မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


11 March 2010

5 အနားသား တူး ( Another Two )







တစ်ခါတစ်လေ ကျတော့ တချို့အရာတွေက ကိုယ့်နားနဲ့ ဆတ်ဆတ် ကြားလိုက် ရတာတောင်မှ အမှန်လို့ ယူဆလို့ မရဘူး။ တကယ်ကို ဒီလို ကြားလိုက်ပါတယ် ဆိုတာတောင်မှ မှားချင်လည်း မှားနေနိုင်တယ်။

ဘာလို့လည်း ဆိုတော့ အဖြစ်အပျက်လေး တစ်ခုက ဒီလို ပြောတယ်။


တစ်ခါက . . .

မြန်မာနိုင်ငံကို လာလည်တဲ့ နိုင်ငံခြားသား တစ်ယောက်က သူ့ရဲ့ လမ်းပြ အဖော်နဲ့ ရွှေတိဂုံဘုရားကို သွားလေ့လာပြီး အရှေ့ဘက်မုခ် ကနေ ဆင်းလာခဲ့တယ်။ ပြီးတော့ နောက်တစ်နေရာကို စိတ်ကူးပေါက်တဲ့ အတိုင်း လမ်းလျှောက်ပြီး သွားနေတုန်း တစ်နေရာ အရောက်မှာ ဒီနိုင်ငံခြားသားရဲ့ နှာခေါင်းထဲကို အမွှေးနံ့တစ်ခု ဝင်လာတယ်။

သူ ဘေးပတ်လည်ကို ကြည့်လိုက်တော့ ခပ်လှမ်းလှမ်းမှာ တဲလေးထိုးပြီး မုန့်ရောင်းနေတဲ့ အဒေါ်ကြီး တစ်ယောက်ကို တွေ့လိုက်တယ်။ အခု သူ့နှာခေါင်းထဲကို ရောက်နေတဲ့ အမွှေးနံ့တွေကလည်း ဒီမုန့်ဆိုင်လေးက ထွက်လာတာ။ ဒီတော့ သူရဲ့ အဖော်ကို မေးလိုက်တယ်။

“ ဒါ ဘာလို့ ခေါ်လဲ။ ”

သူ့ရဲ့ လမ်းပြ အဖော်က အဒေါ်ကြီး ရောင်းနေတဲ့ မုန့်ကို ကြည့်ပြီး . . .

“ ဒါ မြန်မာ့ အစားအစာ တစ်ခုပါ။ ဘိန်းမုန့်လို့ ခေါ်ပါတယ်။ ”

“ အရမ်းမွှေးတယ်။ ငါ စားလို့ ရမလား။ ”

“ ရတာပေါ့။ မင်း ကြိုက်တယ် ဆိုရင် စားပေါ့။ ”

ဒါနဲ့ နိုင်ငံခြားသား လည်း ဘိန်းမုန့်ရောင်းနေတဲ့ အဒေါ်ကြီး ဆီကို သွားပြီး သူပြောတတ်သလို ဘိန်းမုန့်ကို မှာစားတယ်။ သူက မြန်မာလို ဘာမှ မှ မပြောတတ်တော့. . လက်ညှိုးလေး တစ်ချောင်းထောင်ပြီး . . .

“ One pc. ”

လို့ပဲ ပြောတယ်။ အဒေါ်ကြီးကလည်း နိုင်ငံခြားသား ဘာပြောတယ် ဆိုတာ မသိပေမဲ့ လက်လေး တစ်ချောင်းထောင်ပြီး သူ့မုန့်ကို ကြည့်ပြီး ပြောနေတာ ဆိုတော့ သူကလည်း ငါ့မုန့် တစ်ခုလို့ ပြောတာနဲ့ ထင်တယ် ဆိုပြီး မုန့်တစ်ခုကို အိတ်လေးနဲ့ ထုပ်ပေးလိုက်တယ်။

လက်ထဲရောက်လာတဲ့ ဘိန်းမုန့်ကို နိုင်ငံခြားသားက တစ်ကိုက်စားလိုက်ပြီး သူ့ဖာသာ အရသာ ခံနေတယ်။ ပြီးတော့ သူ့ရဲ့ လမ်းပြ အဖော်ကို . . .

“ ဒီမုန့်က ငါတို့ ကိတ်မုန့်လိုပါပဲလား။ ”

“ ဟုတ်ပါတယ်။ ဒါက ကိတ်မုန့်လိုပါပဲ။ မြန်မာအခေါ် ဘိန်းမုန့်လို့ ခေါ်ပေမဲ့ မြန်မာကိတ်မုန့် ဆိုပါတော့။ ”

ဘိန်းမုန့်ကို တစ်ကိုက်ပြီး တစ်ကိုက်စားနေရင်း နိုင်ငံခြားကြီးက အရမ်းကို သဘောကျနေတယ်။ နောက်တော့ သူ့လက်ထဲက ဘိန်းမုန့်ကုန်သွားတော့ သူက အဒေါ်ကြီးဘက်ကို မျက်နှာ မူလိုက်ပြီး ပြောလိုက်တယ်။

“ အနားသား တူး ( Another Two ) ၊ ”

သူ ဆိုလိုချင်တာက “ နောက်ထပ် နှစ်ခု ပေးပါ။ ” ပေါ့။ ဒီတော့ အဒေါ်ကြီးကလည်း သူရဲ့ ဘိန်းမုန့်ခွက်လေးထဲကို မုန့်ရည်တွေကို လောင်းထည့်လိုက်ပြီး အပေါ်က မီးသွေးအုပ်လေးကို အုပ်လိုက်တယ်။

အဒေါ်ကြီး လုပ်နေတာကို နိုင်ငံခြားသား နဲ့ လမ်းပြ အဖော်ကလည်း စောင့်ကြည့်နေတယ်။ ခဏနေတော့ အဒေါ်ကြီးက ပြီးလည်း ပြီးရော ခုနကလိုပဲ အိတ်ထုတ်ပေးလိုက်တယ်။ ဒါကို သူ့လက်ထဲ ရောက်လာတဲ့ ဘိန်းမုန့်ကို နိုင်ငံခြားသားက အိတ်ထဲက ထုတ်ပြီး တစ်ကိုက် ကိုက်လိုက်တယ် ဆိုရင်ပဲ . . .

“ ထွီးးးးးးးးး ”

သူ ချက်ချင်း ပါးစပ်ထဲက ဘိန်းမုန့်ကို ထွေးထုတ်လိုက်တယ်။ ဒီတော့ လမ်းပြ အဖော်လုပ်သူက . .

“ ဘာဖြစ်လို့လဲ။ ”

ဒီတော့ ပါးစပ်ကို ပွစိပွစိ လုပ်နေတဲ့ နိုင်ငံခြားသားက . .

“ ပထမ တစ်ခုလောက် မကောင်းဘူး။ ဒါက အရမ်းခါးတယ်။ ”

ဒီတော့ လမ်းပြ အဖော်က နိုင်ငံခြားသား လက်ထဲက ဘိန်းမုန့်ကို ကြည့်လိုက်တော့ ဘိန်းမုန့်ရဲ့ အနားသားတွေက မီးကျွမ်းပြီး တူးနေတယ်။ ဒါကြောင့် လမ်းပြ အဖော်လုပ်သူက အဒေါ်ကြီးကို. . .

“ အဒေါ်ရယ် ဘယ်လိုများ လုပ်လိုက်တာလဲ။ သူက ကျွန်တော်တို့ မြန်မာ ဘိန်းမုန့်ကို ကြိုက်နေတာလေ။ ပထမ တစ်ခု ကောင်းလို့ သူက နောက်ထပ် နှစ်ခု ဆိုပြီးတော့ တောင်မှ ဝယ်စားတာလေ။ ဒါကို ဘာလို့ တူးအောင် လုပ်ပေးလိုက်ရတာလဲ။ ”

ဒီတော့ ဘိန်းမုန့်သည် အဒေါ်ကြီးက လမ်းပြအဖော်ကို စိတ်ဆိုးမာန်ဆိုးနဲ့. . .

“ အောင်မာ . . ငါက တမင် လုပ်တာမှ မဟုတ်တာ။ သူပဲ ငါ့ကို “ အနားသား တူး ” ဆိုလို့ ငါ့မှာ မတူးတူးအောင် လုပ်ပေးလိုက်ရတာလေ။ သူပဲ ကြံကြံဖန်ဖန် စားချင်နေတာလေ။ အနားလေးတင်တူးအောင် လုပ်တယ် ဆိုတာ လွယ်တယ်များ မှတ်နေလား။ ”




တဲ့။ ကဲ...ဘာပြောချင်သေးလဲ။

တကယ်တော့လည်း နိုင်ငံခြားလည်း မမှားသလို ၊ အဒေါ်ကြီးလည်း မမှားပါဘူး။ တစ်ယောက်ပြောတာ တစ်ယောက်က နားမလည်လိုက်တာပါ။ သေသေချာချာ ပြောတာ ကြားလိုက်တာတောင်မှ ကြားတာကို နားလည် ခံစားမှု ကွာသွားရင် အဓိပ္ပါယ်တွေ လွဲသွားနိုင်ပါတယ်။

ဒါကြောင့် ငါကတော့ ဒီလို ပြောတာ ၊ ငါကတော့ ဒီလို ကြားလိုက်တာ ဆိုတာနဲ့ တင် မလုံလောက်ပါဘူး။ ငါပြောချင်တာ သူ သဘောပေါက်ရဲ့လား ၊ သူပြောတာကိုရော ငါ သေချာ နားလည်ရဲ့လား ဆိုတာ စီစစ်ရပါလိမ့်မယ်။

ဒီလို မှ မဟုတ်ရင်တော့. . . စာဖတ်သူရဲ့ ဘဝမှာလည်း “ အနားသားတွေ တူး ” နေတာနဲ့ ခဏခဏ ကြုံနေရပါလိမ့်မယ်။ အနားသား တူး မှတော့ဗျာ. . ဘယ်လာ ချိုတော့မလဲ။
 


*** တဆင့်ကြားခဲ့ရသော အဖြစ်အပျက်လေးပါ။ ***

ကိုဇော် ခံစားပုံဖော်သည်။

.

Share/Bookmark

5 ယောက် ရဲ့ ထင်မြင်ချက်:

KMA said...

အတွေးအမြင်တွေ ပါလား..။ ငါက နိုင်ငံခြားသားမို့ အတူးတွေ တမင်ပေးတာဆိုပြီး အငေါ်တူးရင် မခက်ပါလား..။ သင့်တင့်လျောက်ပတ်စွာ နားလည် ခံစားပေးတတ်ရင် အကောင်းဆုံးပါ။

ကိုကိုကျော် said...

ဒီ အနားသားတူး က ငွေကြည် ကာတွန်းထဲမှာ ဖတ်ဖူးတယ်။ ခင်ဗျားကိုယ်ပိုင်ရေးတာမှမဟုတ်တာ။

ကိုဇော် said...

ဟုတ်လား..ကျေးဇူးတင်ပါတယ်။
ဒီလို တဆင့်စကား တဆင့်နားနဲ့ ကြားတာပါ။
ကျနော်ကိုယ်တိုင်ရေးတယ်လို့ လည်း ကျနော် ရေးမထားပါလား။ ဖြစ်စဉ်လေး တစ်ခုကို သဘောတရားလေးနဲ့ ချပြတာပါ။ ငွေကြည်ကာတွန်းလေးတော့ ဖတ်ချင်မိသား ရှိရင် ပို့ပေးပါလား.။
ကျေးဇူး........

သိမ့် said...

ဒီစာလေးက ကာတွန်းငွေကြည်ရဲ့ ကိုယ်ပိုင်စာလည်း မဟုတ်ပါဘူး။
ကာတွန်းငွေကြည်ကလည်း သူများဆီက အဖြစ်အပျက်တွေကို ပြန်ယူပြီး တဆင့်ရေးဆွဲထားတာပါ။
ဒါကြောင့် သူ့ဟာသတိုလေးတွေ အောက်ကမှာ ပေးပို့သူ ဘယ်သူ ဆိုပြီး ပါပါတယ်။
ဒါကြောင့် ဘယ်သူ မဆို ရေးခွင့် ရှိတာပါပဲ။
ဒါကို ကျွန်မ လွန်ခဲ့တဲ့ ၁၅ နှစ် အသက် ၂၃ လောက်ကတည်းက အပြင်မှာ ဦးလေးတွေ ပြောပြလို့ ကြားဖူးနေတာပါ။ နောက်မှ ကာတွန်း ငွေကြည် က ကာတွန်းမှာ ဆွဲတာပါ။ ဘယ်သူမဆို ရေးခွင့် ရှိနေတာပဲလေ။ တင်ပြပုံမှ မတူတာ။
ဆက်ရေးပါ။

ချော (အစိမ်းရောင်လွင်ပြင်) said...

အင်း
ဘယ်သူဘဲရေးရေး
ပြန်ဖတ်တော့လဲ အသစ်ပေါ့
ဖတ်ပြီး ရယ်မိတဲ့အတွက် အသက်တောင်ရှည်သေး
ရေးပေးတဲ့သူကို ကျေးဇူးတင်ပါ၏..
ကျေးဇူးဆိုတာ ရှာကြံတင်တတ်တော့
ပိုတောင်ကောင်း၏....

Related Posts Plugin for WordPress, Blogger...

ဧည့်သည်များ

သွားသွားလာလာ
hidden hit counter




free counters

6.8.2010 မှ စ ကလိသည်။

.