ ဟိုနား ဒီနား လိုသလို ပျံသန်းနိုင်အောင် လေ့ကျင့်နေခဲ့တယ်။ လူငယ်လေးရဲ့ ရည်ရွယ်ချက်ကို သေချာ မသိသေးတဲ့ အတွက် ရွာခံလူတွေ အားလုံးကတော့ လူငယ်လေးကို သနားဂရုဏာ သက်နေကြတယ်။ လူငယ်လေးကတော့ ဘယ်သူ့ကိုမှ ဘာမှ မပြောတော့ဘဲ သူလုပ်စရာ ရှိတာကိုသာ လုပ်နေတော့တယ်။



ရက်အနည်းငယ် ကြာတော့ လူငယ်လေးက သူ လေ့ကျင်ပေးထားတဲ့ ခိုလေးကို ကိုင်ပြီးတော့ ရွာမှာ ရှိနေတဲ့ လူကြီးတွေ အားလုံးကို ခေါ်ယူကာ စုစည်းလိုက်တယ်။ ပြီးမှ . . .

" ကျွန်တော် ဒီနေ့က စပြီး ဟိုဘက် တောင်ပေါ်ရွာနဲ့ ဒီဘက် တောင်ပေါ်ရွာ နှစ်ရွာကို ဆက်သွယ်တဲ့ ကြိုးတံတားကို စဆောက်ပါတော့မယ်။ ဒါ့ကြောင့် ကျွန်တော့်ကို လိုတာလေးတွေ ဝိုင်းဝန်း ကူညီကြပါ။ "

လို့ ဆိုတယ်။ ဘယ်လို ဆောက်မယ် ဆိုတာ မသိပေမဲ့ တကယ် ဆောက်မယ် ဆိုတော့ အားလုံးလည်း တတ်ကြွလာကြတယ်။ ဝိုင်းဝန်း ကူညီဖို့ အားတတ်သရော ပြင်ဆင်ကြတယ်။ လိုအပ်တာတွေ အားလုံး အဆင်သင့်ဖြစ်ပြီ ဆိုတော့ လူငယ်လေးက သူလေ့ကျင့်ပေးထားတဲ့ ခိုလေးကို ကိုင်ပြီး ချောက်ကမ်းပါးကြီးရဲ့ အစွန်းမှာ ရပ်လိုက်တယ်။ ပြီးတော့ ဟိုဘက်မှာ လှမ်းမြင်နေရတဲ့ တောင်ပေါ်ရွာလေးကို လှမ်းကြည့်လိုက်တယ်။ ဟိုဘက်တောင်ပေါ်ရဲ့ ချောက်ကမ်းပါး အစွန်းမှာလည်း သူတို့ နှစ်ရွာကို ပေါင်းကူး တံတားလေး ဆောက်ပေးမယ် ဆိုတဲ့ အသိကြောင့် အားလုံး လိုလိုက လူငယ်လေးကို မျှော်လင့်ခြင်းကြီးစွာသော မျက်လုံးတွေနဲ့ ကြည့်နေကြတယ်။

အားလုံးကို တစ်ချက် ဝေ့ကြည့်ပြီးတော့ လူငယ်လေးက သူ့လက်ထဲမှာ ကိုင်ထားတဲ့ စာပို့ခိုလေးကို ကောင်းကင်ယံသို့ လွှင့်မြှောက်ကာ ပျံသန်းစေလိုက်တယ်။ ဒီလို ပျံသန်းခွင့် ရသွားပြီ ဆိုရင်ပဲ စာပို့ခိုလေးဟာ လူငယ်လေး လေ့ကျင့်ပေးထားတဲ့ အတိုင်း ဟိုဘက် တောင်ကမ်းပါးမှာ ရှိနေတဲ့ လူတွေဆီကို ဦးတည်ပျံသန်းသွားတယ်။ ခိုလေးရဲ့ ခြေထောက်မှာ လူငယ်လေး ချည်နှောင်ပေးလိုက်တဲ့ အပ်ချည်ကြိုးလေးဟာ ဝေ့ဝဲပြီး ပါသွားတယ်။ အပ်ချည်ကြိုးကို ခိုလေးက ဆွဲယူပျံသန်းသွားတယ် ဆိုရင်ပဲ လိပ်ချည်ထားသော အပ်ချည်လုံးထဲမှ အပ်ချည်ကြိုးများကလည်း တလှစ်လှစ်နဲ့ ခိုလေး ပျံသန်း ဆွဲရာ နောက်ကို ဖြေလျော့ကာ ထွက်လိုက်သွားတယ်။

ပျံသန်းသွားတဲ့ ခိုလေးဟာ ဟိုဘက် ကမ်းပါးကိုလည်း ရောက်ရော ဟိုဘက်မှာ စောင့်နေတဲ့ လူတစ်ယောက်က ခိုလေးကို လှမ်းဖမ်းယူလိုက်ပြီးတော့ ခိုလေးရဲ့ ခြေထောက်မှာ ချည်နှောင်ပေးလိုက်တဲ့ အပ်ချည်ကြိုးကို ဖြုတ်ယူလိုက်ပြီး ခိုလေးကို လှောင်အိမ်ထဲ ထည့်လိုက်တော့တယ်။ သူ့လက်ထဲမှာ ရောက်ရှိနေတဲ့ အပ်ချည်ကြိုးကို ဆွဲယူလိုက်တော့ လျော့တိ လျော့ရဲနဲ့ ဖြစ်နေတဲ့ အပ်ချည်ကြိုးလေးဟာ ခပ်တင်းတင်းလေး ဖြစ်လာခဲ့တယ်။ တင်းလာတာနဲ့ အမျှ အပ်ချည်ကြိုးရဲ့ ပထမ စမှတ် ဖြစ်တဲ့ လူငယ်လေး ကိုင်ထားတဲ့ အပ်ချည်ကြိုး နေရာနဲ့ တစ်ဘက်က အပ်ချည်ကြိုး တို့ဟာ ဆက်သွယ်ထားသော ကြိုးတစ်ချောင်း ဖြစ်လာခဲ့တော့တယ်။

ဟိုဘက် ဒီဘက် ဆက်သွယ်ထားတဲ့ ကြိုးတစ်ချောင်းတော့ ဖြစ်လာခဲ့ပြီ။ ဒါပေမဲ့ ဒီကြိုးဟာ အပ်ချည်ကြိုးလေးမျှသာ ဖြစ်တယ်။ ဒီအပ်ချည်ကြိုးလေးပေါ်မှာတော့ ဘယ်လိုမှ လူသွားလို့ ရနိုင်တဲ့ တံတားဆောက်လို့ မရဘူး ဆိုတာ အားလုံးလည်း သိကြတယ်။ နှစ်ဘက် ရွာသားတွေ အားလုံး ကြောင်ပြီးတော့ ကြည့်နေတုန်းမှာ လူငယ်လေးက သူ့ဘက်မှာ ရှိနေတဲ့ အပ်ချည်ကြိုးစ ရဲ့ တစ်ဘက်ကို နောက်ထပ် ပိုးကြိုး ခပ်ကြီးကြီး တစ်ချောင်းနဲ့ ချည်လိုက်ပြန်တယ်။ ပြီးတော့ ဟိုဘက် ကမ်းပါးမှာ ကြိုးစ ကိုင်နေတဲ့ လူဆီကို လှမ်းဆွဲဖို့ အချက်ပြလိုက်တယ်။

သူ အချက်ပြလိုက်တယ် ဆိုရင်ပဲ ဟိုဘက်ကမ်းပါးမှာ အပ်ချည်ကြိုးလေး ကိုင်ပြီး စောင့်နေတဲ့ လူက အပ်ချည်ကြိုးစကို ဆွဲတော့တယ်။ ဒီတော့ ဒီဘက်မှာ အပ်ချည်ကြိုးနဲ့ ချည်ထားတဲ့ ပိုးကြိုးဟာ အပ်ချည်ကြိုးနဲ့ ချည်နှောင်မိပြီး ပါသွားတော့တယ်။ ဒီလိုနဲ့ ဟိုဘက် ကမ်းပါးက လူက ဆွဲရင်း ဆွဲရင်းနဲ့ သူ့ရဲ့ လက်ထဲကို အပ်ချည်ကြိုးက ကုန်ပြီးတော့ ပိုးကြိုးလေးက ရောက်သွားတော့တယ်။ ဒီလို အချိန်ကျတော့ ဒီဘက်က လူငယ်လေးက ပိုးကြိုးမှာ နိုင်လွန်ကြိုး တစ်ချောင်းကို ထပ်ပြီးတော့ ချည်နေလေပြီ။

ပြီးတော့ ဟိုဘက်ကမ်းပါးက လူကို ဆွဲခိုင်းလေတော့တယ်။ ဒီလိုနဲ့ ဟိုဘက်က ဆွဲလိုက် ၊ ဒီဘက်က လက်ရှိ ကြိုးထက် ပိုကြီးတဲ့ ကြိုးကို ထပ်ဆင့် ချည်နှောင်ပေးလိုက်နဲ့ တဖြေးဖြေး မူလ အပ်ချည်ကြိုးကနေ ဘာမှ မဆိုင်သော ကြိုးလုံး ကြီးကြီးများ ဖြစ်လာတယ်။ ထပ်ဆွဲရင်း ထပ်ချည်ရင်းနဲ့ နောက်ဆုံးမှာ ကြိုးလုံး အကြီးကြီးတွေ ဖြစ်တဲ့ ကြိုးတံတားဆောက်ဖို့ ကြိုးတွေကို ဆွဲလာနိုင်တော့တယ်။ ဒီလို ကြိုးလုံး အကြီးတွေကို ဆွဲတဲ့ အခါမှာတော့ ဒီဘက်ကမ်းပါးက ကမ်းပေးနေတဲ့ လူတွေကလည်း လူငယ်လေး တစ်ယောက်တည်းနဲ့ မရတော့သလို ဟိုဘက်ကမ်းပါးက ဆွဲနေတဲ့ လူကလည်း လူတစ်ယောက်တည်းနဲ့ မရတော့ဘဲ အားလုံး စုပေါင်းပြီး ဝိုင်းဆွဲကြတယ်။ ဒါပေမဲ့ ဒီလို ဆွဲရတဲ့အတွက် သူတို့ ပျော်နေကြတယ်။

ဘယ်လိုပဲ ဖြစ်ပါစေ . . . .

နောက်ဆုံးမှာတော့ သူတို့ ရည်မှန်းထားတဲ့ ကြိုးတံတားဆောက်ဖို့ ကြိုးလုံးကြီးကြီးတွေကို ဟိုဘက်ကမ်းပါးကို ရောက်အောင် ပို့နိုင်ခဲ့တော့ပါတော့တယ်။ နှစ်ပေါင်းများစွာ ဟိုဘက် ကမ်းပါးကို ကြိုးလုံးကြီးတွေ ရောက်အောင် ပို့ခဲ့တာ မအောင်မြင်ခဲ့သမျှ ဒီနေ့မှာတော့ ၊ ဒီအကြိမ်မှာတော့ အောင်မြင်ခဲ့ပါပြီ။ ဒါပေမဲ့ ဘယ်လို ရအောင် ပို့ခဲ့တယ် ဆိုတာကိုတော့ မျက်မြင်မဟုတ်ရင် ယုံနိုင်စရာကို မရှိပါ။ လူပေါင်းများစွာ ၊ ကုန်ပစ္စည်းပေါင်းများစွာရဲ့ အလေးချိန်ဒဏ်ကို ခံနိုင်အောင် ဆောက်မဲ့ ကြိုးတံတားရဲ့ ဆိုင်းခံကြိုးလုံးကြီးတွေကို အပ်ချည်ကြိုး သေးသေးလေးတွေနဲ့ ဆွဲယူသွားတယ်လို့ ပြောရင် ယုံနိုင်ကြမှာ မဟုတ်ပါဘူး။

ဒါပေမဲ့  . . .  ဒါဟာ တကယ်ကို ဖြစ်ခဲ့တာပါ။ ဟိုဘက် ကမ်းပါးကို တံတားဆောက်ဖို့ ကြိုးလုံးကြီးတွေ ရောက်ပြီး မကြာခင်မှာပဲ သူတို့ နှစ်ပေါင်းများစွာ မျှော်လင့်နေခဲ့သော ကြိုးတံတား တစ်ခုကို အောင်မြင်စွာ ဆောက်လုပ်နိုင်ခဲ့ပါတော့တယ်။

ပုံပြင်လေးကတော့ ဒါပါပဲ။



ဒီပုံပြင်လေးက ကျွန်တော့်ရဲ့ စိတ်ကူးထဲက အတိုင်း ပုံဖော်ရင်း ချရေးလိုက်တာပါ။ တခြားရည်ရွယ်ချက်လေး ရှိပါသေးတယ်။

တကယ်တော့ ကျွန်တော် ရည်ရွယ်ချင်တာက လူတစ်ယောက်နဲ့ တစ်ယောက် ၊ မိတ်ဆွေ တစ်ယောက်နဲ့ တစ်ယောက် ၊ မိဘ နဲ့ သားသမီး ၊ ချစ်သူ နှစ်ဦး ၊ အိမ်ထောင်ဖက် နှစ်ဦး တို့ တစ်ယောက်နဲ့ တစ်ယောက် " မေတ္တာ ပေါင်းကူး တံတား " တည်ဆောက်တဲ့ အခါမှာ တစ်ယောက်က တစ်ယောက်ကို လောဘကြီးစွာ နဲ့ ကိုယ့်ရဲ့ ကမ်းပါးကနေ တစ်ဘက် ကမ်းပါးကို ရောက်အောင် တံတားထိုးမိစေဖို့ အလောတကြီးနဲ့ ခိုင်ခံ့သော ကြိုးလေးလေးကြီးများဖြင့် လှမ်းပစ် ချည်နှောင်တတ်ကြပါတယ်။

ဒီတော့ ကြိုးရဲ့ အလေးဒဏ် ၊ ခရီးရဲ့ ကွာဟမှုကြောင့် လိုအပ်တဲ့ နေရာကို မရောက်နိုင် ၊ လမ်းခရီးမှာပဲ အချိန်တွေ ၊ အင်အားတွေ ဆုံးရှုံးရတတ်ပါတယ်။ ဒီလို ကြိမ်ဖန်များစွာ ဖြစ်လာခဲ့ရင် အချိန်တွေ ကုန်ဆုံးပြီးတော့ စိတ်ဓါတ် အင်အားတွေပါ ကုန်ဆုံးတတ်ပါတယ်။ လူတစ်ယောက်နဲ့ တစ်ယောက် " မေတ္တာ ပေါင်းကူး တံတား " တည်ဆောက်ဖို့ အတွက် ဆိုတာ အထက်က ပုံပြင်လေး အတိုင်းပါပဲ။ သံယောဇဉ် ဆိုသော အပ်ချည်ကြိုးမျှင်လေးက စပြီးတော့ တစ်ပတ်ချင်း ၊ တစ်ရစ်ချင်း ရစ်ပတ် နှောင်ဖွဲ့ သွားပြီးမှ ဒီ့ထက် ခိုင်မာသော ကြိုးများဖြင့် တည်ဆောက်ရင် ထာဝရ ခိုင်မြဲနိုင်သော သူနဲ့ ကိုယ်တို့ရဲ့ " မေတ္တာ ပေါင်းကူး တံတား " ဖြစ်လာနိုင်ပါလိမ့်မယ်လို့ ထင်ပါတယ်။

နောက်တစ်ခု ရှိနေတာက ကြိုးကြီးကြီးနဲ့ ရစ်ပတ်ရင် လေဟာနယ် ပိုများပါတယ်။ ကြိုးသေးသေးနဲ့ ရစ်ပတ်လေ ပိုပြီးကျစ်လျစ်ကာ နေရာ မလပ်သော လေဟာနယ် နည်းစေနိုင်မှာပါ။ အဲဒီ့ကြိုးဟာ သေးငယ်ပေမဲ့ ပြတ်တောက်ဖို့ ခက်သော " သံယောဇဉ် ကြိုး " မဖြစ်သင့်ဘူးလားဗျာ။

စာဖတ်သူ အားလုံးလည်း ထာဝရ တည်တံ့ခိုင်မြဲသော " မေတ္တာ ပေါင်းကူး တံတားများ " တည်ဆောက်နိုင်ကြပါစေ။



" တချို့နေရာတွေမှာ တောင်တန်းတွေ ရှိနေလိမ့်မယ်။ 
တချို့နေရာတွေမှာ ချိုင့်ဝှမ်းတွေ ရှိနေလိမ့်မယ်။ 
တောင်ပေါ်နေရာ ရောက်တဲ့ အခါ အထက်နဲ့ နီးသွားသလို အောက်ကို ငုံ့ကြည့်ရတာ အရသာ . . . 
ချိုင့်ဝှမ်းထဲ ရောက်တဲ့ အခါ အောက်ခြေကို စူးစမ်းရပြီး ကောင်းကင်ကို မော့ကြည့်ရတာ အရသာ . . 
တချို့နေရာတွေမှာ ကမုကထစ်တွေ ၊ အဖုအထစ်တွေ ရှိနေလိမ့်မယ်။
တချို့နေရာတွေမှာ တွင်းတွေ ၊ ပက်ကြားအက်တွေ ရှိနေလိမ့်မယ်။ 
ဘယ်လိုပဲ ဖြစ်နေပါစေ . . . 
မညီမညာ ဖြစ်နေရတာကိုက အပြောင်းအလဲလေး တစ်ခုပဲ မဟုတ်လား။ ညီညီညာညာသာ ဖြတ်သန်းခဲ့ရရင် ဘဝဆိုတာ ဘာမှ အမှတ်ရစရာ ရှိတော့မှာ မဟုတ်ဘူး။ ရင်ခုန်မှုတွေနဲ့ အတူ ဘဝကို အမှတ်တရတွေ နဲ့ ဖြတ်သန်းကြမယ်။ "


*** လေးစားရသော ဦး- - - နဲ့ ဒေါ် - - -  တို့ရဲ့ ၉.၁၁.၂၀၁၁ မှာ ကျရောက်သော မင်္ဂလာ နှစ်ပတ်လည်နေ့ အတွက် အမှတ်တရ ရေးပါသည်။ ***


လေးစားစွာဖြင့်
ကိုဇော်
9.11.2011

Share/Bookmark

05 November 2011

11 စုထားမိသော အာဟာရများ ( ၄ )



ဒီနေ့  ဘာရယ် မဟုတ်ဘဲ လျှောက်ကြည့်မိတော့ Facebook မှာ  အဖြူရောင် နတ်သမီး က ဒီလို စာသားလေးတွေ တင်ထားတာ တွေ့ပါတယ်။ ဒါနဲ့ သူရေးထားတာတွေကို ဖတ်ပြီးတော့ အောက်ကနေ ဟိုးအရင်က ဖတ်ထားခဲ့တာလေးတွေကို ဝင်ပြီးတော့ အာချောင်မိပါလေရော။ ဒီမှာ သူက ပြန်ရေးပါတယ်။ သူကတော့ ဘယ်ကနေ ဘယ်လို ရေးလဲ မသိပါဘူး။ ကျွန်တော်ကတော့ ဟိုးအရင်က ဖတ်ထားခဲ့တာလေးတွေကို ပြန်မှတ်မိသလို ရေးမိပါတယ်။ ဒါလေးတွေကို စုပြီးတော့ အားလုံးဖတ်ဖို့ တင်လိုက်ပါတယ်။



ကိုယ့်ကိုယ်ကို ယုံကြည်စိတ်ချမှုဟာ သူရဲကောင်းဖြစ်မှုရဲ့ အနှစ်သာရပဲ။
(Emerson) 



သူရဲကောင်းများသည် လောကတွင် အကြောက်တတ်ဆုံးသူများပင် ဖြစ်သည်။ 
( တဂိုး ) 



လူတွေဟာ ကိုယ့်သမိုင်းကိုယ်ဖန်တီးနေကြတာပါပဲ။
(Karl Marx) 



သို့သော် ကိုယ့်သမိုင်းကို ကိုယ် ရေးနိုင်သူ ရှား၏။ ကိုယ့်သမိုင်းကို တခြားသူတွေကသာ ဝိုးတဝါး ရေးကြလေသည်။ 
( ကွန်ဖြူးရှပ် ) 



မိမိကိုယ်ပိုင် စဉ်းစားတွေးခေါ်မှု မပြုနိုင်သူဟာ ကျေးကျွန်တဦးပါပဲ။
(Robert G. Imgersoll) 



လမ်းညွှန်သူ မရှိဘဲ ခရီးသွားခြင်းသည် မိုက်မဲသည် မည်၏။ 
( လောကနီတိ ) 



လူဆိုတာ သူဆန္ဒရှိတဲ့အရာကို လိုလိုလားလားယုံကြည်တတ်ကြတယ်။
(Julius caesar) 



ယုံကြည်မှု မရှိရင် ဘယ်အရာမှ မအောင်မြင်နိုင်ပေ။ 
( သော်မတ်စ် ဝေးလ် ) 



ယုံကြည်ဖို့ဖြစ်နိုင်တဲ့အရာတိုင်းဟာ အမှန်တရားရဲ့ နိမိတ်ပုံတခုပါပဲ။
(William Hazlitt) 



လုပ်နိုင်သည်ဟု ထင်သည်ဖြစ်စေ ၊ မလုပ်နိုင်ဘူးလို့ ထင်သည် ဖြစ်စေ . . သင်၏ အထင် အမှန်ပင် ဖြစ်လာလိမ့်မည်။ 
( ဟင်နရီ ဖို့ဒ် ) 



တွေးခေါ်ခြင်းအားဖြင့် လူဟာအမှန်တကယ်ကြီးမြတ်လာရတယ်လို့ ပြောပါရစေ။
(Pestalozzi) 



တွေးခေါ်မှုသာ မပါရင် လူဆိုတာ တိရစ္ဆာန် တစ်ကောင်ပါပဲ။ 
( ရေးရှိုးလ်ဝပ်ဒ် ) 



စဉ်းစားတွေးခေါ်ခြင်းဟာ လူများကို ဗဟုသုတ ပညာကြွယ်ဝအောင်လမ်းညွှန်တယ်။
(Pestalozzi) 



တွေးခေါ်စဉ်းစားခြင်းသည် ဥာဏ်ဖွံ့ဖြိုး စေ၏။ လေ့လာမှတ်သားခြင်းသည် ဗဟုသုတ တိုးပွားစေ၏။ 
(ဆိုကရေးတီး ) 



အတွေးအခေါ် အယူအဆမှန်သမျှ၏ မူလအရင်းခံသည် အတွေ့အကြုံပင်ဖြစ်သည်။
(John Locke) 



အတွေးအခေါ်၏ မူလသည် စိတ်ရင်းခံ ဖြစ်၍ အယူအဆ၏ မြစ်ဖျားခံရာသည် အစွဲပင် ဖြစ်လေသည်။ 
(သောမတ်စ် သွန်မဆင် ) 



ကြီးကျယ်တဲ့ အတွေးအခေါ်တွေဟာ လက်တွေ့အဖြစ်ကို အသွင်ပြောင်းပြီး ကြီးကျယ်တဲ့ လုပ်ဆောင်ချက်တွေ ဖြစ်လာရပါတယ်။ 
(William Hazlitt) 



အတွေးအခေါ် ဆိုတာ အယူအဆ မဟုတ်သလို ၊ မျှော်လင့်ခြင်း အိပ်မက်လည်း မဟုတ်ဘူး။ ဒါကြောင့် လူတစ်ယောက်တည်းကို ပြောင်းလဲဖို့ထက် လူအားလုံးကို အကျိုးပြုဖို့ ပိုလိုအပ်တယ်။ 
(ဂျက်စ်ဆင် ဘရောင်း )  



အမှန်တရားကို ကြီးမြတ်အောင်ဖန်တီးတဲ့သူဟာ လူသားပဲ။ လူကိုကြီးကျယ်အောင်လုပ်တဲ့ အမှန်တရားတော့မဟုတ်ဘူး။
(Confucius) 



အမှန်တရား ဆိုတာကို ချစ်ပါတယ် ဆိုပြီးတော့ အော်ဟစ်နေဖို့ မဟုတ်ဘူး။ အမှန်တရားဘက်က ရပ်တည်ပြီး လိုက်နာဆောင်ရွက်ဖို့သာ ဖြစ်တယ်။ 
( အီမာဆင် ) 



အမှန်တရားဟာ ရိုးသားတယ်။ အမှန်တရားဟာ သေချာတယ်။ အမှန်တရားဟာ သန်မာတယ်။ သည်းခံနိုင်စွမ်းရှိတယ်။ သင်မှားခဲ့ရင် မှားပါစေ။ အမှန်အတိုင်းပြော၊ ဝေဖန်တာကို လက်ခံလိုက်ပါ။
(Gertrude E. Mc Veen) 



အမှန်တရားကတော့ ပကတိ အတိုင်း ရိုးသားပါတယ်။ သို့သော် အမှန်တရား အပေါ်မှာ သုံးသပ်သူတွေက သူတို့ရဲ့ အတ္တ ၊ ဝါဒ တွေနဲ့ ဆေးဆိုးလိုက်ကြတယ်။ 
( ပေါလ်ဂတ်စ်တီ ) 



အရင်က တင်ထားခဲ့တာတွေ ဆက်ဖတ်ချင်ရင် -


လေးစားစွာဖြင့်
ကိုဇော်
5.11.2011

Share/Bookmark