မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


30 April 2011

10 အသံရဲ့ မူကွဲ



ဟူး . . .
ညင်သာစွာထက် နည်းနည်းပိုနေတဲ့
သာမာန်လူတစ်ယောက်ရဲ့ သက်ပြင်းသံလည်း ဖြစ်နိုင်တယ်။
ညင်သာစွာထက် နည်းနည်းပိုနေတဲ့
ညနေခင်းရဲ့ လေပြေညှင်းသံလည်း ဖြစ်နိုင်တယ်။

ဝေါ . . .
သာမာန် အိမ်ရှင်မတစ်ယောက် သုံးပြီးသားရေကို
ဇလုံထဲက သွန်ပစ်သံလည်း ဖြစ်နိုင်တယ်။
ပင်လယ်ထဲက ရေတွေ ကျောက်ဆောင်နဲ့ အတားအဆီးဆီကို
ခပ်ကြမ်းကြမ်း လာရောက် တိုးတိုက်မိတဲ့ အသံလည်း ဖြစ်နိုင်တယ်။

ဝုန်း . . .
မလိုအပ်လို့ လူတစ်ယောက် ပစ်ချလိုက်တဲ့
အမှိုက်တစ်ထုပ်ရဲ့ မြေနဲ့ ထိတဲ့ အသံလည်း ဖြစ်နိုင်တယ်။
ခပ်ကြမ်းကြမ်း လေပြင်းက အလိုမတူဘဲ တွန်းချလို့
လဲကျသွားတဲ့ သစ်ပင်တစ်ပင်ရဲ့ မြေခသံလည်း ဖြစ်နိုင်တယ်။

ဟာ . . .
အပျော်လွန်လို့ အာမေဋိတ်အနေနဲ့
ထွက်လာတဲ့ လူတစ်ယောက်ရဲ့ ဝမ်းသာတဲ့ အသံလည်း ဖြစ်နိုင်တယ်။
တားဆီးလို့ မရတဲ့ အဖြစ်ဆိုးကြောင့်
ရင်ထဲက ထွက်လာတဲ့ လူတစ်ယောက်ရဲ့ တုန်ခါ ဝမ်းနည်းသံလည်း ဖြစ်နိုင်တယ်။

x x x . . .
ဆိုကာ မထင်မှတ်တဲ့ ပျော်ရွှင်မှုကြောင့်
ဝမ်းသာ မျက်ရည်ခသံလည်း ဖြစ်နိုင်တယ်။
ဆိုကာ အံကို တင်းတင်းကြိတ် ၊ လက်သီးကို ကျစ်ကျစ်ဆုပ်ပြီး
တောက်ခတ် ပူပြင်း မျက်ရည်ကျသံလည်း ဖြစ်နိုင်တယ်။

x x x . . .
ပျောက်သောသူ ရှာရင် တွေ့နိုင်တယ် ဆိုတဲ့ မျှော်လင့်ချက် နဲ့
နေဝင်ခါနီး အမိ ၊ အဖ ၊ သားသမီး ဆွေမျိုးတွေကို ခေါ်သံလည်း ဖြစ်နိုင်တယ်။
ဘယ်ကို ပျောက်မှန်း မသိတော့ဘဲ ပြန်မတွေ့နိုင်တော့ဘူး ဆိုတဲ့ မျှော်လင့်ချက်မဲ့ နဲ့
ညနေ နေဝင်တိုင်း အမိ ၊ အဖ ၊ သားသမီး ဆွေမျိုးတွေကို
ရင်ထဲမှာ ခေါ်နေတာလည်း ဖြစ်နိုင်တယ်။

x x x . . .
ဆိုတဲ့ ခေါ်သံကြားတိုင်း အဖေရေ ၊ အမေရေ ၊ သားရေ ၊ သမီးရေ လို့
ပြန်ထူးလိုက်နိုင်တဲ့ အသံလည်း ဖြစ်နိုင်တယ်။
ဆိုတဲ့ ခေါ်သံကြားရပြီး အဖေရေ ၊ အမေရေ ၊ သားရေ ၊ သမီးရေ လို့
ပြန်မထူးနိုင်ဘဲ ထပ်ကာ ထပ်ကာ ခေါ်သံတွေလည်း ဖြစ်နိုင်တယ်။

ဟူး . . . 
ဝေါ . . .
ဝုန်း . . .
ဟာ . . .
x x x . . .
x x x . . .
x x x . . .
ဒီလို အသံတွေ. . . .
ဒီလို အသံစုံတွေနဲ့. . .
ငိုသူ ငို . . . ၊ လုံးဝ မငိုနိုင်သူကျတော့ မငို ၊
အငိုတိတ်သူက တိတ် ၊ အငိုမတိတ်နိုင်သူက မတိတ်
ဒီအဖြစ်အပျက်တွေက . . .
လွန်ခဲ့တဲ့ နှစ်အစိတ်က မဟုတ်ဘူး။
ဖြစ်ခဲ့ရသူတွေအတွက် ရင်ထဲမှာ မနေ့ ၊ တနေ့ကလို ဖြစ်နေတဲ့
မေလ ( ၂ ) ရက် ၂၀၀၈ ဆိုတဲ့ . . .
“ နာဂစ် ” အိပ်မက်ဆိုး လှုပ်ခတ်နှိုးသွားတဲ့ နေ့ပေါ့။

ကိုယ်တိုင်ခံခဲ့ရသူတွေအတွက် 
နောက်လှည့်ကြည့်စရာ မလိုဘဲ 
အရိပ်လို ထာဝရ ယှဉ်တွဲ သတိရနေမှာ ဖြစ်သလို ၊
မျှဝေ ခံစားတတ်သူတွေ အတွက်လည်း 
ဒီလို အသံတွေ ကြားတိုင်း
“ နာဂစ် ” ဆိုတာလေ . . .
ကိုယ့်မှာလည်း လာဖြစ်နေသလိုပါပဲလား။    ။


*** ၂.၅.၂၀၁၁ မှာ သုံးနှစ်မြောက် နှစ်ပတ်လည် ကျရောက်မဲ့ နာဂစ် ဘေးဆိုး အမှတ်တရ ကဗျာ ဆိုပြီး ဒီနေရာ က တောင်းထားတဲ့ အတွက် ရေးလိုက်တာပါ။ ပြိုင်ပွဲဝင် စာမူ လုံးဝ မဟုတ်ပါဘူး။ အမှတ်တရ ရေးယုံပါ။ ပြိုင်ပွဲအတွက် ထည့်သွင်း စဉ်းစားစရာ မလိုပါ။ ***

လေးစားစွာဖြင့်
ကိုဇော်
30.4.2011



Share/Bookmark

26 April 2011

16 တူးပို့. . . တူးပို့ . . .



သင်္ကြန် အတတ်နေ့က အိပ်မက် တစ်ခု မက်တယ်။ သင်္ကြန်ရက်တွင်း နေ့ရက် တစ်ရက်ကို ကျွန်တော် ပြန်ရောက်သွားတယ်။ အဲဒီ အိပ်မက်ထဲက နေ့ရက်ထဲမှာ ကျွန်တော် သင်္ကြန် လျှောက်လည်နေတယ် လို့ ထင်မိတယ်။ ဘယ်မှာလဲ ဘယ်နေရာလဲ ဆိုတာတော့ ကျွန်တော် မမှတ်မိပါဘူး။ မှတ်မိတာကတော့ သင်္ကြန်ရေကစား မဏ္ဍပ်တစ်ခု ရှေ့ကို ကျွန်တော် ရောက်နေတယ်။ ပြီးတော့ မဏ္ဍပ်ပေါ်က ဟစ်အော် သီဆိုနေတဲ့ သီချင်းတွေ နည်းတူ မဏ္ဍပ်ရှေ့က ကျွန်တော်ကလည်း အော်ဟစ်ခုန်ပေါက်နေတာကိုပဲ မှတ်မိတယ်။

တကယ်တော့ သင်္ကြန်ကို ကျွန်တော့် သိစိတ်ထဲက အဲဒီလောက် စွဲစွဲလမ်းလမ်းလည်း မရှိပါဘူး။ ဒါပေမဲ့ မသိစိတ်ထဲကများ ဘယ်က အကြောင်းအရာ တစ်ခုခုကို သွားပြီး စွဲလမ်းမိသွားလည်း မသိပါဘူး။ အထက်က အတိုင်းပဲ ကျွန်တော် အိပ်မက် မက်ပါတော့တယ်။ ပြီးတော့ ကျွန်တော်က အခု အ်ိပ်မက်ထဲကလို အပြင်မှာ မူးမူး ၊ မမူးမူး ခုန်ပေါက် မကတတ်ပါဘူး။ သေချာတာ အိပ်မက်ထဲမှာ ကျွန်တော် မူးမနေဘူး။

ဘယ်လိုပဲ ဖြစ်နေပါစေ ၊ အခု အိပ်မက်ထဲက သင်္ကြန်ထဲမှာတော့ ကျွန်တော် အတော်ကို ခုန်ပေါက် ကနေမိတော့တာပါပဲ။ ပျော်လည်း အတော်ပျော်နေမိတယ်။ ရေတွေကလည်း သင်္ကြန်ကျနေတယ် ဆိုတာကို မိမိရရ ပုံဖော်ပေးပါတယ်။ မဏ္ဍပ်ပေါ်ကရော ၊ မဏ္ဍပ်ဘေးကရော အောက်မှာ ကနေတဲ့ လူတွေ ရေခြောက်ပြီး ပူလာမှာ စိုးလို့ အလိုက်သင့် ရေကို လူတွေ ကိုယ်ပေါ်ကို စိုအောင် ဖြန်းပေးပါတယ်။ ဒီတော့ အောက်က ကနေတဲ့ လူတွေ အားလုံးကလည်း ရေစိုစို ၊ တေးချိုချို နဲ့ အတော်ကို ပျော်ဖို့ ကောင်းပါတယ်။

ဒီတော့ ကျွန်တော်လည်း ကွေးကောက်နေအောင် ခုန်ပေါက်ကနေမိပါတယ်။ မဏ္ဍပ်ပေါ်က သီဆိုနေတဲ့ အဆိုတော်ရဲ့ သီချင်းတွေ အားလုံးကိုလည်း ကျွန်တော်က အလိုက်သင့်ရနေပြီးတော့ လိုက် သီဆိုနေမိပါတယ်။ အဆင်ပြေပြေလည်း ဆိုနေနိုင်ပါတယ်။ လက်တွေ ဘာတွေလည်း  မြှောက်ကာ မြှောက်ကာ အော်လိုက်ပါသေးတယ်။ ဝေးဝေး ဆိုတာလည်း ပါတယ်။ နောင်နှစ်ခါလည်း ဆီးလို့ ကြိုကွယ် ဆိုတာလည်း ပါတယ်။ တူးပို့ တူးပို့ ဆိုတာလည်း ပါတယ်။ မြနန္ဒာ သီချင်းလည်း ပါတယ်။

ဒီလို အော်ဟစ် ပျော်ရွှင်နေတုန်း ကျွန်တော့် ပုခုံးကို လူတစ်ယောက်က လာပုတ်တယ်။ ကျွန်တော့် နောက်ကို လှည့်ကြည့်ဖို့ ပြင်လိုက်တော့ သင်္ကြန်တွင်း နဲ့ ကိုယ့်ရဲ့ ပင်ကိုယ်စိတ်က နောက်ကို ရိုးရိုး လှည့်မကြည့်ဖို့ သတိပေးတယ်။  နောက်က ပုခုံးပုတ်လို့ ရိုးရိုးတန်းတန်း လှည့်ကြည့်မိရင် လှည့်တာနဲ့ မျက်နှာကို ဖြတ်ရိုက်တာ ခံရတတ်တယ် ဆိုတာ အတွေ့အကြုံအရ သတိတရ ရှိနေတယ်။ ဒီတော့ ညာဘက်လက်ကို မျက်နှာကို ကန့်လန့်ဖြတ် ကွယ်ရင်း လှည့်လိုက်မိတယ်။

အနောက်ကို မြင်လိုက်ရတော့ ကျွန်တော် ကြောင်ကာ ငိုင်သွားမိတယ်။ မျက်နှာကို ကန့်လန့်ဖြတ်ကာ ထားတဲ့ လက်လည်း အောက်ကို ဖြုတ်ခနဲ ကျသွားတယ်။ လှည့်ကြည့်လိုက်လို့ မြင်လိုက်ရတာက ကျွန်တော့်ကိုယ် ကျွန်တော် မြင်လိုက်ရတယ်။ သူကလည်း “ ကိုဇော် ” ပဲ။ အဲ  . . . မဟုတ်ဘူး။ သူက ကျွန်တော်နဲ့ လုံးဝ ထပ်တူ တူနေသော လူတစ်ယောက်ဆိုပါတော့။ ကျွန်တော့် ကိုယ်ပွားလား ဘာလားတော့ ကျွန်တော် မသိ။

သူက ကျွန်တော့် လှည့်ကြည့်တာကို မြင်တော့ ကျွန်တော့်ကို သူ့နောက် လိုက်ခဲ့ဖို့ လက်ဟန် ခြေဟန်နဲ့ ပြောတယ်။ လက်ဟန်က သူ့နောက်က လိုက်ခဲ့ဖို့ လက်နဲ့ ယပ်ပြသလို ၊ ခြေထောက်ကတော့ ဟိုဘက် သွားပြီ ဆိုတဲ့ သဘောနဲ့ စတင်ပြီး ဦးတည်ရာကို ထွက်ခွာသွားပါတယ်။ တကယ်တော့ ကျွန်တော် ဒီမဏ္ဍပ်မှာ သီချင်းတွေ အော်ဟစ် သီဆို ကခုန်ကာ အတော်ကို ပျော်နေတာပါ။ ဘယ်ကိုမှ သွားဖို့လည်း အစီအစဉ် မရှိပါဘူး။ ဒီနေရာမှာပဲ အော်ဟစ် ခုန်ပေါက်နေဦးမှာပါ။ အခုတော့ ကျွန်တော်နဲ့ ရုပ်တူနေတဲ့ ကျွန်တော် မဟုတ်သော ကိုဇော်က လာခေါ်တော့ အံ့သြခြင်းက ငယ်ထိပ်ရောက်ကာ ကျွန်တော် သူ့နောက်ကို လိုက်သွားမိပါတယ်။

သူက ခပ်ဝေးဝေးကို သွားတာတော့ မဟုတ်ပါဘူး။ သူ သွားလေရော နောက်မှာ ကျွန်တော်က ကပ်ပြီးတော့ ပါသွားပါတယ်။ မဏ္ဍပ်ရဲ့ ဟိုဘက် လူသွားလမ်းပေါ်မှာ ရှိတဲ့ သစ်ပင်တစ်ပင် အောက်ကို ဦးတည်ကာ သွားပါတယ်။ ပြီးတော့ အရိပ်ကောင်းတဲ့ သစ်ပင်အောက်မှာ ရပ်လိုက်ပါတယ်။ ထူးဆန်းစွာပဲ မဏ္ဍပ်ကို လူတွေ အားလုံးက စိတ်ဝင်စားနေလို့ ထင်ပါတယ် ဒီသစ်ပင်အောက်မှာ လူတစ်ယောက်မှ ကြို ရှိမနေပါဘူး။ အခု သစ်ပင်အောက်မှာ သူနဲ့ ကျွန်တော် နှစ်ယောက်တည်းပဲ ရှိတယ်။

“ ဘာလဲ . . . မင်း ဘယ်သူလဲ ”

သူ့ကို ကျွန်တော် ခပ်ဆတ်ဆတ်ပဲ မေးလိုက်ပါတယ်။ လိုအပ်လို့ ပြဿနာ ရှာလာရင်လည်း ကာကွယ်ဖို့ အသင့်လည်း ပြင်ထားလိုက်တယ်။ ဒီတော့ သူက ကျွန်တော့်ကို ခပ်တည်တည် ကြည့်ပြီး . .

“ ငါကလည်း ကိုဇော်ပဲ ၊ မင်း မဏ္ဍပ်အောက်မှာ သီချင်းတွေ အော်ဟစ်ဆိုပြီး ကခုန်နေတာ တွေ့လို့ မင်းကို မေးစရာ ရှိလို့ ခေါ်လာတာပဲ။ ”

“ ဘာကို မေးမှာလဲ ၊ သင်္ကြန်မှာ ဒီလို ကတာ ပြဿနာ ရှိလို့လား ၊ အားလုံးလည်း ကနေတာပဲလေ။ ”

ကျွန်တော်လည်း အတော် “ ဖု ” သွားပြီး သူ့ကို မေးလိုက်ပါတယ်။ ဒီတော့ သူက ခွင့်လွှတ်ပြုံးလေး ပြုံးပြီး ကျွန်တော့်ကို ဆက်ပြောတယ်။

“ ပြဿနာ မရှိပါဘူးကွ။ မင်းကို သိချင်တာလေးတွေ ရှိလို့ မေးချင်လို့ ခေါ်လာတာပါ ဆိုနေမှ . . . နည်းနည်း မေးချင်တယ် ရမလား။ ”

တကယ်တော့ မရချင်ပါဘူး။ ကျွန်တော် မဏ္ဍပ်ကို ပြန်သွားပြီးတော့ ကချင် ၊ ခုန်ချင်နေပါသေးတယ်။ အတော်လည်း ပျော်နေတာလေ။ ဒါပေမဲ့ သူက အေးဆေး ပြန်မလွှတ်ဘဲ ပိုရစ်နေရင် ဇယားတွေ ပိုရှုပ်လာမှာ စိုးလို့ ခွင့်ပြုလိုက်တာ ကောင်းတယ် လို့ ဦးနှောက်ရဲ့ အသိစိတ်က အချက်ပြတယ်။

“ အေး . . . မေးကွာ။ ဒါပေမဲ့ ခပ်တိုတိုတော့ မေးကွာ ၊ ငါက သင်္ကြန်မှာ ဒီလို သိပ်ပျော်တတ်တာ မဟုတ်ဘူး။ အခုတော့ ပျော်ပြီး ကတဲ့ အရှိန်ရနေလို့ မဏ္ဍပ်ရှေ့မှာ သွားကချင်နေသေးတယ်။ ”

“ အေးပါ ၊ ခဏလေးပဲ မေးမှာပါ။ မင်းကသာ မေးတာကို မြန်မြန်ပြန်ဖြေပေါ့။ ”

“ အေးကွာ . . ဖြေမယ် ၊ မေးတော့ . . . . ”

မေးတော့ ဆိုတော့မှ သူက သက်ပြင်း တစ်ချက်ကို ချပြီး ကျွန်တော့်ကို တစ်ချက် လှမ်းကြည့်သေးတယ်။ ပြီးမှ. . . .

“ မင်း ခုနက အော်ဆိုနေတဲ့ သီချင်းတွေကို မင်း တကယ်ရလား။ ”

ဒီနေ့မှာ သီချင်းတွေ အားလုံးကို ကျွန်တော်ကလည်း ထူးထူးခြားခြား ရနေတဲ့ လူဆိုတော့ သူ့ကို ခပ်ရဲရဲကို ပြန်ဖြေလိုက်ပါတယ်။

“ ရတယ်။ မဏ္ဍပ်ပေါ်က ဆိုနေတဲ့ သီချင်းတိုင်း ငါ ရနေတယ်။ ဒါကြောင့် ငါလည်း လိုက်အော်ဆိုနေမိတယ်။ အဲဒါ ဘာဖြစ်လို့လဲ။ ”

“ ရတယ် ဆိုရင် ငါ့ကို မြနန္ဒာ သီချင်း ပြန်ဆိုပြစမ်းပါဦး။ ”

“ ဟမ် . . . ”

ကျွန်တော် နည်းနည်းတော့ အန်းသွားတယ်။ မဏ္ဍပ်ရှေ့မှာ ဆိုတယ် ဆိုတာက သင်္ကြန်ရေတွေ ၊ တီးလုံးတွေ ၊ လူတွေ အများကြီး ကြားမှာ ဆိုတော့ ဘာမှ ရှက်စရာ သိပ်မလိုဘူးပေါ့။ အခုတော့ ကိုယ်နဲ့ အခုမှ တွေ့ဖူးတဲ့ လူတစ်ယောက် အရှေ့မှာ သီချင်း ဆိုပြဖို့ ဆိုတာကတော့ နည်းနည်း ရှက်ဖို့ ကောင်းတယ်။

ဒါပေမဲ့ သူကလည်း ကျွန်တော်နဲ့ ထပ်တူတူနေတဲ့ လူတစ်ယောက်ပဲ။ ကျွန်တော့် ကိုယ်ပွားလိုလို ၊ ကိုယ်ပွားပဲ ဖြစ်ရင်လည်း ဖြစ်မယ်။ မဖြေရင်လည်း သူက အတော် ရစ်မဲ့ ပုံနဲ့ မရမချင်း ဆိုခိုင်းမဲ့ ပုံလည်း ရှိတယ်။ ဒါကြောင့် ဆိုပြမယ် လို့ပဲ ဆုံးဖြတ်လိုက်မိတယ်။

“ အေး . . . ငါ ဆိုပြမယ်။ မင်း သေချာ နားထောင် . . . ”

ဒီလို သူ့ကို ခပ်တည်တည် ပြောပြီး ကျွန်တော် မြနန္ဒာ သီချင်းကို စသီဆိုလိုက်တယ်။

“ x x x ချိုပြုံးရွှင်သော နှမပျိုငယ် x x x တကိုယ်လုံးပင် ချောမော အလှပိုတယ်။ x x x မြို့မနဲ့ တမေတည်းဖွားတယ် ဆိုကြမယ်ကွယ် x x x X X X X X  x x x မြနန္ဒာ x x x x x x ”

တကယ်တော့ အပြင်မှာ ကျွန်တော် ဒီသီချင်းကို အရင်က အစအဆုံး ရပေမဲ့ မဆိုတာ ကြာတဲ့ အတွက် အမြီးအမောက်တည့်အောင် သိပ်မရတော့ပါဘူး။ ဒါပေမဲ့ အခု အိပ်မက်ထဲမှာတော့ ကျွန်တော် ဆိုသွားတာ အသံရော ၊ ဆိုပေါက်ရော အတော်ကို ကောင်းနေတာ ကိုယ့်ဖာသာကိုယ်တောင်မှ အံ့သြနေမိပါတယ်။ သူကလည်း ကျွန်တော် ဆိုနေတာကို ပြုံးပြီးတော့ ကြည့်ကာ ကျေနပ်နေဟန် တူပါတယ်။ သီချင်း အစအဆုံးပြီးတော့ သူ့ကို ကျွန်တော် ကြည့်ပြီးတော့ ကျွန်တော် မေးလိုက်တယ်။

“ အိုကေလား . . . ဆိုပြီးပြီ . . . ”

ဒီတော့ သူက ကျေနပ်သလို ကျွန်တော့်ကို ကြည့်ပြီး ပြောတယ်။

“ မင်း ဆိုတာ မဆိုးပါဘူး။ ကောင်းပါတယ်။ ဒါကြောင့် မင်းကို သီချင်း ဆက်မဆိုခိုင်းတော့ပါဘူး။ ”

ဟင်. . . .သူပြောပုံက သီချင်း မဆိုခိုင်းတော့ဘူးဆိုတော့ တခြားဟာ တစ်ခုခုကို ပြောင်း လုပ်ခိုင်းမဲ့ ပုံပေါ့။

“ ဘာလဲ . . . ဘာလုပ်ခိုင်းဦးမလို့လဲ။ ”

“ ဘာမှ မစိုးရိမ်ပါနဲ့ကွ။ ငါကသိချင်တာလေးပဲ မင်းကို ဗဟုသုတ အနေနဲ့ မေးပါတော့မယ်။ ”

“ အေး. . . ဒါဆိုလည်း မြန်မြန်မေးကွာ။ ”

ဟုတ်တယ်လေ။ ဟိုမှာ သူများတွေ အားလုံး မဏ္ဍပ်ရှေ့မှာ သီချင်းတွေ အော်ဟစ်ပြီး ကခုန်နေတာ ဘယ်လောက် ပျော်ဖို့ကောင်းလဲ။ ကျွန်တော့်မှာ အခုမှ တွေ့ရတဲ့ သူ့ကို သူမေးတာတွေ ဖြေရ ၊ သီချင်းတွေ ဆိုပြနေရတယ် မဟုတ်လား။ ကျွန်တော် ဟိုမဏ္ဍပ်ရှေ့မှာ သွားပြီး ကခုန်နေချင်နေပြီ။

“ အေးပါ . . .ခပ်တိုတိုပဲ မေးမှာပါ။ ဗဟုသုတ အနေနဲ့ပဲ မေးမယ်။ ”

“ အင်း . . . မေး . . . မေး . . မြန်မြန်မေး . . .”

“ ဒီလိုကွ. . . ခုနက မင်းလည်း အော်သွားတယ်လေ။ “ တူးပို့ . . . တူးပို့ . .” ဆိုတာလေ။ အဲဒီ တူးပို့ . . . တူးပို့ ဆိုတာ ဘာအဓိပ္ပာယ်လဲ။ ”

ဟင် . . . သူပြောမှပဲ ကျွန်တော်လည်း စဉ်းစားမိတော့တယ်။ တူးပို့ . .  . တူးပို့. . . လို့ သူများတွေ ဆိုလို့သာ လိုက်ဆိုမိတယ်။ သူများ အော်လို့သာ လိုက်အော် မိတယ်။ တကယ်တော့ တူးပို့ . . . တူးပို့ . . . ဆိုတာ ဘာလဲ လို့ ကျွန်တော် မသိဘူး။ တကယ်ကို မသိပါဘူး။

“ ငါ မသိဘူးကွ။ ဘာအဓိပ္ပာယ်လည်း ဆိုတာ စဉ်းစားရမယ် ဆိုပြီးတော့ တောင်မှ တစ်ခါမှ မစဉ်းစားမိဘူး။ ”

သူက စိတ်ပျက်သွားသလို ပုခုံးကို ဟန်ပါပါ တစ်ချက်တွန့်လိုက်တယ်။ ပြီးတော့ . . . .

“ အဓိပ္ပာယ် မသိဘူး ဆိုလည်း ထားလိုက်ပါတော့ကွာ။ ဒါဆို တစ်ခုပဲ ဆက်မေးတော့တယ်။ ”

“ အင်း . . . . ”

“ အဲဒီ . . တူးပို့ . . . တူးပို့ . . . ဆိုတဲ့ စကားက သင်္ကြန် စကား မဟုတ်ဘူးကွ။ ဒါကိုရော မင်းသိလား။ ”

“ ဟား. . . ဟား . . ဟား . . . ဒါတော့ မင်းက ငါ့ကို ညစ်လို့ မရဘူးကွ။ တူးပို့ . . . တူးပို့ . . .ဆိုတဲ့ စကားရဲ့ အဓိပ္ပာယ်ကိုသာ မသိပေမဲ့ ဒီစကားက သင်္ကြန်မှာ စပြီး ပေါ်လာတဲ့ စကား ဆိုတာတော့ ငါ သိပါတယ်ကွာ။ မင်း ငါ့ကို ဒီလို လာပတ်လို့တော့ မရဘူး။ ”

“ ငါ မင်းကို မပတ်ပါဘူးကွ။ တကယ်ပြောတာ. . . . တကယ်တော့ ဒီ တူးပို့ . . . တူးပို့ . . .ဆိုတဲ့ စကားက သင်္ကြန် စကား မဟုတ်ဘူး။ တခြား နေရာမှာ အသုံးပြုတဲ့ စကားကွ။ ”

ဒီအချိန်မှာတော့ သူ့ကို ကျွန်တော် ပြန်ပြုံးကြည့်မိပါတယ်။

“ ဒါဆိုလည်း ပြောပါဦး။ တူးပို့  . . . တူးပို့  . . . ဆိုတဲ့ စကားက သင်္ကြန်က ဆင်းသက်လာတယ် ဆိုတာ မဟုတ်ဘူး ဆိုရင် ဘယ်ကနေ ဆင်းသက်လာတာလဲ။ ”

သူက ချင့်ချိန် နေသလို လုပ်ပြီးမှ. . . .

“ တကယ်တော့ “ တူးပို့ . . . တူးပို့. . . ” ဆိုတဲ့ စကားလုံးက မင်းတို့ ဘလော့ဂါ တွေ ဆီကနေ ဆင်းသက်လာတာလေ။ ”

လို့ သူက ပြောတယ်။ ပိုပြီးတော့တောင်မှ အံ့သြသွားမိတယ်။

“ ဘာဆိုင်လို့လဲ . . . တူးပို့. . . တူးပို့ . . .ဆိုတဲ့ စကားရဲ့ အဓိပ္ပာယ်ကို ငါ မသိပေမဲ့ ဒီစကားက သင်္ကြန်နဲ့ အတူ ထွက်ပေါ်လာတာပါကွ။ ထားပါတော့ . . . အခု မင်းပြောသလို ငါတို့ ဘလော့ဂါ တွေဆီကနေ ဆင်းသက်လာတာ ဆိုရင် ဘာလဲ ၊ ဘာအဓိပ္ပာယ်လဲ ဆိုတာ မင်း ဆက်ပြောစမ်းပါဦး။ ”

ဒီတော့ သူက လည်ပင်းကို တစ်ချက် နှစ်ချက် ကုတ်ပါတယ်။ ပြောသင့် မပြောသင့် ချင့်ချိန်နေပုံ ရတယ်။  ပြီးမှ ဆုံးဖြတ်ချက် တစ်ခု ကျသလိုနဲ့ ပြောတယ်။

“ ဒီလိုလေကွာ။ မင်းတို့ ဘလော့ဂါတွေ စာတင်ရင် ပို့စ်တင်တယ် လို့ ပြောတယ် မဟုတ်လား။ အခုတော့ “ တူးပို့ . . . တူးပို့ . . . ”  ဆိုတာ . . “ တူးပို့စ်  . . . တူးပို့စ် . .” ဆိုရာကနေပြီးတော့ ကာလရွေ့လျောလာပြီး ဖြစ်လာတာပဲ။ တကယ့် အစစ်ကတော့ “ တူးပို့စ် . . . တူးပို့စ် . . = 2 Posts  . . . 2 Posts . . ” ဆိုပြီး တစ်ယောက်နဲ့ တစ်ယောက် ပြောရာကနေ စတာပဲ။ ”

“ ဟင် . . . ဟာ . . . မင်း အဓိပ္ပာယ်ကြီးကလဲ။ ”

“ ဟုတ်တယ်လေ။ တစ်နေ့ကို စာနှစ်ပုဒ် ရေးတင်တဲ့လူ ဆိုပါတော့ . . .  ၊ ဒါဆို သူ့က ဒီနေ့ “ တူးပို့စ်. . . တူးပို့စ် . .  ” ဆိုပြီး တခြားတစ်ယောက်ကို လှမ်းပြောရာကနေ ကာလရွေ့လျော လာတော့ “ တူးပို့ . . . တူးပို့ . . . ” ဆိုပြီး ဖြစ်လာတာပဲ။ ဒါကြောင့် “ တူးပို့စ် . . . တူးပို့စ် . . ” ဆိုတဲ့ အဓိပ္ပာယ်က တစ်နေ့ကို စာနှစ်ပုဒ်ရေးတဲ့ လူကို ခေါ်တာပဲ။ ”

“ ဟမ်. . . . ”

ဒီအချိန်မှာပဲ ကျွန်တော် ဖြတ်ခနဲ လန့်နိုးသွားတယ်။ သင်္ကြန် မဏ္ဍပ်ရှေ့ကိုတောင်မှ ပြန်သွားပြီးတော့ မကလိုက်ရတော့ဘူး။ နိုးနိုးချင်း ကျွန်တော့် ပတ်ဝန်းကျင်ကိုတောင်မှ ကြည့်လိုက်မိသေးတယ်။ ကျွန်တော် ဆိုတဲ့ ကျွန်တော့်ရဲ့ ကိုယ်ပွား “ ကိုဇော် ” နောက်တစ်ယောက်များ တွေ့လို တွေ့ငြားပေါ့။

နောက်မှ သေချာသွားပါတယ်။ ဒါဟာ ကျွန်တော် အိပ်မက် မက်နေတာပါ။ တကယ်ပါ ကျွန်တော့်ရဲ့ သိစိတ်ထဲမှာတော့ သင်္ကြန်ကို စွဲလမ်းနေစိတ် မရှိပါဘူး။ မသိစိတ်ထဲမှာ သွားစွဲလမ်းနေမိလို့ အခုလို အိပ်မက် မက်မိတာနေမှာပါ။

မှန် မမှန်တော့ မသိပါဘူး။ ကျွန်တော့် အိပ်မက်ထဲက “ ကိုဇော် ” ကိုယ်ပွားရဲ့ အတွေးပေါ့လေ . . .  နော့။ သူ့လို လိုက်တွေးကြည့်မိတော့ . . . . သူတွေးတာလည်း ဟုတ်တော့ ဟုတ်နေတာပါပဲ။ အင်း . . .

“ တူးပို့ . . . တူးပို့ . . . = တူးပို့စ် . . . တူးပို့စ် . . . = 2 Posts  . . . 2Posts . . . ”


လေးစားစွာဖြင့်
ကိုဇော်
26.4.2001


Share/Bookmark

22 April 2011

17 စာရိတ္တ



စာရိတ္တ တိုးတတ်မြှင့်တင်ရေးအတွက် စာပေဟောပြောပွဲ တစ်ခု အကြီးအကျယ် ကျင်းပလေ၏။ ခြိမ့်ခြိမ့်သဲတမျှ စည်ကားခဲ့ပါ၏။ ထို့ကြောင့် ထိုစာရိတ္တ မြှင့်တင်ရေး ဟောပြောပွဲကို အောင်မြင်သည်ဟု အားလုံးက လက်ခံ ယုံကြည်ကြ၏။

ဒါပေမဲ့ ဟောပြောပွဲ တစ်ခု ဘယ်လောက် အောင်မြင်တယ် မအောင်မြင်ဘူး ဆိုတာ တတ်ရောက်လာတဲ့ လူနဲ့ သတ်မှတ်လို့ မရဘူး ဟု တချို့က ဆိုကြ၏။ ဒါဆို ဘယ်လို သတ်မှတ်မလဲ ဆိုကာ ဟောပြောပွဲ ကျင်းပသူတို့ ခေါင်းချင်းဆိုင်ကာ ဆွေးနွေး အဖြေရှာကြသည်။ နောက်ဆုံးတော့ သူတို့ နည်းလမ်းကို တွေ့လိုက်ကြရသည်။

ထိုအရာကတော့ လာရောက် လေ့လာ နားထောင်သူများကို အခု ဟောပြောပွဲမှ ဘာတွေများ ရသွားပါသလဲ ဟု ဆိုကာ တိုက်ရိုက် အင်တာဗျူးပြီး မေးမြန်းသော စနစ်ကို ကျင့်သုံးဖို့ အားလုံး လက်ခံလိုက်ကြသည်။ ဒါကြောင့် သူတို့ ကြုံတဲ့ လူတွေကို ကြုံသလို မေးမြန်းကြသည်။ မေးမြန်းလို့ ရတဲ့ စကားတွေကိုလည်း ရေးသား၍ မှတ်သားထားကြပြီး အချင်းချင်း ပြန်လည် စုဝေးကာ တိုက်ဆိုင် စစ်ဆေးကြသည်။

သူတို့ မေးမြန်းလို့ ရတဲ့ အထဲမှ အကောင်းဆုံး ဆိုသော စကားစု တစ်ခုကို ယခု ကျင်းပသော စာရိတ္တ မြှင့်တင်ရေး ဆောင်ပုဒ် အဖြစ် အသုံးပြုမည် ဟု တွေးမိကြသည်။ သူတို့ အထပ်ထပ် ဖတ်ရှု့ကာ စစ်ဆေး တိုင်ပင်ကြပြီးသောအခါ စာစုလေး တစ်စုကို လက်ခံ ရရှိခဲ့သည်။ ဒီစာသား စာစုလေးကို ၁၆ နှစ်သား ကလေးလေး တစ်ယောက်က ပြောသွားခဲ့ပါသည်။ ထိုစာစုလေးက အောက်ပါ အတိုင်းဖြစ်လေ၏။

“ လူလိမ္မာတွေက ခိုးခိုးပြီး မိုက်သလို ၊ လူမိုက်တွေကလည်း တိုးတိုးပြီး လိမ္မာလာကြမှာပါ။ ”




*** သူငယ်ချင်း အာရုဏ် ဆီမှ ပုံနှင့် စာသားကို ဆင့်ပွားခံစားထားခြင်းမျှသာ ဖြစ်ပါသည်။ ***


လေးစားစွာဖြင့်
ကိုဇော်
22.4.2011


Share/Bookmark

21 April 2011

9 သဟဇာတ



သဟဇာတ

ကျောတစ်ခင်းစာရဲ့ နံဘေးမှာ
ပတ်လည်ဝန်းရံနေပြီး တို့ထိထားတတ်တဲ့ အတိုအစ စာရွက်များ . .၊
ဝယ်ပြီး မဖတ်ဖြစ်ဘဲ ( သို့ ) ဖတ်လို့ မနိုင်သေးဘဲ
တစ်လထက် တစ်လ များပြားလာတဲ့ စာအုပ်များ . . .၊
ဟိုဆိုက်မှာ ၊ ဒီဆိုက်မှာ မြင်သမျှ သဘောကျ
သဘောကျသမျှ ဒေါင်းထားတတ်ပြီး
Hard Disk ထဲမှာ နေရာ အတော်ယူထားတတ်တဲ့
မဖတ်ရသေးသော အကြောင်းအရာစုံ Ebook များ . . .၊
ပျက်နေတဲ့ Coffee Maker ဘေးမှာ
အစားထိုး ဖျော်နှပ်လုပ်တဲ့ ကော်ဖီနှစ်ခွက် . . .၊
အမြဲတမ်း Online မှာ ဝါလိုက် ၊ နီလိုက် ဖြစ်နေတတ်တဲ့
အကောင့်တက်ထားတဲ့ ကွန်ပျူတာ တစ်လုံး . . .၊
မျှော်လင့်ချက်တွေ ပင့်ကူအိမ်တွယ် ဖုန်တက်နေတဲ့
ရင်ဘတ်ဗလာနဲ့ လူသားတစ်ယောက် . . .၊
ပိတ်မှောင်အေးစိမ့်တဲ့ အခန်းကို
အချိန်နဲ့အမျှ ပိုပိုကြိုက်လာတတ်တဲ့
အထီးကျန် စိတ်ထားတစ်ခု . . .၊
သီချင်းရဲ့ သံစဉ်ကို မကွဲပြား
ဆိုသံတွေက ခြောက်တိခြောက်ခြား ဝေဝေဝါးဝါး
အောက်ကလိအာ ကြားနေတတ်တဲ့ နားတစ်စုံ . . .၊
Boot Cut ဆို Boot Cut မှ ဆိုပြီး
မျက်လုံးထဲမှာ အထာကျတတ်ခဲ့တဲ့ အကြည့် ၊
အခုတော့ အဆင်တန်ဆာ ဆိုတာ ဟန်သာသာ အဖြစ်သာ
ကြည့်တတ် ၊ မြင်တတ်နေခဲ့တဲ့ မျက်လုံး တစ်စုံ . . . ၊
လူတွေရဲ့ အပြုံးက အတု ၊ အစစ်လား
မကွဲပြားတော့တဲ့ အာဟာရမဲ့ နှလုံးသား တစ်ခု . . . ၊
ဒီလိုနဲ့ပဲ . . .
အနီးနား . . .
အဝေးသွား . . .
ငါ့ရဲ့နေ့ရက်တွေကို
ပဋိပက္ခတွေက သဟဇာတ ကျစွာ တိုက်စားတယ်။   ။

ကိုဇော်
21.4.2011
( ပုံလေးကို သူငယ်ချင်း အာရုဏ်က ကူဆွဲပေးပါသည်။ )


Share/Bookmark

20 April 2011

13 “ ရသ ” ကွန်ယက်



တကယ်တော့ ဒီလိုစာကို လုံးဝကို မရေးချင်ပါ။ သို့သော် ပေးထားမိသော ကတိ ၊ တိုက်တွန်းကြသော သူများ ၊ ဘယ်လိုလဲ ဟုဆိုကာ တောက်ပစွာ ကြည့်နေသော ခပ်စိမ်းစိမ်း မျက်ဝန်းများကြောင့် ချရေးကြည့် လိုက်ပါတယ်။ ပြည့်စုံအောင်တော့ ဖြစ်နိုင်လိမ့်မည် မထင်ပါ။ သို့သော် တစ်စုံတစ်ခုတော့ မြင်သာလိမ့်မည် ဟုသာ ယူဆမိပါတယ်။

သေချာတာ တစ်ခုတော့ ရှိပါသေးတယ်။ ဒါကတော့ ဒီလိုစာမျိုးဟာ ရေးပြီးလို့ တစ်မိနစ် စွန်းသွားရင်တောင်မှ Up To Date ဖြစ်ဖို့ ခဲယဉ်းပါတယ်။ ဘာလို့လဲ ဆိုတော့ အရာရာဟာ တားဆီးလို့ မရအောင် ဆက်လက်ချီတက် လည်ပတ်နေလို့ပါပဲ။



နာမည်မကျော်ကြားခဲ့သော စာရေးဆရာကြီး တစ်ယောက်ရဲ့ စာပေအပေါ်ကို ရှု့မြင်မှု များစွာထဲမှ တစ်ချက်ကို ဆွဲထုတ်ကာ ပြောပြလိုပါတယ်။ ဒီစကားလေးက သူ့စကားလေး ပေမဲ့ နောက်ပိုင်းမှာ တခြား စာရေးဆရာတွေရဲ့ စကားအဖြစ် ကျော်ကြားပါတယ်။ ဒီစကားလေးက ဒီလို ဆိုတယ်။

“ ဝတ္ထု ဆိုတာ ချစ်သူ နှစ်ဦး နမ်းကြသလိုပဲ။ အပေး ၊ အယူ မျှဖို့တော့ လိုတယ်နော်။ ”

လို့ ဆိုပါတယ်။ သူ့ရဲ့ ဆိုလိုရင်းကတော့ ချစ်သူနှစ်ဦး အပေးအယူ မျှမျှ နမ်းကြသလို ဝတ္ထုတစ်ပုဒ် ဆိုတာကလည်း စာရေးသူ နဲ့ စာဖတ်သူ အပေးအယူ မျှဖို့ လိုပါတယ် . . .တဲ့။ သူ့ရဲ့ သြဇာ အာဏာ သက်ရောက်လှတဲ့ စကားလေးပါ။ နှစ်ပေါင်း ရာနဲ့ချီပြီးကို တည်တံ့ခဲ့ပါတယ်။

ဒါပေမဲ့ . . အခုခေတ်မှာတော့ အတော်ကို ပြောစရာ ဖြစ်လာပါပြီ။ ပြောစရာတွေကလည်း ရှိလာပါတယ်။ အခုခေတ်ဟာ ရှေးခေတ်ကလို အဋ္ဌာရသ ( ၁၈ ) ရပ်ကို ကုန်စင် တတ်မြောက်အောင် သင်ကြားရသော ခေတ်မဟုတ်တော့ပါ။ သုံးနှစ် သုံးမိုး အဋ္ဌာရသ ( ၁၈ ) ရပ်ကို သင်ကြားပြီး လေးနဲ့မြားကို ကျောမှာ ပိုးကာ မြင်းကြီးကို စီး ၊ လေလေး တရွှီးရွှီး ချွန်ရင်း တောအုပ်ကို ဖြတ်ပြီး အိမ်ပြန်လာ ၊ ဘီလူးတွေ ဘာတွေ နဲ့တွေ့ ၊ ဘီလူးတွေနဲ့ ပညာချင်းပြိုင်ကာ သတ်ပုတ် ၊ မိဘတွေ ရှိရာ နေပြည်တော်ကို ပြန်ပြီး ဘုရင်လုပ် ၊ မင်းပြုရတဲ့ ခေတ်လည်း မဟုတ်တော့ပါဘူး။

အဲဒီခေတ်ကတော့ လူတွေရဲ့ အာရုံခံစားမှုက နည်းပါသေးတယ်။ မြစ်ကျယ်မှာ ဟင်္သာဦးကင်း ဖောင်တော်နဲ့သွား ၊ သပြေသီးတွေ ရေထဲ ကြွေကျ ၊ ဒါကို ငါးကြီးက ခုန်ဟပ် ၊ ထိုမှထွက်သော အသံ “ ပလုတ် တုပ် တုပ် ဗြုန်း  ” ဆိုသော အသံကို အခြေပြုကာ သံစဉ်တွေ တည်ဆောက်ရသော ခေတ်လည်း မဟုတ်တော့ပါဘူး။ ခေတ်ပေါ်သီချင်းတွေမှာ ပရစ်အော်သံတွေ ၊ ဖားအော်သံတွေ ၊ သစ်တောက်ငှက်ရဲ့ အစာရှာသံတွေ ၊ လင်းဝက်ငှက်ရဲ့ အော်မြည်သံတွေ ၊ လေချွန်သံတွေ ၊ တောက်ခတ်သံတွေ ၊ လက်ဖြောက် ( လက်ဖျစ် ) တီးသံတွေ  . . . . . အစရှိသော အသံတွေကို ထည့်သွင်းလာတဲ့ ခေတ် ဖြစ်နေပါပြီ။ ဒါကိုကလည်း ခံစားမှု တစ်ခု အနေနဲ့ ပိုပြီး ပီပြင်လာပါတယ်။

အဋ္ဌာရသ ( ၁၈ ) ပါး ( သို့ ) အဋ္ဌာရသ ( ၁၈ ) ရပ် လို့ လူသိနေတဲ့ ထိုပညာတွေရဲ့ ( ၁၈ ) ရပ် ဆိုတာလောက်နဲ့ပဲ ဒီအတိုင်းပဲ ရပ်သွားပါသလား။ တကယ်တော့ မဟုတ်ပါ။ စွင့်ထွား ဖွံ့ဖြိုး တိုးတက်လာသော လူ့ဦးနှောက်ကို လိုက်၍ ဆက်ကာ ဆက်ကာ တီထွင် ကြံဆကြပါတယ်။ ဒါပေမဲ့ ငါသာ မင်းလောင်း ထီးဖြုဆောင်း ဆိုသူတွေက နောက်ထပ် ဆင့်ပွားလာကာ သူတို့ရဲ့ မူလလမ်းစဉ်ကို ပျောက်ပျက်သွားမှာ မလိုလားကြပါဘူး။ ဒါကြောင့် ငါက ထီးဖြူဆောင်း ဆိုရင် ထီးဖြူပဲ ဆောင်းရမယ် ဆိုပြီး နောက်တက်တွေရဲ့ အတွေးအခေါ် ဦးထုပ်တွေ ၊ ခေါင်းစွပ်တွေကို လျစ်လျူရှု့ခဲ့ကြတယ်။

ဟိုးအရင်ခေတ်ကတော့ အဋ္ဌာရသ ( ၁၈ ) မျိုးထဲပေါ့။ ဒီ ( ၁၈ ) မျိုးကို တတ်ရင် အဲဒီခေတ်မှာ ဘုရင်တောင်မှ လုပ်လို့ ရပြီ။ အခုခေတ်မှာတော့ ဒီလို မဟုတ်တော့ဘူး။ ပညာရပ်တွေက တမျိုးတည်းကိုတောင်မှ အရမ်းကို ကျယ်ပြန့်လာပါတယ်။ လူတစ်ယောက်က ပညာရပ်ကြီး ( ၁၈ ) မျိုးလုံးကို တတ်ဖို့ ဆိုတာ မဖြစ်နိုင်တော့ဘူး။ ပညာရပ်တွေကလည်း တမျိုးတည်းကနေ တခြားတမျိုးကို ပေါင်းစပ်ကာ ထွေးရော ယှက်တင် ဖြစ်လာခဲ့တယ်။ ဇီဝဗေဒ ကနေ ရုက္ခဗေဒ ၊ သတ္တဗေဒကို ကွဲ ၊ နောက်တော့ ရူပဇီဝဗေဒ ဆိုပြီး ထပ်ပေါင်း ၊ ဓါတုဇီဝဗေဒ ဆိုကာ ပေါ်လာ ၊ စွမ်းအင်ဓါတုပညာ အစရှိသဖြင့် ပို၍ နက်ရှိုင်းကာ ကျယ်ပြန့်လာခဲ့တယ်။

ဟိုခေတ်ကတော့ ဘာမှ မရှိပါဘူး။ ကိုယ်ကျင်လည်ရာ ပတ်ဝန်းကျင်မှ သဟဇာတ ကျသော စာပေတွေကို ထုတ်ယူရေးသားကာ ဘုရင်တစ်ဆူလို ဖြစ်နေနိုင်ပါတယ်။ အခုခေတ်မှာတော့ ကိုယ်ကျင်လည်နေရာ အုန်းမှုတ်ခွက် သေးသေးလေးနဲ့ မလုံလောက်တော့ပါဘူး။ ငါကွ ဆိုပြီး အမိုးထိနေလို့လည်း မဖြစ်နိုင်တော့ပါဘူး။ ဒါပေမဲ့ ခက်တာက လူတွေမှာ ( အထူးသဖြင့် ) ကျွန်တော်တို့ မြန်မာတွေမှာ ပညာရပ်တွေကို မှတ်တမ်း မှတ်ရာတွေနဲ့ သုတေသန ပြုမှုက နည်းပါးလေတော့ ကြားဖူးတယ် ဆိုရင်တောင်မှ အားလုံးဟာ နားဝမှာသာ ကုန်ဆုံး ကျန်နေခဲ့ပါတော့တယ်။



ဟိုတလောက သူငယ်ချင်း တစ်ယောက်နဲ့ ဟိုရောက်ဒီရောက် ပြောဖြစ်လိုက်ပါသေးတယ်။ ထူးထူးဆန်းဆန်း မဟုတ်ပေမဲ့ တိတိကျကျ ကျွန်တော်က မေးဖြစ်လိုက်တယ်။ ဒါပေမဲ့ မေးခွန်းလေးက ရိုးရှင်းပါတယ်။

“ ရသ ဆိုတာ ဘာလဲ။ ”

ဆိုပြီး ပေါ့ပေါ့ပါးပါး မေးလိုက်တာပါ။ သူကလည်း မနားတမ်းကို တောက်လျှောက် ရွတ်ပြသွားပါတယ်။ အောက်ပါ အချက်များကိုပေါ့။

(၁) သိင်္ဂါရ ရသ (ချစ်ခင်ခြင်း)
(၂) အဗ္ဘုတ ရသ  (အံ့သြခြင်း)
(၃) ဝီရ ရသ (ရဲရင့်ခြင်း)
(၄) သန္တ ရသ (တည်ငြိမ်ရင့်ကျက်ခြင်း)
(၅) ကရုဏာ ရသ (သနားကြင်နာခြင်း)
(၆) ဝိဘစ္ဆ ရသ (ရွံ့ရှာစက်ဆုတ်ခြင်း)
(၇) ဘယနက ရသ (ကြောက်ရွံ့ထိတ်လန့်ခြင်း)
(၈) ရုဒ္ဒ ရသ (ရုန့်ရင်းကြမ်းတမ်းခြင်း)
(၉) ဟာသ ရသ (ပြုံးရယ်ခြင်း)

ဆိုပြီး သူက ရွတ်ပြပါတယ်။ ပြောမနာ ဆိုမနာ သူငယ်ချင်းတွေ ဆိုတော့ ကျွန်တော်ကလည်း နည်းနည်းတော့ ထပ်ပြီး အထွန့်တက် လိုက်မိပါတယ်။

“ ဒါဆိုရင် မင်းကို ငါ နောက်ထပ် ထပ်ရွတ်ပြမယ်။ ဒါတွေကရော ဘာတွေလဲ။ ”

ဆိုပြီး အောက်က အချက်တွေကို ဆက်ရွတ်ပြမိပါတယ်။

(၁) ရတိဠာယီဘာဝ (အမျိုးသမီး၊ အမျိုးသားချစ်ကြိုက်ခြင်း)
(၂) ဟသဠာယီဘ၀ (ပြုံးရယ်ခြင်း)
(၃) ကောဓဠာယီဘာဝ (အမျက်ဒေါသ ကြမ်းကြုတ်ခြင်း)
(၄) ဥသဟဌာယီဘာဝ (ရဲရင့်ခြင်း)
(၅) ဘယဌာထိဘာဝ (ကြောက်ရွံ့ခြင်း)
(၆) ဇိရုစ္ဆယဌာယီဘာဝ (ရွံ့ရှာစက်ဆုတ်ခြင်း)
(၇) ၀ိမှယဌာယီဘာဝ (အံ့သြခြင်း)
(၈) သောကဌာယီဘာဝ (ကြောင့်ကျ ကြင်နာခြင်း)
(၉) သမဌာယီဘာဝ (ရင့်ကျက် ငြိမ်သက်ခြင်း)

ဆိုပြီး ကျွန်တော် ရွတ်ပြပြီးတော့ သူက အဲဒါ ဘာတွေလဲ လို့ ပြန်မေးပါတယ်။ ကျွန်တော်က အများကြီးလည်း သူများကို သိပ်ရှင်းပြတတ်သူ မဟုတ်ပါ။ ဒါကြောင့် တိုတိုပဲ ပြန်ပြောပြမိတယ်။

“ ရသရဲ့ မိခင် ”  လို့။ ဒါလေးပါပဲ။ သူက ဘယ်လောက် နားလည်လိုက်လည်း မသိပေမဲ့ ကျွန်တော်လည်း ဆက်ပြီး မပြောပြဖြစ်တော့ပါဘူး။ ဆွေးနွေးတယ် ဆိုပေမဲ့ အဓိက အားဖြင့် ကျွန်တော်က နွားကျောင်းသား လိုပဲ ဖြစ်နေတာ များပါတယ်။ အခုလည်း သူနဲ့ ကျွန်တော် ခဏငြိမ်နေပြီးတော့ ကျွန်တော်ကပဲ ဆက်မေးဖြစ်တယ်။

“ ရသ ကိုးပါး ဆိုပြီး အတည်တကျ ဖြစ်မလာခင်မှာ ရသ ဘယ်နှစ်ပါး ရှိလဲ သိလား။ ”

ဒီတော့ သူကလည်း ခပ်မြန်မြန်ပဲ ပြန်ဖြေပါတယ်။

“ မသိဘူး။ မင်း သိရင် ပြော . . . . ”

ကျွန်တော်လည်း သိပ်တော့ သိလှတာ မဟုတ်ပါ။ ဒါပေမဲ့ နည်းနည်းတော့ ကြားဖူးထားလို့ သူ့ကို ကျွန်တော် သိထားတဲ့ အတိုင်း ပြောပြဖြစ်ပါတယ်။

“ တကယ်တော့ လူတွေ ပြောပြောနေတဲ့ ရသ ကိုးပါး ဆိုပြီး အတည် မပြုနိုင်သေးတဲ့ အချိန်မှာ လူတွေ အသုံးများပြီး တွင်ကျယ်တဲ့ ရသက ( ၄ ) မျိုးပဲ ရှိတယ်။

အမျက်ထွက်ခြင်း = ရုဒ္ဒရသ
စက်ဆုပ်ခြင်း = ဝိဘစ္ဆရသ
သနားခြင်း = ကရုဏာရသ
ကြောက်ရွံ့ခြင်း = ဘယာနကရသ

ဆိုတဲ့ ရသ ( ၄ ) မျိုးပါပဲ။ ဒါနဲ့ပဲ ကျင်ကျင်လည်အောင် သုံးစွဲနေခဲ့ကြပြီး နောက်တော့မှ ရသ ကိုးပါးရယ် ဆိုပြီး အတည်ပြုလိုက်ကြတာပါ။

ဒါပေမဲ့ . . . .

တကယ်တမ်း ပြောရမယ် ဆိုရင် ရသ ကိုးပါး ဆိုတာ မှားပါတယ်။ တကယ်တော့ ရသ ဆိုတာ ကိုးပါး ဆိုပြီး မရှိပါဘူး။ ရသ ဆိုတာ ရသ ဆိုပြီး ရသ တစ်မျိုးတည်းသာ ရှိတာပါ။ ဒါဆိုရင် အပေါ်မှာ ရေးပြထားတဲ့ ရသ ကိုးပါး ဆိုတာ ဘာလဲ လို့ မေးစရာ ဖြစ်လာပါတယ်။

ဟုတ်ပါတယ်။ တကယ်တော့ လူတွေ ပြောပြော နေတဲ့ ရသ ကိုးပါး ဆိုတာ မှားပါတယ်။ တကယ့် အမှန်စစ်စစ်က ရသ ကိုးပါး မဟုတ်ပါဘူး။ “ ရသမုခ ကိုးပါး ” ပါ။ ရသ ဆိုတာကတော့ တစ်မျိုးပဲ ရှိပါတယ်။

ရသ ဆိုတာကို ခံစားမှု လို့ ပြေပြစ်အောင် အနက်အဓိပ္ပါယ်ဖွင့်ဆိုမယ် ဆိုရင် . . .

မုခ ဆိုတာ မျက်နှာ ( သို့ ) လားရာ အရပ်မျက်နှာ ( သို့ ) ဝင်ပေါက်ထွက်ပေါက် လို့ ဆိုရမှာပါ။

ဒီတော့ ရသမုခ ဆိုတာ ရသရဲ့ မျက်နှာပြင် ( သို့ ) ရသဆီသို့ သွားရာ လမ်းကြောင်း ( သို့ ) ရှေးရှု့ရာ ဝင်ထွက်ပေါက် လို့ ဆိုရမှာပါ။ ဒါပေမဲ့ ကာလရွေ့လျောကာ “ ရသမုခ ” ဆိုပြီး အရှည် မခေါ်ကြတော့ဘဲ “ ရသ ” ၊ “ ရသ ” လို့ ဆိုရင်း ထို ရသမုခ ကိုးပါးကနေ ရသ ကိုးပါး ဆိုပြီး ဖြစ်ပေါ်လာတာပါ။

တကယ်တော့ ( အမှန်စစ်စစ်တော့ ) ရသ ဆိုတာ တစ်မျိုးတည်းပဲ ရှိတာပါ။ ထိုရသ ဆိုသော ခံစားမှုကို ဝင်ရောက်ရာ လမ်းကြောင်း ( သို့ ) ရသ သို့ ချဉ်းကပ်ရာ မျက်နှာပြင် ( သို့ ) ရသ သို့ ရှေးရှု့ရာ မျက်နှာစာ အဖြစ် ရသမုခ ကိုးပါး ဆိုပြီး လမ်းကြောင်း ဖောက်ထားခဲ့တာပါ။

ကျွန်တော်တို့ အားလုံးဟာ ဒီ ရသမုခ ကိုးပါး ဆိုသော လမ်းကြောင်းကနေပြီးတော့ ရသ ဆီကို ချဉ်းကပ်ကာ ခံစားကြပါတယ်။ ထိုက်သင့် သလောက်လည်း ရသကို ခုံမင်စွာ ခံစားကြရပါတယ်။ ဒါပေမဲ့ ရသ တစ်ခုကို ခံစားရတဲ့ အခါမှာ ဘယ်လောက်များ ကိုယ့်ရဲ့ ရင်ထဲကို ( မညာကြေး ) ခံစားရမိလဲ ဆိုတာကတော့ ကိုယ့်ဖာသာကိုယ် အသိဆုံးပဲ နေမှာပါ။ တစ်ခါတလေ ပြည့်ပြည့်ဝဝ ခံစားကြရပေမဲ့ တစ်ခါတလေတော့ စိတ်ထဲမှာ တစ်ခုခုလိုနေသလို ခံစားရမိတတ်ပါတယ်။

ဒီတော့ ဒီနေရာမှာ အထက်က ဆရာကြီးရဲ့ စကားက အရေးပါ လာပါတော့တယ်။ ဒီဆရာကြီး ပြောသလိုသာ ဆိုရင် ဝတ္ထု ဆိုတာ ရေးသူ နဲ့ ဖတ်သူ လိုက်ဖက် ညီနေမှ လို့ ဆိုတယ်။ တကယ်တော့ ရေးသူ နဲ့ ဖတ်သူ လိုက်ဖက်ညီဖို့ ဆိုတာ အတော်ကို မဖြစ်နိုင်တဲ့ ကိစ္စပါ။ ဂမ္ဘီရ ဝတ္ထု ကြိုက်သူကို အချစ်ဝတ္ထု ပေးဖတ်ပြီး ၊ အချစ်ဝတ္ထု ကြိုက်သူကို စုံထောက် ဝတ္ထု ပေးဖတ်မယ် ဆိုရင်တော့ ဘယ်တော့များမှ ရသ ဆိုတာကို ခံစားလာရလိမ့်မယ် မဟုတ်တော့ပါ။

တချို့လည်း ဒီနေရာမှာ ထင်တတ်ကြပါတယ်။ ရသ ဆိုတာ ရင်ကွဲနာ ကျနေရမယ် လို့ ထင်တတ်ကြတယ်။ ဒါကြောင့် ထိုသူတို့ ဖန်တီးသော ဝတ္ထု ၊ ဇာတ်လမ်းများမှာ စာဖတ်သူရဲ့ မျက်ရည်တွေကို ချူယူနေမိတတ်ကြတယ်။ ရသ ကိုးပါး ဆိုပြီး အတည်တကျ ဖြစ်မလာခင်မှာ အဦးဆုံး ဖြစ်တည်ခဲ့တဲ့ ရသ လေးမျိုးနဲ့ ဟိုးရှေးခေတ်က ဝတ္ထု ၊ ဇာတ်လမ်းတွေကို တည်ဆောက်ပါတယ်။ ထိုခေတ်က ဝတ္ထုတွေမှာတော့ ဒေါသထွက်စရာ ပါမယ် ၊ စက်ဆုပ်ရွံရှာ စရာ ပါမယ် ၊ သနားဖွယ်ရာ ပါမယ် ၊ ထိတ်လန့် ကြောက်ရွံစရာ ပါမယ်။ ဒီလိုမျိုးနဲ့သာ ဝတ္ထုတစ်ပုဒ်ကို တည်ဆောက်ကြပါတယ်။

နောက်ပိုင်းကျတော့မှ လူတွေရဲ့ ခံစားမှုက ပို၍ ပို၍ ကျယ်ပြန့်လာကာ တိုးတက်လာခဲ့တယ်။ ဒီနောက်မှာတော့ ရသ ဆိုသော ခံစားမှုကို သွားရာ လမ်းကြောင်း  ကိုးမျိုးဖြင့် တိတိကျကျ သတ်မှတ်လိုက်ကြပါတယ်။ ဒါကလည်း တကယ်တော့ နှစ်ပေါင်း များစွာ တိုင်ခဲ့ပါပြီ။ အဋ္ဌာရသ ( ၁၈ ) ရပ်ကို နှိုက်နှိုက်ချွတ်ချွတ် သင်ယူရတဲ့ ခေတ်ကာလက လို့ ဆိုရမှာပါ။

အခု ခေတ်မှာတော့ လူတွေရဲ့ ရသ ဆီသို့ သွားရာလမ်းကြောင်းက ကိုးမျိုးတည်းနဲ့ မလုံလောက်တော့ပါဘူး။ အရင်ခေတ်ကာလကတော့ ရသမုခ ကိုးပါးတည်းနဲ့ လုံလောက်ချင် လုံလောက်ပါလိမ့်မယ်။ အခုခေတ်မှာတော့ ပို၍ ပို၍ ကျယ်ပြန့်သထက် ကျယ်ပြန့်ကာ ၊ တစ်ခုနဲ့ တစ်ခုလည်း ဆက်သွယ် ၊ ယှက်နွယ် လာကြပါပြီ။ ထွေးရော ယှက်တင် ဖြစ်လာကြပါပြီ။

အရင်ကလို ရသ ဝတ္ထု ဆိုတာ ရင်ကွဲနာကျအောင် ခံစားရမှ ၊ ဂရုဏာသက်ပြီး ဝမ်းနည်းနေရမှ ၊ တုန်လှုပ်ခြောက်ခြား နေရမှ မဟုတ်တော့ပါဘူး။ ဘာမှန်း မသိအောင် ပုံဖော်လို့ မရတဲ့ ခံစားမှုလေး တစ်ခုကို ပေးနိုင်တာကိုက ရသ တစ်ခု ဖြစ်လာခဲ့ပါပြီ။

ဒီနေရာမှာ ကျွန်တော် “ ကိုကြည်နိုင် ( ကျုံတိုင်းရွာ ) “ ရေးတဲ့ ဝတ္ထုလေး တစ်ပုဒ်ကို သွားသတိရမိပါတယ်။ ဝတ္ထုရဲ့ အစ နဲ့ အလယ်အထိ ဘာကိုဆိုလို့ ဘာကိုမှန်း ခန့်မှန်းလို့ မရပါဘူး။ အရာဝတ္ထုလား ၊ လူလား ၊ သက်ရှိလား ၊ သက်မဲ့လား မခန့်မှန်းနိုင်ပါဘူး။ ဒါပေမဲ့ စိတ်ထဲမှာတော့ ထိုအရာဟာ စွန့်စားမှု တစ်ခု အတွက် အားထုတ်ကြိုးပမ်းနေရတယ် ဆိုတာကိုသာ ခံစားလို့ ရပါတယ်။ ခံစားရမိစေပါတယ်။ နောက်ဆုံး ထိုအရာလေးရဲ့ စွန့်စားမှု အောင်မြင်သွားတယ် ဆိုတော့မှ ထိုအရာလေးကို ဘာလဲ ဆိုတာ ပုံပေါ်လာပါတော့တယ်။

ထိုအရာလေးကတော့ ရေအောက်မှာ ရှိနေတဲ့ လေပူဖေါင်းလေး တစ်လုံးပါ။ ရေအောက်ကနေ ရေပေါ်ကို တိုးတက်သွားပြီး ရေမျက်နှာပြင်ကို ထိတွေ့တဲ့ အခါမှာတော့ သူက သူ့ရဲ့ စွန့်စားမှု အောင်မြင်သွားတဲ့ အကြောင်းကို အသံပြုပါတယ် “ ဖျပ် ” တဲ့။ တကယ်တော့ ဘာဆို ဘာမှ မဟုတ်ဘူး ဆိုပေမဲ့ ဒါဟာ “ ရသ ” ပါ။ ဒါဟာ “ ခံစားမှု ” တစ်ခုပါ။ ဒါဟာ အိုဟောင်း ဆွေးမြေ့နေတဲ့ ကျွန်တော့် ပတ်ဝန်းကျင်အတွက် ခံစားမှု အသစ် တစ်ခုပါ။ ဆရာ ကိုကြည်နိုင် ( ကျုံတိုင်းရွာ ) ကတော့ ဒီဝတ္ထုတိုလေးကို “ ကျနော် ၊ ခင်ဗျား ၊ သူ . . . အားလုံး အတူတူပါပဲ ” ဆိုပြီး ဝတ္ထု ခေါင်းစဉ် ပေးထားပါတယ်။ ဖတ်ကြည့်စေချင်ပါတယ်။

ဒီဝတ္ထုလေးကို ဖတ်ပြီးတော့ အထက်က လူတွေ ပြောပြောနေတဲ့ ရသ ကိုးပါးထဲက ဘယ်အရာနဲ့များ ချိန်ထိုးချင်ပါသလဲ။ ဟိုးအရင်ခေတ်ကလို မကျဉ်းမြောင်းတော့သော ခံစားမှုတွေထဲမှာ ဒါဟာလည်း နောက်တိုး ရသမုခ တစ်မျိုးပါပဲ။ ရသ ဆီသို့ သွားရာ လမ်းကြောင်း အသစ်လေး တစ်ခုပါ။ ကျွန်တော်တို့ လက်သင့်ခံပြီး နွေးထွေးစွာ ကြိုဆိုသင့်ပါတယ်။



ကျွန်တော့်မှာ သူငယ်ချင်း တစ်စုံ တစ်တွဲ ရှိတယ်။ သူတို့ နှစ်ယောက်က ကိုးတန်း ကျောင်းသူ ၊ ကျောင်းသား ဘဝကတည်းက ချစ်သူတွေ ဖြစ်ခဲ့ကြတာပါ။ သူတို့နှစ်ယောက်ကို တခြားသော သူငယ်ချင်းတွေက မှတ်ချက် အမျိုးမျိုး ပေးကြတယ်။

တချို့က “ နင်တို့ စုံတွဲက အေးချမ်းတယ် ”  လို့ဆိုတယ်။
တချို့က “ နင်တို့ စုံတွဲက ပျင်းစရာကြီး ” လို့ ဆိုတယ်။
တချို့က “ နင်တို့ကတော့ ဒီကမ္ဘာမှာ နင်တို့ပဲ ရှိတယ် လို့ ထင်နေတာလား ” ဟု ဆိုတယ်။
တချို့က “ ဘီးမပါတဲ့ ကျောက်လှည်းကြီး ” လို့ ဆိုတယ်။

ဒီလို သူငယ်ချင်းတွေ မှတ်ချက် အမျိုးမျိုး ပေးပေမဲ့ သူတို့ကတော့ ဒီလိုပဲ ပုံမှန် ဖြတ်သန်းသွားကြတာပါပဲ။ အခုတော့လည်း သူတို့ နှစ်ယောက် လက်ထပ်ပြီး အတူတူ ဘဝ တစ်ခုကို တည်ထောင်နေကြပါပြီ။ အတော်ကြာပြီးတဲ့ တစ်နေ့မှာ သူတို့နဲ့ ကျွန်တော် ပြန်ဆုံဖြစ်တော့ သူတို့က ကျွန်တော့်ကို မေးတယ်။

“ မင်း . . . ငါတို့နဲ့ ကျောင်းတက်လာသမျှ အချိန်တွေမှာ သူများတွေကသာ ငါတို့ စုံတွဲကို မှတ်ချက်တွေ အမျိုးမျိုး ပေးကြတာ ၊ မင်းကတော့ ဘာမှတ်ချက်မှ မပေးဘူး။ ငါတို့ စုံတွဲနဲ့ ပတ်သတ်ပြီး မင်းက ဘာခံစားမှုမှ မခံစားရလို့လား။ ”

လို့ မေးလာတယ်။ သူတို့က ဒီလိုမေးတော့ ကျွန်တော် သေသေချာချာ ပြန်ပြုံးပြီး ပြောလိုက်ပါတယ်။

“ ခံစားရတာပေါ့ကွာ။ နင့်နင့်နဲနဲကို ခံစားရမိပါတယ်။ ”

“ ဒါပေမဲ့ . . . မင်းဆီက ငါတို့နဲ့ ပတ်သတ်ပြီး လုံးဝ မှတ်ချက် မထွက်လာခဲ့ဖူးဘူး။ အခု ပြောစမ်းပါဦး။ မင်း ငါတို့ စုံတွဲအပေါ်မှာ ဘယ်လို မှတ်ချက် ပေးချင်လဲ။ ”

သူတို့က ဒီလို မေးလိုက်တော့မှ ကျွန်တော်လည်း ရုတ်တရက် ဘယ်လို ပြန်ပြောရမှန်း မသိဘဲ ဆွံ့အသွားမိတယ်။ နောက်မှ အရင်က ခံစားရတာကို စိတ်ထဲမှာ ပြန်နွေးပြီး ပြောချလိုက်ပါတယ်။

“ မင်းတို့ စုံတွဲကို ငါမြင်ရတာ အေးချမ်းမှု ဘေးက လူဆီကို ဖြာထွက်စေတယ် လို့ပဲ ပြောတတ်တယ်။ တစ်ခု ရှိတာက မင်းတို့ စုံတွဲရဲ့ အချစ်က ပူလောင်စေတာမျိုး မဟုတ်ဘဲ ၊ မင်းတို့ကို ဘေးက မြင်နေသူပါ မင်းတို့ကို ကြည့်ပြီး တငွေ့ငွေ့ ပျော်ရွှင်ကြည်နူးစေတာပါပဲ။ တခြား စုံတွဲတွေလို မင်းတို့ စုံတွဲကို မြင်ရတာ ကလက်ခြင်းမရှိဘူး။ တည်တည်ငြိမ်ငြမ်နဲ့ အေးအေးချမ်းချမ်း ဖြစ်နေတယ် လို့ ဘေးက လူကပါ ခံစားရတယ်။ ”

ကျွန်တော် ဒီလိုပဲ ပြန်ဖြေလိုက်မိပါတယ်။ တကယ်လည်း သူတို့ စုံတွဲက ကျောင်းတတ်ခဲ့တဲ့ သက်တမ်းတစ်လျှောက် ဒီလိုပဲ အေးချမ်း တည်ငြိမ်ခဲ့တာပါပဲ။ ပြီးတော့ သူတို့ရဲ့ အေးချမ်းမှုက အနီးနားမှာ ရှိနေတဲ့ လူတွေဆီကိုပါ ကူးစက်စေပါတယ်။

ကျွန်တော် ဘာဖြစ်လို့ အခု သူတို့ အကြောင်းကို ထည့်ရေးပြီး ဥပမာ ပေးရတာလည်း ဆိုတော့ သူတို့ နှစ်ယောက်ရဲ့ အချစ်အကြောင်းကို ပုံပေါ်အောင် ဝတ္ထုရေးမယ် ဆိုကြပါစို့။ လူတွေ ပြောပြောနေတဲ့ အထက်က ရသ ကိုးပါးထဲက ဘယ်အချက်နဲ့ ပေါ်လွင်အောင် ရေးနိုင်ပါမလဲ။ ချစ်ခင်ခြင်း ရသ နဲ့လား ၊ မဟုတ်သေးပါ။ သူတို့ရဲ့ အချစ်က ဒီလိုမဟုတ် ၊ ဒီထက်ပို၍ အဆင့်မြင့်ပါတယ်။ ဒါကြောင့် သူတို့နှစ်ယောက်ရဲ့ အချစ်ကို ပုံပေါ်အောင် ရေးမယ် ဆိုရင် အထက်က ရသမုခ  ကိုးပါးနဲ့ ကိုက်ညီတော့မှာ မဟုတ်ပါဘူး။

ဒါဆို သူတို့နှစ်ယောက်ရဲ့ အချစ်ကို စာဖတ်သူ ခံစားမိသောအခါမှာ တခြားသော ရသမုခ တစ်မျိုး ထပ်ဖြစ်လာပါလိမ့်မယ်။ ဒါကပဲ မူလ အရင်း အမြစ် ဖြစ်ရာ “ ရသ ဆိုသော ခံစားမှု ” ဆီကို ဦးတည်သွားမှာပါ။ လူတွေ ပြောပြောနေတဲ့ ရသ ကိုးပါး ( သို့ ) ရသမုခ ကိုးပါးနဲ့ အံမဝင်လို့ ဒါဟာ ရသ မမြောက်ဘူး လို့ ဆိုရင်တော့လည်း ကျွန်တော် ဝမ်းလည်း မသာ ၊ ဝမ်းလည်း မနည်းဘဲ ဒီအတိုင်းပဲ လက်ပိုက် ကြည့်နေရမှာပါပဲ။



ကျွန်တော်တို့ အခု ပတ်ဝန်းကျင်မှာ ဖတ်နေရတဲ့ ရသ ဆိုသော ခေါင်းစဉ် အောက်မှ စာများဟာ လူတွေ အပြောများနေတဲ့ ရသ ကိုးပါးထဲကို အတင်းထိုးထည့်ကာ ရေးနေကြပါတယ်။ တကယ်တော့ ထိုခေတ် ထိုအခါက ပြုစုထားတဲ့ ရသမုခ ကိုးပါး (သို့) ရသဆီိသို့ ချဉ်းကပ်ရာ လမ်းကြောင်း ကိုးသွယ်နဲ့ ရေးမှ ရသမြောက်မယ် လို့ မြင်နေကြလို့ ဖြစ်ပါတယ်။

အခုခေတ်မှာလို အရာရာ ကျယ်ပြန့်လာတဲ့ ခေတ်မှာတော့ ရသ ဆီကို သွားရာ လမ်းကြောင်းတွေကလည်း အဋ္ဌာရသ ( ၁၈ ) ရပ်ကို သင်သော မင်းညီမင်းသားများလို မဟုတ်တော့ဘဲ ၊ သက်ဆိုင်ရာ ဘာသာရပ်တွေမှာတင် များစွာသော အပိုင်းခွဲတွေ ပေါ်ထွက်လာကာ ကျယ်ပြန့်လာခဲ့ပါပြီ။ လူတွေရဲ့ သိ မြင် ခံစားမှုတွေကလည်း ပိုပြီးတော့ ကျယ်ပြန့်ကာ နားလည် လွယ်လာကြပါပြီ။

ဒါကြောင့် ရသ ဆိုတာ လူတွေ ပြောပြောနေသလို ရသ ကိုးပါး ဆိုပြီးကာ လှေနံ ဓါးထစ် ထားသလောက် ရှိတာ မဟုတ်ပါ။ တကယ်တော့ ရသ ဆိုတာ တစ်မျိုးပဲ ရှိပါတယ်။ သူ့ရဲ့ အဓိပ္ပါယ်ကို ကျွန်တော်ကတော့ “ ခံစားမှု ” လို့ပဲ အနက်ဆိုချင်ပါတယ်။ လူတွေ အပြောများနေတဲ့ ရသ ကိုးမျိုး ဆိုတာ “ ရသမုခ ကိုးမျိုး ” သာ ဖြစ်ပါတယ်။ ရသမုခ ဆိုတာကလည်း ရသဆီသို့ ဝင်ရောက်ရာ လမ်းကြောင်းတွေပါ။

ကျွန်တော်တို့ ဘောလုံးပွဲ ကြည့်ဖို့ ဘောလုံးကွင်းထဲကို သွားတယ်ပေါ့။ ဒီဘောလုံးကွင်း ဆိုတာက ရသ ဆိုတဲ့ ခံစားမှု တည်ရှိရာ နေရာပါ။ ဒီဘောလုံးကွင်းထဲကို လေယာဉ်ပျံပေါ်ကနေ လေထီးနဲ့ပဲ ခုန်ချ ၊ ခုန်ချ။ ရဟတ်ယာဉ်နဲ့ပဲ ဘောလုံးကွင်းထဲကို ဆင်းဆင်း ၊ ကားစီးပြီးတော့ပဲ လာလာ ၊ ရထားစီးပြီးတော့ပဲ လာလာ ၊ ဆိုင်ကယ်စီးပြီးတော့ပဲ လာလာ ၊ စက်ဘီး စီးပြီးတော့ပဲ လာလာ ၊ ဒါမှမဟုတ် အေးအေးလူလူ လမ်းလေးပဲ လျှောက်ပြီးလာလာ ၊ အဓိက က ဘောလုံးကွင်းကို ရောက်ဖို့ပဲ မဟုတ်လား။

ဘောလုံးကွင်းကို ရောက်ပြီ ဆိုရင်လည်း တောင်ဘက် ပေါက်ကပဲ ဝင်ဝင် ၊  မြောက်ဘက်ပေါက်ကပဲ ဝင်ဝင် ၊ ဘယ်ကနေပဲ ဝင်ဝင် ၊ ဘယ်အတန်းမှာပဲ ထိုင်ရ ထိုင်ရ . . . အဓိက က ဘောလုံးကွင်းထဲကို ရောက်ဖို့က အဓိက မဟုတ်ပါလား။ ရသ ဆိုတာကလည်း ဒီလိုပါပဲ။ ဘယ်လို မုခ နဲ့ပဲ ဝင်လာလာ အဓိက က “ ရသ ” ဆီကို ရောက်ဖို့ပဲ မဟုတ်ပါလားဗျာ။

အရာ အားလုံးဟာ အခုခေတ်မှာ သီးခြားဆီ ရှိမနေတော့ဘဲ ၊ အားလုံးဟာ တစ်ခုနဲ့ တစ်ခု ဆက်သွယ် ယှက်နွယ်ပြီးတော့ ကွန်ယက် သဏ္ဌာန်ကို ဆောင်နေကြပါပြီ။ ဝတ္ထုတစ်ပုဒ်မှာတင် တွေးစရာ ၊ ငေးစရာ ၊ ဆွေးစရာ ၊ ရယ်စရာ ၊ ငိုစရာ ၊ ကြောက်စရာ ၊ ပျော်စရာ ၊ ထိတ်လန့်စရာ ၊ ဝမ်းနည်းစရာ ၊ အံ့သြစရာ ၊ သနားစရာ ၊ ရဲရင့်စရာ ၊ ဂရုဏာသက်စရာ စသဖြင့် ရသမုခ ပေါင်းများစွာဖြင့် တန်ဆာဆင်ကာ ခံစားနိုင်ကြပါပြီ။

ဒါကြောင့် အခုခေတ် ဝတ္ထု ၊ စာတွေကို ကျွန်တော့်ကတော့ “ ရသကွန်ယက် ” စာများလို့သာ ပုံပမာ ပြုချင်မိပါတော့တယ်။   ။ 




*** ဒီလို အကြောင်းအရာမျိုးက တစ်နေရာတည်း ၊ တစ်ချိန်တည်းမှာ ရေးလို့ ပြီးတဲ့ အကြောင်းအရာ မဟုတ်ပါဘူး။ ဒါကြောင့် ကျွန်တော် အခုတော့ ဒီလောက်နဲ့ပဲ ရပ်လိုက်ပါပြီ။ အခွင့်အခါ ရှိရင် ထပ်ရေးပါ့မယ်။ အခု ရေးသမျှကလည်း နောက်ထပ် တစ်မိနစ်နေရင်တောင်မှ Up To Date ဖြစ်ချင်မှ ဖြစ်တော့မှာပါ။ ဘာလို့လဲ ဆိုတော့ အရာရာဟာ တိုးတက်ပြောင်းလဲ နေလို့ပါပဲ။ ဘယ်အရာကိုမှ အသေချုပ်ကိုင်ထားလို့ ရနိုင်တဲ့ အရာတွေ မဟုတ်ပါဘူး။ ***

>>> ကျွန်တော် စာလုံးပေါင်းတွေ မှားနေရင် ပြောသွားကြပါဦး။ အနီးအနားမှာ ကျမ်းတွေက ကိုးကားစရာ မရှိလို့ပါ။ <<<

လေးစားစွာဖြင့်
ကိုဇော်
20.4.2011

Share/Bookmark

18 April 2011

23 ၂၀၁၁ သင်္ကြန်ကဗျာ



သင်္ကြန် . . . သင်္ကြန် . . . သင်္ကြန် . . တဲ့။
ဟိုးအဝေးက လှမ်းကြည့်မိတော့ . . .
ရမ်းကြည့် ကြည့်မိတဲ့ ဒီမျက်လုံးက
ငမ်းကြည့်နေတဲ့ တခြား ပုရိသများနည်းတူ
လှမ်းသွားမိတဲ့  ခြေလှမ်းတွေက
သူတို့ရဲ့ စင်မြင့် အနားကို . . .။

လက်ပံပင် ဇရက်ကျ
ခပ်ကြွကြွ ခုန်ပေါက်သီဆိုလို့ . . .
ဘာကို ဘာတွေ အော်မှန်း မသိ။
မသိတော့လည်း နားကွဲ . .
သိတော့လည်း တအားဆဲ . .
နားလည်တော့လည်း နားရှက် . .
နားမလည်တော့လည်း ကြားရခက် . .
ပေါင်အချောင်းလိုက်နဲ့ ဇိုးဇိုးဇတ်ဇတ် ကတဲ့ အက
အမေဇုံတောထဲက လူရိုင်းမတွေရဲ့အက
အောင်သေ အောင်သား စားတော့မဲ့ ဟန်နဲ့
ဝါးရုံပင်လေတိုး ဆိုးလိုက်တဲ့ အမျိုး။

ဆံပင်ကို ကာလာစုံပြောင်း
စိတ်တွေကတော့ အညစ်အကြေးတွေနဲ့ မည်းနက်မှောင်လို့ . . .
၎ နှစ်သား လူငယ်လေးကနေ . . .
အသက် ၇၀ ဘိုးဘိုးတို့ အထိ . . .
ဒန့် . . တန့် . . တန့် . . .
အကြောတွေထ ၊ ရေတွေ ငတ်ပြ ၊
ရေဆာရင် ဘီယာ ရှိတယ် ဆိုပြီး
ထောက်ခနဲ ယူ ၊ ဖောက်ခနဲ သောက် . .
ဒါ . . မြန်မာဟေ့ လို့
သူတို့က . . .
စဥ့်အိုးထဲ ခေါင်းဝင် ကြုံးဝါးကြတယ်။

ခေတ်မှီဖို့ ဆိုပြီး အတွင်းခံ မပါဘဲ
စကတ်တို ဝတ်စရာ မလိုပါဘူး။
အသားကပ်ဝတ်ပြီး မဏ္ဍပ်ရှေ့ကနေ
ဂျနီဖာ လိုပတ်ဇ် လို့ ကောက်ပြစရာ မလိုပါဘူး။
အုန်းမှုတ်ခွက် တစ်စုံကို ကြိုးနဲ့ ချည်ပြီး
လေဒီဂါဂါ လို ဖက်ရှင်ဆန်းတွေ ထွင်စရာ မလိုပါဘူး။
မင်းဘာကောင်လဲ ၊ ငါဘာကောင်လဲ ဆိုပြီး
ပြုတ်ကျမတက် လှုပ်ရမ်း ကြွားစရာလည်း မလိုပါဘူး။
ခေတ်မှီဖို့ ဆိုတာထက် . . . .
သူတို့က ခေတ်ကို လွန်ထွက်ပြီး . . .
ခေတ်ကို အရှေ့က ကြိုးနဲ့ ဆွဲချင်ရင်တော့ . . .
မှားမယ် . . . ။

မြန်မာဆန်ပါလို့ ဆိုတိုင်း . . .
လွှတ်တော်ထဲက ဂုဏ်သရေရှိ ဘဘတို့လို
တောင်ရှည်ပုဆိုး ဝတ်ပြစရာ မလိုပါဘူး။
လွှတ်တော်ထဲက ဒေါ်ဒေါ်တို့လို
သင်္ကြန်တွင်းမှာ ပုဝါ နှစ်စ အသာချပြီး
မျက်လွှာလေး ဝင့်ကာ ဝင့်ကာနဲ့ ဣနြေ္ဒရနေစရာ မလိုပါဘူး။
ကာလံဒေသံ ကြည့်ပြီး ဆင်ယင်ပေါ့။
ဘောင်းဘီတိုကပ် ပြတ်လပ်တွေ မဝတ်လို့
ရေမလောင်းဘူး မရှိစေရဘူး။
ကြိုးတစ်ချောင်းနဲ့ အဖုအဖောင်းတွေ မပြလို့
ရေမလောင်းဘူး မရှိစေရဘူး။

သင်္ကြန်မှာ ရေကစားရင်း မောလာလို့
ရေသောက်ရင်လည်း အမောပြေပါတယ်။
ဘီယာဘူးလေး ကိုင်ပြီး ဆေးလိပ်လေး ခဲမှ
ခေတ်မှီတယ် ထင်တယ် ဆိုရင်တော့
အနောက်နိုင်ငံက ကြေးစားရုပ်ရှင်တွေကို နည်းနည်းလောက် ပြချင်တယ်။
မထင်ဘဲနဲ့ ကိုယ့်ဖာသာကိုယ် ပြန်မြင် . . .
မှန်ကို ရှူ့မြင်လိုက်ရသလို ဖြစ်ရင်တော့ မတတ်နိုင်ဘူး။
ကြေးစားတွေရဲ့ အပြင်အဆင် ဆိုတာ အဲဒီလိုပဲ။
မျက်နှာမှာ ရောင်စုံခြယ် ၊ ဆံပင်ကို ဆန်းအောင်လုပ်
အဝတ်ကို ပါးအောင်ဝတ် ၊ ဖော်နိုင်သမျှဖော်
ဒါမှလည်း . . . ပုရိသတွေက . .
ပျော်နိုင်သမျှ ပျော်ကြမှာလေ။

ပုရိသတွေ ပျော်မှ . . .
သူတို့လန်းမယ် . . . .
သူတို့လန်းမှ ကိုယ်လည်း လန်းအောင် . .
ရေကမ်းလာမယ် ဆိုတဲ့ အတွေးကတော့
အားနာနာနဲ့ ပြောရရင် . . .
အတော်ကို အပေါစား ဆန်တယ်။
ဆိုက်ကားသမားတွေက ပြောကြတယ်။
“ အခေါက်ရေများလေ ကိုယ့်အတွက် ကျန်လေ . . ” တဲ့။
ပုရိသ စားဖားကြီးတွေကတော့ ပြောမှာပေါ့ . .
“ အယောက်ရေများလေ ကိုယ့်အတွက် ကျန်လေ ” လို့။
ဒီလိုနဲ့ပဲ သူတို့သမိုင်းကို သူတို့ ရေးတယ်။

ကိုယ်ပြင်ဆင်ထားတဲ့ ဟန်က
ကြေးစားပုံ ပေါက်နေရင် ကြေးစားလောက်ပဲ ဆက်ဆံ ခံရတာ
သိပ်တော့ မဆန်းလှပါဘူး။
ဒီလို အုန်းမှုတ်ခွက် ဝတ်စုံ ၊ လက်သုံးလုံး နံငယ်ပတ်နဲ့
ဘယ်နိုင်ငံက အထက်လွှတ်တော် ၊ အောက်လွှတ်တော်တွေ တတ်တာ မြင်ဖူးလဲ။
ဒီတော့ . . .
တောင်းမှာ အကွပ် ၊ လူမှာ အဝတ် ဆို . . .
အခုတော့ . . .
တောင်းမှာ အကွပ်ပါးလာသလို ၊ လူမှာလည်း အဝတ်ရှားလာပါရောလား။
အဝတ် ရှားလာတာလား ၊ အချွတ် ပေါလာတာလား
ဝေဝေဝါးဝါးပဲ တွေးမိပါတယ်။

ခက်တာက . . .
“ မြန်မာရိုးရာ ယဉ်ကျေးမှု ရေသဘင်ပွဲတော် ” ဆိုတဲ့
စာလုံးလှလှလေးကို ရောင်ခြယ် လှလှလေးနဲ့ ရေးထားတဲ့
တခမ်းတနား ဆိုင်းပုဒ် ရှေ့မှာ . . .
အုန်းမှုတ်ခွက် ဝတ်စုံ ၊ လက်သုံးလုံး နံငယ်ပိုင်းနဲ့
အဆီဗူးတွေ လှုပ်ခါနေတာကတော့
ရာဇဝင် နည်းနည်းရိုင်းတယ်။
အနောက်နိုင်ငံကို အထင်ကြီး ၊ အားကျ ၊
ခေတ်ကို မှီအောင် လှော်ခတ်နေတယ် ဆိုပေမဲ့ . . .
မြန်မာ့ရိုးရာ အတာရေသဘင်ပွဲတော် ဆိုလို့
လာရောက် ကြည့်ရှု့တဲ့ . .
အနောက်နိုင်ငံသားတွေတောင်မှ မျက်စိလည်ပြီး
သူတို့ ခေတ်နောက်ကျနေသလို မျက်နှာအိုအိုနဲ့
“ Sexy Water Festival ” ဆိုပြီး နာမည်သစ်ပြုတယ်။

သူတို့က ကောသလမင်းကြီး မဟုတ်ပေမဲ့. . .
သူတို့ရဲ့ စကားက ခေတ်အဆက်ဆက် တာသွားမှာတော့
( အတွေးလွန်ပြီး ပူတတ်ရန်ကော လို့ပဲ ပြောပြော ) စိုးရိမ်မိတယ်။
Sexy Water Festival ဆိုပြီး သူတို့ ပြောသလို. . .
နောင်နှစ်တွေလည်း ဒီလိုပဲ “ ဆက်စည်ကား ” သွားမလား စိုးမိတယ်။

ဘာလို့လဲ ဆိုတော့ . . .
ကိုယ်တွေ မြန်မာမှာကိုက ရှိတယ်လေ။
သူ့ထက်သူ လူစွမ်းကောင်းတွေချည်းပဲ. . .
ဘာ . . .
သူက ဒူးထိပေါ်တယ် ဟုတ်လား . .
ငါက ပေါင်လည် ဖော်ပစ်မယ်။
သူက ပေါင်လည်  ဟုတ်လား. . .
ငါက ပေါင်ရင်း ဆိုပြီး ရှိတာလေးတွေ . ..
သဘောရှိ ထုတ်ပြတတ်ကြတယ် မဟုတ်လား။
ဒီတော့ ပေါင်ရင်း ၊ နှံရင်း ရှိတာလေးတွေ အတိုးဖိုးနဲ့
အရင်းတွေ ဆုံးကုန်ကြတော့တာပါပဲ။

ဣတ္ထိယတွေတင်လား ဆိုတော့ . .
မဟုတ်သေးဘူး . .၊
ပုရိသတွေကလည်း ခေတ်ကို သူတို့က ပြန်ဆွဲနေကြပြန်ရော . .
ဟိုးအရင်ခေတ်က . . .
မွေးမွေးချင်း ပါးစပ်ထဲမှာ သွားပါလာရင်
ဒါဟာ . . ဘီလူး။
ခေါင်းဖြတ် ၊ မြေမြှုပ် ၊ မီးတိုက်ပြီးတော့. . .
ဒီရေအကျနဲ့ ခပ်မြန်မြန် မျှောလိုက်သတဲ့။
လွဲမှားတဲ့ အတွေးတွေပေါ့။
အခု ခေတ်မတော့ ပါးစပ်ထဲက သွားမှာ အပိုတွေတပ်
ခေါင်းက ဆံပင်ကို ရောင်စုံခြယ်
ဂျယ်တွေ ၊ ဆေးတွေနဲ့ ထိုးထိုးထောင်ထောင်
ဦးချိုနဲ့ သင်္ကြန်မှာ လမ်းသလားကြသတဲ့။

ဒီမှာ . . . .
ဒီမှာ . . . . တဆိတ်လောက် နားထောင်ပေးပါ။
လူတွေမှာ အမြင်ကို ကြည့်တဲ့ အကြည့်တွေ ရှိပါလိမ့်မယ်။
အားကျလို့ ကြည့်မယ်. . .
သဘောကျလို့ ကြည့်မယ်. . .
နှစ်သက်လို့ ကြည့်မယ် . . .
လေးစားလို့ ကြည့်မယ်. . .
အထင်ကြီးလို့ ကြည့်မယ်. . .
ထူးဆန်းလို့ ကြည့်မယ် . . .
ရွံရှာလို့ ကြည့်မယ် . . .
သနားလို့ ကြည့်မယ်. . .
အမြင်ကပ်လို့ ကြည့်မယ် . . .
ဘဝင် မဟပ်လို့ ကြည့်မယ်. . .
သားရေဂျာကင် တဖားဖား . . .
လမ်းပေါ်မှာ ချိုတကားကား . . .
လူကိုယ်ပေါ်မှာ ကွင်းတွေ ဂွတွေက များများနဲ့
လမ်းသွားနေရင်တော့ . . .
လူတွေက ကြည့်တော့ ကြည့်ကြမှာပေါ့။

ဒါပေမဲ့ . . .
သေချာတာကတော့ လူကြည့်တိုင်းလည်း အထင်ကြီးလို့ မဟုတ်ဘူး. . .
လေးစားလို့ မဟုတ်ဘူး။
ခွေးရူး တစ်ကောင်ကို လမ်းမှာ တွေ့ရင်လည်း
အခါမလပ်သော မျက်စိ အစုံနဲ့ ကြည့်ကြသေးတာပဲ။
မြွေပါး ကင်းပါး ပေါတဲ့ နေရာမှာလည်း
မျက်စိ စုံဖွင့် စူးစူးရဲရဲ ကြည့်တတ်ကြသေးတာပဲ။
အန္တရာယ်ကို အခါမရွေး မျက်ခြေပြတ်မခံတဲ့ သဘော . .၊
အခုလည်း ဘယ်လူတွေက ဘယ်လို့ ငါ့ကို ကြည့်နေပါလိမ့် . . လို့။
ခဏလေ. . . . ခဏလေး . . .  . အမောပြေ ထိုင်ရင်း
တွေးကြည့်လိုက်ပါလား. . .
သူတို့ရဲ့ မျက်ဝန်းကို စည်သူလွင် မဟုတ်ပေမဲ့
နည်းနည်းလောက် ဖတ်ကြည့်လိုက်ပါလား။
ရင်ခုန် မခုန်ပေါ့ . . .။

လူတွေမှာ လှချင်စိတ်ကြောင့် . . .
ပြောင်းလဲ သွားရတဲ့ စိတ်ခံစားမှု အခြေအနေ နှစ်မျိုး ရှိသတဲ့။
ဒီစိတ်ခံစားမှုကလည်း ဖို ၊ မ သဘာဝနဲ့ အတူ ကွဲပြားတယ်။
အေးချမ်းလွန်းလှပါတယ် ဆိုတဲ့ ဆောင်းတွင်း နံနက်ခင်းမှာတောင်မှ. . . .
ပြာကညို ဆိုတဲ့ ပျိုကညာတွေက လှချင်လာပါပြီ ဆိုရင်. . .
ဘယ်လောက်ပဲ အေးနေပါစေ . .
တိုသထက် တို . . . .
ပြတ်သထက် ပြတ် . . .
ကပ်သထက် ကပ် . . .
ဖော်သထက် ဖော် . . .
ဒါမှ သူတို့က နေပျော်သတဲ့။
တို့များ ကိုကို ယောက်ျားတွေကျတော့ ပြောင်းပြန်. . . ။
နွေခေါင်ခေါင် နေ့လည်ခင်း နေဆယ်စင်းပဲ လင်းလင်း . . .
လှချင်လာပါပြီ ဆိုရင်. . . . ဘယ်လောက်ပဲ ပူနေပါစေ . .
ဂျာကင်တွေ ဝတ် . . .
လည်စည်းတွေ တပ် . . .
လက်ရှည်တွေ ထပ်  . . .
လှချင်တာ တစ်ခုတည်းနဲ့ ပြုံးပြီးတော့ ချွေးထုတ်ကြတယ်။
ရင်ထဲမှာတော့ မီးပဲတောက်တောက် . . ပေါ့။

ဒါပေမဲ့ . . .
ကိုယ့်ဖာသာ ကိုယ်သာ လှတယ် ထင်နေတာ . . .
ပတ်ဝန်းကျင်က လူတွေကတော့ အတော်ကို
စိတ်ကျဉ်းကျပ်ချင် ကျပ်နေမယ် . . .
ဒါမှမဟုတ် . . .
စိတ်ကျယ်ပြန့် လွတ်လပ်လွန်းချင် လွတ်လပ်လွန်းနေမယ်။
သူတို့ရဲ့ တုံ့ပြန်တဲ့ အကြည့်က . . .
ကလိတဲ့ အကြည့်လား . . . .
ငြိတိတိ အကြည့်လား . . . .
ဂလုချင်တဲ့ အကြည့်လား . . . .
ညုချင်တဲ့ အကြည့်လား . . . .
ကျိတ်ရယ်ချင်နေတဲ့ အကြည့်လား . . . .
ပိတ်ကန်ချင်နေတဲ့ အကြည့်လား . . . .
နည်းနည်းပါးပါးတော့ ဆန်းစစ်မိဖို့ လိုမယ်။

ဥာဏ်စမ်းလေး တစ်ခုလောက် လုပ်ရအောင်ဗျာ။
စာမေးပွဲ မေးခွန်းတွေထဲက အတိုင်း . . .
အောက်ပါ ပုံကို ကြည့်၍ အဖြေပေးပါ လို့ ဆိုချင်တယ်။









ကြည့်ပြီးပါပြီလား . . .
ထားလိုက်ပါတော့ . .  .
ထားလိုက်ပါတော့ . . .
( ထပ်၍  ) ထားလိုက်ပါတော့ . . .
အထက်ပါ ပုံများကို ကြည့်၍ မှတ်ချက်ပေးပါ လို့ မဆိုချင်တော့ပါဘူး။
ဒီပုံတွေကို တင်လိုက်လို့ မူပိုင်ခွင့်နဲ့ လွတ်ချင်မှတော့ လွတ်မယ်။
ဒီတော့ . . .
ဒီပုံတွေကို ပိုင်ရှင်တွေ ပြန်မြင်ရင်တော့ . . . .
အရှက်တွေ ဟက်တတ်ကွဲပြီး . . .
အိမ်ထဲက အိမ်ပြင်မထွက် အရှက်သည်းလှတယ် ဆိုကာ
အိမ်တွင်းပုန်း ဖြစ်မယ် လို့ ထင်ပါသလား။

နိုး . . . .
မထင်ပါနဲ့ . . . လုံးဝကို မထင်ပါနဲ့. . .
ဟဲ့. . . . ဟိုဘလော့ဂါ ကိုဇော် ဆိုတာလေ. . .
ငါတို့တွေ ဒွန့် ထားတဲ့ ပုံတွေ . . . .
ငါတို့တွေ ဒန့် ထားတဲ့ ပုံတွေကို တင်ထားတယ် ဆိုပြီး
အင်တာနက်ပေါ် ရောက်ပဟေ့ ဟုဆို . . .
စပွန်ဆာ မလိုဘဲ ကြော်ငြာပြီးသား ဖြစ်တယ်ဟဲ့ ဆိုပြီး . . .
သူတို့ ခပ်တိုးတိုး တိုင်ပင်ကြလိမ့်ဦးမယ်။
“ ငါတို့ နောက်နှစ်ကျရင် ဒီထက် ပိုဖော်ကြရအောင် . . . ” တဲ့။

ဒါနဲ့ပဲ . . .
ဒါနဲ့ပဲ ကျွန်တော် ကဗျာ မရေးတော့ပါ။
ဒါကြောင့် ကျွန်တော့် သူတို့ အကြောင်း ကဗျာ မရေးတော့ပါ။
ထို့ကြောင့် ကျွန်တော် သူတို့ အကြောင်း ဘလော့ မရေးတော့ပါ။
သို့ဖြစ်ပါ၍ ကျွန်တော် သူတို့ အကြောင်း မရေးတတ်တော့ပါ။
ကျွန်တော် သူတို့ကို အားပေးကာ ရေပက်ချင်မိတော့တယ်။

ရှေးရိုးစွဲ သမားကြီးတော့ မဟုတ်ပါဘူးဗျာ။
ကူညီနိုင်ရင်လေ. . .
ကျွန်တော့်ကို အရပ်ဝိုင်းကာ ကူညီကြပါဦး။
ကျွန်တော် သူတို့ကို . . . .
မြန်မာ့ရိုးရာ အတိုင်း သပြေခက်နဲ့ ရေပက်ချင်လို့ပါ။
“ အရှည် လေးပေ ၊ လုံးပတ် လက်မလုံး ” ရှိတဲ့
သပြေကိုင်း သန့်သန့် တစ်ခက်လောက် လိုချင်တယ်ဗျာ။
အော်ဒီကလုံး ရေမွှေးတိုင်ကီထဲမှာ
ဒီသပြေကိုင်းလေးကို စိမ်ထားပြီး
သူတို့ကို မြင်ရင် ကျွန်တော်လေ. . . .
မြန်မာ့ရိုးရာဟေ့ ဆိုပြီး ကျောတစ်ရာ ရင်တစ်ရာ . . .
သပြေကိုင်းနဲ့ ခပ်ကြမ်းကြမ်းလေး ဆွဲလိုက်ချင်တယ်။   ။

လေးစားစွာဖြင့်
ကိုဇော်
18.4.2011
Share/Bookmark

16 April 2011

10 သင်္ကြန်ရေ ၊ ပိတောက်ငွေ့နဲ့ ရေးတဲ့ ဇာတ်လမ်း ( ၂ )



“ ဖြစ်နိုင်တယ်။ ” ဆိုပြီး လက်ခံတဲ့ သူရော . . . .

“ မဖြစ်နိုင်ဘူးကွာ ” ဆိုပြီး လက်မခံတဲ့ သူရော ၊ အားလုံးရဲ့ အသံတွေ စုပြီး ဝူးဝူးဝါးဝါးနဲ့ လမ်းဘေးက အုတ်ခုံဘောင်လေးမှာ သွက်သွက်ခါအောင် ဆူညံသွားသည်။ နားထောင်သူ ပရိတ်သတ်က ဒီလို တုံ့ပြန်နေပေမဲ့ သူကတော့ အေးအေးဆေးဆေးပဲ ကိုသက်ဆီက ဆေးပေါ့လိပ်တိုကို လှမ်းယူပြီး မီးခိုးထွက်အောင် တစ်ဖွာပြီး တစ်ဖွာ ဖွာယူလိုက်၏။ သူပြောတာကို ငြိမ်နားထောင်နေတဲ့ အတွက် လက်ထဲမှာ ညှပ်ကာ ကိုင်ထားတဲ့ ဆေးပေါ့လိပ်ကလည်း မီးသေချင်နေသလို ဖြစ်နေလေပြီ။

မီးခိုးအူပြီး ထွက်လာတဲ့ ဆေးပေါ့လိပ်ကို သူက လက်မှာ ကိုင်ထားပြီးတော့ မီးရဲလာတဲ့ ဆေးပေါ့လိပ် ထိပ်ဖျားကို တစ်ချက်ကြည့်လိုက်ပြီးမှ ပါးစပ်ထဲမှ အဆုပ်ထဲကို ရှိုက်သွင်း ထားတဲ့ ဆေးလိပ် မီးခိုးငွေ့တွေကို ဖြေးဖြေးချင်း မှုတ်ထုတ်လိုက်၏။

“ ငါက မင်းတို့ရဲ့ ထောက်ခံမှုကို ယူနေတာ မဟုတ်ဘူး။ ငါ့ရဲ့ အမြင်နဲ့ တွေးမိတဲ့ အယူအဆလေးကို ပြောပြနေတာ . . ”

သူက ဒီလို ပြောတော့ သူပြောတာ နားထောင် ထားတဲ့ ကျွန်တော်တို့ထဲမှ သူငယ်ချင်းတွေကလည်း သူ့ကို ထပ်ပြောပြန်၏။

“ အေးလေ. . . ငါတို့ကလည်း ဘာပြောနေလို့လဲ ၊ မင်း ပြောသလိုပဲ မင်းရဲ့ အမြင်ကို မင်းက ချပြသလို ၊ ငါတို့ကလည်း ငါတို့ရဲ့ အမြင်ကို ချပြတာပဲလေ။ ”

“ အေးလေ . . . ဟုတ်ပါတယ်။ ဒါပေမဲ့ ငါ ပြောချင်တာက မင်းတို့ရဲ့ အမြင်တွေကြောင့် ငါ့ အမြင်ကတော့ ပြောင်းလဲ သွားမှာ မဟုတ်ဘူး ဆိုတာပဲ။ ”

“ ဒါကတော့ မင်း သမိုင်းနဲ့ မင်းပဲလေ။ ”

“ ဒါပေါ့ . . . ”

ဒီစကားတွေ အသီးသီး ပြောပြီးတဲ့ အချိန်မှာတော့ အားလုံးမှာ ပြောစရာ စကား မရှိတော့သလို ငြိမ်သက်ကာ စကားသံတွေ ရှားပါးကုန်တော့၏။ ညနေခင်းရဲ့ လေနုအေး ခပ်စိပ်စိပ် တိုက်ခတ်နေတဲ့ အရသာကို ခပ်ငြိမ့်ငြိမ့်လေး ခံစားပြီး အတန်ကြာတော့မှ ဘယ်သူမှ ဘာမှ မပြောဘဲ အသီးသီး လမ်းခွဲကာ အိမ်ပြန်ဖို့ ပြင်ဆင်ကြတော့သည်။ သူနဲ့ အိမ်အပြန် လမ်းကြောင်းသင့်ရာ ကျွန်တော်က သူနဲ့ အတူတူ ပခုံးချင်း ယှဉ်လျှောက်လာခဲ့၏။

“ မင်းကရော ငါပြောတာကို ဘယ်လို မြင်လဲ။ ”

အမြဲတမ်း သူတို့ ပြောတာကို ငြိမ်ပဲ နားထောင်နေတတ်ပြီး ပြောသမျှကို ကိုယ့်ဖာသာ တွေးနေမိတတ်တဲ့ ကျွန်တော့်ကို ဒီလို သီးသန့် မမေးဘဲ သူတို့ရဲ့ ပြောဆို ငြင်းခုန်ပွဲမှာ ကျွန်တော့် အသံကို သူက ကြားရလိမ့်မည် မဟုတ် ဆိုတာ သူက သိနေနှင့်ပြီလေ။

“ ငါလား . . .”

“ အေးပေါ့ . . . ငါ့ အယူအဆကို မင်းက ဘယ်လို မြင်လဲ။ ”

“ အပွင့်လင်းဆုံး ပြောရရင် မင်း အယူအဆက မင်းအတွက်တော့ မှန်ပါတယ်။ ဒါပေမဲ့ . . . ”

သူ့ကို မှန်တယ် လို့ ပြောလိုက်လို့ သူ့နှုတ်ခမ်းက ပြုံးသွားပေမဲ့ နောက်ဆက်တွဲ ဒါပေမဲ့ ကြောင့် သူ ဆတ်ခနဲ လှည့်ကြည့်လာ၏။

“ ဒါပေမဲ့ ဘာဖြစ်လဲ။ ”

“ ဒါပေမဲ့  . . . အဲဒီ မှန်တယ် ဆိုတဲ့ အယူအဆက မင်း တစ်ယောက် အတွက်ပဲ ဖြစ်လိမ့်မယ်။ ”

“ အေးလေ . . . ငါကလည်း သူများတွေကိုပါ လိုက်နာပါလို့ မပြောပါဘူး။ ငါ့ အတွက် မှန်ရင် တော်ပြီပေါ့။ ”

“ မဟုတ်သေးဘူး ၊ မင်းအတွက် မှန်တယ် ဆိုပေမဲ့ တစ်ဘက်က မိဘတွေ အတွက် ကြည့်ရင်တော့ မင်း အလွန်ကို မှားနေပြီ။ ”

“ - - - - - ”

“ ပြီးတော့ ငါတို့လို ဘေးကြည့် ပရိတ်သတ် အနေနဲ့ ကြည့်ရင်တော့ . . . မင်းက . . . ”

“ ငါက . . . . ၊ ငါက ဘာဖြစ်ပြန်ပြီလဲ ”

“ ဟုတ်တယ် . . ၊ မင်းက အရမ်း အတ္တ ကြီးနေတယ်။ ”

ကျွန်တော့် စကား ဆုံးတော့ သူက ရုတ်တရက် ကြောင်ငေးသွားပြီးမှ . . တဟားဟား အော်ရယ်သည်။

“ ဟား ဟား ဟား . . . ဖြစ်ရလေကွာ။ သူတို့ အတွက် ဒီလို လုပ်တာကို ငါကပဲ အတ္တကြီးတယ် ဖြစ်ရဦးမလား။ ”

“ ဟုတ်တယ်။ ငါကတော့ ဒီလိုပဲ မြင်တယ်။ ”

“ အေးလေ . . ထားပါတော့ . . ငါ အခု ပြောတဲ့ အမြင်ကရော မဖြစ်နိုင်ဘူးလား။ ”

“ ငါ ပြောပြီးပြီလေ ၊ မင်း တစ်ဘက်တည်း အမြင်နဲ့တော့ ဖြစ်နိုင်ပါတယ် လို့ . . .”

“ ငါ တကယ်ပြောတာကွ ၊ သန့်ဇင်ရဲ့ ကိစ္စ ဖြစ်ပြီးကတည်းက ငါ့မှာ သူ့ကို ကြည့်ပြီး သွေးလန့်သလို ဖြစ်ကျန်ခဲ့တယ်။ အိပ်ရင်လည်း အိပ်မက်ထဲမှာ ၊ တစ်နေရာရာမှာ တစ်ခုခုကို မြင်ပြီးရင်လည်း သူ့အကြောင်း ငါပြန်မြင်နေမိတယ်။ သူ့အကြောင်းကို တွေးမိရင် စိတ်မကောင်းသလို ၊ သူ့ကို မျှော်လင့်ထားတဲ့ သူ့အမေရဲ့ အဖြစ်အပျက်ကို တွေးမိပြန်တော့ ပိုပြီး စိတ်မကောင်းဘူး။ သားလိမ္မာ တစ်ယောက်ကို မျှော်လင့်ထားပြီးမှ ဆုံးရှုံးရတယ် ဆိုတဲ့ ခံစားမှုကို ငါ့ရင်ထဲက အလိုလို ခံစားလာရတာ . . ”

“ ဒါနဲ့ပဲ မင်းက ဒီလို တွေးလိုက်တာပေါ့ . . ဒီလိုလား . . ”

“ အင်း . . ဟုတ်တယ်။ ”

အတူတူ လှမ်းနေတဲ့ ခြေလှမ်းတွေမှာတောင်မှ သူ့ခြေလှမ်းတွေက မြေကို မထိတော့သလို သူ့ရဲ့ အတွေးတွေက သူ့ကို ပင့်တင် ချီပိုးထား၏။ ညနေခင်းကလည်း လေပြေနုနုတွေနဲ့ လဲ့ရီပြာနှမ်းလို့ . . .။

“ ငါ တွေးကြည့်မိတယ်ကွာ။ မိဘ ဆိုတာ ပြောသမျှ နားထောင်နေတဲ့ သားသမီးကို ပိုချစ်တတ်ကြမှာပဲ။ လိမ္မာတဲ့ သားသမီးကို ပိုချစ်မှာပဲ။ ဥပမာ - သန့်ဇင် လိုပေါ့ကွာ။ ”

“  - - - - - - -  ”

“ ဒီလို လိမ္မာတဲ့ သားတစ်ယောက် ၊ ပြောစကား နားထောင်နေတဲ့ သားတစ်ယောက် ဆုံးရှုံးရလိမ့်မယ် လို့ သူတို့ဘယ်တုန်းကမှ တွေးမိမှာ မဟုတ်ဘူး။ အခုလို ရုတ်တရက် ဖြစ်သွားတော့ သူ့အမေ ဘယ်လောက် အလူးအလှိမ့် ခံစားရလဲ ဆိုတာ မင်းလည်း အမြင်ပဲ။ ”

“ ဒါနဲ့ပဲ မင်းက သားလိမ္မာ မလုပ်ချင်ဘဲ သားဆိုး လုပ်ချင်သွားတာပေ့ါ။ ”

“ ဟုတ်တယ်။ လိမ္မာနေတဲ့ သားထက် ဆိုးနေတဲ့ သား တစ်ယောက် ဒီလို ဖြစ်သွားရင် သူတို့အတွက် ထိခိုက်မှု ပိုနည်းမယ် လို့ ငါ ထင်တယ်။ ”

သူ့ကို ဘာမှ ဆက်မပြောဖြစ်ဘဲ ကျွန်တော် ခေါင်းကိုပဲ တွင်တွင် ခါယမ်းမိလေ၏။ သူကတော့ သူ့ဖာသာ တစ်ယောက်တည်း ညနေခင်းမှာ အုပ်အုပ်ဆိုင်းဆိုင်း အတွေးတွေနဲ့ ဝေဝဲနေသည်။ သူနဲ့ ကျွန်တော် လမ်းခွဲရမဲ့ နေရာရောက်တော့ တိတ်တဆိတ် လမ်းခွဲဖို့ ခြေလှမ်းကိုယ်စီ ဦးတည်ပြီးမှ ကျွန်တော့် သူ့ကို လှမ်းခေါ်လိုက်သည်။

“ ရှမ်းလေး . . . ”

ကျွန်တော့် အသံကို သူက အသံမဲ့ တိတ်တဆိတ် မျက်ခုံးပင့်တင်က ထူးဟန် ပြု၏။

“ ငါ အများကြီးလည်း မပြောတတ်သလို အများကြီးလည်း မပြောချင်ပါဘူး။ ”

“ - - - - - ”

“ ငါ့ စိတ်ထဲမှာ ရှိတဲ့ အတိုင်း ပြောရရင် မင်း အတွေးက မှားနေတယ်။ ဒါပေမဲ့ ဘာကို မှားနေတယ် ဆိုတာလည်း ငါ့မှာ သက်သေ ပြစရာ မရှိဘူး ဖြစ်နေတယ်။ ”

“ - - - - - - ”

“ ငါ့ အထင်တော့ ကိုယ် ရုတ်တရက် သေသွားရင် မိဘ ခံစားရမှာ စိုးလို့ သားဆိုး လုပ်စရာ မလိုပါဘူးကွာ။ မိဘနဲ့ အတူ ရှိနေတဲ့ အချိ်န်မှာ သူတို့ကို စိတ်ကျေနပ်မှု ပေးနိုင်မယ် ဆိုရင် အဆင်ပြေ လုံလောက်မယ် လို့ ထင်ပါတယ်။ ကဲ . . ဒိုးပြီကွာ။ ”

ပြောလည်း ပြော ၊ နှုတ်လည်း ဆက်ရင်း ကျွန်တော့်အိမ်ဘက်ကို ခြေလှမ်းလိုက်သည်။ ကျွန်တော့် စိတ်ထဲမှာ အတွေးတွေ အုံပြန့်နေသည်။ သူကလည်း ဘောင်းဘီထဲ လက်နှိုက်ပြီး အတွေးတွေနဲ့ ပြာနှမ်းကာ လှမ်းလျှောက်သွား၏။



သန့်ဇင် . . . .

သန့်ဇင် ဆိုတာ ကျွန်တော်တို့ သူငယ်ချင်းတွေထဲက တစ်ယောက်။ အဖွဲ့ထဲမှာ အရိုးဆုံး ၊ အအေးဆုံး။ ရယ်ရင်တောင်မှ ယောက်ျားကြီး တန်မဲ့ ပါးစပ်ကို လက်ကလေး ပိတ်ပြီး တခွိခွိ ရယ်တတ်တဲ့ ကောင်။ သူငယ်ချင်းတွေနဲ့ လက်ဘက်ရည်ဆိုင် ထိုင်ဖို့ အိမ်ကို တစ်ပတ်လောက် ကြိုပြောရတယ် ဆိုတဲ့ ကောင် ၊ တစိမ်း မိန်းကလေး သူငယ်ချင်းတွေနဲ့ တွေ့ရင် သူက မျက်နှာကြီး နီမြန်းပြီး အရှက်သည်းတတ်တဲ့ ကောင် ၊ မိဘက ဒါဆိုရင် ဟိုဟာ ဆိုပြီးတော့ တောင်မှ မတွေးမိတဲ့ ကောင် ၊ သရုပ်ပျက် နေထိုင်မှု ဆိုတာ သူ့ နားမလည်သော ဘာသာရပ် ဖြစ်နေတတ်တဲ့ ကောင်။

ဒီလိုကောင် ကိုမှ ကားလမ်း အကူးမှာ ကားက တိုက်မိသွားပြီး ဆေးရုံ အသွားလမ်းမှာတင် အသက်ဆုံးရှုံးသွားတဲ့ ကောင် ၊ သူ့ကို ကြည့်ကြည့်ပြီး တတ် ၊ တတ် သွားတဲ့ သူ့အမေရဲ့ လက်ကို အရင်လို နွေးနွေထွေးထွေး မကိုင်နိုင်တော့တဲ့ ကောင် ၊ သူ့အမေ အတွက် ဘွဲ့ သုံးခုလောက်တော့ ရအောင် ယူပေးမယ် ဆိုပြီး ရည်ရွယ်ထားတဲ့ ကောင် ၊ ဒီလိုကောင်ရဲ့ ရက်လည် အထိ ကျွန်တော်တို့ ဝိုင်းလုပ်ပေးပြီးတော့ သန့်ဇင် အမေရဲ့ မဖြေဆည်နိုင်မှုကို ကြည့်ပြီး “ ရှမ်းလေး ” က သူ့ရဲ့ ခံစားမှုမှာ စိတ္တဇ ရလာတာ ဖြစ်သည်။

သူ့စိတ္တဇက ရိုးရှင်းသော်လည်း ဆန်းပြားစွာပဲ လက်ခံနိုင်ဖို့တော့ အတော် ခက်၏။ မိဘတွေက လိမ္မာတဲ့ သားသမီးကို ပိုချစ်တတ်တယ်။ ဒါကြောင့် ရှမ်းလေးက သူ့ရဲ့ အတွေးကို ရိုးရှင်းစွာ ချပြတာကတော့ “ တကယ်လို့ သူသာ ရုတ်တရက် သေဆုံးသွားမယ် ဆိုရင် နောက်မှာ ကျန်နေခဲ့မဲ့ မိဘတွေ သိပ်မခံစားရအောင် သူ သားလိမ္မာ မဖြစ်ချင်တော့ဘဲ ၊ သားဆိုးသာ ဖြစ်ချင်တော့တယ်။ ” လို့ ဆို၏။

သူကတော့ သူ့အတွက် သူ့အတွေးက မှန်တယ် ဆိုပေမဲ့ ကျွန်တော်ကတော့ မှားနေတယ် လို့သာ မြင်၏။ သို့သော် ဘယ်အရာက မှားနေတယ် ဆိုတာတော့ ကျွန်တော်လည်း မသိ။ သူပြောသွားတဲ့ အကြောင်းကို ပြန်တွေးမိပြီး နောက်ကို လှည့်ကြည့်လိုက်တော့ ခေါင်းအနည်းငယ် ငုံ့ကာ ရှမ်းလေး လှမ်းလျှောက်သွားတာကို မြင်နေရသည်။ ဒီအချိန်မှာမှ ရုတ်တရက်ဆို ခေါင်းက မထွက်တဲ့ ကျွန်တော့်မှာ ပြောစရာ စကား တစ်ခုက ထွက်လာ၏။

“ စကားနောက် တရားပါ ဖြစ်ပါဦးမယ်ကွာ ” လို့ ငါ ဘာလို့ သူ့ကို မပြောလိုက်မိပါလိမ့် လို့ ကျွန်တော့် ခေါင်းထဲ အတွေးတစ်ချက် လက်ခနဲ ဝင်လာခဲ့ပြီးတော့ လှမ်းပြောဖို့ သူ့ကို ကြည့်လိုက်တော့ သူက ကျွန်တော်နဲ့ အတော် ခပ်လှမ်းလှမ်းကို ရောက်သွားခဲ့ပြီ။



ကျွန်တော်တို့ သူငယ်ချင်း အဖွဲ့က လူအင်အား တောင့်သလို အလွန်လည်း ညီပါသည်။ ပြီးတော့ အလွန်လည်း ပျော်တတ်သူတွေ ဖြစ်၏။ နှစ်တိုင်း သင်္ကြန်မဏ္ဍပ် မလုပ်ဖြစ်သော နှစ်ဆိုတာ မရှိ။ လုပ်တဲ့ နှစ်တိုင်းလည်း ခင်မင်ရင်းနှီးနေသော ရပ်ကွက်လူကြီးတွေကို စိတ်ညစ်အောင် အတော်ကို လုပ်တတ်သူတွေ ဖြစ်၏။

အခုလို သင်္ကြန် ရောက်တိုင်း ကျွန်တော်တို့ ကားလမ်းမပေါ်မှာ သင်္ကြန် ရေကစား မဏ္ဍပ်ကို ထိုးလေ့ ရှိပါ၏။ ရေကစား မဏ္ဍပ်က ကားလမ်းမကြီးပေါ်မှာ ရှိတယ် ဆိုပေမဲ့ တကယ်တော့ လမ်းမကြီးကို ထွက်ရသော တစ်ဆစ်ချိုး ကျွန်တော်တို့ လမ်းသွယ်လေးကို ပိတ်ပြီးတော့ ကားလမ်းမကြီးကို မျက်နှာမူထားတာ ဖြစ်၏။ ဘယ်သူ့ရဲ့ ခွင့်ပြုချက်မှ မယူဘဲ မဏ္ဍပ် အရင် ကြိုဆောက်ကြတာ ဖြစ်၏။ ပြီးတော့မှသာ ရပ်ကွက်မှ ရုံးခန်းကို သွားပြီး ခွင့်ပြုချက် တောင်းယူကြသည်။ ဒီလို မလွှဲမရှောင်သာအောင် လုပ်ပြီးတော့မှ လူကြီးတွေရဲ့ ခွင့်ပြုချက်ကို ရယူကြတာ ဖြစ်၏။

ခင်မင်ရင်းနှီးနေသော ရပ်ကွက် လူကြီးများကလည်း ဗျစ်တောက်ဗျစ်တောက် ပြောကြပေမဲ့ ခွင့်ပြုချက် လက်မှတ် ထိုးပေးလိုက်တာပဲ ဖြစ်သည်။ ရပ်ကွက်ရဲ့ ရေကစား မဏ္ဍပ် ဆိုလို့ အထင်မသေးလိုက်လေနှင့်။ ကျွန်တော်တို့ မဏ္ဍပ်က သီချင်းတတ်ဆိုဖို့ စင်ပါ၏။ အောက်ခြေမှာ ရေကစားဖို့ နေရာပါ၏။ စင်ရဲ့ ရှေ့မှာ မူးရူးပြီး ကဖို့ နေရာပါ၏။ ဒီလိုတွေနဲ့ ပြည့်စုံအောင် အကြီးကြီး ဆောက်ထားတာ ဖြစ်သည်။ ဒီထက် ကားလမ်းမက သွားနေတဲ့ ဘတ်စ်တွေကို ရေပုံးတွေနဲ့ ရေလှမ်းပက်ဖို့ မဏ္ဍပ်ရှေ့မှာ ရေတိုင်ကီတွေ ချထားသေး၏။

ရေလာကစားကြတဲ့ ရပ်ကွက်ထဲက အစ်မ ၊ နှမငယ်များကိုတော့ ရေသွယ်ယူထားရတဲ့ အတွက် ရေဖိုး ကောက်ခံသည်။ ဒါပေမဲ့ ဒီလို ရေလာကစားရတဲ့ အတွက် အန္တရာယ် မရှိအောင် ကာကွယ်ပေးတဲ့ မဏ္ဍပ်ထိန်း အဖြစ် ကျွန်တော်တို့ သူငယ်ချင်းတွေက တစ်ရက်ကို နှစ်ယောက်ကျစီ တာဝန်ယူပေး၏။ တခြားမှ မူးရူးလာသော ယောက်ျားလေးများကလည်း မဏ္ဍပ်ထဲမှာ မိန်းကလေးတွေ များနေလို့ လာပြီး အူကြောင်ကျား လာလုပ်ခြင်းကိုလည်း အသာအယာ ဖြေရှင်းပြီးတော့ လမ်းကြောင်း လွှဲပေးလိုက်လေ့ရှိ၏။ ဒါကြောင့် ရပ်ကွက်ရဲ့ ပတ်ဝန်းကျင်မှာတော့ ကျွန်တော်တို့ မဏ္ဍပ်ကို လူကြီးတွေက စိတ်ချကြသည်။ မိန်းကလေး မိဘများကလည်း ကျွန်တော်တို့ မဏ္ဍပ်မှာ သူတို့ သမီးတွေ ရေကစားမည် ဆိုရင် စိတ်ချကြ၏၊

ဒါပေမဲ့ ဒီလို မဏ္ဍပ်ထိန်းနေပေမဲ့ ကျွန်တော်တို့ သူငယ်ချင်းတွေ အသောက်အစား မရှိဘူး မထင်ပါနဲ့။ ကျွန်တော်တို့ မဏ္ဍပ်ကို စပွန်ဆာ ပေးထားတဲ့ ကုမ္ပဏီကိုက အရက်ကုမ္ပဏီ ဖြစ်သည်။ ဒါကြောင့် မဏ္ဍပ်ပတ်လည်မှာ သူတို့ ကြော်ငြာတွေနဲ့ ဆင်ယင်ပေးထားသလို ၊ သူတို့ကလည်း ကျွန်တော်တို့ အတွက် စပွန်ဆာငွေ နဲ့ အရက်များကို ကဒ်လိုက်ချပေး၏။ စပွန်ဆာငွေကို မဏ္ဍပ်အတွက် လိုတဲ့ သစ်တွေ ၊ ဝါးတွေ ဝယ်ပြီး စပွန်ဆာ အရက်ကိုတော့ ကျွန်တော်တို့ သူငယ်ချင်းတွေက အားပေးကြ၏။ အရှေ့မှာ ရေကစားသူက ကစားနေပြီး ကျွန်တော်တို့ သူငယ်ချင်းတွေကတော့ မဏ္ဍပ်နဲ့ နောက်မှာ ရေပုံးထဲ ပုလင်းထဲမှ အရည်များကို သွန်ထည့်ကာ ဂလုကြလေသည်။

ဒီအချိန်မှာ ရေချိန်မကိုက်ဘဲ လျော့သောက်ရသူများကတော့ နေ့စဉ် အလှည့်ကျ မဏ္ဍပ်ထိန်း နှစ်ယောက်ပါပဲ။ ဟုတ်တယ်လေ သူတို့ကိုယ်တိုင်က မူးရူးနေမှတော့ သူများကို ဘယ်လိုလုပ် လိုက်ထိန်းမလဲ။ သီချင်းသံ တမြိုင်မြိုင်နဲ့ သင်္ကြန်ရေ တရွှဲရွှဲထဲမှာ ဘာမှ မသောက်ဘဲ ရေကစားပြီး လိုက်ထိန်းဖို့ကျတော့လည်း အတော်ကို ကြောင်တဲ့ ကိစ္စ ဖြစ်သည်။ ဒါကြောင့် သောက်တော့သောက် ၊ မှောက်လို့တော့ မဏ္ဍပ်ထိန်းတွေမှာ မဖြစ်။

ဒီလို အချိန်မှာ မူးရူးပြီး ဆွဲလား ရမ်းလား လုပ်ချင်တဲ့ သကောင့်သားတွေကလည်း အများသားလား။ အသာတကြည် ပြောမရရင် နည်းနည်းတော့လည်း အကြမ်းဖက်ပေးရ၏။ မဏ္ဍပ်ထဲမှ ဆွဲထုတ်ရတာ ရှိသလို ၊ နှစ်ယောက်လောက် ဝိုင်းချုပ်ပြီး တွန်းထုတ်ရတာလည်း ရှိ၏။ ဒါမှ မရရင် မျက်နှာကို နှစ်ချက်လောက် ဖြတ်ရိုက်ပြီး မောင်းထုတ်ရတာလည်း ရှိသည်။ ရပ်ကွက်လူကြီးတွေရဲ့ ခွင့်ပြုချက်နဲ့ ဆောက်ထားပြီး ပတ်ဝန်းကျင် ရပ်ကွက်မှာ အစည်ဆုံး မဏ္ဍပ်ဆိုတော့ ကျွန်တော်တို့ မဏ္ဍပ်ကို ရဲကင်းမှ လုံခြုံရေးတွေကလည်း မလှမ်း မကမ်းမှာ ရှိနေတတ်၏။ သူတို့ မရှိရင်လည်း ပြဿနာတော့ မရှိလှပါ။ ကျွန်တော်တို့ သူငယ်ချင်းတွေက အားလုံး အယောက် ၄၀ လောက်ရှိ၍ အင်အားက တောင့်ပါသည်။

ရေကစားနေသော ၊ မဏ္ဍပ်နောက်မှ သောက်နေသော ၊ တခြားဟိုဟိုဒီဒီ သွားနေသော သူငယ်ချင်းများက ဟိတ် ဆိုရင် ညီပြီးသား ၊ စီဆို မီးသေပြီးသား ၊ အားလုံးကလည်း ပွဲတွေ့တွေ သိပ်တော့ မနည်းလှ။ ဒါ့ကြောင့် ရပ်ကွက် မဏ္ဍပ်က အေးအေးချမ်းချမ်း ရှိလှပါသည်။ တစ်ခါတလေ တခြားသော ဒေသမှ အလည်ရောက်လာသူများ ရပ်ကွက်ထဲ ရောက်လာပြီး သင်္ကြန်ရေနဲ့ မူးရူးခဲ့ပြီး ခပ်ကြောင်ကြောင် လာလုပ်သူ တချို့လောက်ကိုသာ သူတို့ အဖေ ၊ အမေတွေ ကိုယ်စား အနည်းငယ် ဆုံးမပေးရ၏။ အရမ်းဆိုးလာရင်တော့ မလှမ်းမကမ်း ရဲကင်းမှ ခင်မင်နေသော တာဝန်ကျ ရဲသားများက ကျွန်တော်တို့ ဆုံးမ အပြီးမှာ သူတို့ကို လာခေါ်ကာ ထိန်းသိမ်းထားလိုက်လေတော့သည်။ ဒါကြောင့် ကျွန်တော်တို့ မဏ္ဍပ်က စီကားသလို အေးချမ်းလှပါသည်။



“ ဖြောင်း . . . .ဖြောင်း . . .”

ခပ်အုပ်အုပ် အသံနဲ့အတူ နောက်ဆက်တွဲ အဖြစ် . . . .

“ ဟေ့ကောင်တွေ ရှေ့မှာ ချကုန်ပြီ  ”

တစ်ယောက်ရဲ့ လှမ်း အသိပေးသံ အဆုံးမှာ မဏ္ဍပ်နောက်မှာ အရက်သောက်ပြီး မှိန်းနေတဲ့ ကျွန်တော်တို့ သူငယ်ချင်းတွေ ဝုန်းခနဲ ထပြီး မဏ္ဍပ်ရှေ့ကို အဆင်သင့် ပြင်ဆင် ယူထားတဲ့ လက်နက်တွေကို ယူပြီး ထွက်လိုက်တော့ မဏ္ဍပ်မှာ ရေကစားနေတဲ့ မိန်းကလေးတွေ အတော် နေရာရှဲသွားပြီး မဏ္ဍပ်ရှေ့မှာ မားမားကြီး တွေ့လိုက်ရတာက “ ရှမ်းလေး ”။

“ ဒီနေ့ ဘယ်သူ မဏ္ဍပ်ထိန်းတာလဲ။ ”

ဘေးနားက ကိုသက်ကို လှမ်းမေးလိုက်တော့ သူက . . . . .

“ ရှမ်းလေး နဲ့ ဖိုးလပြည့်လေ ”

ငြာသံပေးလို့သာ အားလုံးက အဆင်သင့် သဘောနဲ့ ထွက်လာတာ ၊ သူတို့ အနားကို ရောက်တော့ ရှမ်းလေးတို့ နားမှာတင် သူငယ်ချင်းတွေက ၁၅ ယောက်လောက် ဖြစ်နေပြီ။ ခပ်လှမ်းလှမ်းမှ ပေစုတ်စုတ်နဲ့ ပြဲကြောင်ကြောင် ငနဲတွေကို လှမ်းကြည့်လိုက်တော့ ၅ ယောက်လောက်တော့ ရှိသည်။ တစ်ယောက်က ကွဲသွားပုံ ရပြီး နောက်ထပ် တစ်ယောက်ကတော့ မျက်ကွင်းကြီး ညိုသွား၏။

“ ဘာဖြစ်တာလဲ ရှမ်းလေး ”

သူတို့ အနားကို ရောက်တော့ ကျွန်တော်က လှမ်းမေးလိုက်၏။

“ ဒီလိုပါပဲကွာ ၊ ပြဲပြီး လာရစ်တာ ”

“ ဘာကိုလဲ ”

“ မဏ္ဍပ်ထဲမှာ မိန်းကလေးတွေ များနေတော့ ရမလားလို့ လာရစ်တာ ၊ ဦးထွန်းအေး သမီးကို လိုက်ပြီးတော့ ရေလောင်းချင်တယ် လုပ်ပြီး ခွက်လိုက်လုနေတယ်ကွာ ”

“ ဒီတော့ ဘာဖြစ်လဲ။ ”

“ ငါလည်း ဒီလောက်တော့ ဘာမှ မပြောသေးပါဘူး။ သူတို့ဖာသာ ကာယကံရှင်တွေ အချင်းချင်း အဆင်ပြေရင် ပြီးရော ဆိုပြီး မသိချင်ယောင် ဆောင်ပြီး လွှတ်ထားလိုက်တာ။ သူက ကွဲပြဲပြီး အတင်းလိုက်လုံး ၊ ဟိုကောင်မလေးကလည်း မူးရူးနေတော့ ရှောင်တာပေါ့။ ဒါနဲ့ ဟိုသွားဒီသွားနဲ့ ဖြစ်နေလို့ ငါကတောင်မှ “ ညီမ အလောင်းခံလိုက်ပါ ” လို့ ပြောလိုက်သေးတယ်။ ဟုတ်တယ်လေ နို့မို့ဆို ပြီးတော့မှ မဟုတ်ဘူး။ ”

“ အင်းလေ. . .ဒီတော့ . . . . ”

“ ဒီတော့ ဟိုကောင်မလေးက ရေလောင်းလဲ ခံရော သူက မပြီးတော့ဘူးကွ။ ရေကို တစ်ခွက်ပြီး တစ်ခွက် လောင်းပြီး စကားတွေ ပြောပြီး ရစ်နေတာ။ ဟိုကောင်မလေးကလည်း ငါ့ကိုပဲ ကွက်ကြည့် ကွက်ကြည့် လုပ်နေတာပေါ့။ အတော် ကြာလာလို့ ငါက သူငယ်ချင်း မင်း တော်ဖို့ ကောင်းပြီ လို့ ပြောတော့ သူက ငါ့ကို ပြဲကြောင်ကြောင်နဲ့ ကြည့်ပြီး မင်းက ဘာကောင်လဲ တဲ့။ ငါကလည်း ငါက ဘာကောင်မှ မဟုတ်ပါဘူး။ မဏ္ဍပ်မှာ ကလေးတွေ အေးဆေး ဆော့လို့ ရအောင် ထိန်းပေးတာပါ လို့ ပြောတာကို ၊ ငါ့ကို ဂရုမစိုက်သလို ဟိုဘက်လှည့်ပြီး ရေဆက်လောင်းနေတယ်ကွာ။ ”

“ ဒါနဲ့ မင်းက တွယ် လိုက်တာပေါ့လေ ”

“ မဟုတ်ဘူး ငါက စမတွယ်ဘူးကွ။ ဖိုးလပြည့်က စတွယ်လိုက်တာ . . . . .”

“ သြ . .  ဒီလိုလား။ ”

ဒီတော့မှ အားလုံးရဲ့ မျက်လုံးတွေက ဖိုးလပြည့်ဆီကို ရောက်သွားတော့ ဖိုးလပြည့်က ရယ်ပြီး ပြောသည်။

“ အေးလေကွာ ၊ ဒီလောက် ရှင်းပြနေတာကို စိတ်မရှည်တော့ဘူး။ ရှမ်းလေးကို ပြောတယ်။ ပြောမရရင် ဖဲ့လိုက်တော့ ဆိုတာကို ဒီကောင်က အချိန်ကြာအောင် ရှင်းပြနေတယ်။ ဒါနဲ့ ငါလည်း စိတ်မရှည်တော့ဘဲ စကိုင် လိုက်တော့တာပဲ။ ဒီတော့မှ သူတို့ အဖွဲ့က ငါးယောက် လာတယ် ဆိုတာ သိတော့တာ။ အပြင်မှာ သုံးယောက်နေခဲ့ပြီး မဏ္ဍပ်ထဲကို နှစ်ယောက် ဝင်လာတာ။ ဖြစ်တော့မှ အကုန်လုံးဝင်လာတာ။ ဒါပေမဲ့ ငါတို့ အင်အားကို သူတို့ မသိတာ ဖြစ်လိမ့်မယ်။ ရေကစားနေတဲ့ ကောင်တွေပါ ရပ်ပြီးတော့ ဝိုင်းကျုံးတော့မှ ဒီကောင်တွေ ထွက်ပေါက် ပိတ်သလို ဖြစ်ပြီး ခွေးပြေး ဝက်ပြေး ပြေးကြရတော့တာ။ ”

“ ဒီကောင်တွေ ဘယ်ကလဲကွ ”

“ ငါတော့ သေချာ မသိဘူး။ ဒါပေမဲ့ အစာကြေဆေး လုပ်တဲ့ အညာသားတွေ အိမ်ကို ရောက်နေတဲ့ ကောင်တွေ ထင်တယ်။ ရှမ်းလေး . . . မင်းတို့ လမ်းထိပ်ကလေကွာ ”

“ ငါတို့ လမ်းထိပ်က အစာကြေဆေး လုပ်တဲ့ အညာသားတွေ အိမ်ကလား ”

ကျွန်တော်နဲ့ ရှမ်းလေးက တစ်လမ်းထဲ ဆိုတော့ ပြောလာတဲ့ ကျော်ဇေယျကို ပြန်မေးလိုက်မိသည်။

“ အေးလေ . . . သူတို့ အမျိုးတွေလား မသိပါဘူး။ ငါတို့ အကြိုနေ့ စပြီး ရေကစားတဲ့ နေ့ကမှ စရောက်လာတာ တွေ့လိုက်တာပဲ။ မင်းတို့က တချိန်လုံး မဏ္ဍပ်မှာ အချိန်ကုန်နေလို့ မသိလိုက်တာ ဖြစ်မယ်။ ”

သူပြောတာ ဖြစ်နိုင်ပါသည်။ ကျွန်တော်တို့ကလည်း အကြိုနေ့ မတိုင်ခင် တစ်ရက်က မဏ္ဍပ်ဆောက်ပြီးကတည်းက အကြိုနေ့ကို ကြိုတဲ့ အနေနဲ့ တစ်ညလုံး မဏ္ဍပ်မှာ အဖွဲ့လိုက် အိပ်လိုက်ကြတာ ဖြစ်သည်။ သောက်လည်း သောက်နေကြသည်ပေါ့။ နောက်နေ့ အကြိုနေ့ကတည်းက ရေကစားသူက ကစား ၊ မူးသူက မူး ၊ ပြဲသူက ပြဲ ၊ ကွဲသူက ကွဲ နဲ့ နေ့လည်စာတောင်မှ အိမ်မှာ ပြန်စားဖြစ်ကြတာ မဟုတ်။ မဏ္ဍပ်နဲ့ နီးရာ ဆိုင်တစ်ဆိုင်ကနေသာ ဝယ်ပြီး ကြုံသလို စားလိုက်ကြတာပဲ ဖြစ်သည်။

သင်္ကြန်ရေနဲ့ သောက်ထားသမျှတွေကြောင့် သိပ်တော့ ဆာလှတယ် မဟုတ်။ ပြီးတော့ ဟိုမှ ဒီမှ ခင်မင်သော အသိအိမ်များမှ လုပ်သော မုန့်လုံးရေပေါ် ၊ ရွှေရင်အေး ၊ တခြားသော မုန့်မျိုးစုံကို သွားယူစားနေတော့မှ ဘယ်လိုလုပ်ပြီး ဗိုက်ကလည်း ဆာတော့မလဲ။

“ ဒါဆို ဒီကောင်တွေ နဲ့ ကိစ္စက တော်တော်နဲ့ ပြီးဦးမှာ မဟုတ်ဘူး။ သူတို့နဲ့ မင်းကလည်း ငြိထားဖူးတယ် မဟုတ်လား။ ”

ကိုသက်က ကျွန်တော့်ကို မေးဆတ်ပြပြီး ပြောလာသည်။ ကျွန်တော် ဘာမှ ပြန်မပြောဘဲ ခပ်ဆိတ်ဆိတ်သာ ငြိမ်နေလိုက်သည်။ ဆိတ်ဆိတ် နေခြင်းကလည်း ဝန်ခံခြင်း တမျိုးပဲ မဟုတ်လား။ သူတို့နဲ့ ကျွန်တော် ဖြစ်တုန်းကလည်း ကျွန်တော့် အလွန် မဟုတ်။ သင်္ကြန်နားမှာ မွေးပြီး သင်္ကြန်ကို ချစ်သော ကျွန်တော့်အတွက် သင်္ကြန်ရဲ့ အတတ်နေ့ ဆိုတာ ရန်ဖြစ်ရမယ် လို့ ဇာတာမှာများ ရေးထားသလား ထင်ရအောင် သင်္ကြန် အတတ်နေ့ ဆိုရင် ကျွန်တော့်မှာ အမြဲတမ်း ရုံးရောက် ဂတ်ရောက် ဖြစ်တတ်သည်။

မနှစ်က သင်္ကြန်မှာတော့ ဒီလို နှစ်တိုင်းရဲ့ သင်္ကြန် အတတ်နေ့တွေမှာ ရန်ဖြစ်နေရလို့ ရန်မဖြစ်ရအောင် သင်္ကြန်အတတ်နေ့မှာ ကျွန်တော် ဘယ်မှမသွား။ သူငယ်ချင်းတွေ လာခေါ်လို့ လမ်းထိပ်မှာ လုပ်ထားတဲ့ မဏ္ဍပ်ကိုတောင်မှ ခဏပဲ သွားပြီး သူတို့ အလစ်မှာ အိမ်ကို အသာလေး ပြန်လာပြီး အိမ်မှာပဲ ထိုင်ကာ အိမ်ရှေ့က ဖြတ်သွားသူတွေကို ရေလှမ်းပက် ကစားနေသော ကျွန်တော့် ညီမတွေ အစ်မတွေနဲ့ အိမ်နီးနားချင်းတွေကိုပဲ ထိုင်ကြည့်နေမိသည်။ ဒါပေမဲ့ အကုသိုလ်ဆိုတာ ဖိတ်စာ ပါစရာ မလိုဘူး ၊ သူ့ဖာသာ ရောက်လာတတ်တာပါပဲ။

ကိုယ့်အိမ်ရှေ့မှာ ရေကစားပြီး လမ်းကို ဖြတ်သွားတဲ့ လူလောက်ကိုသာ ရေပက်ကစားနေတဲ့ ကျွန်တော့်ရဲ့ အစ်မ ဝမ်းကွဲ နှစ်ယောက်ကို ပြဲကြောင်ကြောင်နဲ့ ဘောင်းဘီအောက်ရှူး ဝတ်ထားတဲ့ ထိုအစာကြေဆေး လုပ်တဲ့ အိမ်က ငကြောင် နှစ်ကောင်က ရေလောင်းချင်တယ် ဆိုပြီး ရိသဲ့သဲ့ ပြောနေတာ မြင်ရသည်။ သင်္ကြန်မှာ အပျိုကို လူပျိုက ရေလောင်းတာ ဆန်းတယ်တော့ မဟုတ်ရပါ။ လောင်းပါစေ ဆိုပြီး လွှတ်ထားပေမဲ့ သူတို့ရဲ့ ဟန်ပန်တွေက သာမာန်ကို ဟန်မဆောင်နိုင်လောက်အောင် ရစ်မူးနေကြ၏။ ဒီတော့ ကိုယ့်အိမ်ရှေ့မှာ ရေကစားနေကြတဲ့ အစ်မနဲ့ ညီမတွေကလည်း သူတို့ သွားပါစေ ဆိုပြီး ရေဆက်မကစားတော့ပဲ ခြံထဲကို ဝင်လာတာ မြင်လိုက်ရသည်။

ဒါပေမဲ့လည်း ထိုနှစ်ယောက်မှာ မပြန်။ ခြံပြင်ကနေ ရေလေး လောင်းယုံပါပဲ အန်တီ ဘာညာဆိုကာ မေမေ့ကို ပြောနေတာ တွေ့ရသည်။ ကျွန်တော် ဘာမှ ဝင်မပြောပါ။ တော်ယုံနဲ့ မပြန်ဘူး ဆိုတာ သိတော့ ဖေဖေက ရေအလောင်းခံလိုက်ပါလို့ ပြောတော့ အစ်မ နှစ်ယောက်က ရေထွက် အလောင်းခံသည်။ တစ်ခွက်နဲ့လည်း မပြီး နှစ်ခွက်နဲ့လည်း မပြီး ၊ လူကြီးရဲ့ စကားကို နားထောင်ပြီး ငြိမ် ရေလောင်းခံနေတာကို ဘယ်လို သဘောပေါက်ကာ ထင်သွားသည် မသိ။ ရေလောင်းရာမှ လက်ပါ လာပြီး ဆံပင်တွေကို ကိုင်သည်ပါ ဖြစ်လာသည်။

ဒီမှာ ကျွန်တော် မနေနိုင်တော့။ ခပ်တည်တည်နဲ့ ထွက်သွားပြီး အစ်မ နှစ်ယောက်ကို အိမ်ထဲ ဝင်တော့လို့ ခပ်ငေါက်ငေါက် ပြောလိုက်မိသည်။ သူတို့ကလည်း နဂိုကတည်းက ဝင်ချင်နေတာ ဆိုတော့ လှစ်ခနဲ ပြေးဝင်သွားတော့ ရေလောင်းက အူကြောင်ကြောင် လုပ်နေသော ငနဲ နှစ်ကောင်က ကြောင်တောင်တောင် ဖြစ်ကာ သူတို့ ရေလောင်းနေသော ကျွန်တော်တို့ ပလတ်စတစ် ရေခွက်ကို ပေါက်ခွဲကာ လမ်းမပေါ်တတ်ပြီး စိန်ခေါ်လေတော့၏။

ရုတ်တရက် ကျွန်တော်တောင်မှ ကြောင်သွားသေးသည်။ ဒီကောင်တွေ ဘာဖြစ်တာလဲပေါ့။ နောက်မှ သူတို့က ကျွန်တော့်ကို မကျေနပ်လို့ စိန်ခေါ်နေတယ် ဆိုတာ သိလိုက်ရတော့ ဒေါသက ဝုန်းခနဲ ဖြစ်ပြီး အမြဲတမ်း အသင့် အချောသပ်ထားတဲ့ လက်စွဲတော်ကို စွဲပြီး လမ်းမပေါ်တတ်ကာ ရိုက်မိတော့သည်။ အမူးသမားကို ရိုက်ရတာ အတွေ့အကြုံ မရှိလည်း အလွန်လွယ်ပါသည်။ သူတို့ ခေါင်းကို ရိုက်မယ် ဆိုကာ ဟန်ပြလိုက်တာနဲ့ သူတို့က လက်နဲ့ ကာပြီးသား ၊ ဒီတော့မှ ကိုယ်က ခေါင်းကို မရိုက်ဘဲ သူတို့ ညိုသကျီးကို ရိုက်လိုက်ယုံမျှသာ။ ညိုသကျီးကို ရိုက်မိပြီ ဆိုတော့မှ ညိုသကျီးကို အုပ်ကိုင်ပြီး ငိုက်ကျလာတဲ့ ခေါင်းကို ရိုက်လိုက်ယုံပါပဲ။

ဘယ်နှစ်ချက်မှ မရိုက်လိုက်ရပါ ၊ သူတို့လည်း အမူးတွေပါ အညာပြန် သွားပုံရသည်။ လေးဘက်ထောက်ကာ ပြေးလေတော့၏။ လူက ဒေါသတွေ ထွက်ပြီး မွှန်နေတာ ဆိုတော့ သူတို့ သွားရာ နောက်ကို လိုက်ရိုက်နေတဲ့ အချိန်မှာပဲ သူငယ်ချင်းတွေ ရောက်လာပြီး သူတို့ခြံထဲကိုပါ လိုက်ရိုက်လိုက်ကြ ၊ အကြမ်းခင်းဆဲ လမ်းမှ ကျောက်ခဲတွေနဲ့ ပစ်ကြ ဖြစ်ကာ အိမ်ရှေ့က တရုတ်ကပ်မှန်တွေလည်း ကွဲ ၊ အိမ်လည်း တစ်ခြမ်း ပြိုမလို ဖြစ်သွားတော့၏။ သူတို့ ခြံထဲမှာလည်း လမ်းခင်းဖို့ အကြမ်းယာထားတဲ့ လိပ်သည်းကျောက်တွေက အနှံ့အပြား ဖြစ်သွားတော့သည်။ ကျွန်တော်တို့ သူငယ်ချင်းတွေ အင်အားကလည်း အဲဒီလို ကောင်းသည်။

နောက်တော့ သက်ဆိုင်ရာ မိဘတွေက လာဆွဲသွားလို့ ရန်ပွဲက ပြီးသွားပေမဲ့ အဲဒီအထဲက ထိုအစာကြေဆေး လုပ်တဲ့ အိမ်က အညာသားတွေနဲ့ ကျွန်တော်တို့ သိပ်ပြီးတော့ အစေးမကပ်တော့တာ ဖြစ်သည်။ ဒီနေရာမှာ ကျွန်တော်က အညာသားလို့ ခေါ်တာ နှိမ်ခေါ်တာလည်း မဟုတ်ပါဘူး။ သူတို့ ကိုယ်တိုင်ကိုက အညာသားလို့ သူတို့ဖာသာ နာမည်ပေးကာ ကျေကျေနပ်နပ် ခေါ်ရင်း ဒီလိုပဲ တစ်ရပ်ကွက်လုံးက နှုတ်ကျိုးသွားတာပါ။ ကျွန်တော်တို့မှ မဟုတ်ပါဘူး ၊ တစ်ရပ်ကွက်လုံးကလည်း အညာသားအိမ်ပဲ ခေါ်ကြတာပါ။ အခုတော့ မနှစ်က ရန်ကြွေးလက်ကျန်က ဒီနှစ်မှာ ပြန်စလာပြန်ပြီ။ ပြီးတော့ ရှမ်းလေးနဲ့ ဖြစ်တဲ့ ဒီနေ့က သင်္ကြန် အတတ်နေ့ ဖြစ်နေ၏။

“ ကဲပါကွာ . . . ဖြစ်ပြီးတော့လည်း ဘယ်တတ်နိုင်မလဲ ၊ ကိုယ့်ဖာသာပဲ နေလိုက်တော့ ဒီကောင်တွေနဲ့လည်း သွားမရောနဲ့တော့ ၊ ပြီးတော့ သူတို့လည်း လူသစ်တွေမို့ ထင်တယ်။ အခုလောက်ဆို ဒီကောင်တွေ ငါတို့ အကြောင်း သိလောက်ပါပြီ။ ထားလိုက်ပါတော့ကွာ ၊ နို့မို့ဆို အကျယ်အကျယ် ဖြစ်လာလိမ့်မယ်။ ”

ကိုမိုးကြီးက ပြေရာပြေကြောင်း ပြောနေတုန်း . . .

“ ဟဲ့ ရှမ်းလေး . . . အခု အိမ်ကို ပြန်လာစမ်း ၊ ရောက်ရာ နေရာမှာ ရန်ဖြစ်ဖို့ လောက်ပဲ သိတယ်။ စီခနဲဆို နင့်အသံချည်းပဲ။ ”

အသံလာရာကို ကြည့်လိုက်တော့ ရှမ်းလေးရဲ့ အမေ့ ဒေါ်ဌေးကို တွေ့လိုက်ရသည်။

“ ဟာ . . . အမေကတော့ လုပ်ပြီ။ ကျွန်တော်က ဘာမှ လုပ်တာ မဟုတ်ဘူး။ ကျွန်တော် အေးဆေး မဏ္ဍပ်ထိန်းနေတာ ၊ သူတို့ဖာသာ မူးပြီး မိန်းကလေးတွေကို လာဆွဲနေလို့ ပြောတာ ၊ မရလို့ နည်းနည်းဆုံးမ လိုက်တာ။ ”

“ ဆုံးမရအောင် နင့်က သူတို့ အဖေမို့လား ၊ လာ နင် ပြန်လာတော့။ အခု အိမ်ကို ပြန်လာတော့ ၊ ရောက်လေရာ အရပ်မှာ ရန်ဖြစ်သံချည်းပဲ ကြားနေရပါလား။ မင်းတို့လည်း သိမ်းတော့ နေလည်း မြင့်နေပြီ။ ညနေမှ ပြန်ကစားရင် ကစားတော့။ ”

ကျွန်တော်တို့ အားလုံး တစ်ယောက် မျက်နှာ တစ်ယောက် ကြည့်လိုက်မိ၏။ ခုနက ရန်ပွဲကြောင့် ရေကစားနေတဲ့ ကလေးတွေ ၊ မိန်းကလေးတွေ ရဲ့ မိဘတွေကလည်း သူတို့ရဲ့ သက်ဆိုင်ရာ လူတွေကို လာပြန်ခေါ်သွားလို့ မဏ္ဍပ်မှာလည်း ကျွန်တော်တို့ သူငယ်ချင်းတွေ လောက်ပဲ ကျန်ပါတော့သည်။ နေ့လည် ၂ နာရီထိုးလုပြီဟု နာရီရဲ့ လက်တံတွေက ညွှန်ပြနေ၏။ တကယ်ဆို အိမ်ကို ပြန်ဖြစ်မည် မဟုတ်ပါ။ ကိုယ့်ဖာသာပဲ မဏ္ဍပ်အောက်က အရိပ်မှာ အရက်သောက်နေကြမည်။ တရေးတမော အိပ်နေကြမည်။ ဒီလိုပဲ စီစဉ်ထားတာ။

“ လာ  . . . . အားလုံး လိုက်ခဲ့ကြ ၊ မင်းတို့ အားလုံး စားဖို့ အန်တီ ထမင်းနဲ့ ဟင်းတွေ ချက်နေတာ ၊ ချက်လို့ ပြီးမယ်ပဲ ရှိသေး ၊ လမ်းထိပ်မှာ ရှမ်းလေး ရန်ဖြစ်နေတယ် ဆိုလို့ ပြေးလာတာ . . . ”

“ ဟာ . . . အမေကလည်း ရန်ဖြစ်တာ မဟုတ်ပါဘူးဆိုနေမှ ၊ သူတို့ လာ မူးရမ်းနေလို့ ဆုံးမတာပါဆို . . ”

“ တော် . . .ဘာမှ မပြောနဲ့ ၊ လာ အားလုံး လိုက်ခဲ့ကြ ”

ကျွန်တော်တို့ ဘာမှ မပြောဘဲ အသာတကြည် ခေါင်းဆတ်ပြကာ ရှမ်းလေးတို့ အိမ်ကို လိုက်သွားဖို့ ပြင်ကြသည်။ မဏ္ဍပ်မှာတော့ အိမ်နားမှ လူကြီး ၃ ၊ ၄ ယောက်ကို အရက်ဝိုင်းတွေဖြင့် ထားခဲ့မည်။ ကျွန်တော်တို့ကတော့ နေမြင့်နေချိန် ခဏ ရှမ်းလေးတို့ အိမ်မှာ သူ့အမေ ချက်ထားတာတွေ စားသောက်ကာ တရေးတမော အိပ်ပြီး နားကြမည် ဟု အားလုံးက သဘောတူလိုက်သည်။ သဘောမတူ မဖြစ်သော ကိစ္စ တစ်ရပ်ကလည်း အသာအယာ ရှိနေ၏။ ဒါကတော့ ရှမ်းလေး အမေမှာ မပြင်းထန်လှသော်လည်း သိသာသော နှလုံးရောဂါက ခပ်မိန့်မိန့်ကြီး ရှိနေ၏။



ရှမ်းလေးတို့ အိမ်ရောက်တော့လည်း ခုနက ရန်ဖြစ်တယ် ဆိုတဲ့ စိတ်တွေ ဘယ်ကို ရောက်လို့ ရောက်သွားမှန်း မသိ။ ရှမ်လေး အမေ ချက်ထားသော ထမင်းနဲ့ ဟင်းကို အလုအယက် စားကြတာ အတော်ကို ပျော်ဖို့ ကောင်းပါသည်။ ဝက်သားနဲ့ မျှစ်ချဉ် ၊ ပုန်းရည်ကြီးသုတ် ၊ ငါးပိထောင်း ၊ ဗလချောင်ကြော် ဒါတွေနဲ့တင် သင်္ကြန်တွင်း တစ်ခုလုံး ဖြစ်သလို စားနေသော ကျွန်တော်တို့ အတွက် နတ်သုဒ္ဓါ တမျှပင် ဖြစ်စေသည်။

“ မဟုတ်ပါဘူး ဆို . . . ဒါပဲ ထပ်ခါ ထပ်ခါ ပြောနေတယ် အမေရာ။ သူတို့က လာမူးရမ်းတာပါ ဆိုနေမှ . . ”

ကျွန်တော်တို့ ထမင်းစားနေချိန်ထိအောင် ရှမ်းလေးကို သူ့အမေက ဆူလို့ မပြီး။ ဒါကို ပြန်ဖြေရှင်းနေသော ရှမ်းလေး အသံကလည်း တစ်ချက်တစ်ချက် အိမ်ပေါ်မှ ထွက်လာတုန်း။ ထမင်းစားနေရင်း ကျွန်တော်တို့ တစ်ယောက်ကို တစ်ယောက် မျက်စပစ်ပြရင်း ရှမ်းလေးရဲ့ အဖြစ်ကို ရယ်မိကြသည်။ ခဏနေတော့ ရှမ်းလေး အမေက အိမ်ပေါ်ထပ်မှ ဆင်းလာကာ မေး၏။

“ ဘယ်လိုလဲ စားကောင်းရဲ့လား ၊ အားမနာကြနဲ့ အကုန်သာ စားနော်။ ”

“ စားကောင်းတာပေါ့ အန်တီရာ ကျွန်တော်တုိ့က ရေဆော့နေတာနဲ့ ထမင်းကို ကောင်းကောင်းမှ မစားဖြစ်တာ  . . . . ”

“ ရေဆော့တာ မဟုတ်ပါဘူး။ အန်တီ မင်းတို့ မဏ္ဍပ် လာကြည့်ရင်တော့ မင်းတို့ သောက်နေတာပဲ တွေ့တာပဲ ၊ ရေဆော့နေတာ တစ်ခါမှကို မတွေ့ဘူး။ ”

“ အဟီး . . . ဒါကတော့ အန်တီရယ် ၊ သင်္ကြန် ဆိုတာ ရေနဲ့ ဆိုတော့ အေးတယ် မဟုတ်လား။ အအေးဒဏ် ခံနိုင်အောင်ပါ။ ”

“ တော်ပါကွယ်. . . ဆင်ခြေတွေပါ။ မင်းတို့ သူငယ်ချင်း ရှမ်းလေးကိုလည်း ကြည့်ပြောကြဦး။ အခု နောက်ပိုင်း ဘယ်လိုမှကို ပြောလို့ မရဘူး။ ဆိုးလာချက်ကလည်း အော့ကြောကို လန်နေတာပဲ။ ”

“  - - - - -  -- - ”

တစ်ယောက် မျက်နှာ တစ်ယောက်ကြည့်ပြီး ပြုံးမိကြသည်။ ဒီလူနဲ့ ဒီလူ ဘယ်လိုလုပ်ပြီး သွားပြောမည်မလဲ။ နဂိုကတည်းက တစ်ယောက်နဲ့ တစ်ယောက် စကားတွေ အတင်ခံချင်ကြတာမှ မဟုတ်တာ။ သူငယ်ချင်းတွေ အချင်းချင်း ပြောမနာ ဆိုမနာ ဆိုပေမဲ့ တစ်ယောက်နဲ့ တစ်ယောက် ဆရာလုပ်စရာမှ မဟုတ်တာ။

“ ကဲ . . ကဲ  . .  စားကြ။ ပြီးရင် တရေးတမော အိပ်လေ။ အန်တီလည်း အိပ်လိုက်ဦးမယ်။ နေပူနေတယ် ဘယ်မှတော့ မသွားကြနဲ့။ ”

ပြောလည်း ပြော ၊ အိပ်ဖို့လည်း အိမ်အောက်ထပ်က ကြမ်းခင်းပေါ်မှာ သင်ဖြူးဖျာလေး ခင်းပြီး ခေါင်းအုံးပျော့လေးနဲ့ အိပ်ဖို့ ပြင်နေလေသည်။ ကျွန်တော်တို့ကလည်း ရက်များစွာ တစ်နေလုံး သောက်စား ထားပြီး ထမင်းက နပ်မမှန်လေတော့ အခုလို ကောင်းကောင်းလေး စားလိုက်ရတော့ အိမ်ဘေးမှာ ၊ အိမ်အောက်မှာ ၊ အိမ်ရှေ့မှာ ဖျာကြမ်းတွေနဲ့ အားလုံး အတုံး အရုံးလှဲကာ အိပ်နေကြ၏။ သင်္ကြန်ရဲ့ နေ့လယ်ခင်းကလည်း ဗိုက်တင်းတင်းနဲ့ ပင်ပန်းမှုတွေကြောင့် ဘယ်လို အိပ်ပျော်မှန်း မသိအောင် အိပ်ပျော်သွားကြသည်။



ခေါ်သံ ၊ စကားပြောသံ တချို့က အိပ်မက်လိုလို ၊ တကယ်လိုလိုနဲ့ ဝိုးတဝါး ကြားနေရ၏။ သေသေချာချာလည်း နားမထောင်ဖြစ်ပါ။ ညနေ မစောင်းသေးဘူး ဆိုတာ သိနေသော စိတ်ကြောင့် အသာအယာပြန်ပြီး မှေးနေမိသည်။ နွေနေပူမှာ အရိပ်ကောင်းသော နေရာ၌ စားကောင်းသောက်ဖွယ်များကို ဗိုက်ကားအောင် စားပြီး အိပ်ရသော အရသာမှာ တော်တော် ကောင်းမှန်း ပထမဦးဆုံး အကြိမ် သိရခြင်းပါပဲ။

“ ကိုဆွေဦး ရှိလား မသိဘူး။ ”

ခပ်အုပ်အုပ် အမေးသံကို ကြားလိုက်ရ၏။ ကိုဆွေဦး ဆိုတာ ရှမ်းလေးရဲ့ အထက်က အစ်ကို ဖြစ်၏။ သူတို့နဲ့ ပတ်သတ်တဲ့ လူတွေ လာတာ ငါနဲ့ မဆိုင်ဘူး ဆိုပြီး ကျွန်တော်တို့ ခပ်တည်တည်ပင် ပြန်နှပ်နေမိသည်။

“ ဘာကိစ္စ ရှိလို့လဲ ”

ရှမ်းလေးရဲ့ အမေးသံက သူ့အမေကို တင်းနေသော အသံရောပါက ခပ်ပြတ်ပြတ်ဖြစ်နေသည်။

“ ဟို . . . ညက ဂစ်တာတီးပြီးတော့ ကျန်ခဲ့တဲ့ သီချင်းစာအုပ်တွေ လာပြန်ပေးတာပါ။ ”

သြော် . . ဒါဆို ငါတို့နဲ့ ဘာမှတောင်မှ ပိုမဆိုင်သေးတယ် ဆိုပြီး တရေးလောက် ထပ်ရအောင် မှေးနေမိ၏။ ကိုဆွေဦးက ဂစ်တာ အတီးကောင်းတော့ နေရာတကာမှာ ပွဲကျနေတတ်သည်။ ပြီးတော့ သူက ရော့ခ် ၊ အော်တာ ၊ အညာ ၊ တော ၊ ရှေးသီချင်း အကုန်ရသည်။ ဖြစ်မြောက်အောင်ကို တီးတတ်သည်။ ဒါကြောင့် ရောက်လေရာမှာ ဂစ်တာတစ်လက်နဲ့ အတော်ကို မျက်နှာပွင့်ရသူ ဖြစ်၏။

“ ဘယ်သူလဲ ရှမ်းလေး . . . ”

ရှမ်းလေး အမေ နိုးလာပုံ ရ၏။ လှဲနေရာမှ မထသေးဘဲ ရှမ်းလေးကို လှမ်းမေး၏။

“ ဟိုအိမ်က အမေ။ ကိုလေး ဂစ်တာ သွားတီးရင်း ကျန်ခဲ့တဲ့ သီချင်း စာအုပ် လာပေးတာလို့ ပြောတာပဲ။ ”

ရှမ်းလေး အမေက ခေါင်းထောင်ကြည့်ပြီး . . .

“ နေနေ ဒါဆို အမေပဲ ထယူလိုက်တော့မယ်။ ”

“ ရပါတယ် အမေ့ဖာသာ လှဲနေပါ။ သီချင်းစာအုပ်လေး ယူတာပဲ ပြဿနာ မရှိပါဘူး ၊ သားဖာသာ ယူထားလိုက်ပါ့မယ်။ ”

ပြောလည်း ပြော အိမ်ပေါ်ထပ် လှေကားကနေ ဆင်းလာပြီး သီချင်းစာအုပ် လာပေးတဲ့ လူဆီကို လျှောက်လာသည်။ အိမ်ဘေးမှာ ကျွန်တော်တို့က အိပ်နေတဲ့ အတွက် သီချင်းစာအုပ်ကို လာပေးတဲ့ လူရဲ့ မျက်နှာကို မမြင်ရပါ။

“ ဘယ်သူလဲ မသိဘူး ”

လို့ ဝင်းထွန်းက အိပ်နေရာ ဒီဘက်မှ ဟိုဘက်ကို ပြောင်းစောင်းရင်း လှမ်းမေး၏။ ကျွန်တော့် နေရာကတော့ လုံးဝ မမြင်ရပါ။ မြင်နိုင်သော လူက ထထိုင်ကြည့်ပြီး . . .

“ အစာကြေဆေး လုပ်တဲ့ အိမ်က အညာသားကွ ၊ ဟိုနှစ်က ကိုဇော်နဲ့ ဖြစ်တဲ့ ကောင်လေကွာ။ မနက်က ဖြစ်တဲ့ ကောင်တွေရဲ့ အမျိုး ထင်တယ်။ ”

“ ဟင် . . . ဟုတ်လား ”

ဆိုပြီး ကျွန်တော် အပါအဝင် အားလုံး လှဲအိပ်နေရာမှ ခေါင်းထောင် ကြည့်လိုက်တော့ ထိုလူ့လက်ထဲမှာ သီချင်းစာအုပ်ကို ရှမ်းလေးက လှမ်းယူပြီး အိပ်ပေါ်ကို ပြန်တတ်ရန် လှည့်ထွက်သည်။ ဒီလို သူ့ကို နောက်ကျော အပေးမှာ သူက သူ့နောက်ခါးကြားထဲကို လက်ကို လျှိုနှိက်လိုက်ကာ ပြန်ထုတ်လာတော့ လက်ထဲမှာ ဓါးတို တစ်ချောင်းကို မြင်လိုက်ရ၏။ သူ့ကို နောက်ကြောပေးထားသောကြောင့် ရှမ်းလေးကတော့ လုံးဝ မမြင် ၊ မသိပေ။ ကျွန်တော်တို့ အားလုံး လှမ်းမြင်လိုက်ကြသော်လည်း ရုတ်တရက်ဆိုတော့ ဘယ်သူ့မှ မထင်မိကြ။ ကျွန်တော်တို့လိုပဲ ရှမ်းလေး နောက်ကြောမှာ ဓါးကိုင်ကာ ရှမ်းလေးကို ထိုးဖို့ ပြင်နေတာကို မြင်လိုက်သူ နောက်တစ်ယောက်လည်း ရှိသေးသည်။

သူကတော့ ရှမ်းလေးရဲ့ အမေ . . . .

“ သား . . . ရှမ်းလေး ၊ မင်းနောက်မှာ ဓါးနဲ့. . . . အမလေး . . . လုပ်ကြပါဦး။ ”

သူ့အမေရဲ့ အော်သံက အဖြစ်အပျက် သုံးခုကို အော်သံ တစ်ခုတည်းနဲ့ တဆက်တည်း ဖော်ပြသွား၏။ ထိုလူ ဓါးထုတ်တာ ၊ ရှမ်းလေးကို လှမ်းသတိပေးတာ ၊ ရှမ်းလေးက လှည့်အကြည့်မှာ ဟိုလူထိုးလိုက်သော ဓါးက ရှမ်းလေး နံကြားထဲကို ဝင်သွားတာ ၊ ဒီအဖြစ်အပျက်တွေ အားလုံးကို မြင်လိုက်ရသော်လည်း ကျွန်တော်တို့မှာ ရုတ်တရက် ဆိုတော့ ကြောင်ငေးနေမိသည်။

“ အမလေး လုပ်ကြပါဦး ”

ရှမ်းလေး အမေရဲ့ အသံက ထပ်ထွက်လာ၏။ ပြီးတော့ သူ အိပ်နေရာမှ ထထိုင် ၊ ထထိုင်နေရာမှ မတ်တပ် ရပ်ကာ ရှမ်းလေး ဆီကို အပြေးလာ၏။ ရှမ်းလေးက သူ့အမေ သူ့ဆီကို ပြေးလာတာ မြင်တော့ ဓါးနဲ့ အထိုးခံနေရာကနေ လှမ်းအော်သည်။

“ အမေ  . . . မလာနဲ့ ၊ မလာနဲ့။ ”

သူက နောက်ကို လှည့်ကာ အအော် ၊ ဟိုတစ်ဘက်လူကို ပိုပြီး အခွင့်အရေး ပေးသလို ဖြစ်ကာ ဟိုက သူ့ကို နောက်ထပ် ဓါးချက်ပေါင်းများစွာဖြင့် နံကြားထဲ ၊ ဗိုက်ထဲကို ဆက်ကာ ဆက်ကာ ထိုးတော့သည်။

အဖြစ်အပျက်က မှတ်ထင် မထားသောကြောင့် လွန်စွာမှ မြန်လှ၏။ ရုတ်တရက် ကြောင်ငေးကာ ကြည့်နေသော ကျွန်တော်တို့တွေ သတိဝင်လာတော့ ရှမ်းလေးကို ၇ ချက်လောက် ဆက်ကာ ထိုးမိသွားပြီ။ ရှမ်းလေးနားကို သူ့အမေ ရောက်တော့ ကျွန်တော်တို့ မတ်တပ် ထရပ်မိကာ ဒီလူ့နောက်ကို လိုက်တော့ သူက လက်ထဲက ဓါးကို ဝေ့ရမ်းကာ အရှေ့က လူတွေကို ရမ်းကားပြီး ထွက်ပြေးလေတော့သည်။ ကျွန်တော်တို့ အားလုံး လမ်းပေါ်ကို ရောက်တော့ သူက ဓါတ်တိုင် ၃ တိုင်စာလောက် ဝေးနေပြီ။

“ ရှမ်းလေး . . . . အမလေး . . .သား . . . .”

ရှမ်းလေး အမေရဲ့ အသံကို ကြားတော့ ပြေးလိုက်နေတဲ့ လူတွေ ရပ်သွားပြီး ရှမ်းလေးဆီကို ပြန်ပြေးလာကာ ကြည့်မိသည်။ တစွတ်စွတ် နဲ့ နောက်ကြောက ထိုးသွားသောကြောင့် ဓါးဒဏ်ရာက ၇ ချက် ထိထိမိမိ ရှိသည်။ အားလုံး ပြာသွားကြသည်။ ကားခေါ်သူက ပြေးခေါ် ၊ ရှမ်းလေး ဒဏ်ရာတွေမှ သွေးသိပ်မထွက်အောင် အဝတ်တွေနဲ့ ဖိထားသူက ဖိ ၊ ရှမ်းလေး အမေကို နှစ်သိမ့်သူက နှစ်သိမ့်။ ဒါပေမဲ့ ရှမ်းလေးက သူ့အမေလက်ကို လှမ်းကိုင်ရင်း ခပ်ယဲ့ယဲ့ပြုံးသည်။

“ သား ဘာမှ မဖြစ်ဘူး အမေ ၊ ဘာမှ မစိုးရိမ်နဲ့။ နည်းနည်းလေး . . . အဟွတ် . .အဟွတ် . . ”

သူကသာ နည်းတယ် ပြောနေတာ . . . သူ့ပါးစပ်ကပါ သွေးတွေက ပွက်ခနဲ ပွက်ခနဲ ထွက်လာသည်။ ရှမ်းလေးကို ကြည့်ရတာ သူ့ထက် သူ့အမေကို ပိုပြီးတော့ စိုးရိမ်ပုံ ရသည်။ တဆတ်ဆတ် တုန်နေတဲ့ လက်နဲ့ သူ့အမေကို ကိုင်ထားရင်းနဲ့ သူ့အမေကို ခေါ်သွားဖို့ မျက်စက ပစ်နေသေးသည်။ ဘယ်ကနေ ဘယ်လို ခေါ်လာလဲ မသိသော ဒက်ဆန်း ကားတစ်စီးရောက်လာ၏။ ရောက်တယ် ဆိုတာနဲ့ ကျွန်တော်တို့ အားလုံး ရှမ်းလေးကို ပွေ့ပြီး တင်ကြသည်။ ပြီးတော့ ဆေးရုံကို ချက်ချင်း မောင်းကြသည်။

အဲဒီနေရာမှာ ကျွန်တော် ဘယ်တော့မှ မမေ့နိုင်သော . . .  ပြီးတော့ နားမလည်နိုင်သော ဖြစ်ရပ် တစ်ခုကို ကြုံခဲ့ရပါသည်။ မြို့နယ် ဆေးရုံကို ရောက်တော့ ဆေးရုံက ဆရာဝန်တွေက ဘာဖြစ်လာတာလဲ ဆိုပြီး မေးသည်။ ကျွန်တော်တို့လည်း လိမ်စရာ မလိုသောကြောင့် အမှန် အတိုင်း ဖြေလိုက်ပါသည်။ ဒီတော့ သူတို့ ဒီလို ရန်ဖြစ်ပြီး ဓါးထိုးခံရတာ ဆိုရင် သူတို့ ကုသလို့ မရဘူးတဲ့။ ဆေးရုံကြီးကို သွားပါ ဆိုပဲ။ ဒီလို အဖြစ်အပျက်က သူတို့ အမှုပတ်လာနိုင်တယ် ဟု ဆိုသည်။

ကျွန်တော် တကယ်ကို နားမလည်ပါ။ သေလုမျောပါး ဖြစ်နေသော လူနာတစ်ယောက်ရဲ့ အသက်ကို မကယ်ဘဲ ၊ ဟိုကို လွှဲ ၊ ဒီကို လွှဲနဲ့ ဘာလို့များ အချိန်ဖြုန်းရတာလဲ ဆိုတာ အခုထိ ကျွန်တော် သဘောမပေါက်ခဲ့ပါ။ ဒီလူကို ဓါးနဲ့ ထိုးတာ ဒီဆရာဝန် မဟုတ်မှန်း အားလုံးက သိနေကြတာပဲလေ။ ဒါပေမဲ့ သူတို့ မကယ်နိုင်ပါဘူးတဲ့။ ဒါနဲ့ပဲ ဆေးရုံကားပေါ်ပြောင်းပြီး ရန်ကုန် ဆေးရုံကြီးကို ဒလကြမ်း မောင်းရတော့သည်။ ဒါပေမဲ့ ကံဆိုးစွာပဲ လမ်းမှာတင် သွေးထွက်လွန်ကာ ရှမ်းလေး ဆုံးသွားပါတော့သည်။ ဓါးထိုးခံထားရတဲ့ အချက်ပေါင်းကလည်း ၇ ချက်တောင် ၊ ပြီးတော့ အထိုးခံရတဲ့ နေရာတွေကလည်း သေကွင်း သေကွက်တွေချည်းပဲလို့ ဆို၏။

ဒါတောင်မှ ရသလောက်လေး အသက်ကို မကယ်တင်ဘဲနဲ့ ဟိုက ဆေးရုံကို သွားမှ ဆိုပြီး လက်လွှဲရက်သော ဆရာဝန်များကိုလည်း ကျွန်တော် ခုထိ နားမလည်နိုင်သေးပါ။ သူတို့ရဲ့ အမှုပတ်မှာ စိုးလို့ ဆိုလား ၊ ပြဿနာ တတ်မှာ စိုးလို့ ဆိုလား ၊ ဘာကြောင့်မှန်း မသိတဲ့ ဆင်ခြေကြောင့် ရန်ကုန်ဆေးရုံကြီးကို မရောက်ခင်မှာဘဲ ရှမ်းလေး တစ်ယောက် အသက်ထွက်သွားရရှာတော့သည်။

ရှမ်းလေး ဆုံးတဲ့ ရက်က မြန်မာနှစ် တစ်နှစ်ရဲ့ နောက်ဆုံးရက် ဆိုတော့ နောက်နေ့ နှစ်သစ်ကို မကူးကောင်းဘူး ဆိုကာ အသုဘကို ချက်ချင်းချဖို့ ပြင်ဆင်ရပြန်တော့သည်။ တကယ်လို့ နောက်နှစ်ကို ကူးသွားရင် ရွာနာတယ် လို့ ဆိုကြပြန်သည်။ ရွာက ဘယ်နေရာက နာသွားတာလည်းတော့ ကျွန်တော် မသိပေမဲ့ ရပ်ကွက်ထဲက လူကြီးတွေ ပြောတဲ့ အတိုင်း အလျင်အမြန် ရှမ်းလေး အသုဘ ကို ကျင်းပလိုက်ရလေတော့သည်။

ကျွန်တော်တို့ အားလုံး အတွက် အဖြစ်အပျက်က လွန်စွာမှပဲ မြန်ဆန်လှပါသည်။ မနက်ကတင် ကျွန်တော်တို့နဲ့ အတူတူ ရေကစားနေသော ရှမ်းလေး ၊ မဏ္ဍပ်ကို အလှည့်ကျ ထိန်းနေသော ရှမ်းလေး ၊ အညာသား အဖွဲ့နဲ့ ရန်ဖြစ်ခဲ့သော ရှမ်းလေး ၊ ကျွန်တော်တို့နဲ့ အရက် အတူတူ သောက်ထားသော ရှမ်းလေး ၊ သူ့အမေကို သူ့ကြောင့် စိတ်ပူပြီး ကျန်ခဲ့ရမှာ စိုးလို့ သားဆိုးပဲ ဖြစ်ချင်တဲ့ ရှမ်းလေး ၊ နေ့လည်မှာတောင်မှ ထမင်းစားရင်း သူ့အမေနဲ့ စကားများနေတဲ့ ရှမ်းလေး ၊ အရပ်ကလန်ကလားနဲ့ အိမ်ပေါ်က ဆင်းလာတဲ့ ရှမ်းလေး  . . . . . ကျွန်တော်တို့ အားလုံးရဲ့ သူငယ်ချင်း ရှမ်းလေး ရုတ်တရက်ကို မရှိတော့ပါဘူး။

မနက်က အတူတူ ရှိနေပြီး ညနေကျတော့ သူ့ရဲ့အသုဘကို အမြန်ကျင်းပကာ သဂြိုဟ်လိုက်ရသောကြောင့် ရှမ်းလေး ဆိုတဲ့ ကျွန်တော်တို့ သူငယ်ချင်းက သေဆုံးသွားတယ် ဆိုတာကို ကျွန်တော်တို့ လက်မခံနိုင်သေးဘဲ လမ်းထိပ်ကိုပဲ သွားသလိုလို မြို့ထဲပဲ သွားသလိုလို ကြောင်တောင်တောင် ဖြစ်နေခဲ့ရပါသည်။ ရှမ်းလေး အမေကလည်း သူ့သား သူ့ကို ကာကွယ်ဖို့ နောက်ပြန်လှည့်ရင်း ဖြစ်တာ ဟု ဆိုကာ ဖြေမဆည်နိုင်အောင် ဖြစ်နေလေတော့သည်။



ရဲစခန်းကလည်း တရားခံ ဖြစ်သော အညာသားကို လိုက်ဖမ်းနေသလို အဲဒီနေ့ညမှာတင် ကျွန်တော် ရှမ်းလေး အိမ်မှာ နေပြီး သူ့အမေကို နှစ်သိမ့်နေစဉ်မှာပဲ ၊ တခြားသော သူငယ်ချင်းတွေက အညာသားတို့ အိမ်ကို ဝင်ပြီး တစ်အိမ်သားလုံးကို ရိုက်ကြ နှက်ကြ ဖြစ်သေး၏။ ဒီအညာသား အိမ်မှာ မိသားစု ဆိုလို့ သူတို့ ညီအစ်ကို ၃ ယောက်နဲ့ အစ်မအကြီးဆုံး တစ်ယောက်သာ ရှိပါသည်။ ဒါပေမဲ့ အခု သင်္ကြန်တွင်းမှာ ဧည့်သည် အဖြစ် ရောက်လာတဲ့ နောက်တိုး ၄ ယောက်ကြောင့်သာ လူများနေတာ ဖြစ်၏။ ဒါပေမဲ့လည်း လူအင်အားတောင့်ပြီး ဒေါသတွေ ထွက်နေတဲ့ ကျွန်တော့် သူငယ်ချင်းတွေကတော့ သူတို့ အိမ်ပေါ်ကို တတ်ပြီး တွေ့သမျှ ရိုက်နှက်ကြတာ သူတို့ လူတွေ အားလုံး ဆင်းပြေးရတဲ့ အထိပါပဲ။

တစ်ရပ်ကွက်လုံးကလည်း ကျွန်တော်တို့ အားလုံးကို ခင်မင်မှု ၊  မဏ္ဍပ်မှာ ဖြစ်ရတဲ့ အဖြစ်အပျက် ၊ ရှမ်းလေး သေဆုံးရတဲ့ ကိစ္စတွေကြောင့် သူတို့ အားလုံးကို မျက်မုန်း အတော်ကို ကျိုးနေကြပါသည်။ နောက်တော့ သူတို့လည်း ဒီအိမ်ကို ပိတ်ထားပြီးတော့ တခြားကို ပြောင်းသွားကြသည်။
ကျွန်တော်တို့ နှစ်စဉ် မဏ္ဍပ်တွေ ထိုးမြဲဖြစ်၏။ သို့သော် ရပ်ကွက်ရုံးကတော့ ကျွန်တော်တို့ တွေရဲ့ မဏ္ဍပ်ကို တာဝန်ခံ ဆိုကာ သုံးယောက်ကို လက်မှတ်ထိုးခိုင်း၏။ တစ်ခုခု ဖြစ်ရင် ဒီတာဝန်ခံတွေကို အရေးယူကြသည်။ ကျွန်တော်တို့ကလည်း နှစ်စဉ် ကျင်းပနေဆဲ ဖြစ်ပြီး မဏ္ဍပ်မှာ အေးအေးဆေးဆေး ရေကစားနေတဲ့ လူတွေကို အူကြောင်ကျား လာလုပ်သူတွေကို ပိုပြီး ပြတ်ပြတ်သားသား ကိုင်တွယ် လိုက်လေ့ ရှိသည်။  

ပြီးတော့ . . .

ဒီအချိန်က စပြီးတော့ ကျွန်တော်တို့ သူငယ်ချင်းတွေ ကြားထဲမှာ အင်္ကြန်ရဲ့ အတတ်နေ့ဆိုတာ ရန်ဖြစ်ရမဲ့ နေ့ တစ်နေ့လို့ သတ်မှတ်ထားသလို ဖြစ်ခဲ့ရပါတော့သည်။ သင်္ကြန်ရဲ နောက်ဆုံးနေ့ရက် အတတ်နေ့ပြီးရင် မဏ္ဍပ်မှာလည်း တိတ်ဆိတ်ပြီး တာဝန်ခံတွေကလည်း ထိုက်သင့်သလို အပြစ်ကျခံကြရတာ များခဲ့ပါသည်။



အခုတော့ အသက်အရွယ်ကပဲ စကားပြောလာတာလား မသိပါ။ ဟိုးအရင်ကတည်းက သူများတွေ အရက်မူးပြီး ကရင်တောင်မှ မကတတ်တဲ့ ကျွန်တော်က ပိုလို့တောင်မှ သင်္ကြန်ကို ဝင်ကစားဖို့ ရှောင်ကာ အသာတကြည်ပဲ ထိုင်ကြည့်နေမိပါတော့သည်။ ပြီးတော့ သင်္ကြန်ရဲ့ အတတ်နေ့ ရောက်လာပြီ ဆိုရင် သတိကြီးစွာ ထားပြီး နေခဲ့ပါတော့သည်။ ရန်လည်း မဖြစ်ချင်တော့ပါ။

အခုလို သင်္ကြန် အတတ်နေ့ ၊ အခုလို သင်္ကြန်ရေ ၊ အခုလို ပိတောက်တွေ ထိန်ထိန်ဝေနေအောင် ပွင့်ပြီးတော့ မွှေးပျံ့ကာ ကျန်နေခဲ့တဲ့ ပိတောက်ငွေ့လေးတွေ ကြားထဲမှာ ကျွန်တော့်မှာ ကျွန်တော့် သူငယ်ချင်း ရှမ်းလေးနဲ့ ပတ်သတ်သော ကြေကွဲဖွယ် ဇာတ်လမ်း တစ်ပုဒ် ရှိနေခဲ့ဖူးပါသည်။

ဒီလိုပဲ ကမ္ဘာ့အနှံ့မှာ ရောက်နေသော ကျွန်တော်တို့ သူငယ်ချင်း အားလုံးရဲ့ စိတ်ထဲမှာလည်း သင်္ကြန်ဆိုတာကို ရောက်တိုင်း လမ်းကို ပိတ်ပြီး နှစ်စဉ် ထိုးခဲ့သော သင်္ကြန်မဏ္ဍပ်ကို လည်းကောင်း ၊ အော်ဟစ် ပျော်ရွှင်ခဲ့ကြသော ပျော်စရာ သင်္ကြန်များကို လည်းကောင်း ၊  ပျော်စရာ သင်္ကြန်များထဲမှ ကြေကွဲဖွယ်ရာ သင်္ကြန် အတတ်နေ့နဲ့ ရှမ်းလေး ဆိုသော သူငယ်ချင်း တစ်ယောက် အကြောင်းကို လည်းကောင်း ၊ သူ ပြောခဲ့တဲ့ သူ ရုတ်တရက် သေသွားရင်တောင်မှ မိဘတွေ သိပ်မခံစားရအောင် သားဆိုးပဲ ဖြစ်ချင်တယ် ဆိုတဲ့ စကားကို လည်းကောင်း ကျွန်တော်တို့ အားလုံး ဒီ သင်္ကြန်ရေ ၊ ပိတောက်ငွေ့နဲ့ အတူ အမြဲတမ်း သတိရနေမှာပါ။

မြန်မာ့ရိုးရာ သင်္ကြန်မှာ ပျော်ရွှင်စရာ အတိပြီးပြီး ကြေကွဲဖွယ်ရာ အဖြစ်ဆိုးတွေ လုံးဝ မဖြစ်စေ ချင်တော့ပါဘူး။ သင်္ကြန်ရေ နဲ့ လန်းဆန်းပြီး ၊ ပိတောက်ငွေ့နဲ့ တတ်ကြွနိုင်ကြသူတွေသာ ဖြစ်စေချင်ပါတယ်။

မှတ်ချက်။  ။ ရှမ်းလေးကို ဓါးနဲ့ ထိုးသွားသူကို နောက်ထပ် သုံးရက် မြောက်တဲ့ နေ့မှာ သူတို့ အညာမှာ သွားဖမ်းမိခဲ့ပြီးတော့ လူသတ်မှုနဲ့ တရားစွဲဆို ခံရပြီး ထောင်ကျသွားပါတယ်။


လေးစားစွာဖြင့်
ကိုဇော်
16.4.2011

Share/Bookmark

10 April 2011

23 ၃၂ ကွက်မြောက် မှတ်တမ်း



ကျွန်တော် ငယ်ငယ်က ကျောင်းမှာ သိပ္ပံဆရာ ပြောတဲ့ သဘောတရားလေး တစ်ခုကို အတော်ကို နှစ်သက်ခဲ့ဖူးတယ်။ ဆရာ ရှင်းပြတာက တကယ်ကို ရိုးရိုးရှင်းရှင်းလေးပါပဲ။ ထင်သာ မြင်သာလည်း ရှိတယ်။ ဒါကြောင့်လည်း တစ်သက်လုံးလို့ ဆိုရလောက်အောင် ကျွန်တော် မှတ်မိနေတာ ဖြစ်နိုင်ပါတယ်။

ဆရာက ဆိုတယ်။ စက်ဝိုင်းတစ်ခုမှာ ၃၆၀ ဒီဂရီ ရှိတယ် ဆိုတော့ လူတစ်ယောက်ရဲ့ သက်တမ်းဟာ စက်ဝိုင်း တစ်ခု ဖြစ်ခဲ့မယ် အပိုင်းအခြား အကွက်တွေက ၃၆၀ မဖြစ်နိုင်ရင်တောင်မှ သာမာန်လောက်တော့ ရှိနေနိုင်တယ် လို့ ဆိုတယ်။ ဒါကြောင့် သာမာန်အားဖြင့် လူတိုင်းရဲ့ စက်ဝိုင်းတွေဟာ ပိုင်းခြားထားသော အပိုင်းအခြားလေးတွေကတော့ တူမှာ မဟုတ်ပါဘူးတဲ့။ ဘာလို့လဲ ဆိုတော့ လူတိုင်းရဲ့ အသက်ရှည်မှုကလည်း မတူညီတဲ့ အတွက်လို့ ဆိုတယ်။

ဒီတော့ စက်ဝိုင်း တစ်ခုမှာ ကိုယ့်ရဲ့ အသက်ကို ပျှမ်းမျှအားဖြင့် ၇၀ လို့ သဘောထားပြီးတော့ အပိုင်း ၇၀ စိတ်ထားလိုက်ပြီးတော့ တစ်နှစ်ပြည့်တိုင်း တစ်နှစ်ပြည့်တိုင်း အကွက်လေး တစ်ကွက်ကို အရောင်ခြယ် ဖြည့်လိုက်ပြီးတော့ အဖြူရောင် ဆိုတဲ့ အသက် တစ်နှစ် ပျောက်ကွယ်ကာ လျော့နည်းသွားပြီ ဆိုပြီး လုပ်ကြည့်ကြပါလား လို့ ဆိုဖူးတယ်။

ငယ်ငယ်က ပိုပြီး စိတ်က ထက်ထက်နဲ့ လက်တွေကျကျ လုပ်တတ်သူ ဆိုတော့ စာရွက် အဖြူကြီးကြီးကို စက်ဝိုင်းပုံဖြတ် ပြီးတော့ ကိုယ် နေနိုင်ရလောက်တဲ့ အသက် ၇၀ လောက်ကို အပိုင်းတွေ ဖြတ်ပြီးတော့ ကုန်လွန်သွားတဲ့ အသက်ကို အဲဒီမှာ အနက်ရောင် ဆော့ပင်လေးနဲ့ ခြယ်ပြီးတော့ လက်တွေ့ လုပ်ကြည့်ခဲ့ဖူးတယ်။ အဲဒီတုန်းက ၈ တန်းကျောင်းသား ဆိုတော့ အသက်ကလည်း ၁၃ နှစ်ပေါ့လေ။ ဒီတော့ အကွက်လေး ၁၃ ကွက်ကို အနက်ရောင်ခြယ်ပြီးတော့ ကျွန်တော့် အိပ်ယာဘေးက နံရံမှာ ကပ်ထားလိုက်တယ်။ ကပ်ထားယုံနဲ့ မပြီးသေးဘူး ၊ ဒီကဒ်ပြားကိုလည်း လာသမျှလူတွေကို ပြရတာ အမောပေါ့။ 

“ ဒါ . . . ငါ့ရဲ့ အသက်ကဒ်ပြားလေ ၊ တစ်နှစ်တစ်ခါ ငါ့ရဲ့ အသက်ကို ကုန်သွားပြီ ဆိုတဲ့ သဘောနဲ့ အဖြူရောင်မှာ အရောင်ခြယ်ထား လိုက်တယ်။ ဒီတော့ ကျန်နေခဲ့ အဖြူရောင်ကွက်က နောက်ထပ် ငါ ရှင်သန်နေရဦးမဲ့ အသက်ပဲ။ ”

ဆိုပြီး ကလေးအတွေးနဲ့ လုပ်ခဲ့ဖူးတယ်။ ဒါပေမဲ့ ဒီကဒ်ပြားက ကြာကြာ မခံခဲ့ပါဘူး။ အတိတ်မကောင်းဘူး ၊ နိမိတ်မကောင်းဘူး ဆိုပြီးတော့ ကျွန်တော့် အဖွားက ဆူပူပြီး သိမ်းသွားခဲ့တယ်။ အော်ဟစ် ဂျီကြပြီး ငိုယိုလိုက်ရတာလည်း ပြောမနေပါနဲ့တော့။ ဒါပေမဲ့ ဒီစက္ကူကဒ်ပြားလေးကိုသာ သိမ်းသွားလို့ ရချင်ရမယ် ကျွန်တော့် ရင်ထဲက စက်ဝိုင်းပြားလေးကိုတော့ အဖွားက ဘယ်လာ သိမ်းလို့ ရနိုင်မလဲ။ ကျွန်တော် နှစ်တိုင်းပဲ ဆက်ပြီး အရောင်ခြယ် နေခဲ့မိပါတယ်။ 

အခုလို အသက်ရလာတော့ နည်းနည်းပိုပြီး စဉ်းစားမိတော့ ဒီလုပ်ရပ်လေးက ပိုပြီးတော့ သဘာဝကျသလိုတောင်မှ ထင်မိသေးတယ်။ ဒါပေမဲ့ လူတွေမှာ များသော အားဖြင့် ကျန်လွန်သွားတဲ့ နှစ်တွေကိုသာ မှတ်ထားတတ်ပါတယ်။ တကယ်လည်း ဒါက မှန်တာပါပဲ။ ဒါပေမဲ့ ကိုယ် မသိနိုင်တဲ့ ကျန်နေသေးတဲ့ အသက်ကိုတော့ ဘယ်လိုလုပ် မှတ်ထားမိပါ့မလဲ။ တကယ်လို့ ကျွန်တော့် ငယ်ငယ်က လုပ်ခဲ့မိသလို စက်ဝိုင်းလေး တစ်ခုကို ဆွဲပြီးတော့ ဒီစက်ဝိုင်းထဲမှာ ကိုယ့်အတွက် ခန့်မှန်းခြေ နှစ်ကို ပိုင်းဖြတ်ပြီး ဖြတ်သန်းခဲ့တဲ့ နှစ်တွေကို အရောင်လေး ခြယ်ပြီး မှတ်ထားခဲ့မယ် ဆိုရင် နှစ်တွေ ကုန်လာတာနဲ့ အမျှ ဘဝမှာ ဘာကတော့ မလုပ်ရသေးဘူး ၊ ဘာကတော့ လုပ်ခဲ့ပြီးပြီ ဆိုကာ ရေးထိုးထားခဲ့သော မှတ်တမ်းလေး တစ်ခု ဖြစ်လာမှာပါ။

ဘာလို့ ကျွန်တော် ဒီလို ပြောတာလဲ ဆိုတော့ ကျွန်တော်က ဆရာ ပြောသလို ကုန်လွန် ဖြတ်သန်းခဲ့တဲ့ နှစ်အကွက်တွေမှာ ဒီအတိုင်း အရောင်ခြယ်ထားယုံ မဟုတ်ဘဲ ၊ ဒီနှစ်ထဲမှာ ငါ ဘာတော့ လုပ်ခဲ့ပြီးပြီ ၊ ဘာတော့ မျှော်မှန်းထားခဲ့တယ် ၊ ဘာကို ရည်ရွယ်ထားတယ် ၊ ဘာတွေကတော ဖြစ်မလာသေးဘူး ဆိုပြီး ထိုအကွက်လေးထဲမှာ မှတ်တမ်းလေး တစ်ခု ရေးထားခဲ့လို့ပါပဲ။ ဒါကြောင့် ဒီစက်ဝိုင်းလေးကို ကြည့်လိုက်တယ် ဆိုရင် ဘယ်နှစ်မှာ ဘာဖြစ်ခဲ့တယ် ၊ ဘယ်နှစ်မှာ ဘယ်လို ရည်ရွက်ချက်တွေ ထားခဲ့တယ် ၊ ဖြစ်ခဲ့တယ် ဆိုတာကို မှတ်တမ်းလေး တစ်ခု အဖြစ်နဲ့ တွေ့နိုင်ပါတယ်။ 

အခု ဒီနှစ် ၁၀ ၊ ၄ ၊ ၂၀၁၁ မှာတော့ ကျွန်တော့် စက်ဝိုင်းထဲမှာ ၃၂ ကွက် ဆိုတဲ့ အပိုင်းလေး တစ်ခုကို ကျွန်တော် အရောင်ခြယ်ရမဲ့ နှစ်ပေါ့။ ၃၂ နှစ်ဆိုတဲ့ သက်တမ်းကုန်ဆုံးခဲ့ပါပြီ။ ဒီနှစ် အတောအတွင်းမှာ ကျွန်တော့် အတွက် ဘယ်ဟာတွေ ဖြစ်မြောက်ခဲ့တယ် ၊ ဘယ်အရာတွေ မျှော်လင့်ချက် ဖြစ်ခဲ့တယ် ၊ ဘယ်အရာတွေကတော့ ရည်ရွယ်ချက် ဆိုတဲ့ အထဲမှာပဲ ရှိသေးတယ် ဆိုတာ ထင်သာ မြင်သာစွာဖြင့် မှတ်တမ်းထဲမှာ ရှိနေမှာပါ။ 

ဒီလိုပဲ ကျွန်တော့်ရဲ့ ဘလော့မှာလည်း “ ၃၂ ကွက်မြောက် မှတ်တမ်း ” အဖြစ်  အားလုံးရဲ့ ကျွန်တော့် “ မွေးနေ့ နှစ်ပတ်လည်နေ့ ” အတွက် ဆုတောင်းပေးတာတွေကို ကျွန်တော် အမှတ်တရ ဘလော့ပေါ်မှာ သိမ်းထားချင်ပါတယ်။ ကျွန်တော့် မွေးနေ့ နှစ်ပတ်လည်နေ့က တနင်္ဂနွေနေ့မှာ ကျရောက်နေတဲ့ အတွက် ကြိုတင်ပြီး မေးလ်နဲ့ ဆုတောင်းပေးသွားသူတွေ ၊ Facebook မှာ ကြိုတင်ပြီး ဆုတောင်းပေးတဲ့ သူတွေ ၊ အချိန်ကျ ဆုတောင်းပေးတဲ့ သူတွေရဲ့ စကားတွေကို ကျွန်တော် အမှတ်တရ အဖြစ် မှတ်တမ်း တင်ထားချင်ပါတယ်။

အောက်ပါ အတိုင်းပေါ့. . . .




Yamone Phoo ကတော့ အထက်က ကဗျာလေးနဲ့ ပုံလေးကို လက်ဆောင် ပို့ပေးပါတယ်။ ဟိုနေ့က တင်ခဲ့တဲ့ သင်္ကြန်ပို့စ်ကို ခံစားရေးထားတာလို့ ဆိုပါတယ်။ 

ဒီမွေးနေ့မှ နောင်ဖြတ်သန်းရမည့်ရက် ၊လ ၊ နှစ်တွေတိုင်းမှာ ကြံစည်ဆောင်ရွက် လုပ်ကိုင်သမျှ အောင်မြင်သော ၊ ကျန်းမာပျော်ရွင်သော ၊ လိုက်ဖက်ညီသော ဘ၀လက်တွဲဖော် နှင့် သာယာသော မိသားစုလေးကို ထူထောင်နိုင်သော ကိုဇော် ဖြစ်ပါစေ လို့ဆုတောင်းပေးပါတယ်ရှင့် . .(ကဲ ဘာလိုသေးလဲ) :)

( ကျေးဇူး. . )



may ကလည်း မြန်မာနိုင်ငံမှ အဆင့်ဆင့် လက်ဆောင် ပို့ပေးလာပါတယ်။
 ကျေးဇူး. . ပါ။



ညီမ ဝါလွင် က ဒီလို ပို့လာတယ်။

အစ်ကိုကြီးး
မွေးနေ့ မှာ စားဖို့   ညီမအရမ်းကြိုက်တဲ့  ခရမ်းရောင် ကိတ်မုန့် ကြီး ပို့ လိုက်တယ်။


      " HAPPY BIRTHDAY(April 10th)  BROTHER"  

   
         မွေးနေ့ ပေါင်းများစွာ တိုင်ကို  ပျော်ရွှင်မှုတွေ ကိုယ်တိုင်ကိုယ်ကျ  ဖန်တီးနိုင်စွမ်း ရှိပါစေ။      

ခင်မင်စွာဖြင့် 
ဝါလွင်။                                       

( ကျေးဇူး. . )



ညီမ နိုးနိုး ကတော့ လက်ဆောင်ကို ကိုယ်တိုင် ကိုယ်ကျ ပေးပို့လာပါတယ်။ လက်ဆောင်နဲ့ အတူ မွေးနေ့ ဆုတောင်းလည်း ပါလာပါတယ်။

 ကျေးဇူး. . ပါပဲ ညီမရေ. . .



ညီမလေး ဒီဒီ ကလည်း မွေးနေ့ လက်ဆောင် ပေးပို့လာပါတယ်။ ပြီးတော့ လိုင်းမကောင်းနေတဲ့ ကြားထဲက မွေးနေ့ ဆုတောင်းပေးချင်လို့ လိုင်းပေါ်မှာ အချိန်ကို စောင့်ကာ ဘယ်နှစ်မိနစ်ပဲ လိုတော့တယ် ဆိုပြီး ဆုတောင်းပေးတဲ့ အတွက်လည်း

ကျေးဇူး. . ညီမလေး . .



မိုးယံ ကလည်း ဒီလို မေးလ်ပို့လာပါတယ်။ 

ယနေ့ ကျရောက်သော မွေးနေ့နှစ်ပတ်လည်မှသည် နောင်နှစ်ပေါင်းများစွာတိုင် ကိုယ်ကျန်းမာ စိတ်ချမ်းသာ ဘ၀မျိုးနဲ့ ဘ၀ကို ငြိမ်းချမ်းစွာ ဖြတ်သန်းနိုင်ပါစေ။

မျှော်မှန်းထားသော အခြေအနေသို့ လျင်မြန်စွာ ဆိုက်ရောက်နိုင်ပါစေဗျာ

မိုးယံ

( ကျေးဇူး. . ) 



အစ်မကြီး မမေမဒီ မှလည်း ဒီလို ဆုတောင်းပေးပါတယ်။

Happy Birthday Day Ko Zaw . . .

( ကျေးဇူး. . )



mt zk က ဒီလို မေးလ်ပို့လာပါတယ်။

10.4.2011 မှာကျရောက်မယ့် မွေးနေ့မှသည် နောင်နှစ်ပေါင်းများစွာ တိုင်အောင် ပျော်ရွှင်စွာဖြင့် အောင်မြင်မှု့ များစွာ ကို ပိုင်ဆိုင်နိုင်ပါစေလို ဆုတောင်းပေးပါတယ်ရှင်......
(10.04.11) ရက်နေ့က ရုံးပိတ်ရက်ဖြစ်နေလို့ ကြိုပြီး  ဆုတောင်းပေးလိုက်ပါတယ်ရှင်.........
 

MTZK

( ကျေးဇူး. . )
 


Thar Wa က ဒီလို ဆိုပါတယ်။

သူလို ကိုယ်လို happy birthday လို့ မပြောချင်ဘူးဗျာ...။ အဲ့ထက် ပို လေးနက်ချင်ပါတယ်။
ဒါနဲ့ ကိုဇော်က မွေးနေ့ပွဲကျင်းပတာ ဝါသနာ ပါရဲ့လား။ ကျနော်ကတော့ဗျာ. . . ကိုယ့်မွေးနေ့ ဆိုတာထက် ကိုယ့်ကို မွေးတဲ့ အမေကို ဂုဏ်ပြုတဲ့နေ့ဆို ပိုကောင်းမလားလို့. . တွေးမိတယ်.... (ဒီမှာ အင်တာနက် သုံးရတာ ဆပ်ပြာတိုက်ရင်း တန်းလန်း ရေပြတ်သလို... လာတဲ့ရေကလည်း ရျူးပေါက်သလောက် ဆိုသလို ဖြစ်နေလို့ မွေးနေ့ မတိုင်ခင် ကြိုတင်လိုက်သဗျာ...)

( ကျေးဇူး. . )



Chantike Indo က ဒီလို ဆိုပါတယ်။

HAPPY BIRTHDAY KO ZAW
အကြိုဆုတောင်းပေးတာလို့ဘဲမှတ်ပေးပါ ၊ မကျွေးရပါဘူး။

( ကျေးဇူး. . )



Khine Lay က ဒီလို ဆိုတယ်။

နာ့အကိုမွေးနေ့တောင်ရောက်တော့မှာကိုး။

( ကျေးဇူး. . )



Thadar Hline က ဒီလို ဆိုတယ်။

Happy Birthday Ko Zaw.....
May all your wishes come true!

( ကျေးဇူး. . )



Amber Innocent က ဒီလို ဆိုတယ်။

☆:♪´¨`★:♪..:*´¨`*:.☆ H@ρPу Bιятн∂αу ☆:*´¨`*:..:*´¨`*:.☆ (Advanced)
(နက်ဖင်ခါ မအားလို့ပါ..းD )

( ကျေးဇူး. . )



၉ နှစ်ကျော် မတွေ့ရတဲ့ သူငယ်ချင်းဂျီး Eibright Phyo ကလည်း ဒီလို ဆိုတယ်။

HAPPY BIRTHDAY TO U....

( ကျေးဇူး. . )



May Su Sandy Lwin က ဒီလို ဆိုတယ်။  

happy birthday ! :)

( ကျေးဇူး. . )



Lunn Lun က . . .ဒီလို ဆိုတယ်။

Happy Birthday ပါ "ကိုဇော်"...

( ကျေးဇူး. . )



Yannaing Lwin က ဒီလို ဆိုတယ်။

တောင်းသောဆုတွေပြည့်ပါစေ....ပျော်ရွှင်ဖွယ်မွေးနေ့လေးဖြစ်ပါစေ.....

( ကျေးဇူး. . )



ညီမ အိန်ဂျယ် ဆပ်ပြာ . . . အဲလေ. . Angel Shaper က ဒီလို ဆိုတယ်။

အဟမ်းးး အဟမ်းးးးး ဟက်ပီးးး မွေးနေ့မှာ.... င့ါအကိုလူပြိုဂျီးးးးး ပျော်ရွှင်စွာ လန်းဖြာနိုင်ပါစေကြောင်းးးး ဆုမွန်ကောင်းတောင်းရင်.... မုန့်ကျွေးမဲ့ အစီအစဉ်... ကာရာအိုကေ ဆိုရမဲ့ အစီအစဉ်ကို စောင့်မျှော်နေပါကြောင်းးးး ဟဲဟဲ
အရေးကြီးတာလေး တောင်းပေးဖို့ မေ့တွားဒယ်...ငါ့အကို.... လူပြိုဂျီးးးး မြန်မြန်ကျွတ်ပါစေ... အဲလေ.. မြန်မြန်စွံပါစေလို့.... ဟဲဟဲ..... ငါ့အကို ပျော်ရွှင်စရာမွေးနေ့မှ ဘဝတစ်လျှောက်လုံး အောင်မြင်ပျော်ရွှင်ပါစေ.. ကျန်းမာလန်းဖြာပါစေ...

( ကျေးဇူး. . )



Kenneth Karl က ဒီလို ဆ်ိုတယ်။  

Happy Birthday bro :)

( ကျေးဇူး. . )



Lin San က ဒီလို ဆိုတယ်။


happy birthday...:)

( ကျေးဇူး. . )



Myo Min Oo က ဒီလို ဆိုတယ်. . :(

Happy Birthday လူပြိုဂျီး :P

( ကျေးဇူး. . )



Khin Myint Oo က ဒီလို ဆိုတယ်။ 

Happy Birthdayyyyy

( ကျေးဇူး. . )



Zin Lay က ဒီလို ဆိုတယ်။ 

Happy Birthday....
May all your dreams come true..!!!

( ကျေးဇူး. . )



Lae Mon Thaw က ဒီလို ဆိုတယ်။  

HAPPY BIRTHDAY KO ZAW!!!!!!!!!!!!!!! MAY YOU BE HAPPY FOREVER!!!!!!!!!!!!

( ကျေးဇူး. . )



Moe Lone Pyae Shan က ဒီလို ဆိုတယ်။

╔♫╗────────╔═╦╗─♫╗╔╗─╔╗─♥──
║╩╠═╦═╦═╦╦╗║╚╠╬╦╣╚╣╚╦╝╠═╦╦╗
║╦║╬║╬║╬║║║║╔║║╔╣╔╣║║╬║╬║║║
╚╩╩╩╣╔╣╔╬╗║♫═╩╩╝╚═╩╩╩═╩╩╬╗║ Ko Zaw

( ကျေးဇူး. . )



Kathy Thi Aung က ဒီလို ဆိုတယ်။ 

Happy Birthday !

( ကျေးဇူး. . )



Khant Ko က ဒီလို ဆိုတယ်။  

Happy Birthday bro :)

( ကျေးဇူး. . ) 


Pum Thawn က ဒီလို ဆိုတယ်။ 

happy birthday ... :)

( ကျေးဇူး. . )



BoBo BZa က ဒီလို ဆိုတယ်။ 

HAPPY BIRTHDAY

( ကျေးဇူး. . )



minnaungyoe က ဒီလို ဆိုတယ်။  

ပျော်ရွှင်သောမွေးနေ့ဖြစ်ပါစေဗျာ။

( ကျေးဇူး. . )



တမ်းတ က ဒီလို ဆိုတယ်။

ကိုဇော် ယနေ့ကျရောက်သောမွေးနေ့မှသည် နောင်နှစ်ပေါင်းများစွာတိုင် ပျော်ရွှင်နိုင်ပါစေခင်ဗျာ..

( ကျေးဇူး. . )
  


အဖြုရောင် နတ်သမီး က ဒီလို ဆိုတယ်။

HAPPY BIRTHDAY...ကိုဇော်

( ကျေးဇူး. . )

မိုးစက်ပွင့် က ဆိုပါတယ်။ 
ကိုဇော်ရဲ့ မွေးနေ့အတွက် စာဖတ်သူတယောက်အနေနဲ့ လေးလေးနက်နက် ဆုတောင်းပါတယ်.." Happy Birthday"...ပါ

( ကျေးဇူး. . )





April က ဆိုပါတယ်။

Happy Birthday ကိုဇော် ကိုဇော့်မွေးနေ့နဲ့ ကျွန်မ မွေးနေ့ နှစ်ရက်ပဲကွာလို့ အမြဲမှတ်မိနေပါတယ်။

( ကျေးဇူး. . )



nn က ဆိုပါတယ်။

Happy Birthday အိမ်ရှင်. . .

( ကျေးဇူး. . )




moe က ဒီလို ဆိုပါတယ်။

ကိုဇော် မွေးနေ့က ဒီနေ့ဆိုတော့ သင်္ကြန်အမှီ ရောက်လာခဲ့တာပေါ့။ happy birthday ko zaw  . . .

( ကျေးဇူး. . ) 




rose က ဒီလိုဆိုတယ်။

ငယ်ငယ်လေးတည်းက ကိုဇော့်မှာ အတွေးအခေါ် ကောင်းလေးတွေ ရှိခဲ့တာပဲနော်။

ရို့စ် ဘလော့ဂ်လေး စဖွင့်ခါစ ဘလော့ဂ် လောကမှာ ဘယ်သူနဲ့မှ သိပ် မသိသေးဘဲ ခင်မင် ဖော်ရွေစွာနဲ့ Blog banner လေး လက်ဆောင်ပေးချင်တယ်လို့ ကိုယ့်ရဲ့ စီနီယာ ဘလော့ဂ်ဂါ တစ်ယောက် ဖြစ်တဲ့ ကိုဇော်က ဆိုလာတော့ အံ့အားသင့်ပြီး ၀မ်းသာခဲ့ရတယ်။ စာတွေ ရေးဖို့လည်း ခွန်အား ဖြစ်စေခဲ့တယ်။ ကျေးဇူးပါ။

သဘောမနော ကောင်းမွန်ပြီး၊ သူတစ်ပါးကို ကူညီတတ်တဲ့ ကိုဇော်၏ ဧပြီလ ၁၀ ရက်နေ့တွင် ကျရောက်သော မွေးနေ့မှသည် နောင်နှစ်ပေါင်း များစွာတိုင် စိတ်ချမ်းသာ၊ ကိုယ်ကျန်းမာစွာဖြင့် မိသားစုနှင့် အတူ ဖြတ်သန်းနိုင်ပါစေ။ ဘ၀ လက်တွဲဖော် အချစ်စစ် အချစ်မှန်ကိုလည်း ရှာတွေ့နိုင်ပါစေ။
╔♫╗────────╔═╦╗─♫╗╔╗─╔╗─♥──
║╩╠═╦═╦═╦╦╗║╚╠╬╦╣╚╣╚╦╝╠═╦╦╗
║╦║╬║╬║╬║║║║╔║║╔╣╔╣║║╬║╬║║║
╚╩╩╩╣╔╣╔╬╗║♫═╩╩╝╚═╩╩╩═╩╩╬╗║
────♫╝╚╝╚═╝─────────────╚═♥
ஜ۩۞۩ஜ Ko Zaw ஜ۩۞۩ஜ

( ကျေးဇူး. . )


ကိုကိုမောင် ( ပန်းရနံ့ ) က ဒီလို ဆိုတယ်။

မွေးနေ့မွေးရက်၊ ကုသိုလ်ဆက်၊ အသက်ရှည်တတ်သည်။
အသက်ရှည်လို၊ မွေးနေ့ကို၊ ကုသိုလ်ပြုရမည်။

ကျနော့်ကဗျာမဟုတ်ပါဘူး။း)))
တရားစာအုပ်ထဲကဖတ်ဖူးတာလေးပါ။

မွေးနေ့ရောက်နေပြီကိုး။ အကွက်ရာကျောက် ကျန်းမာပျော်ရွှင်စွာဖြင့် မြောက်နိုင်ပါစေလို့ ဆုတောင်းပေးလိုက်ပါတယ်။ စားစရာကိုတော့ အဖြူရောင်နတ်သမီးဆီဘဲ သွားစားလိုက်တော့မယ်။း))

ခင်မင်လျက်
ကိုကိုမောင်(ပန်းရနံ့)

( ကျေးဇူး. . )



Yar Zar  က ဒီလို ဆိုတယ်။

ကိုဇော်ရေ မွေးနေ့ကို သူများတွေက ပျော်ပွဲ ရွှင်ပွဲတွေ လုပ်တတ်ကြတယ်...။ အမှန်တော့ မွေးနေ့ဆိုတာ တစ်နှစ်ကြီး သွားခြင်းပဲနော်...။ အဲတော့ မွေးနေ့မှာ ပျော်ရွှင်မှုထက် ကုသိုလ်ကောင်းမှုတွေ ပဲ ပြုလုပ်နိုင်ပါစေ လို့ ကျေးလက်သားလေးက ဆုတောင်းပေးပါတယ်....။ ကိုဇော် မွေးနေ့မှာ ကျန်းမာ ပျော်ရွှင် လိုအင်ဆန္ဒ ပြည့်ဝပါစေဗျာ...။

ကျေးလက်သားလေး

( ကျေးဇူး. . )



တောသားလေး က ဒီလို ဆိုတယ်

ကိုဇော်
ပျော်ရွှင်သော မွေးနေ့မှာပါ ခင်ဗျာ။ မွေးနေ့ နှစ်ပတ်လည်မှသည် နောင်နှစ်ပေါင်းများစွာ မိမိအကျိုး အများအကျိုးအတွက် ဆောင်ရွက်ရင်းဖြင့် စာကောင်းပေမွန် များကိုလည်း ဒီထက်မက ဆက်လက်ရေးသား ဖြန့်ဝေနိုင်ပါစေလို့ မွေးနေ့မှာ ဆုတောင်းပေးခဲ့ပါတယ်ခင်ဗျာ။

ခင်မင်လျှက်
တောသားလေး

( ကျေးဇူး. . )



မြတ်မွန် က ဒီလို ဆိုတယ်။

ဦးဇော်တောင် ၃၂ ရှိပြီကိုး..။
ဟက်ပီးဘက်ဒေးပါ ဦးဇော်ရေ..
ရှေ့ဆက်ပြီး စာပေကောင်းတွေရေးပြီး ဆက်လက်အောင်မြင်ပါစေ...
မတောင်းပဲ လိုအင်ဆန္ဒတွေ ပြည့်ပါစေလို့ ဆုတောင်းပေးပါတယ် ဦးဇော်..။

( ကျေးဇူး. . )



ဆောင်းနှင်းရွက် က ဒီလို ဆိုတယ်။

မွေးနေ့က
သင်္ကြန်ရက်နဲ့ နီးနီးလေးပဲ . ..
ပျော်စရာကြီးပေါ့ ..

မွေးနေ့မှ သည်
စိတ်၏ ချမ်းသာခြင်း ၊
ကိုယ်၏ ကျန်းမာခြင်း များဖြင့်
ပြည့်စုံလို့
စာများ ဒီ့ထက်ပို၍ ရေးနိုင်ပါစေ ...း))

ခင်မင်လျှက်
ဆောင်းနှင်းရွက်

( ကျေးဇူး. . )



Angelhlaing ( May everybody be happy and healthy ! ) က ဒီလို ဆိုတယ်။

Happy Birthday ပါအကိုရေ ပျော်ရွင်ဖွယ် မွေးနေ့မှ နောင်နှစ်ပေါင်းများ စွာတိုင်အောင် အောင်မြင်မှုတွေ နဲ့လျှောက်လှမ်း နိုင်ပါစေ အကို...။
ပျော်ရွင် ဖွယ် မွေးနေ့ မင်္ဂလာရက် မြတ်လေး ပါအကို။

( ကျေးဇူး. . )



မောင်မျိုး က ဒီလို ဆိုတယ်။

ပျော်ရွှင်ဖွယ် မွေးနေ့လေးဖြစ်ပါစေ ကိုဇော်.... ကျန်းမာရွှင်လန်း အမြဲလန်းဆန်းပါစေ ။ ၃၂ တဲ့ မထင်ရဘူး သိပ်နူတာပဲ ဘာဆေးတွေစားတုန်းး))

*** လူဇိုးနော်. . . နငယ်ကို နှစ်ချောင်းငင်ထားတယ် ဟွင့် . . .*** 
( ကျေးဇူး. . )



sosegado က ဒီလို ဆိုတယ်။

အသက်ရာကျော်ကို ကျန်းမာပျော်ရွှင်စွာဖြင့် ဖြတ်ကျော်နိုင်ပါစေ၊
မနက်ဖြန်ဆို ၃၃ နော် အကွက်ရွေ့သွားတယ်
မွေးနေ့ရှင် ကျန်းမာပျော်ရွှင်ပါစေ

( ကျေးဇူး. . )



သဉ်ဇာ - Thinzar က ဒီလို ဆိုတယ်။

ပျော်ရွှင်သော မွေးနေ့ ဖြစ်ပါစေ!!! စိုင်းစိုင်းခမ်းလှိုင်နဲ့ Roberto Carlos အပြင် စာရေးအရမ်းကောင်းတဲ့ ဘလော့ဂ်ဂါကြီးပါ ဧပြီ ၁၀ရက်မှာ မွေးသကိုး။ :-) (ဘာရယ်မဟုတ် ကိုယ်နဲ့ မွေးနေ့တူတဲ့သူတွေ့ရင် ဝမ်းသာမိတာဘဲ။)

မြန်မာနိုင်ငံမှာ ဆိုရင်တော့ ကျနော် သိသလောက်  “ ဆရာ စံဇာဏီဘို ” ရောပဲ ၁၀ ရက်နေ့ မွေးတာ။
( ကျေးဇူး. . )



ငွေလမင်း က ဒီလို ဆိုတယ်။

ကိုဇော်..မွေးနေ့မှာ ပျော်ရွှင်ပါစေ
နှစ်ပေါင်းများစွာ စာကောင်းပေကောင်းများများရေးနိုင်ပါစေ...
ဒီနေ့ လျှောက်လည်နေလို့ ဆုတောင်းတာ နောက်ကျသွားပါတယ်

( ကျေးဇူး. . )



နေဇော်လင်း က ဒီလို ဆိုတယ်။

Happy Brithday
10.4.2011 ဒီနေ့လေးတွင် ကျရောက်သော ကိုဇော်၏ အသက် ( 32 ) နှစ် မွေးနေ့လေး မှ သည် အောင်မြင် ပျော် ရွှင် သာယာ ချမ်းမြေ့သော မွေး နေ့ လေး ဖြစ် ပါ စေ။

ကိုဇော် မွေးနေ့လေး မှ စပြီး နောင်နှစ်တွေများစွာ တိုင်အောင် မိသားစု ညီအစ်ကို မောင်နှမများနှင့် အတူတကွ ပျော်ရွှင်နိုင်ပါစေ။ နေထိုင်နိုင်ပါစေ။

ကိုဇော် ရည်ရွှယ်သော ရည်မှန်းသော အရာများ အောင်မြင်မှု ရပြီး လူအများအတွက် ရှေ့ဆောင် လမ်းပြပေးနိုင်သော စာရေးဆရာ blogger တစ်ယောက် ဖြစ်ပါစေ။

နောက်တစ်ခုကျန်သေးတယ်ဗျာ။ အခုအချိန်အထိ ပြုစုမည့်သူ မရှိသေးပါဘူး။ ကောင်မလေး ချောချောလေး အမြန် ရပါစေဗျာ။

ခင်မင်ရသော ဘာလော့ကာ ညီအစ်မောင်နှများ ရဲ့ ကိုယ်စား

ညီငယ်
ေ နေ ဇာ် လ င်း

( ကျေးဇူး. . )



နောင်အင်းလေး က ဒီလို ဆိုတယ်။

ပျော်ရွှင်သော မွေးနေ့ပါ ကိုဇော် ။ ရွှင်လန်းချမ်းမြေ့ခြင်းတွေနှင့် ပြီးပြည့်စုံပါစေ ကိုဇော် ... ကျန်းမာချမ်းသာပါစေ ။
..
(အယ်ကို)

( ကျေးဇူး. . )



ဝက်ဝံလေး က ဒီလို ဆိုတယ်။

ကိုဇော်ရေ..
မွေးနေ့မှာ ပျော်ရွှင်ပါစေနော် အန်တီ့အိမ်ရောက်နေလို့ပါ ကြိုပြီးတော့ Wish မလုပ်ဖြစ်ဘူးနော် ခုတော့ မှီသေးတယ်ထင်ပါ့

တာ့တာ နော် ပျော်ရွှင်ပါစေ
ဘိုင် ..

( ကျေးဇူး. . )



အလွမ်းမြို့လေး က ဒီလို ဆိုတယ်။

အစ်ကိုရေ။။

ဒီနေ့မှ အိမ်ပြန်ရောက်လို့ နှုတ်ဆက်လိုက်တယ်။
ပျော်ရွှင်သော မွေးနေ့လေးဖြစ်ပါစေ။
ဒီ လူပျိုကြီး ဘဝမွေးနေ့မှစ နောင်နှစ်ပေါင်းများစွာ
ပျော်ရွှင်ခြင်း . ဝမ်းမြောက်ခြင်း တွေနဲ့ကင်းဝေးပြီး
အေးမြသော နွယ် များရစ်တွယ် အမြစ်တွယ် နိုင်ပါ
စေ။

( ကျေးဇူး. . )



Chaw Su Su Wai က ဒီလို ပြောတယ်။

Wow u have so many bd wishes.. I only received 3 for my birthday lol ... Happy Birthday Ko Zaw. Enjoy my cake! Sorry for my late Birthday wish and cake :-). I didnt know today is your birthday. I hope that your birthday is as wonderful as you are.

Sister xxx

( ကျေးဇူး. . )



Julia Saw က ဒီလို ပြောတယ်။

Happy Birthday , ကိုဇော်.. မွေးနေ့သာမက တစ်ဘ၀လုံး ပျော်ရွှင်ချမ်းမြေ့ပါစေ..

( ကျေးဇူး. . )



Moe Zaw Aung က ဒီလို ဆိုတယ်။

ပျော်ရွှင်စရာမွေးနေ့ဖြစ်ပါစေ, Ko Zaw!

( ကျေးဇူး . . )



သုခုမ လေဒီ က ဒီလို ပြောတယ်။

ဟက်ပီဘတ်ဒေးပါ..မောင်ဇော်ရေ... လိုင်းတက်လို့မရလို့ ..နောက်မကျသေးပါဘူးနော်း)))

( ကျေးဇူး . . )



Suci Fitriani က ဆိုတယ်။

Happy Birthday

( ကျေးဇူး . . )



Pandora Pandori က ပြောတယ်။

ပျော်ရွှင်စရာမွေးနေ့ဖြစ်ပါစေ ကိုဇော်ရေ

( ကျေးဇူး . . )



Ninenine Sanay က ဆိုတယ်။

Happy Birthday ပါ "ကိုဇော်"...

( ကျေးဇူး . . )



Candle Ag က ဆိုတယ်။

happy BD bro ... i will nv forget ur BD b'coz same with Sai Sai Kham Leng ... :DDD ... have a good one!

( ကျေးဇူး . . )



Shwe Gon Dine က ပြောတယ်။

Happy Birthday!!!

( ကျေးဇူး . . )



ဆူး ခရစ္စ် က ဆိုတယ်။

happy birthday bro

( ကျေးဇူး . . )



Yin Win Sint က ဆိုတယ်။

HappY BirthdaY !!!!!!!!!!!!!!!!!!!

( ကျေးဇူး . . )



Koo Mg က ဆိုတယ်။

happy birthday....

( ကျေးဇူး . . )




Nge Naing က ပြောတယ်။

Happy Birthday!!! မွေးနေ့ အနှစ်တရာ တိုင်အောင်ကျန်းမာပျော်ရွှင်စွာ ဖြတ်သန်းရပါစေ။

( ကျေးဇူး . . )



Mhtethtet Htet က ဆိုတယ်။

Happy Birthday!!!.

( ကျေးဇူး . . )



Snow Phyu Lay က ဆိုတယ်။

happy birthday bro!

( ကျေးဇူး . . )



Zar Chyi က ဆိုတယ်။

HAPPY BIRTHDAY TO YOU!

( ကျေးဇူး . . )



Khin Thandarwin က ဆိုတယ်။

happy birthday fr

( ကျေးဇူး . . )



Psychi Befoul ကတော့ ဒီလို ပြောတယ်။

Your best years are still ahead of you.
You're not getting older, you're getting better.
You'll always be forever young.
Count your life by smiles, not tears. Count your age by friends, not years.
Wishing you all the great things in life, hope this day will bring you an extra share of all that makes you happiest.
May each and every passing year bring you wisdom, peace and cheer.
Hoping that your day will be as special as you are.
May this day bring to you all things that make you smile. Happy Birthday!
May the years continue to be good to you. Happy Birthday!
Happy Birthday, and may all the wishes and dreams you dream today turn to reality.
May this year bring with it all the success and fulfillment your heart desires.
I'm so glad you were born, because you brighten my life and fill it with joy.
Happy Birthday .,.,

sis

( ကျေးဇူး . . )



Psychi Befoul က ဆိုတယ်။

happy birthday ko zaw
╔♫╗────────╔═╦╗─♫╗╔╗─╔╗─♥──
║╩╠═╦═╦═╦╦╗║╚╠╬╦╣╚╣╚╦╝╠═╦╦╗
║╦║╬║╬║╬║║║║╔║║╔╣╔╣║║╬║╬║║║
╚╩╩╩╣╔╣╔╬╗║♫═╩╩╝╚═╩╩╩═╩╩╬╗║

( ကျေးဇူး . . )



Maung Myo က ဂလို ပြောတယ်။

ဟက်ပီးဘဒ်ဒေး မမဇော်း)

( ကျေးဇူး . . )



Zwepai Mhu က ဆိုတယ်။

happy birthday

( ကျေးဇူး . . )



Thet Khaing က ဆိုတယ်။

HAPPY BIRTHDAY

( ကျေးဇူး . . )



Cchhooccoo Llaattee က ဆိုတယ်။

happy birthday :)

( ကျေးဇူး . . )



တစ်ကိုယ်တော် မင်းသမီး က ပြောတယ်။

Happy Birthday To U. :D

( ကျေးဇူး . . )



May Moe Ma Ka က ဆိုတယ်။

happy birthday bro

( ကျေးဇူး . . )



Saung Hnin Hnin San က ဆိုတယ်။

Happy birthday ko zaw:-)

( ကျေးဇူး . . )



Moe Thandar Tun က ပြောတယ်။
မွေးနေ့မှာ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ပြည့်စုံပြီး ရည်မှန်ချက်ပန်းတိုင်ကိုရောက်ဖို့ ဘယ်လိုအခက်ခဲဘဲကြုံကြုံ ကျော်ဖြတ်နိုင်တဲ့ စိတ်ဓါတ်ခွန်အားများရရှိနိုင်ပါစေ...

( ကျေးဇူး . . )



Si Thu က ပြောတယ်။

happy birthday ko Zaw

( ကျေးဇူး . . )



ခနွဲ- ခနွဲ က ဒီလို ပြောတယ်။

ကိုဇော် မွေးနေ့မှာ ပျော်ရွှင်ပြီး ဘ၀ သက်တမ်းတစ်လျှောက် အလိုဆန္ဒတွေ ပြည့်ဝပါစေလို့ ဆုတောင်းပေးလိုက်ပါတယ်ခင်ဗျ။

( ကျေးဇူး . . )



Zin Mar က ဆိုတယ်။

Happy birthday ko zaw.

( ကျေးဇူး . . )



Kha Kha K က ဆိုတယ်။

ပာက်ပီးဘက်ဒေး ကိုဇော်..

မွေးနေ့ မှာ ပျော်ရွှင်ပါစေ နောင် လာမယ့် မွေးနေ့ တွေမှာလည်း ထပ်တူပျော်ရွှင်ပါစေ ..း)

( ကျေးဇူး . . )



Yetun Zaw က ဆိုတယ်။

ဟက်ပီးဘက်ဒေးပါ...ကိုဇော်

( ကျေးဇူး . . )



Ziosol Opmit က ဆိုတယ်။

Hv a great day!

( ကျေးဇူး . . )



Thaw Zin Soe က ဆိုတယ်။

ပျော်ရွှင်စရာ အကောင်းဆုံးမွေးနေ့ဖြစ်ပါစေ.. စာတွေ ဆထက်တစ်ပိုးရေးနိုင်ပါစေ.. :)

( ကျေးဇူး . . )



Naing Sit Thway က ဆိုတယ်။

ပျော်ရွှင်စရာမွေးနေ့လေး ဖြစ်ပါစေ ဖဖကြီးရေ .. အောင်မြင်မှုတွေ ပျော်ရွင်မှုတွေ ပိုင်ဆိုင်နိုင်ပါစေ လို့ ဆုတောင်းပေးပါတယ်ဗျာ

( ကျေးဇူး . . )



Eingyin Khaine က ဆိုတယ်။
Happy Birthday!

( ကျေးဇူး . . )



Nyeint Nyeint Kalayar က ဆိုတယ်။

မွေးနေ့မှစ၍ နှစ်ပေါင်းများစွာ မိဘကို လုပ်ကျွေးပြုစုနိုင်သော သားကောင်းရတနာလေးဖြစ်ပါစေ...

( ကျေးဇူး . . )



Snow Lay က ဆိုတယ်။

မင်္ဂလာရှိသော မွေးနေ့လေးဖြစ်ပါစေ....

( ကျေးဇူး . . )



Aggrisive Lay က ပြောတယ်။

ယနေ့မှစ နောင်နှစ်ပေါင်းများစွာ....
အောင်မြင်မှုများနှင့်တကွ...
သာယာပျော်ရွှင်စွာ... ဘ၀ကို....
အဖော်ပေါင်းများစွာဖြင့်....လျှောက်လမ်းနိုင်ပါစေအကို.....

( ကျေးဇူး . . )



Moe Thitsar က ecard လေးပို့လာပါတယ်။

See the Birthday Card I made for you earlier
I Created a Special Birthday Card for You!

( ကျေးဇူး . . )



အစ်မ crystal က ecard လေး ပို့လာပါတယ်။
ကျေးဇူးပါ အစ်မ။

( ကျေးဇူး . . )



Han Min Htut က ဆိုတယ်။

Ko Zaw ... Happy Birthday !!!

( ကျေးဇူး . . )



Tin Aye Hlaing က ဆိုတယ်။

Happy Birthday ပါ အကိုရေ..ပျော်ရွင်ဖွယ်မွေးနေ့ မင်္ဂလာရက်မြတ်လေးဖြစ်ပါစေ။

( ကျေးဇူး . . )



Myitzu Mya က ဆိုတယ်။

Wishing you success and happiness today & always!!!!!!!!!!!!!
Happy Birthday Brother!

( ကျေးဇူး . . )



December Bee ကလည်း စတော်ဘယ်ရီ ကိတ်မုန့်ကြီး တစ်လုံး ( အဟဲ ဖဘမှာ ) လာပေးသွားပါတယ်။
ကျေးဇူးပါဗျာ. . ။



Kyaw Gyi က ဆိုတယ်။

Happy Birthday Brother!!!!

( ကျေးဇူး . . )



Sweswe Lwin က ဆိုတယ်။

Happy Happy BirTHday U Zaw........!!!!!!!! All THE best WITH u.. :D :D :D

( ကျေးဇူး . . )



Lady Snow က ဆိုတယ်။

Happy Birthday

( ကျေးဇူး . . )



Cherry Aung က ဆိုတယ်။

Happy Birthdat Ko Zaw! ;)

( ကျေးဇူး . . )



Mie Micky  က ဆိုတယ်။

HAPPY BIRTHDAY ပါကိုဇော် မွေးနေ့မှာအရင်ကထက်အဆပေါင်းများစွာပျော်ရွှင်နိုင်ပါစေ။ မိဘကိုစောင့်ရှောက်ရင်း ဇနီးကြင်ယာသားသမီးရတနာများစွာနဲ့ ပြီးပြည့်စုံတဲ့ဘ၀လေးကိုပိုင်ဆိုင်နိုင်ပါစေ။။
Htet Arca က ဆိုတယ်။

မွေးနေ့မှတိုင်နောင်နှစ်ပေါင်းများစွာထိပျော်ရွှင်နိုင်ပါစေ ....

( ကျေးဇူး . . )



Ei Hnin Zaw က ဆိုတယ်။

Happy Birthday ... :)

( ကျေးဇူး . . )



Hana San က ဆိုတယ်။

Happy Birthday ! May all your dreams come true !

( ကျေးဇူး . . )



Myat San Moe က ဆိုတယ်။

ပျော်ရွှင်သော မင်္ဂလာရှိသောမွေးနေ့ဖြစ်ပါစေရှင်...

( ကျေးဇူး . . )



Yeemon Thet က ဆိုတယ်။

Happy Birthday Brother .....=)

( ကျေးဇူး . . )



Hmwe Hmwe Lay က ဆိုတယ်။

Happy Birthday..................

( ကျေးဇူး . . )



Banyar Shein က ဆိုတယ်။

ကဇော် ကဇော် ကဇော် ဘက်ပီးဟက်ဒေး . ဘယ်မလဲမြန်မြန်ပြောနော် ဘယ်မလဲ မိန်းမရနေပြီးဆို ဌဲဌဲ

( ကျေးဇူး . . )



Saung Rose က ဆိုတယ်။

ပျော်ရွှင်သော မွေးနေ့ ဖြစ်ပါစေ... ချစ်တဲ့သူနဲ့ အမြန်ဆုံး ပေါင်းရပါစေ... :D

( ကျေးဇူး . . )



အိမ်မြတ်နိုး ထွန်း က ဆိုတယ်။

ကိုဇော် မွေးနေ့မှာ ပျော်ရွင်ပါစေခင်ဗျာ။

( ကျေးဇူး . . )


Amin Myat က ဆိုတယ်။

HAPPY BIRTHDAY................

( ကျေးဇူး . . )



Thida သီတာ က ဆိုတယ်။

Happy Birthday ပါ...

( ကျေးဇူး . . )



ခိုင်နု ငယ် က ဆိုတယ်။

ဟက်ပီးဘက်ဒေးပါ။ ကိုဇော်ရေ...မွေးနေ့ကို နောက်ကျမှ သိရတယ်။ (ဆောရီးဗျာ) ....၃၂ နှစ်မြောက်မွေးနေ့မှသည် နောင်နှစ်ပေါင်းများစွာတိုင် ကိုယ်၊ စိတ်နှစ်ပါး ကျန်းမာ ချမ်းသာစွာဖြင့်.......... ဘ၀နဲ့ဆန္ဒ တစ်ထပ်တည်း ကျစွာ သာယာဖြောင့်ဖြူးစွာ လျှောက်လှမ်းနိုင်ပါစေ။ Happy New Year ......."

( ကျေးဇူး . . )



Hnin Snow က ဆိုတယ်။

Happy Birthday :)

( ကျေးဇူး . . )



Aing Daing က ဆိုတယ်။

Happy Birthday Ko Gyi Zaw .

( ကျေးဇူး . . )



sky Blue က ဒီလို ပြောတယ်။

ကိုဇော်ရေ..
မွေးနေ့မှာ ပျော်ရွှင်ပါစေနော် အန်တီ့အိမ်ရောက်နေလို့ပါ ကြိုပြီးတော့ Wish မလုပ်ဖြစ်ဘူးနော် ခုတော့ မှီသေးတယ်ထင်ပါ့

တာ့တာ နော် ပျော်ရွှင်ပါစေ
ဘိုင် ..

( ကျေးဇူး . . )



Mie Micky က ဆိုတယ်။

HAPPY BIRTHDAY ပါကိုဇော် မွေးနေ့မှာအရင်ကထက်အဆပေါင်းများစွာပျော်ရွှင်နိုင်ပါစေ။ မိဘကိုစောင့်ရှောက်ရင်း ဇနီးကြင်ယာသားသမီးရတနာများစွာနဲ့ ပြီးပြည့်စုံတဲ့ဘ၀လေးကိုပိုင်ဆိုင်နိုင်ပါစေ။။

( ကျေးဇူး . . )
 


Alwan Lay က ဒီလို ပြောတယ်။

ခုမှအိမ်ပြန်ရောက်လာလို့ မွေးနေ့အတွက်ဆုတောင်း ပေးလိုက်ပါတယ်။ ပျော်ရွှင် အောင်မြင်သော နေ့လေး ဖြစ်ပါစေလို့. . .

( ကျေးဇူး . . )



ဖြိုးမောင်မောင် က ဒီလို ပြောတယ်။ ( ကျေးဇူး . . )

မွေးနေ့ ကိုရောက်လာခဲ့ ပါတယ်။ ကိုဇော်ယခုမွေးနေ့ ရက်မှ နောင်နှစ်ပေါင်း များစွာတိုင်  ကျမ်းမာပျော်ရွင်ပြီးမိဘကျေးဇူးဆပ်နိုင်တဲ့ သူတစ်ယောက် ဖြစ်နိုင်ပါစေလို့ ဆုမွန်ကောင်း တောင်ပေးပါတယ်။
ခင်မင်စွာဖြင့်
ညီ....ဖြိုးမောင်မောင်(ctm)

( ကျေးဇူး . . )



IDIOT-Ki က ဒီလို ဆိုတယ်။

မနေ့ က လိုင်းထဲ မရောက်ဖြစ်တာနဲ့.
နောက်ကျ သွားတဲ့ ဆုတောင်း အတွက်....စိတ် ထဲ ဘလိုမှ မနေပါနဲ့နော် ..( မျက်နှာချိုသွေးပြီး ပြောလိုက်သည်...)

ဟက်ပီးဘွတ်ဒေး..ကဇော် ရေ .. သင်္ကြန်မင်းသားကြီးကို သင်္ကြန်ရေ ကြို လောင်းပေးလိုက် တယ်.. ဗွမ်းး ဗွမ်းး..

ဆေးရောင်ကွက်တွေ ဒီလောက်ပဲ ရှိသေးတာလား.. ၄၀ မှ ဘဝ စတယ် လေ.. ဒီတော့ ကဇော် ဘဝ တောင် မစရသေးဘူး..စလုံးရေစဖို့  .. ကြိုးစား ထားးးးး

သက်တော် တဝက်ကျော်သွားပြီဖြစ်တဲ့..
ဖွားကိ၊ 

( ကျေးဇူး . . ) 



ရဲထွန်းဇော် က ဒီလို ဆိုတယ်။

ဒီဘက်ကမွေးနေ့ပွဲကိုလာတာနောက်ကျသွားတယ်....
သစ်ပင်တွေကရှားပါးကုန်တော့ လမ်းလျှောက်လာရတယ်ဗျာ...

( ကျေးဇူး . . )



Nge Naing က ဆိုတယ်။

Happy Birthday ပါကိုဇော်ရေ.
Face book မှာတော့ ဆုတောင်းခဲ့ပါတယ်။ ဘလော့ဂ်မှာတင်တာ အခုမှတွေ့လို့ အခုမှ လာဆုတောင်းပါတယ်။ Malware တွေ ဖြစ်ပြီး နောက်ပိုင်း Link တွေ ခဏဖြုတ်ထးရာကနေ မအားလို့ အခုထိ ပြန်မချိန်ဖြစ်တာနဲ့ ဘယ်သူအသစ်တင်တယ်ဆိုတာ မသိလိုက်ဘူး။ ဒါကြောင့်မို့ ဘလော့၈်မှာ လာဆုတောင်းတာ နောက်ကျသွားတာ ဆောရီးနော့်။ ၃၀ ကျော်အသက်အရွယ်ဆိုတော့ မိသားစု ဘ၀လေးတခုကို ထူထောင်သင့်တဲ့ အသက်အရွယ်ဖြစ်နေပြီ၊ မိဘနဲ့ သားသမီး အသက်သိပ်ကွာလွန်းရင်လည်း အတွေးအခေါ် ကွာဟမှုတွေ ပိုများပြီး သိပ်မကောင်းတဲ့အတွက် နှစ်ကိုယ်တူ ချစ်ကြည်ဖြူတဲ့ ဘ၀ကြင်ဖက်တဦးနဲ့ အမြန်ဆုံး ဆုံစည်းပြီး ငြိမ်းချမ်း သာယာတဲ့ မိသာစု ဘ၀လေးတခုကို အမြန်ဆုံး ထူထောင်နိုင်ပါစေလို့ ဆုတောင်းလိုက်ပါတယ်။

( ကျေးဇူး . . )



dj fighter က ဆိုတယ်။

သို့

ကိုဇော်။ ကိုဇော်မွေးနေ့ပြီးမှပဲ 10.4.2011 ကကိုဇော်မွေးနေ့မှန်းသိလိုက်ရလို့ အခုမှဆုတောင်းပေးလိုက်ပါတယ်။ ကိုဇော်ရဲ့32နှစ်ပြည့်မွေးနေ့မှစပြီး နောက်နှစ်ပေါင်းများစွာမှာ ကိုဇော်စိတ်ကူးတိုင်းကို အကောင်အထည်ဖေါ်နိုင်ပါစေ။ နောက်နှစ်မွေးနေ့ရောက်ရင် ကျွန်တော်အရင်ဆုံးဆုတောင်းပေးပါ့မယ်။ အစဉ်လေးစားစွာဖြင့်။

ဖြိုးကြီး

( ကျေးဇူး . . )




T T Sweet က ပြောပါတယ်။

<(: H A P P Y B I R T H D A Y K O Z A W :)

၃၂ ကျော်တော့မှာ ဆိုတော့ လူပြိုကြီးဖြစ်ပြီ ......း) ဘယ်တော့ စားရမှာတုံး?

( ကျေးဇူး . . )



Linn Htet Aung က ဆိုတယ်။

ကိုဇော်ရေ ဆောရီးဗျာ မနေ့တုန်းက မတွေ့လိုက်လို့ birthday wish မလုပ်လိုက်မိဘူး
Happy Birthday ပါခင်ဗျာ စာတွေလည်းဆက်လက်ရေးသားနိုင်ပါစေလို့ ဆုတောင်းပေးပါတယ်ဗျာ :) (စာများများရေးစေချင်တာ ကျွန်တော်ဖတ်ချင်လို့) :D

( ကျေးဇူး . . )



Rupa  Aung က ဆိုတယ်။

"Happy Birthday Brother"

( ကျေးဇူး . . )



SHWE ZIN U က ဒီလိုဆိုတယ်။

မွေးနေ့ တရာတိုင်ပါစေဗျာ လူပျိုကြီး ဘ၀က မြန်မြန်လွတ်ပါစေ

ခင်မင်စွာဖြင့်
ရွှေစင်ဦး

( ကျေးဇူး . . )



မောင်မောင်တင် က ဆိုတယ်။

Happy birthday Ko Zaw ကိုဇော် ရဲ့ ဘလော့ ကို လင့် ချိတ်ထားတဲ့ ကိုပါလ ဆိုဒ် ကနေ အမြဲတမ်း ၀င်ဖတ်ဖြစ်ပါတယ်...ကိုဇော် ရဲ့ မွေးနေ့မှာ မှ သူ့ ဒိုမိန်း ကုန်နေလို့ ကိုဇော်မွေးနေ့ကိုမသိလိုက်ဘူး..ဒီနေ့မှသိရတာ..၃၃ ကွက်မြောက်မှာ လည်း ရသစုံစလေးတွေရေးပြီး အရောင်လှလှ လေးခြယ်နိုင်ပါစေ ကိုဇော်....

( ကျေးဇူး . . )



*** အခု တလော တော်တော်ကို မအားတဲ့ အတွက် စိတ်ကူးပဲ ရှိပြီး စာတောင်မှ သိပ်မရေးနိုင်ခဲ့ပါ။ ဒီအချိန်ကာလမှာတောင်မှ အမြဲတမ်း ဝင်ရောက် စာဖတ်သူ အားလုံးကိုလည်း ကျေးဇူး အထူးတင်ပါတယ် လို့ ဆိုပါရစေ။

ကျန်ခဲ့သူများလည်း ရှိနေနိုင်ပါသေးတယ်။ ဒီပို့စ်မှာပဲ Comment အဖြစ် ဖြစ် ၊ Facebook မှာပဲ ဖြစ်ဖြစ် ၊ မေးလ်ပို့လာသူတွေပဲ ဖြစ်ဖြစ် ၊ စီဘောက်မှာ ဆုတောင်း သွားသူတွေကိုပဲဖြစ်ဖြစ် ကျွန်တော် ဒီနေရာလေးမှာ အားလုံးကို “ ၃၂ ကွက်မြောက် မှတ်တမ်း ” အဖြစ် ဒီနေရာလေးမှာ စုစည်းထားပြီး မှတ်တမ်း လုပ်ထားပါ့မယ်။ အားလုံးလည်း ပျော်ရွှင်ကြပါစေဗျာ။ ***


ခင်မင်လေးစားစွာဖြင့်
ကိုဇော်
10.4.2011

Share/Bookmark