မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


28 January 2011

31 အပြန်လမ်း



       သူ နင်းထားသော ကြမ်းပြင်ပေါ်မှ ခြေထောက်ကို သာမာန် လျှောက်လှမ်းနေကျ ခြေလှမ်းထက် ပိုမို၍ ပင့်မြှောက်ကာ သူ လှမ်းကျော်လိုက်ရ၏။ ထိုအတူ တစ်ချိန်တည်းမှာပဲ သူ့ရဲ့ ဦးခေါင်းကလည်း အထက်မှ အောက်ကို ငုံ့ကိုင်းသွားစေရန် ခါးကို အတွန့်ချိုးကာ သူ ကုန်းလိုက်ရလေသည်။ ထိုအခါမှ ထွက်ပေါက် ဟု ဆိုသော အပေါက်မှ သူ လွတ်လွတ်ကျွတ်ကျွတ် ထွက်ခွာခွင့် ရခဲ့လေတော့သည်။ 

       “ နောက်လှည့် မကြည့်နဲ့။ ပြီးတော့ မင်းကို ဒီနေရာမှာ နောက်ထပ် ဘယ်တော့မှ  မမြင်ချင်ဘူး။ ရှေ့တည့်တည့်ကိုသာ ကြည့်ပြီး လျှောက်သွားတော့ . . . ”

         သူကလည်း ဒီနေရာကို ပျော်လို့ လာနေခြင်း မဟုတ်။ သူ့ရဲ့ ဆိုးသွမ်းမှု များစွာကြောင့် သူ ခဏခဏ အပြုပြင် ခံနေရခြင်းမျှသာ ဖြစ်၏။ သို့သော် သူက ဘယ်လောက် ပြုပြင် ပြုပြင် ကောင်းမလာခဲ့။ သူက ထုလေ မာလေ ဆိုသော ငါးဖယ် ကဲ့သို့ ပို၍ ထိုနေရာနှင့် အကျွမ်းဝင်ခဲ့သည်။ သို့သော် အခုတော့ သူ့စိတ်တွေ အရင်ကလို မဟုတ်တော့ပြီ။ အရင်က သူ့ကို ဒီလို နောက်ကနေ ပြောလိုက်လျှင် သူ မခန့်လေးစား ဆိုသော ဟန်ပန်ကို မျက်နှာပေါ် ဆွဲတင်ကာ တမင်ကို အနောက်သို့ လှည့်ကြည့် ပြလိုက်သေးသည်။ အခုတော့ သူ လုံးဝကို နောက်ကို မလှည့်ကြည့်တော့ပါ။ 

         သူ ဘယ်တော့မှလည်း ပြန်မလာချင်တော့ပါ။ သူ့စိတ်တွေက အသက်အရွယ်ကြောင့်လား. . . ၊ ပြီးတော့ အတွေးအခေါ်လား . . . ၊ နောက်. . . အချိန်ကာလရဲ့ တိုက်စားမှုကြောင့်လား မသိ။  အားလုံးကတော့ ပြောင်းလဲ ကုန်ပြီ။ သူ မဆိုးချင် မမိုက်ချင်တော့ပါ။ 

         အခု . . . သူ အိမ်ပြန်ချင်သည်။ ဒါကြောင့် အခု သူ ကျော်ခွ ၊ ငုံ့ကိုင်းကာ ထွက်လာရသော “ ထောင်တံခါးဝ ” ကို အရင်ကလို မခန့်လေးစား ဟန်ပန်ဖြင့် နောက်ပြန် လှည့်မကြည့် ဖြစ်ခဲ့တော့ပါ။



        ဖုန်ထူထပ်သော မြေနီလမ်း တလျှောက် ဟောင်းနွမ်းနေလှသော ဖိနပ်ကို တရွတ်ဆွဲပြီး သူ လှမ်းလျှောက်လာရင်း သူ တွေးမိသည်။ “ ငါ အိမ်ပြန်ချင်တယ်။ ” ဒီလို တွေးမိတာ နှစ်ပေါင်း အတော်ကို ကြာခဲ့ပြီ။ ခြေထောက် တရွတ် ဆွဲနေ၍ တစ်ခြမ်းပါးနေသော ဖိနပ်ကဲ့သို့ သူ့ရဲ့ ဦးနှောက်ကလည်း တစ်ခြမ်းပါးနေခဲ့တာ ကြာခဲ့လေပြီ။

          ဆိုးပေတေလေ ခဲ့သော မာန် ၊ တုံးတိုက်တိုက် ကျားကိုက်ကိုက် ဆိုသော ပုံစံ ၊ ဘယ်သူ့မှ ထီမမြင်ဘူး ဆိုသော ဟန် တို့ကြောင့် နှစ်ပေါင်းများစွာ ရောဂါ နှင့် ဒဏ်တို့က သူ့ကို စုစည်းကာ အဝင်အထွက် များခဲ့သော ထောင်ထဲမှာ ပေဖြစ်လိုက် ၊ တူဖြစ်လိုက်ဖြင့် ၊ သူ့ကို ထုလိုက် ၊ သူက ထုလိုက်ဖြင့် အသားကျကာ အသက်အရွယ်ဒဏ် ၊ အရက်ဒဏ် ၊ ထောင်တွင်းက ထောင်သား အချင်းချင်း တိုက်ကွက် ဒဏ်တွေကြောင့် သူ ဆိုတဲ့ သူဟာ သူ မဟုတ်တော့သလိုပင် ဖြစ်ခဲ့ရပြီ။

         ဘယ်ဘက် တရွတ်ဆွဲနေတဲ့ ခြေထောက်ကို အားတင်းလျှောက်လှမ်းရင်း အပေါ်က ဖိထိုးနေတဲ့ နေရောင်ကို အံတုကာ လှမ်းလျှောက်ရာ အရှေ့ကို ကြည့်လိုက်တော့ ခပ်လှမ်းလှမ်းမှ ရေချမ်းစင်လေး တစ်ခုကို လှမ်းတွေ့လိုက်ရသည်။ မြင်တော့မှ ရင်ထဲမှာ ပူလောင်လာသလို ပါးစပ် အာခံတွင်းထဲမှလည်း ရုတ်တရက် စေးထန်သွားသလို ဖြစ်မိ၏။

          သူ အတော်ကို လျှောက်လှမ်း လာခဲ့ရတာကို သူသိ၏။ သို့သော် ဘယ်လောက်တောင်မှ ဖြတ်သန်း လျှောက်လှမ်းခဲ့ပြီးပြီလဲ ဆိုတာကို သိဖို့ သူ နောက်သို့ လုံးဝ လှည့်မကြည့်ချင်တော့ပါ။ သူ ထိုနေရာကို မုန်းနေခဲ့ပါပြီ။ သူ အခုတော့ အိမ်သို့သာ ပြန်ချင်မိသည်။ သူ့အိမ်မှာ သူ့ကို မျှော်နေမည့် သူ့ဖခင် နဲ့ သူ့မိခင် ရှိနေသည်။ သူ့မိဘ နှစ်ပါးကတော့ သူ့ကို အမြဲတမ်း မျှော်နေတတ်သည်။ အိမ်ကို ပြန်လာချင်မှ လာတတ်သော သားကိုပင် မိဘတို့ ထုံးစံ အတိုင်း မျှော်နေတတ်သည်။

        ဟော . . . ရောက်ပြီ. . .၊ ရေချမ်းစင်လေးကို ရောက်လာပြီ။ စေးပိုင်နေသော အာခံတွင်းထဲကို ရေလေး တစ်ပေါက်လောက် လောင်းထည့်လိုက်ရရင် အခုနေ အချိန်မှာ သူ့အတွက် နတ်သုဒ္ဓါနဲ့ပင် မလဲနိုင်ပါချေ။ တရွတ်ဆွဲနေသော ခြေလှမ်းကို ပို၍ မြန်အောင် အားစိုက်ထုတ်ကာ ရေချမ်းစင်လေးဆီကို  အားယူ လှမ်းလိုက်၏။ ဂမူးရှူးထိုး သူ့လက်က ရေချမ်းစင် အိုးလေးဆီကို လှမ်းလိုက်တော့ ရေအိုးကို ဖုံးထားသော ပလတ်စတစ် ပန်းကန်ပြားလေး ပေါ်မှာ ရေခွက်က ရှိမနေ။

        “ ဟင် ” ခနဲ သူ စိတ်ထဲမှာ ဖြစ်သွားပြီး ရေအိုး အဖုံးလေးကို လှပ်ကြည့်လိုက်တော့ ရေအိုးထဲမှာ ရေက ဗလာ။ ဘယ်အချိန်ထဲက ခြောက်သွေ့နေခဲ့ပြီ မသိနိုင်။ ရေအိုးကို တည်ထားသော အောက်ခြေမှ အထိုင် သဲများကပင် ရင့်ရော်ကာ သွေ့ရှရှ ဖြစ်နေခဲ့ပြီ။ လူသူ ကင်းမဲ့ရာ နေရာမှ ရေချမ်းစင် ဆိုတော့လည်း ပြုပြင် ထိန်းသိမ်းသူနဲ့ ဝေးကွာနေပေလိမ့်မည် မဟုတ်ပါလား။ အရင်ကတော့ ဒီနေရာမှာ ဆိုင်ကြီး သို့မဟုတ် နေရာတစ်ခု ရှိခဲ့ဟန် တူ၏။ ယခုတော့ ဖုန်နှင့် ခြောက်သွေ့နေသော မြက်ရိုင်းများသာ နေရာယူလျက်။

         ခန္ဓာကိုယ်နှင့် ခေတ္တခဏ မှီခွင့် ရတဲ့ ရေချမ်းစင်လေးကိုပင် ကျေးဇူးတင်မိပါသေး၏။ သို့သော် သူ ခရီးဆက်ရဦးမည်။ သူ အိမ်ကို ပြန်ချင်သည်။ နှစ်ပေါင်း ၂၀ နှစ်ကျော် အိမ်ကနေ လေ့လွင့်ခဲ့သော အချိန်ကာလ အတောအတွင်းမှာ ဒါ ပထမဦးဆုံး အကြိမ် သူ အိမ်ပြန်ချင်စိတ် ဖြစ်ပေါ်လာခဲ့တာ ဖြစ်၏။ ဒါမှမဟုတ် နောက်ဆုံး အကြိမ် သူ အိမ်ပြန်ချင်စိတ် ဖြစ်ပေါ်တာဟု ဆိုချင်လည်း ဆိုနိုင်ပါသည်။ သူ့စိတ်တွေက သူ့ခန္ဓာကိုယ်ကို သယ်ဆောင်သွားကြပြန်သည်။

         သူ တရွတ်ဆွဲလျှောက်ရင်း မြေနီလမ်းရှည်ကြီးရဲ့ အဆုံးမှာ နောက်ထပ် ရေချမ်းစင် တစ်အိုးကို ခပ်ပြပြ မြင်လိုက်မိသည်။ အမိုးအကာ ဗလာနဲ့ ရေဆာနေသော သူ့အတွက် ဒီရေချမ်းစင်လေးက အိုအေစစ်ပဲ မဟုတ်လား။ တရွတ်တိုက် ဆတတ ဆွဲလျှောက်ရင်း ခြေလှမ်းတို့ကို သွက်သည်ထက် သွက်အောင် သူလှမ်းသွားမိသည်။

         ရေချမ်းစင်လေးနား ရောက်တော့ လူသူက စည်ကားလှသည်။ ရေချမ်းစင်လေးကို တည်ထားသူက အနီးနားမှာ ရှိနေသော ဆိုက်ကားဂိတ်မှ ဆိုက်ကားသမားများ ဖြစ်ဟန်တူ၏။ သို့သော် သန့်သန့်ရှင်းရှင်း ထားသော ရေချမ်းစင်လေးကို ကြည့်ကာ သူတို့ အတော်ကို ဂရုတစိုက်နဲ့ ဆောင်ရွက်ထားတယ် ဆိုတာကို ပြောပြစရာ မလိုတော့ပါ။ အနီးနားမှာ ရှိနေသော ကားမှတ်တိုင်မှ သက်ဆိုင်ရာ ကားအလာကို မျှော်နေကြသော ခရီးသည်တိုင်းက သူ့ကို မနှစ်မြို့သလို တစ်ချက်ကြည့်ကာ မျက်နှာလွှဲသွားကြသည်။

         ပေရေ မနေသော်လည်း စုတ်ပြတ် ညစ်နွမ်းနေသော အင်္ကျီအစုတ်နဲ့ ပုဆိုး အနွမ်းကြောင့် သူ့ကို လူတွေ နှာခေါင်းရှုံ့ကြတာတော့ မဟုတ်နိုင်ပါ။ သူ ထွက်လာရာ မြေနီလမ်းရဲ့ အဆုံးမှာ ရှိနေသော နေရာကြောင့်သာလျှင် ဖြစ်ပေလိမ့်မည်။ သူကလည်း ထိုနေရာမှာ ထွက်လာသည် ဆိုတာ မေးစရာ မလိုအောင် နေပူကျဲကျဲမှာ မြေနီလမ်း တလျှောက် လျှောက်ခဲ့တဲ့ ခြေထောက်တွေက မြေဂဝံတွေဖြင့် ရဲရဲနီလျက် ရှိနေခဲ့၏။ အဝတ်အစားထက် သူ့ရဲ့ ကိုယ်ကျင့်တရား အပေါ် နှာခေါင်းရှုံ့ခြင်းလား ဟု တွေးမိကာ သူ ပို၍ ဝမ်းနည်းမိသည်။

          ဘယ်သူကမှ သူ့အပေါ် ကြည့်မနေတော့ပေမဲ့ အားလုံးရဲ့ အကြည့်က သူ့အပေါ်ကို ဖိဖိစီးစီး ကျနေတယ် လို့ သူခံစားနေရသည်။ တရွတ်ဆွဲနေတဲ့ သူ့ခြေထောက် တစ်ဘက်ကို ရေချမ်းစင်လေးရဲ့ အောက်ခြေမှ ထောက်ကန်ထားသော ဒေါက်တိုင်လေးဖြင့် သိမ်ငယ်စွာ သူ ကွယ်ထားမိ၏။ အရင်ကလို သူစိတ်နဲ့ ဆိုရင်တော့ ထိုလူများကို မိုက်မိုက်ကန်းကန်း ရိုင်းစိုင်းသော အပြုအမူ ၊ စကားလုံးများဖြင့် သူ တုံ့ပြန်မိပေလိမ့်မည်။ သို့သော် ယခု သူမှာ အရင်က သူ မဟုတ်တော့ချေ။

          ဆီနဲ့ ကင်းဝေးနေသောကြောင့် ကြမ်းထော်ကာ မွဲခြောက်ခြောက် အရောင်ပြောင်းနေသော ခေါင်းမှ ဆံပင်တို့ကလည်း နေပူဒဏ်ကြောင့် အဖျားများဖြင့် ကော့ညွှတ်မတတ် လွှင့်ပျံနေ၏။ တံစက်မြိတ် ထုတ်ထားသော ရေချမ်းစင်ကို တည်ဆောက်သူတို့ရဲ့ စိတ်စေတနာက သူ့အတွက် အံဝင်ခွင်ကျ ဖြစ်စေ၏။ တရှိန်းရှိန်း တောက်လောင်နေသော အပူဒဏ်ကို ခေါင်းပေါ် ကျရောက်ခြင်းကို ရှောင်လွှဲရန် ထိုတံစက်မြိတ်ထဲသို့ သူ့ခေါင်းလေးကို ထိုးထည့်ထားနိုင်သလို ၊ သူ့ကို မနှစ်မြို့သလို ရွံရှာ မျက်ဝန်း အစုံပေါင်း များစွာကိုလည်း ခဏတာ ရှောင်ကွင်းနိုင်ပေသည်။

         စေးထန်းနေသော အာခံတွင်းသို့ သောက်ရေ အနည်းငယ် လောင်းထည့်နိုင်ဖို့ ရေချမ်းစင်လေးထဲမှ ရေအိုးလေးကို သူကြည့်လိုက်မိတော့ ထွက်မပြေးနိုင်မှန်း သိသိနဲ့ကို ကြိုးတုပ်ခံထားရသော တခြားမှ သောက်ရေခွက်များကဲ့သို့ မဟုတ်။ ဘေးမှာ ရေများပင် စိမ့်ကျနေသော သဲအိုး ၊ ဖုန် အညစ်အကြေး ကင်းစင်သော သောက်ရေအိုးဖုံး ၊ ချေးညှော် ကင်းစင်သော စတီးရေခွက် ပြောင်လက်လက် ၊ ထိုရေအိုးဖုံး နဲ့ ရေခွက်ကို ကာကွယ် ပေးထားသော ဝါးကြောဖြင့် ယက်လုပ်ထားသော အဖုံး တစ်ခုကလည်း တိတိပပ ဖုံးကာ ဖုန်နဲ့ ခြင် ၊ ယင်များကို အံတုကာ ကာကွယ်နေကြသည်။

        ရေစိမ့်ကျနေသော သဲရေအိုးရဲ့ အခြေ ၊ ဘေးမှာတော့ စပါးလုံးတွေကို စိုက်ထားခြင်းကြောင့်လား ၊ ရေချမ်းစင်လေးရဲ့ အပေါ်ဘက် သံချက်မှာ ချိတ်ထားတဲ့ စာကလေးများ စားဖို့ စပါးတွဲကလေးက ကျရောက်မှုကြောင့်လား မသိသော စပါးပင်ပေါက် စိမ်းစိမ်းကလေးများက မြင်ရသူတိုင်းကို မသောက်ခင်ကပင် ရေငတ်ပြေသွားတော့ မလောက် အေးချမ်းမှုများဖြင့် စိမ့်ချမ်းနေစေ၏။ သူ ရေတစ်ခွက် ခပ်သောက်ရန် ဖုံးထားသော အဖုံးကို ဆွဲမကာ လှပ်လိုက်ပြီး သောက်ရေအိုး အဖုံးကို မကာ ရေခွက်ကို လက်ဖြင့် ကိုင်ဖို့ ရေခွက်မှ လက်ကိုင်ကွင်းသို့ သူ့လက်ညှိုးဖြင့် ထိုးသွင်းတော့ သူ့လက်ညှိုးက ပုံပန်းကျနစွာ ဝင်ရောက်သွားခြင်း မရှိ။

        ရေသောက်ချင်ဇောဖြင့် စေးထန်းနေသော ခံတွင်းမှ လျှာဖြင့် ခြောက်သွေ့နေသော နှုတ်ခမ်း တစ်စုံကို သပ်ကာ သူ ထပ်ကြိုးစားကြည့်သည်။ သူ့ရဲ့ ညာဘက် လက်ချောင်းများက သူ လိုရာသို့ လိုက်ပါနိုင်ရန် သူ့စိတ်ရဲ့ စေခိုင်းမှုအတိုင်း ရာခိုင်နှုန်းပြည့် အလုပ် မလုပ်တော့။ ဒီရေခွက်ကလေးဆီကို ရောက်ဖို့ အတော်ကို တုန်ယင်စွာဖြင့် အားယူနေရ၏။ သူ့လက်တွေက ထိလို့ ထိမှန်းပင် မသိ ၊ ကိုင်လို့ ကိုင်မိမှန်းပင် မခံစားရ ၊ စိတ်ကသာ ရှေ့ကို ကြိုရောက်နေခဲ့ပြီး လက်က တုန်ချိစွာ နှောင့်နှေးလျက် ရှိသည်။ အံ့သြမှု ၊ တွေဝေမှု ၊ စိုးရိမ်မှု ၊ ရှက်ရွံမှုတို့ကြောင့် သူ ပိုကြိုးစားလေလေ အလွဲလွဲ အချော်ချော် ပိုဖြစ်လာခဲ့လေလေ။

       “ ဦးလေး ရေသောက် မလို့လား ၊  ကျွန်တော် ကူခပ်ပေးမယ်လေ ”

       အနောက်မှ ဂရုဏာသံတွေ လှိုင်းထနေသော အသံ တစ်ခုက သူ့နားထဲသို့ တိုးဝင်လာသည်။ ကိုယ်ကို မလှည့်ဘဲ ၊ ဦးခေါင်းသာ လှည့်ကြည့်လိုက်တော့ အသက် ၂၀ ဝန်းကျင် လူငယ်လေး တစ်ယောက်ကို တွေ့လိုက်ရသည်။

       “ အင်း . . . ရေသောက်ချင်လို့ပါ ငါ့တူရယ် ၊ ဦးလေး လက်တွေက ခပ်ရခက်နေတယ်။ ”

       “ ဒါဆို နေနေ ဦးလေး ၊ ကျွန်တော် ခပ်ပေးမယ်။ ”

       သူ့ ခန္ဓာကိုယ်ကို အနည်းငယ် ယို့ပေးလိုက်တော့ လူငယ်လေးက သူ ကိုင်ရခက်နေသော ရေခွက်ကို ကျွမ်းကျင်စွာ ယူခပ်ကာ ရေတစ်ခွက် သူ့လက်ထဲကို ထည့်ပေး၏။ သူ ဆွဲယူကာ သောက်လိုက်တော့ ရင်ထဲမှာ အနှိုင်းမဲ့သော အေးချမ်းခြင်း တစ်မျိုးက တိုးဝင်စီးဆင်းသွားသည်။ ဘဝ တလျှောက်လုံးမှာ ဒီတစ်ခါ သောက်ရတဲ့ ရေက အရသာ အရှိဆုံးပါပဲလား။ ဒီလို ရေချမ်းစင်လေးနဲ့ သူ ငယ်ငယ်က ဒီလို အတွေ့အကြုံ ရှိခဲ့ဖူးတာကို ပြန်လည်ကာ သိရမိ၏။

      တစ်ခါက . . .၊ တိတိကျက ဆိုရရင် သူ ငယ်ငယ်က. . .၊ သူတို့ အိမ်ရှေ့မှာလည်း သူ့အဖေ တည်ထားသော ရေချမ်းစင်လေး ရှိခဲ့ဖူးသည်။ အဖေက လိုအပ်တာတွေ နေ့တိုင်း ပြင်ဆင်သလို ၊ အမေကလည်း မနက်တစ်ကြိမ်  ညနေတစ်ကြိမ် ရေအိုးလေးကို ရေဖြည့်ပေးတတ်သည်။ လမ်းသွားသူတွေ အားလုံး အမောပြေ ရေချမ်းစင်မှ ရေခပ်သောက်ကြ၏။ သောက်သူတွေ ရွှင်လန်းကြသလို ၊ ထိုသောက်သူများကို ကြည့်ကာ တည်ထားသော အဖေ နဲ့ အမေလည်း ကြည်နူးကြ၏။ လမ်းဘေး ရေချမ်းစင် ဆိုတော့လည်း လူပေါင်းစုံ ခပ်ယူကာ သောက်ကြ၏။ အဖေ နဲ့ အမေကတော့ ဘာမှ မဆို ၊ နေ့စဉ် ဆေးကြောသန့်ရှင်း၏။ ဖြည့်တင်း၏။

        ဒါပေမဲ့ သူကတော့ ဒီအခြေအနေကို အဆင်မပြေ ၊ သူဖုန်းစားများ ရေချမ်းစင်မှာ ရေသောက်ဖို့ ပြင်ရင် ထွက်အော်တတ်၏။ အမှိုက်ကောက်သူ ၊ ပလတ်စတစ်ကောက်သူများ ရေသောက်ဖို့ လာရင် ညစ်ပတ်နေတဲ့ လက်နဲ့ မသောက်ဖို့ ၊ မကိုင်ဖို့ သူ ထွက်ပြော၏။ အရက်မူးသမားများ ရေဆာ၍ သောက်ဖို့ ကပ်လာရင် အဖေရေ အရက်သမား အရက်နဲ့ ရောဖို့ သောက်ရေ လာခပ်နေပြီ ဟု အော်တတ်၏။ ထို့အတူ လူတွေက မကောင်းဘူး ခိုးတတ်တယ် ဟု သူ ဟစ်ကြွေးကာ ရေခွက်လေးကိုလည်း သံကြိုး တစ်ချောင်းဖြင့် တုပ်နှောင်ထား၏။

        “ လိုနေလို့ ယူတာပဲ သားရယ် ၊ ယူပါစေ။ အဖေတို့ အသစ်ဝယ်ထားပါ့မယ် ”

       ဆိုသော အဖေ့ စကားကို သူ ကန့်ကွက်ကာ သံကြိုးကြီးကြီး ၊ ခပ်တိုတိုဖြင့် ထူးခတ်ထား၏။ ထို့အကျိုး ရလာဒ်မှာ ရေချမ်းစင်လေးမှ ရေသောက် သောက်သူများသည် ခါးမတ်စွာ သောက်ခွင့် မရတော့။ ရေချမ်းစင်လေးထဲကို ခေါင်းကို ငုံ့ကိုင်းကာ သောက်ကြရသည်။ ဒါမှလည်း ထူးခတ်ထားသော ရေခွက်လေးနဲ့ ရေသောက်ရန် နှုတ်ခမ်းတို့ ထိတွေ့နိုင်ကြပေလိမ့်မည်။ ဒါကိုပင် သူက ဂုဏ်ယူ၍ ဝင့်ကြွားနေသေးသည်။

      “ သူများ လုပ်ပေးထားတဲ့ ရေချမ်းစင်မှာ ရေ အလကား သောက်ရတာပဲ။ ဒီလောက် နည်းနည်းတော့လည်း အလေးပြုဦးမှပေါ့ ”

        ဟု ဆို၏။ နောက်တော့ သူတို့ ရေချမ်းစင်လေးကို အဖေကလည်း နေ့တိုင်း သန့်ရှင်းနေ ၊ အမေကလည်း တစ်နေ့ နှစ်ကြိမ်း ဖြည့်တင်းနေပါလျက်နဲ့ ရေဝင်သောက်သူ ကျီးနဲ့ ဘုတ်ဘုတ် ဖြစ်သွားတော့သည်။ လူတွေ အားလုံး ရေငတ်နေတယ် ဆိုရင်တောင်မှ မျက်နှာလွှဲကာ ကျော်သွားကြ လေတော့သည်။ ဒီနောက်တော့ သူ့တို့ ရေချမ်းစင်လေးထဲက ရေများမှာ အငွေ့ပျံ၍ ကုန်ခြင်းမှ လွဲ၍ ရေလျော့ပါးခြင်း မရှိတော့။ နောက်ဆုံး အဖေ နဲ့ အမေကပါ ရေချမ်းစင်လေးကို ဂရုမပြုကြတော့ပေ။ ရေချမ်းစင်လေး နိဂုံး အဖြစ် ဘယ်အချိန် ပြိုလဲသွားမှန်းတောင်မှ သူ သေချာ မမှတ်မိတော့ပါ။

        ရေခွက်ထဲမှ လက်ကျန်ရေလေးကို တရှိန်ထိုး အားဖြင့် မော့သောက်ချလိုက်သည်။ အလျှံငြီးငြီး တောက်လောင်နေသော မီးစကို ရေဖြင့် ပက်ဖြန်း လိုက်သကဲ့သို့ သူ့ခန္ဓာက်ိုယ် တစ်ခုလုံး အေးချမ်းသွား၏။ သူ့ဘေးနားမှာ ရေခပ်ပေးသော လူငယ်လေးက နောက်ထပ် လိုရင် သူ့ကို ခပ်ပေးဖို့ အသင့် ဖြစ်နေ၏။

        “ ယူဦးမလား ဦးလေး ”

        “ တော်ပါပြီကွယ် ကျေးဇူးတင်ပါတယ်။ ”

       သူ့လက်ထဲမှ ရေခွက် အလွတ်ကို လှမ်းယူလိုက်ပြီး သူ့ကို စေ့စေ့ကြည့်ကာ မေးသည်။

       “ ဒါနဲ့ ဦးလေးက ဘယ်ကို ပြန်မှာလဲ ”

       တကယ်တော့ အရင်ကဆို သူ့မှာ ပြန်စရာ နေရာများစွာ ရှိနေ၏။ တစ်ရွာတစ်ကျီ ဆောက်သကဲ့သို့ ဆိုးပေတေကာ သူနဲ့ ထိမ်းမြားခြင်း ၊ မထိမ်းမြားခြင်း ဆိုကာ သူ့ရဲ့ ဇနီးပေါင်းများစွာ နေရာ အတော်များများမှာ ရှိနေ၏။ သို့သော် အခု နောက်ဆုံး သူ နှစ်ရှည် အပြစ်ဒဏ် ခံရအပြီး ၊ ထိုအပြစ်ဒဏ်တွေ ခံနေစဉ် ရန်ဖြစ်ပြီး ပြစ်မှု ထပ်တိုး တိုက်ပိတ်ခံရပြီး ၊ ရန်ဖြစ်တိုင်း ကွဲပြဲ ဖူးယောင်ခြင်း စသော စသော ပြစ်ချက် ဒဏ်ရာတွေကြောင့် သူ အထဲမှာပင် လေတစ်ခါ ဖြတ်အပြီးမှာတော့ သူ့အတွက် အနှောင်အဖွဲ့ ဆိုတာတွေက ဘာမှ မရှိတော့သလောက် ဖြစ်သွားခဲ့ရသည်။

        သူ့အတွက် ထိုသူတို့က မရှိတော့တာ ဖြစ်နိုင်သလို ၊ သူ့စိတ်ထဲမှာ သူတို့ကလည်း မရှိတော့တာလည်း ဖြစ်နိုင်၏။ သူ ဘာမှ ရှည်ရှည်ဝေးဝေး မစဉ်းစားဖြစ်တော့ပါ။ သူ့ရင်ထဲ နှလုံးသားထဲ စိတ်အစဉ်ထဲမှာ အခု လောလောဆယ် တောင့်တနေခဲ့တာက သူ့ငယ်စဉ်က ဆိုးပေ ခဲ့သမျှကို ခါးစည်း ခံခဲ့သော သူ့ရဲ့ မိဘနှစ်ပါးထံကိုပဲ သူ ပြန်ချင်နေမိသည်။ မိဘ နှစ်ပါးရဲ့ ရင်ခွင်က သူ့အတွက် အငြိမ်းချမ်းဆုံး ဖြစ်မယ် ဟု သူ ယုံကြည်နေမိသည်။

       “ ဦးလေး မိဘတွေဆီကို ပြန်ချင်တယ် ”

       သူ့ရဲ့ စကားသံတွေထဲမှာ မရေရာမှုတွေ မြောက်မြားစွာ ပါဝင်သွားပါလိမ့်မည်။ သူ့မိဘတွေ လက်ရှိ သက်ရှိထင်ရှား ရှိနေသေးလား ဆိုတာ သူကလည်း သေချာ မသိခဲ့ပါ။ ထိုလေသံကို လူငယ်လေးကလည်း သိရှိ ခံစားလိုက်မိပုံ ရသည်။

        “ ဦးလေး မိဘတွေကရော ရှိသေးရဲ့လား ၊ ဘယ်မှာ နေကြလဲ ”

       ရှိသေးရဲ့လား လို့ လူငယ်လေး မေးလိုက်တော့မှ သူလည်း ရုတ်တရက် ဝမ်းနည်းသွားသလို ခံစားလိုက်ရသည်။  ဝေ့တတ်လာသော မျက်ရည်များကို ပုတ်ခတ်ဖယ်ရှားပြီး . . .

        “ အရင်ကတော့ မြို့သစ်တစ်ခုမှာ မုန့်ဟင်းခါး ရောင်းတယ်။ ဦးလေးနဲ့ မတွေ့တာတော့ နှစ်ပေါင်း ၂၀ မကတော့ဘူး။ သူတို့ ရှိမှ ရှိကြပါတော့မလား။ ”

       မြို့သစ် တစ်ခုရဲ့ နာမည်ကို ပြောရင်း မျှော်လင့်ချက် မျက်ဝန်း အစုံနဲ့ သူ လူငယ်လေးကို ဝေ့ဝဲ ကြည့်လိုက်မိသည်။ ဘယ်က လာတာလဲ လို့ မမေးခဲ့သော ၊ ဦးလေးက ဘာဖြစ်လာတာလဲ လို့ မမေးခဲ့သော ၊ ဘာတွေ လုပ်ခဲ့တာလဲ လို့ မမေးခဲ့သော ဒီလူငယ်ကိုပင် သူက ကျေးဇူးတင်နေမိသည်။ သူ အရင်က ဆိုးခဲ့ ပေခဲ့ တေခဲ့ မိုက်ခဲ့ ပေမဲ့ အခုတော့ သူ လိမ္မာချင်သည်။ လိမ္မာ နေပါပြီ။

       “ သြော်. . . အဲဒီက ဆိုရင်တော့ ဒီကနေ ကားစီး သွားရင် . . . . ၊ ”

       သူငယ်လေးက စကားကို ခေတ္တရပ်ကာ သူ့ကို အားနာသလို တစ်ချက်ကြည့်သည်။ ပြီးမှ . . .

      “ ဒီကနေ လိုင်းကား စီးသွားရင်တော့ ဦးလေးကို ဘယ်ကားမှ တင်ချင်မှာ မဟုတ်ဘူး။ နောက်ကားစီးပါ ဆိုပြီးပဲ ပြောလိမ့်မယ်။ ကုန်တင်ကားတွေနဲ့ ဖြစ်သလို ဒီနေရာကနေ လိုက်မှပဲ ရလိမ့်မယ်။ ”

      “ - - - - - ”

      “ ဦးလေး ခဏ စောင့်နိုင်ရင် နောက်ထပ် နှစ်နာရီလောက် ဆိုရင် ကျွန်တော့် သူငယ်ချင်း ကုန်တင်ကားက အဲဒီမြို့သစ် ဘေးကို ဖြတ်သွားတဲ့ ကားလမ်းကနေ သွားဖို့ ရှိတယ်။ အဲဒီကားကို လမ်းကြုံ လိုက်စီးပေါ့။ ကျွန်တော် ပြောပေးပါ့မယ်။ ဒီကြားထဲ လိုင်းကားနဲ့ အဆင်ပြေရင်လည်း လိုက်သွားပေါ့။ ”

       သူ့အပေါ်မှာ ဒီလို လူတန်းစေ့ထားကာ ပြောဆိုတာနဲ့တင် ကျေးဇူး တင်နေမိပါပြီ။ နှစ်ပေါင်းများစွာ ဝေးကွာနေတဲ့ သူ့ အဖို့ ကားလမ်းတွေ တိုးချဲ့တာ ဘာညာ သူ မသိပါ။ အရာရာဟာ သူနဲ့ သူစိမ်းပြင်ပြင်သာ ဖြစ်နေခဲ့သည်။

       “ ကျေးဇူးတင်ပါတယ် ငါ့တူရယ် ”

       “ ဒါဆို ဒီနားမှာ ခဏလေး စောင့် ဦးလေး။ ဦးလေး လမ်းမှာ သောက်ဖို့ ရေတစ်ပုလင်း ကျွန်တော် ထည့်ပေးလိုက်မယ်။ ”

       သူ ဘာမှ ပြန်မပြောနိုင်ခင် လူငယ်လေးက လှစ်ခနဲ ထွက်သွားသည်။ ခဏကြာတော့ ရေသန့်ဘူးကို ရေဖြည့်ထားသော ဘူးကို ကိုင်ကာ တခြား တစ်ဘက်ကတော့ ခုနက သူသောက်ထားတဲ့ ရေချမ်းစင်မှ သောက်ရေခွက်ကို ကိုင်ထား၏။ ခုနက သူသောက်ထားတာကို ပြန်လည် ဆေးကြော သန့်စင်ခဲ့ဟန် တူ၏။

       “ ရော့ ဦးလေး ၊ ဒါက လမ်းမှာ သောက်ဖို့ ရေဘူးပေါ့။ ကားကြုံကတော့ သူတို့က ညနေစောင်းမှ ထွက်မှာ ဆိုတော့ ဦးလေး ကားဂိတ်က ထိုင်စောင့်နေချင် စောင့်နေလို့ ရပါတယ်။ နောက်ထပ် ၂ နာရီလောက်တော့ စောင့်ရလိမ့်မယ်။ ”

        “ အေးပါကွယ် ကျေးဇူးပါပဲ ”

       ပြောလည်း ပြော ကောင်လေး လှမ်းပေးနေသော ရေသန့်ဘူးလေးကို လှမ်းယူကာ တရွတ်ဆွဲနေသော ခြေထောက်ကို မြေမှာ သေချာ ထောက်တည်မိအောင် ရေချမ်းစင်လေးကို မှီကာ အားယူနေသော ခန္ဓာကိုယ်ကို အနည်းငယ် မတ်လိုက်ပြီး လှမ်းထွက်ကာ ကားမှတ်တိုင်သို့ လျှောက်လာခဲ့၏။ သူ့ကို မြင်တာနဲ့ လူတွေ တွန့်ဆုတ်သွားသလို ခပ်လှမ်းလှမ်းကို ဖယ်ခွာသွားကြသည်။ တချို့က နှာခေါင်းရှုံ့လျက် ၊ တချို့က မျက်စောင်းခဲလျက် ၊ တချို့က မသိကျိုးကျွံပြုလျက်။

        သူ အရင် မြင်နေကျထက် ကားလမ်းမပေါ်မှာ ကိုယ်ပိုင်ကား ၊ အငှားကား ၊ လိုင်းကားများက ပိုမိုများပြားလျက် ရှုပ်ထွေးပွေလီနေ၏။ သူ အိမ်သို့ ပြန်ရောက်ချင်နေမိသည်။ သူ အိမ်ကို ပြန်ချင်သည်။ ဒီထက် ပိုပြီး မြန်မြန် သူ အိမ်ကို ပြန်ရောက်ချင်သည်။ ပြစ်ဒဏ်က မလွတ်ခင်ကတည်းက အရင်က ဆိုးပေတေခဲ့သမျှရဲ့ ရလာဒ် အဖြစ် အသည်းခြောက် ရောဂါဖြင့် နောက်ထပ် ခြောက်လတောင်မှ သူ မခံတော့ဘူး ဆိုသော ဆရာဝန်ရဲ့ မှတ်ချက် စကားသံ အပြီးမှာ သူ ညစဉ် အိမ်ပြန်သည် ဟု အိပ်မက် မြင်မက် လေတော့သည်။ သူ အိမ်ပြန်ချင်သည်။ ထိုအိမ်မှာ သူပြန်အလာကို စောင့်မျှော်နေတတ်သော သူ့မိဘ နှစ်ပါး ရှိနေနိုင်သေးသည်။

       “ မြို့သစ်ကို . . . မြို့သစ်ကို . . . ”

       အတွေးတွေထဲက ရုတ်ခနဲ အဆက်ပြတ်သွားအောင် ကားစပယ်ယာ အော်သံက သူ့အကြားအာရုံကို လာရိုက်ခတ်သည်။ သူ့မှာ ထောက်ခံစာလို့ ပြောလို့ ရသော ယာဉ် အလကားစီးခွင့် လက်မှတ်လေး ပါ၏။ သို့သော် သူ့အိတ်ထဲမှာ ကျစ်လျစ်စွာ သိမ်းဆည်းထားသော ဆယ်တန် အနွမ်းလေး လေးချပ်ကလည်း ရှိနေပါသေးသည်။ နေရာတကာမှာ ထိုထောက်ခံစာကို သူ အသုံးမပြုချင်ပါ။ သူ ကမန်းကတမ်း ဆယ်တန်လေး တစ်ရွက်ကို နှိုက်ကာ လိုင်းကားသို့ တတ်ရန် ခြေကို တရွတ်ဆွဲကာ ထလိုက်၏။ သူလိုက်ပါမည်ကို တွေ့လိုက်ရတော့ စပယ်ယာက လှမ်းမေးသည်။

       “ ဦးလေးက ဘယ်သွားမှာလဲ ”

       “ မြို့သစ်ကိုပါ . . . ”

       “ မရောက်ဘူးခင်ဗျ . . . ”

       “ ဟင် . . အခုနပဲ မြို့သစ်ကို ဆိုပြီး အော်နေသေးတယ်လေ။ ”

       “ အင်း . . ဟုတ်တယ်။ ဒါပေမဲ့ နောက်ကား စီးပါ ဦးလေး။ ဒီကားက ကျပ်နေလို့ပါ ”

       “ - - - - - ”

       သူ့ကို ပြောပြီး စပယ်ယာက ဘာမှ ခံစားချက် မရှိတဲ့ မျက်နှာဖြင့် တတ်မည့် တခြားခရီးသည်များကို ဆက်ခေါ်နေသည်။ သူ အရင်က စိတ် ၊ အရင်က အခြေအနေ ဆိုရင် ထိုစပယ်ယာ မျက်နှာ တစ်ခုလုံး သွေးချင်းချင်း နီပေရော့မည်။ သို့သော် အခုတော့ သူ့မှာ ဒီစိတ်တွေ မရှိတော့ သူ စိတ်ထဲမှာ တစ်ခုပဲ ရှိ၏။ သူ အိမ်ပြန်ချင်သည်။ အိမ်သို့ မြန်မြန် ပြန်ရောက်ချင်သည်။ သူ့ကို မျှော်လင့်နေမည့် မိဘတွေ ရှိနေသည်။

        ရင်ထဲမှာ ညစ်ထွေးထွေးနဲ့ လုံးထွေးပြည့်ညှပ်ကာ နေရ ထိုင်ရ ခက်စေသည်။ သို့သော် သူ့ရဲ့ စိတ်အလိုကို လိုက်ခဲ့ပေါင်းများစွာကို သင်ခန်းစာ ယူကာ သူ ပြန်လာပြီး ကားမှတ်တိုင်မှ အုတ်ခုံပေါ်မှာ သူ ပြန်လည် ထိုင်ချလိုက်သည်။ ဒီကား မရရင် နောက်ကားတော့ သူ့ကို တင်ခေါ်သွားနိုင်ပါရဲ့လေ။

        “ မြို့သစ်ကို . . . မြို့သစ်ကို . . . ” လို့ ခေါ်သော အသံကြားတိုင်း လက်ထဲက ခပ်နွမ်းနွမ်း ဆယ်တန်လေးကို ကိုင်ကာ သူ ထိုင်ရာမှ ထပြီး ထိုကားဆီသို့ သူသွား၏။ သို့သော် ကားစပယ်ယာတိုင်းက သူ့ကို နောက်ကားမှ စီးရန်သာ တိုက်တွန်း အကြံပြုကြလေသည်။ ဘယ်နောက်ကားလဲ ၊ နောက်ကားကလည်း နောက်ကားကို ထပ်ကာ ထပ်ကာ ညွှန်းနေပြန်လေပြီ မဟုတ်ပါလား။ သူ့တစ်သက်မှာ ဒီလို ခခယယ မပြောဖူးသလို ၊ ဒီလောက်လည်း စိတ်ရှည်ရှည် မစောင့်ဆိုင်းခဲ့ဖူးပါ။

        သူ့ရင်ထဲမှာ တစ်ခုပဲ ရှိနေသည်။ သူ အိမ်ကို မြန်မြန် ပြန်ရောက်ချင်သည်။ သူ့အိမ်ကို သူ ပြန်လာမည်ကို စောင့်ဆိုင်းနေတတ်သော မိဘ နှစ်ပါး ရှိနေသည်။



        “ ဦးလေး လာလာ . . . ကျွန်တော့် သူငယ်ချင်း ကားကြုံလာပြီ။ အဲဒီကားနဲ့ လိုက်မှပဲ ဒီနေ့ ဦးလေး မြို့သစ်ဘက်ကို ရောက်တော့မှာ . . . ”

        အချိန် ဘယ်လောက်ကြာအောင် ကားမှတ်တိုင်မှာ သူ ထိုင်ကာ မြို့သစ်ကို လို့ အော်သော ကားပေါ်ကို တတ်ဖို့ ဘယ်နှစ်စီး ကြိုးစားခဲ့မိမှန်း မသိနိုင်တော့။ ရေချမ်းစင်မှာ ရေခပ်တိုက်သော လူငယ်လေး လာခေါ်တော့မှ အသိဝင်မိတော့သည်။

        “ တူလေး သူငယ်ချင်း ရောက်လာပြီလားကွဲ့ ”

      ပြောလည်း ပြော အလျင်အမြန်လည်း ထကာ တရွတ်ဆွဲလျက် လှမ်းလျှောက် လိုက်မိသည်။ ဒီကားဂိတ်မှာ လာရပ်သော ကားတွေကတော့ သူ့ကို တစ်ကားကမှ တင်ချင်စိတ် မရှိတာ အသေအချာကို သိရှိခဲ့ပြီ။ အရှေ့က ခေါ်တဲ့ လူငယ်လေး နောက်ကို လိုက်သွားရင်းမှ လူငယ်လေး ခေါ်သွားတဲ့ဆီက ဝက်တင်ကား တစ်စီးဆီကို။

           “ ဦးလေး ခဏလေး ဒီမှာ နေဦးနော် ”

         ဟု ဆိုကာ လော်ရီကား နောက်ဘက်မှာ သူ့ကို ခဏထားကာ ကားမောင်းသူ နေရာမှ လူနှင့် အတန်ကြာအောင် စကားပြောနေ၏။ ကားမောင်းသူက ကားပေါ်မှ ဆင်းလာကာ သူ့ကို တွေ့တော့ ခေါင်းတခါခါ လည်တခါခါဖြင့် ငြင်းတာ တွေ့ရ၏။ လူငယ်လေးကလည်း တောင်းပန်သလိုမျိုး အတင်းပြောနေတာ မြင်ရပြန်သည်။ နောက်တော့ အဆင်ပြေသွားဟန် တူသည်။ ကားမောင်းသူက သူ့ဆီကို လျှောက်လာကာ . . .

         “ ဒီမှာ ဦးလေး ၊ ဦးလေး မြို့သစ်ကို လိုက်ချင်ရင် နောက်ခန်းကပဲ လိုက်လို့ ရမယ်။ ရှေ့ခန်းကတော့ မတင်နိုင်ဘူးဗျာ။ နောက်ခန်းကတော့ အခု လောလောဆယ် ဝက် မတင်ရသေးလို့ လွတ်နေတယ်။ ဒါနဲ့ လိုက်နိုင်တယ် ဆိုရင်တော့ လိုက်ခဲ့ပေတော့ မလိုက်နိုင်ဘူး ဆိုရင်လည်း နေခဲ့လို့ ရတယ်။ မြို့သစ်ကို ရောက်ဖို့ ဆိုရင် ဦးလေးကို ဘယ်သူမှ ခေါ်ချင်ကျမှာတော့ မဟုတ်ဘူး။ ကျွန်တော့် ကားနဲ့ ဖြစ်သလို လိုက်နိုင်တယ် ဆိုရင်တော့ လိုက်ခဲ့ပေါ့။ ”

         သူ ဘာမှ ပြန်မပြောနိုင်ခင် လူငယ်လေးက ကြားဝင်ကာ ပြော၏။

        “ ဘယ်နေရာကပဲ လိုက်ရ လိုက်ရပေါ့ ဦးလေးရာ အဓိက က ကိုယ် လိုရာကို ရောက်ဖို့ပဲ မဟုတ်လား။ ဟိုရောက်ရင် ဦးလေး မိဘတွေနဲ့ မြန်မြန်တွေ့ရတာပေါ့။ ”

       အရှေ့က စကားက ဆွဲဆောင်မှု မရှိဘူး ဆိုရင်တောင်မှ နောက်က အဆုံးသတ်စကားက ဆွဲဆောင်မှု အား ကောင်းလွန်းလှပါသည်။ သူ အိမ်ကို အမြန်ဆုံး ရောက်ချင်နေသူ တစ်ယောက် မဟုတ်လား။

       “ အင်း . . ဦးလေး လိုက်နိုင်ပါတယ်။ လိုက်ခွင့်ပြုတာနဲ့တင် ကျေးဇူးတင်ပါတယ်ကွယ်။ ”

       “ ကဲ . . ဒါဆိုလည်း ဦးလေး တတ်တော့ . . ”

       လူငယ်လေးက သူ့ကို ဖေးမစွာ ကိုင်တွယ်ရင်း ဝက်တင်ကား နောက်ခန်းသို့ တတ်ရန် ပြင်ဆင်ပေးသည်။ အရင်က ဆိုရင် ဒီလောက်ကတော့ ကားသံကိုင်း တစ်ခုကို ဆွဲကာ လွှားခနဲ ကျော်ဝင်လိုက်မိပေမည်။ အခုတော့ သူ့ရဲ့ တုတ်ခိုင်နေသော လက်အစုံ ၊ ဖောယောင်ကာ ပြာအမ်းအမ်း ဖြစ်နေသော မျက်နှာနှင့် ခန္ဓာကိုယ် ၊ ဆတတ ဖြစ်နေပြီး တရွတ် ဆွဲနေသော ခြေထောက်တို့ကြောင့် စိတ်ထင်တိုင်း ကိုယ် မလိုက်နိုင်။ တကယ်တော့ သူ့ရဲ့ စိတ်တွေကလည်း ကျနေခဲ့ပါပြီ။

         အပေါ်ကို ကုတ်ခြစ်ပြီး တစ်မျိုး ၊ တွယ်ပြီး တစ်ဖုံ ၊ အောက်မှ ပင့်တင်ပြီး တစ်ဖန် ပုံစံ အမျိုးမျိုးကြောင့် သူ ဝက်တင် လော်ရီကား နောက်ခန်းထဲသို့ ရောက်ခဲ့ပါတော့သည်။ မနေ့က တင်ဆောင်ခဲ့ပြီး အညစ်အကြေးနဲ့ တခြား အရာများကို ရေဖြင့် ခပ်ကြမ်းကြမ်း ပက်ဖြန်း ဆေးကြောထားဟန် တူ၏။ ဟိုတစ်ကွက် ဒီတစ်ကွက် အကွက်အပြောက်များကြားမှ ခပ်သိုးသိုး အနံ့က သူ့နှာခေါင်းထဲသို့ တိုးဝင်လာသည်။ အို . . ဒါက အဓိက မဟုတ်ပါဘူးလေ ၊ သူ့ အိမ်ပြန်ရောက်ရေးကသာ အဓိက မဟုတ်လား။

       “ ကဲ. . . ဦးလေး စိတ်ချ လက်ချသာ လိုက်သွားတော့ ၊ မြို့သစ်ကို ရောက်ရင် သူ သတိပေးလိမ့်မယ်။ ဒါဆို ဦးလေး ဆင်းချင်တဲ့ နေရာရောက်ရင် ပြောလိုက် ၊ သူ ချပေးလိမ့်မယ်။ ”

       “ အေးကွယ် ကျေးဇူးပါပဲ . . ”

        အောက်မှ လူငယ်လေးက လက်ပြ နှုတ်ဆက်နေချိန်မှာပဲ လော်ရီကားက မောင်းထွက်လာခဲ့သည်။ ထိုင်စရာ ဆိုလို့ ဘာဆို ဘာမှ မရှိ။ အပေါ်မှာ ဟာလာဟင်းလင်း ဖြစ်နေသလို နောက်ခန်း တစ်ခုလုံးကလည်း သူမှ လွဲ၍ ဗလာ။ တကယ်တော့ ဒီနောက်ခန်းမှာ ဝက်တွေကိုသာ တင်လေ့ရှိသည်။ အခုတော့ သူ့ဘဝက ဝက်တစ်ကောင်နှင့် မခြား။ အို . . ဘယ်လိုပင် ဖြစ်နေပါစေ သူ အိမ်ကို မြန်မြန် ရောက်ဖို့သာ လိုအပ်သည် မဟုတ်ပါလား။ ဝက်ဖြစ်နေမှတော့ မစင်ကို ကြောက်နေလို့ ဘယ်ဖြစ်ပါ့မလဲ။

        မတ်တပ် ရပ်နေရာမှ သူ ဆောင့်ကြောင့် ထိုင်ချလိုက်သည်။ သူ့ရဲ့ ခြေထောက်ကလည်း ကြာရှည် ရပ်ဖို့ ဘယ်လိုမှ မကောင်းတော့ပါ။ ထိလို့ ထိမှန်း မသိသလို ၊ လက်အစုံကလည်း ကိုင်လို့ ကိုင်မှန်း မမြဲချင်။ သူ ထိုင်နေရင်း ပြန်လည် စဉ်းစားနေမိသည်။ ဒီနေရာမှာ အခုရောက်နေတာ ငါမှ ဟုတ်ရဲ့လား။

        ဟိုးအရင် ငယ်စဉ်ကတည်းက သားတစ်ယောက်တည်း ရှိလို့ အလိုလိုက်ထားသော သူ့မိဘတွေ အပေါ်မှာ သူ အလွန် ဆိုးခဲ့ ပေခဲ့သည်။ မိဘတွေကလည်း ချစ်၍ သူ့ကို အလိုသာ လိုက်ခဲ့၏။ သူ အရွယ်ရောက်တော့ အပေါင်းအသင်းကြောင့် ပို၍ ပျက်လာခဲ့သည်။ ငယ်စဉ်ကတည်းက မုန့်ဟင်းခါး ရောင်းကာ ရှာဖွေ ကျွေးမွေးခဲ့သော မိဘများကို သူလိုချင်သော ပိုက်ဆံ ရအောင် နည်းမျိုးစုံဖြင့် ရန်ရှာဖူးသည်။ ကိုယ့်ကို ထမင်းကျွေးနေသော မုန့်ဟင်းခါး ပန်းကန်များကို အိမ်က မသိအောင် ခိုးရောင်း၍ ပွဲသွားကြည့်ခဲ့ဖူး၏။

        နောက်ဆုံး အပေါင်းအသင်းတွေနဲ့ ဖဲရှုံးပြီး အိမ်ပြန်ရောက်တော့ သူ့မိဘ မင်္ဂလာဦး အထိမ်းအမှတ် ဖြစ်သော ၊ တစ်ခုတည်းသော အမေ့ နားကပ်လေးကို ရအောင် တောင်းသည်။ အမျိုးမျိုး အလိုလိုက်ခဲ့သော်လည်း ဒါကိုတော့ အမေ လုပ်သူက ခွင့်မပြု . . . .၊ ဖခင်ကလည်း သဘောမတူ။

       “ ပေးစမ်းပါဗျာ. . . ကျုပ်နိုင်တာနဲ့ ချက်ချင်း ပြန်ပေးမှာ. . . ”

       “ မလုပ်ပါနဲ့ သားရယ်။ အမေတို့မှာ အရေးအကြောင်း အတွက်နဲ့ ပြီးတော့ မင်္ဂလာဦး ပစ္စည်းမို့ သိမ်းထားတာပါ။ ”

        “ အသက်တွေပဲ ကြီးနေပြီဗျာ။ ပေးစမ်းပါ သေတ္တာသော့ . . ”

       “ မပေးဘူးကွယ် . . ဒါတော့ မပေးနိုင်ဘူး ”

       “ ဟာဗျာ . . ခင်ဗျားကြီး တော်တော် ခက်တာပါလား။ ဟိုမှာ သူတို့ ဝိုင်းသိမ်းသွားရင် ခက်မယ်။ ပေးဆို အခုပေး . . ”

        သူ့ရဲ့ ကြမ်းတမ်းလာသော စရိုက်တွေကြောင့် ဖခင်က ဝင်ပြော၏။

       “ မင်းကွာ . . ဒီအရွယ် ရောက်တဲ့ အထိ မိဘ လုပ်စာလည်း ထိုင်စားနေသေးတယ်။ အခု ဖဲရိုက်ဖို့ကိုတောင်မှ မိဘဆီကလည်း မရှိမဲ့ ရှိမဲ့လေးကို အတင်း လာတောင်းနေသေးတယ်။ သွား မင်းဖာသာ ရတဲ့ ဆီက သွားယူ . . ငါတို့ဆီက လာမတောင်းနဲ့တော့ . . .”

         “ အာ . . ခင်ဗျားကြီး . . လာရှုပ်နေသေးတယ် ”

        သူ့မျက်လုံးထဲမှာ ဘာဆို ဘာမှ မမြင်တော့ ၊ ပုဏ္ဏားကွယ်မှာ ထောင်ထားသော ထမ်းပိုးကို လက်ရောက်သွားပြီး တစ်ချက် ဝှေ့ရိုက်လိုက်တာမှာ သူ့ အဖေ ပုံလျက်သား လဲကျသွားတာ မျက်လုံး ထောင့်စွန်းထဲက မြင်လိုက်ရ၏။

        “ အမေလေး . . သေပါပြီတော် ၊ ဘယ်လိုများ လုပ်လိုက်တာလဲ အဇာတသတ် ဟင် ၊ ကိုယ့် အဖေကိုတောင်မှ ဒီလို လုပ်ရလား။ လိုချင်တာ မရတာနဲ့ အဖေတောင်မှ ပြန်သတ်မဲ့ ပုံပေါ့။ ရော့ . . ဒီမှာ နင်လိုချင်နေတဲ့ သေတ္တာသော့ . . .ယူ . . ပြီးရင်တော့ ငါတို့ မျက်စိရှေ့မှောက်ကို ဘယ်တော့မှ ပြန်မလာနဲ့။ နင့်လို့ သားတစ်ယောက် မွေးထားမိတာ ဝမ်းရေစပ်တယ်။ မွေးရကျိုး နပ်လိုက်တဲ့ သား။ အမလေး ကြည့်ကြပါဦး. . . အရပ်ကတို့ရဲ့ ”

        သူကတော့ ဘာမှ မမြင်ခဲ့ပါ။ သူမြင်နေတာက ဖဲဝိုင်းမှာ ရှိနေတဲ့ တစ်ဘက်လူဆီမှ ငွေပုံကြီးမျှသာ. . ၊ ငါ သွားယူရမယ် ၊ ငါ နိုင်အောင် ပြန်ရိုက်မယ် ဆိုသော အသိစိတ်မျှသာ. . . ။ နောက်တော့ အမေ့ရဲ့ သံသေတ္တာလေးဟာ ဟောင်းလောင်းလေး ဖြစ်ကျန်နေခဲ့ပါတော့သည်။ ထိုအချိန်ကတည်းက သူ အိမ်ကို ပြန်မရောက်ဖြစ်တော့ပါ။ သူ ပို၍ ပို၍ ဆိုးလာခဲ့ပါတော့သည်။



       “ ဦးလေး . . . ဦးလေး . . မြို့သစ်ထဲ ဝင်လာပြီ။ ဘယ်မှာ ဆင်းမှာလဲ ”

       ဘယ်လောက်ထိ မျက်စိကို စုံမှိတ်ကာ သူ အတွေးနက်နေသည် မသိ။ ကားမောင်းသော လူငယ်လေး လှမ်းပြောမှ သူ အသိဝင်လာသည်။

       “ ဟို . . ဓမ္မရုံကြီး ရှိတဲ့ နေရာမှာ ဆင်းမှာကွဲ့။ နေရာ နာမည်တွေတော့ မေ့ကုန်ပြီ ”

       “ သြော် . . ဓမ္မရုံ ရပ်ကွက်မှာလား ကျွန်တော် သိတယ်။ အဲဒီနေရာကို ရောက်တော့မယ်။ ဦးလေး ဆင်းဖို့ အသင့်ပြင်ထားတော့ . . ”

        “ ဟုတ်လား . . အေးအေး . . .”

        ဆောင့်ကြောင့်ထိုင်ရာမှ သူ လော်ရီဘေးဘောင်မှ သံတိုင်များကို အားပြုကာ ထလိုက်၏။ သူ့ရဲ့ ခြေထောက်တွေက ကြာကြာရပ်လို့ မကောင်းတော့သလို ၊ ကြာကြာထိုင်လို့လည်း မကောင်းတော့။ ပြန်လည် ပျော့ခွေကာ ကျချင်နေသော ခြေထောက်ကို အားတင်းပြီး ဘေးမှ သံတိုင်ကိုလည်း ကိုင်ကာ ရပ်လိုက်၏။ သူ အိမ်ပြန်ရောက်တော့မည်။ ရင်ထဲမှာ လှိုက်ကာ လှိုက်ကာ ပျော်ရွှင်လာခဲ့သည်။

         “ ရောက်ပြီ ဦးလေး . .”

         ကားမောင်းသော လူငယ်လေး ဆီမှ သတိပေးစကား ကြားရတော့ သူ လော်ရီပေါ်မှာ သတိထားက ဆင်းလိုက်၏။ သူ့ကို ကားနဲ့ တင်ခေါ်လာတဲ့ ကားမောင်းသူ လူငယ်လေးကို ကားခ ဘယ်လောက်ပေးရမလဲ လို့သူ မေးလိုက်တော့  . . . .

        “ မပေးနဲ့ ဦးလေး ၊ ကျွန်တော့် သူငယ်ချင်း ခုနကတည်းက ပေးပြီးသွားပြီ။ ဦးလေးကို သူက ကူညီတာတဲ့။ သူ့အဖေကလည်း ထောင်ထဲမှာ သေသွားဖူးတယ်လေ။ ဒါကြောင့် ဦးလေးကို မြင်တော့ သူက သူ့အဖေကို မြင်ပြီး စာနာနေတာ . . ”

         “ သြော် ဖြစ်မှ ဖြစ်ရလေကွယ် ၊ ဘယ်လိုပဲ ဖြစ်ဖြစ် ကျေးဇူးတင်ပါတယ်။ ”

         “ ဟုတ်ကဲ့ ရပါတယ်။ ဒီနေရာ ဟုတ်တယ်နော် ၊ သေချာ ကြည့်ဦး ”

         “ ဟုတ်ပါတယ်။ ကြာနေပြီ ဆိုတော့ သစ်ပင်တွေ ၊ အဆောက်အဦးတွေ ပြောင်းလဲ နေပေမဲ့ ဒီဓမ္မာရုံကြီးကတော့ မပြောင်းလဲ သေးတော့ မှတ်မိနေတာပေါ့။ ”

         “ ဒါဆိုလည်း ပြီးရော ၊ ကျွန်တော် သွားတော့မယ် ဦးလေး ၊ ဂရုစိုက်သွားပေါ့ ”

          “ အေးပါ . . . ကျေးဇူးပါပဲ ”

           လက်ပြ နှုတ်ဆက်ကာ သူ့ကို တင်ခေါ်လာသော ဝက်တင်ကားကို လှမ်းကြည့်လိုက်မိသေး၏။ ပြီးမှ သူ တစ်ဘက်လမ်းကို ကူးလာခဲ့သည်။ အရာရာဟာ တိုးတတ်ပြောင်းလဲနေ၏။ အရင်က တဲအိမ်လေးတွေမှာ အခုတော့ ပျဉ်ထောင်အိမ်တွေ ၊ တိုက်အိမ်တွေ ဖြစ်နေပေပြီ။ သူ့မိဘတွေ မုန့်ဟင်းခါး ရောင်းချသော ဆိုင်လေးမှာပဲ ညနေဘက် သူ့မိဘတွေ ဆိုင်ထွက်နေမလား သူ့စဉ်းစားကြည့်နေမိသည်။ ဒီအချိန်ဆိုရင် ဆိုင်မှာပဲ ရှိကြပေလိမ့်ဦးမည်။ သူတို့ ဆိုင်က ဈေးနားမှာ ဖွင့်ထား၏။

         ဈေးရှိရာ လမ်းကို တဖြေးဖြေး လျှောက်လှမ်းကာ သူ ဝင်လာမိတော့ အရင်ကထက် တိုးတတ်ပြောင်းလဲ လာသော အိမ်များ ၊ အဆောက်အဦးများကို အားကျဖွယ်ရာ မြင်တွေ့ရသည်။ အရင်က သူ ပြေးလွှား ဆော့ကစား ဖူးသော မြေနီ လမ်းကလေးကလည်း အခုတော့ နိုင်လွန် ကတ္တရာခင်း လမ်းဖြစ်ချေပြီ။ လူတွေရဲ့ နေထိုင်စားသောက်ပုံကလည်း ပြောင်းလဲ နေချေပြီ။ ဒီလမ်းထဲမှာ အရင်က သူ့ကို မသိသူ မရှိပေမဲ့ အခုတော့ သူ့ကို သိသူ မရှိကြတော့ပြီ ထင်၏။ သူ့ကို ဘယ်သူမှ ခေါ်ပြော နှုတ်ဆက်ခြင်း မရှိ။ သူကလည်း ဈေးနားမှာ မုန့်ဟင်းခါး ရောင်းနေသော မိဘတွေနဲ့ ဆုံတွေ့ချင်စိတ်သာ ရှိနေခဲ့သည်။

          တရွတ်ဆွဲ လှမ်းလာသော သူ့ခြေထောက်တွေက ခပ်လှမ်းလှမ်းမှာ မြင်နေရသော မုန့်ဟင်းခါး ဆိုင်အိုလေးကို တွေ့လိုက်ရတဲ့ အချိန်မှာ ခေတ္တခဏ လှုပ်ရှားမှု ရပ်တန့်ကာ ငြိမ်သက်သွား၏။ တိုးတတ်ပြောင်းလဲနေတဲ့ အဆောက်အဦး သပ်သပ်ရပ်ရပ်ကြားမှာ ချို့တဲ့စွာဖြင့် ဆိုင်အပြင်အဆင် နဲ့ မုန့်ဟင်းခါး ဆိုင်လေးကို လှမ်းမြင်လိုက်ရသည်။ မလုံ့တလုံ့ အမိုးအောက်မှာ ဟင်းရည်အိုးကို အပူဓါတ်ငွေ့ငွေ့လေး ပေးထားသော မီးဖိုမှ အငွေ့လေးများကို အဝေးမှပင် လှမ်းမြင်နေရသယောင် ဖြစ်၏။

          ဆိုင်ရဲ့ အနောက်ဘက်မှာ ထုံးစံ အတိုင်း ပန်းကန်းဆေး မီးထည့် အလုပ်ကို သူ့ဖခင်က ဆက်လက် လုပ်ဆောင်နေဆဲ ၊ သူ့အမေကတော့ အရင်ကလိုပဲ အရှေ့မှာ လာဝယ်စားမဲ့ ဈေးဝယ်သူကို ပြင်ဆင်ထည့်ပေးရန် အဆင်သင့် ရှိနေ၏။ သို့သော် သူတို့ လွန်စွာမှပဲ အိုစာသွားခဲ့လေပြီ။ ကုန်းအိုချိနဲ့စွာ သူတို့ ဘဝကို သူတို့ ဆက်လက်၍ ရပ်တည်နေခဲ့သည်။ အရင်က တလွှားလွှားဖြင့် ဟင်းရည်အိုးကို ထမ်းခဲ့သော အဖေ ၊ အခုတော့ ခါးတွေ ကုန်းနေလေပြီ။ အဖေ့ ဟင်းအိုးကို ဘယ်သူများ ထမ်းပေးမလဲ ၊ ဘယ်သူက သယ်ပေးလိမ့်မလဲ ၊ သူတွေးမိရင်း နင့်ခနဲ ခံစားလိုက်ကာ မျက်ရည်တစ်ပေါက် စို့ထွက်လာသည်။

          အရင်က မနက် နေမမြင့်ခင် ကုန်တတ်သော သူတို့ မုန့်ဟင်းခါး ဆိုင်လေး ၊ ညနေ နေမစောင်းခင် ကုန်သွားတတ်သော သူတို့ မုန့်ဟင်းခါးဆိုင်လေးက အခုတော့ ညနေ အတော်စောင်းတဲ့ အထိ ဝယ်သူကို မျှော်ကာ သူ့ရဲ့ မိဘတွေ ရောင်းနေကြရ၏။ ဘာလို့ သူ မိဘတွေ အနားမှာ မရှိနိုင်ခဲ့ရတာလဲ။ သူ ဘာကြောင့် မိဘတွေကို လျစ်လျှူရှူ့ကာ တကိုယ်ကောင်းဆန်ခဲ့ရလဲ။ သူကိုယ်တိုင်လည်း ပြန်ပြီး မတွေးမိခဲ့ပါ။ အခုတော့ သူ အိမ်ကို ပြန်လာခဲ့ပြီ။ နှစ်ပေါင်းများစွာ ကွဲကွာနေခဲ့တဲ့ မိဘတွေဆီကို ပြန်လာခဲ့နိုင်ပြီ။ သူ့ကို တွေ့ရင် သူ့အဖေ နဲ့ အမေ မျက်ရည် မဆယ်နိုင်အောင် ပျော်နေလေမလား။ ငါ့တို့မှာ အားကိုးစရာ သား တစ်ယောက် ပြန်ရပြီ ဆိုကာ ဝမ်းနည်း ဝမ်းသာ ဖြစ်နေမလား။

         တွေးရင်း သူ တစ်ခု တွေးမိလာ၏။ သူ့ရဲ့ အခု ရုပ်သွင်ပြင်ကို တော်ရုံလူ မမှတ်မိနိုင်။ သူ့မိဘတွေကရော မှတ်မိပါ့မလား။ သူ ရင်တွေ ခုန်လာ၏။ မိဘများ သူ့ကို မြင်ရင် အံ့သြသွား စေချင်မိ၏။ သူ ဘာမှ မပြော ၊ မခေါ် ၊ မနှုတ်ဆက်ဘဲ မုန့်ဟင်းခါး ဆိုင်လေးထဲသို့ မုန့်ဟင်းခါး စားမည့်သူ တစ်ယောက်ကဲ့သို့ လှမ်းဝင်လိုက်သည်။ ဝယ်သူကို မျှော်နေသော အဘွားအို ဖြစ်နေသော သူ့အမေက ပြာပြာသလဲပင် ထိုင်နေရာမှ ထကာ ရေဇလုံထဲမှ ရေကို လှမ်း၍ ခြောက်နေသော လက်ကို ဆွတ်လိုက်ကာ ပန်းကန်တစ်ချပ်ကို ဆွဲ၍  . . . .

        “ ဘာ . . . နဲ့ . . စား . . မ . . လဲ . . ကွယ်. . ”

       တုန်ချိဖျော့တော့နေသော လေသံတိုးတိုးဖြင့် လှမ်းမေးလေ၏။ ဒါ သူ့အမေအသံ ဆိုတာ နှစ်ပေါင်းများစွာ အတွင်း သူ လတ်လတ်ဆတ်ဆတ် ပြန်ကြားရခြင်း ဖြစ်၏။ သူ့မျက်နှာကိုလည်း သူ့မိခင်က မကြည့် ၊ ကြည့်ချင်ရင်လည်း မော့ကာ ကြည့်မှ ရပေမည်။

         “ မုန့်ဟင်းခါး အလွတ် တစ်ပွဲပဲ ပေးပါ ”

         ဈေးဝယ်သူ ကျေနပ်အောင် အမြန်ဆန်ဆုံး ဆောင်ရွက်ပေးနေပေမဲ့ သူ့မိခင်ရဲ့ လက်အစုံက တုန်ချိဖျော့တော့နေ၏။ စားပွဲပေါ်မှာ ချထားသော ရေနွေးအိုးမှ အေးစက်နေသော ရေနွေးကို ရေနွေးပူ အသစ်ဖြင့် လဲပေးရန် လာယူသော သူ့ဖခင်ကလည်း တုန်ချိခါးကွေးစွာဖြင့်။ အဖေ . . . ၊ အမေ . . . ကျွန်တော်လေ . . .  ၊ ဒါ အဖေ အမေတို့ သားလေ လို့ သူ ပါးစပ်က ပြောထွက်လိုက် ချင်သော်လည်း လည်ချောင်းတွင်းမှာ ဘာမှန်းမသိသော အရာတစ်ခုက တစ်ဆို့နေ၏။

        “ လိုတာ ရှိရင် ပြောနော် ”

        သူ့ကို မုန့်ဟင်းခါး ပန်းကန် လှမ်းပေးရင်း အမေက ပြော၏။ သူ့ကို လုံးဝ မှတ်မိပုံ မပေါ်။ အရက်ဒဏ် ၊ မိုက်ဒဏ် တို့ကြောင့် လူက အရာရာ ပြောင်းလဲနေချေပြီ။ ခပ်ပျစ်ပျစ်ကလေး ဖြစ်နေသော မုန့်ဟင်းခါး တစ်ခွန်းကို ခပ်ကာ ပါးစပ်ထဲ ထည့်လိုက်တော့ အမေ့ မုန့်ဟင်းခါးက အရင်လို အရသာ ရှိနေဆဲပါပဲ။ ကောင်းနေဆဲ ၊ အရည်အသွေး မှီနေဆဲ ၊ သို့သော် အမေတို့ ဆိုင် အရင်ကလို ရောင်းရတော့ဟန် မပေါ်တော့။

         “ ရေနွေးကြမ်းလည်း သောက်နော် ၊ အေးဆေးသာ စားပါ ၊ ဆိုင်က မသိမ်းသေးပါဘူး။ ဆိုင်ကို သားလေး လာမှပဲ သိမ်းမှာ ၊ အချိန်ရသေးတယ် ”

         သူ့ရဲ့ အဖေက ရေနွေးကြမ်းအိုးကို ချပေးရင်း ပြော၏။ “ သားလေး ”  ဆိုပါလား။ သားလေး ဆိုတာ ဘယ်သူ့ကို ဆိုလိုလိုက်တာလဲ။ သူ့ကိုတော့ မဟုတ်တန်ရာ ၊ အဖေ ပြောပုံ အရ ဆိုရင် ထိုသားလေး ဆိုသူက နေ့စဉ် ဆိုင်သိမ်းပေးနေပုံ ပေါ်သည်။ အရသာ ရှိသော အမေ့မုန့်ဟင်းခါးကို နှစ်ပေါင်း များစွာ အတွင်း အခုအကြိမ်ပဲ ပြန်လည် စားခွင့် ရခဲ့သည်။ နောက်ဆုံး တစ်ဇွန်းကို လက်စသတ် စားပြီးတော့ ရေနွေးကြမ်း ပန်းကန်လေးဆီိကို လက်လှမ်းလိုက်ရင်း . . .

        “ အဘတို့က သားသမီး မရှိဘူးလား ”

        နိဒါန်း မပျိုးဘဲနဲ့ကို သူက တိုက်ရိုက် ချမေးလိုက်၏။ သူ့အမေရဲ့ မျက်ဝန်းတွေ ရုတ်တရက် သေးငယ်သွားသလို ဖြစ်ပြီး သူ့အဖေကတော့ အရိုးပေါ် အရေတင်နေသော မျက်နှာပေါ်မှ မေးကြောများ ပိုပြီး ထောင်ထလာအောင် အံကြိတ်လိုက်ပြီး  . . . .

        “ သား အရင်း တစ်ယောက်တော့ အရင်က ရှိခဲ့ဖူးပါတယ်။ အခု အဘတို့နဲ့ နေနေတာကတော့ ရပ်ကွက်ထဲက မိဘမဲ့ ကလေး တစ်ယောက်ကို ခေါ်မွေးစား ထားတာပါ။ သူကပဲ အဘတို့ကို မနက် မုန့်ဟင်းခါးရောင်းနိုင်အောင် ဟင်းရည်အိုး ထမ်းပေးတယ်။ ညနေဆိုလည်း ထမ်းပေးတယ်။ ကျောင်းက ပြန်လာတာနဲ့ အားလုံး ဝိုင်းသိမ်းပေးတယ်။ သူကိုပဲ အဘတို့က အားကိုးနေကြရတာပါ။ ”

       “ အဘတို့သားက အခု ဘယ်ရောက်သွားလို့လဲ ”

       “ ထောင်ထဲမှာပဲ သေရှာပြီလို့ ကြားတာပါပဲ။ သူက ဘယ်ရောက်လို့ ဘယ်ပေါက်တယ် ဆိုတာ အဘတို့လည်း မသိပါဘူး။ သူ ရှိတုန်းကလည်း အဘတို့ အပေါ်မှာ ကူညီဖော် မရပါဘူးလေ။ ကောင်းကျိုး မပေးတဲ့ အပြင် အဘတို့ အတွက် အမြဲတမ်း ဆိုးကျိုးပဲ ပေးနေတာပါ။ သူက အဘတို့ အတွက် အမှိုက်သက်သက်ပါပဲ။ လူ့အမှိုက် ဆိုပါတော့ ”

        သူ့ ခေါင်းထဲမှာ မိုက်ခနဲ ခံစားလိုက်ရပြီး မျက်လုံး အစုံကလည်း ပြာခနဲ ဖြစ်သွားသည်။ သူ ဒီလောက်တောင်မှ ဆိုးခဲ့တာပါလား။

        “ ဟုတ်တယ် ငါ့တူရယ် ၊ အဒေါ့်မှာ ရွှေဆိုလို့ မင်္ဂလာဦး ပစ္စည်းလေး တစ်ခုပဲ ရှိတာပါ။ ဒါကို သူဖဲရိုက်ဖို့ တောင်းတာ မပေးလို့ ဆိုပြီး အဒေါ့် ယောက်ျားကိုလည်း ထမ်းပိုးနဲ့ ရိုက် ၊ အဒေါ့်ကိုလည်း တွန်းထိုးလုပ်ပြီး ယူသွားပြီးကတည်းက ပြန်မတွေ့တော့တာ အခုထိပါပဲ။ ဒါပေမဲ့လည်း . . . ”

        သူ့ အမေဆီမှ ဒါပေမဲ့ ရဲ့ နောက်ဆက်တွဲကို သူ မျှော်လင့်ကာ နားထောင်နေမိ၏။ အတိတ်တွေကြောင့် အားယူကာ ပြောနေရသလို အဘွားအိုက ပြောနေ၏။

        “ ဒါပေမဲ့လည်း သူ ထွက်သွားကတည်းက အဒေါ်တို့ ဘဝက အေးချမ်းသွားတယ် လို့ ဆိုရမှာပါပဲ။ အသက်ကြီး လာတော့လည်း နည်းနည်းတော့ ကသီတာပေါ့လေ။ ဒါပေမဲ့ သားလေး ကို မွေးစားလိုက်တာမှာ မွေးစားသား ဆိုပေမဲ့ သားအရင်းထက် အားကိုးရပါတယ်။ ”

         “ ဒီကလေးက ဘယ်အရွယ်လောက် ရှိနေပြီလဲ ”

         ဆို့နင့်နေသော လည်ချောင်းကို ဖျစ်ညှစ်ပြီး သူ မေးလိုက်သည်။

         “ သားလေးက အခုမှ ၁၃ နှစ်ပဲ ရှိပါသေးတယ်။ ဒါပေမဲ့ ဆိုင်ကို ထိုင်ရောင်းရတယ် ဆိုယုံလောက်ကို အားလုံး လုပ်ပေးရှာတာ ၊ သူသာ မရှိရင် အဒေါ်တို့တော့ ငတ်သေတာ ကြာပေါ့ကွယ်။ ”

        “ သြော်.  . . . . . . . ”

        ထိုသြော် ဆိုသော အသံဟာ သူ့ရဲ့ လည်ချောင်းတွင်းကို ထိုးထွက်လာတဲ့ သူ့ရဲ့ ရင်တွင်းမှ အပူစ တစ်စသာ ဖြစ်၏။ သူ့အတွက် ဆက် ပြောစရာ နိတ္ထိ ၊ ဗလာ မျှသာ။

        “ အမေ နဲ့ အဖေ ၊ သား ပြန်လာပြီ ”

        အသံနဲ့အတူ ကလေးအရွယ် တစ်ယောက်ဝင်လာ၏။ တကယ်တော့ သူမွေးရင် သူ့သားလောက်သာ ရှိပေမည်။ သူ့မိဘတွေ အတွက်တော့ မြေးတစ်ယောက် အရွယ်မျှသာ။ ဒါပေမဲ့ သားတစ်ယောက်ပမာ အားကိုးရသူ ဖြစ်သည် ဆိုပဲ။

         “ ပြန်လာပြီလား သား ၊ အိမ်ပြန်ပြီး အဝတ်အစားလဲ ရေမိုးချိုးလေ ၊ ပြီးမှ ဆိုင်ကို တစ်ခေါက် ပြန်လာပေါ့။ ”

         “ မပြန်တော့ပါဘူး အမေ ၊ ဆိုင်သိမ်းတော့မလား ၊ ရောင်းရရဲ့လား ”

         “ ဒီနေ့ သိပ်မရောင်းရဘူး သားလေး ၊ ဒါပေမဲ့ ဘာမှတော့ သိပ်မကျန်တော့ပါဘူး။ အိမ်ပြန်ရောက်မှ ပိုတဲ့ ဟင်းရည်ကို အရည်သောက် လုပ်စားကြတာပေါ့။ သားလေး ခဏနားဦး။ ”

         “ ဟုတ်ကဲ့ ဒါဆိုရင် သား အိမ်ပြန်ပြီး လွယ်အိတ်ထားရင် အဝတ်အစား လဲလိုက်ဦးမယ်။ ”

         “ အေးအေး . . သားလေး ”

        ကြားနေရသော စကားသံတွေက သူနဲ့ နီးနီးလေး ဖြစ်ပေမဲ့ ဟိုးအဝေးကြီးက လာသလို ခံစားရသည်။ တိုးလျကာ တိတ်တဆိတ် တစ်နေရာရာက ဖြတ်သန်း လာသလိုလို။ သူ့အတွက် သူ့မိဘမှာ နေရာမရှိ ၊ သူဟာ သူတို့ ဘဝထဲမှာ သေဆုံးသွားခဲ့ပြီ။ သူတို့ရဲ့ သားအရင်းထက် မွေးစားသားက ပိုတောင်မှ အားကိုးနေရတယ် ဆိုတာ သူတို့ရဲ့ အသံတွေမှာပင် ပေါ်လွင် ထင်ရှားလွန်းလှသည်။

        “ ဒါဆို သား ခဏ ပြန်လိုက်ဦးမယ် ”

        သူ့နဘေးက ဖြတ်ကာ ထွက်သွားသော လူငယ်လေးက သူ့ကို သာမာန် မုန့်လာစားသူ တစ်ယောက်ထက် ပိုပြီး စိတ်ဝင်စားဟန် မတူ။ ဖာသိဖာသာပင် ဖြတ်သွား၏။ ထောင်မှ ထွက်လာကတည်းက သူ့ရဲ့ မျှော်လင့်ချက်တွေ ၊ ထင်ထားသမျှတွေ အားလုံး ဇောက်ထိုးမိုးမျှော် ဖြစ်ကုန်၏။ သူ့မိဘအတွက် သူ ဘာမှ မလုပ်ပေးနိုင်သူ တစ်ယောက်ပါလား။ ဟုတ်တယ်။ အခုလည်း သူက မသန်မစွမ်း တစ်ယောက် ဖြစ်နေပေပြီ။ ပြီးတော့ လူ့ပြည်မှာ နောက်ထပ် လပိုင်းမျှသာ အသက်ရှင်ခွင့် ရှိသူတစ်ယောက်မျှပဲ မဟုတ်လား။ ဘာမှ တန်ဖိုး မရှိသော လူတစ်ယောက် ဖြစ်နေခဲ့ပြီ။

        “ ငါဟာ တန်ဖိုး မရှိတဲ့ လူတစ်ယောက်ပဲ ၊ လောကအတွက် အသုံး မဝင်တဲ့ သူ တစ်ယောက် ၊ မိဘအတွက်လည်း အကျိုး မရှိတဲ့ ကောင် ”

         သူ့ရင်တွင်းမှာ ဒီစကားတွေက အကြိမ်ကြိမ် ပဲ့တင်သံတွေ အဖြစ် မြည်ဟီးနေသည်။ ရေနွေးကြမ်း ခွက်ကို ရှေ့ချကာ ခေါင်းငိုက်စိုက်ကျနေသော သူ့ကို သူ့အဖေ နဲ့ အမေကတော့ မုန့်စားသူ တစ်ယောက် သူ့ဖာသာ တခြားကိစ္စ စဉ်းစားနေသည်ဟု ထင်မည်လား မပြောတတ်ပေ။ သို့သော် သူ့ရင်ထဲမှာတော့ သူ့ရဲ့ အိမ်အပြန်လမ်းဟာ တန်ဖိုး မရှိသူ တစ်ယောက် ၊ မိဘကို အကျိုးမပြုနိုင်သူ တစ်ယောက် ဖြစ်နေခဲ့ပေပြီ။

         “ ဟေး . . . လိုက်ဟေ့ . . . လိုက်ဟ . . . ”

         “ ခွေးရူးဗျို့ . . .ခွေးရူး . . .”

         “ အရှေ့က လူတွေ သတိထားဗျို့. . အရှေ့မှာ ပြေးနေတာ ခွေးရူး ”

          ရုတ်တရက် ဆူညံသော အသံတွေကြောင့် ရေနွေးခွက်ကို ကြည့်ရင်း ခေါင်းငိုက် စိုက်ကျနေသော သူ့ခေါင်းအစုံ မတ်သွား၏။ ထို့အတူ ဈေးဗန်း နောက်မှာ ထိုင်နေသော သူ့အမေကလည်း ထိုင်ရာမှ ထလိုက်၏။ ဆိုင်ဘေးမှာ ထိုင်ကာ မီးဖိုထဲမှာ မီးခဲများကို ထုတ်ကာ မီးစများကို သတ်နေသော သူ့ အဖေကလည်း ထရပ်၏။ သူတို့ သုံးယောက်လုံး အသံကြားရာ လှမ်းကြည့်လိုက်တော့ အော်သံတွေ ထွက်ပေါ်ရာမှာ လူငယ် တစ်စုက ငြာသံပေးလျက် ပြေးလိုက်လာကြသည်။ သူတို့ရဲ့ အရှေ့ ခပ်လှမ်းလှမ်းမှာ သွားရည် တမြားမြားနှင့် ခွေးရူး တစ်ကောင်က မာန်ဖီ ပြေးလွှားလျက် ၊ ထိုခွေးရူးရဲ့ ဦးတည်ရာက ဆိုင်ထဲမှ ထွက်သွားသော သူ့ရဲ့ မိဘတွေ အခေါ် “ သားလေး ” ရဲ့ ဆီသို့။

         သူ့ပါးစပ်မှာ “ ဟာ ” ခနဲ အသံထွက်သွားချိန်မှာ . . .

         သူ့အမေ ပါးစပ်မှ “ သားလေး ခွေးရူး ဆိုပဲ ၊ ပြန်ပြေးလာခဲ့ ” ဟု အမောတကော သတိပေး စကားသံ ထွက်လာသည်။

         သူ့အဖေ ကတော့ နီးရာ သစ်သားချောင်းကို ဆွဲကာ တုန်ချိ၍ ကုန်းနေသော ခါးဖြင့် လမ်းမထက် ဆီကို ပြေးတတ်သွား၏။

         လူငယ်လေးကလည်း ခွေးရူး နောက်က လူတွေ အော်ဟစ်သံ ကြားလိုက်တဲ့ အချိန်မှာ ခွေးရူးနဲ့ သူက ဓါတ်တိုင် တစ်တိုင်စာမျှပင် မဝေးတော့။ အားလုံးရဲ့ အော်သံ ဟစ်သံတွေ ကြားလိုက်တဲ့ အချိန်မှာပင် သူတို့ မုန့်ဟင်းခါး ဆိုင်သို့ နောက်ပြန်လှည့်ပြေးလေ၏။ သို့သော် သူနဲ့ ခွေးရူးက အလွန်ပင် နီးကပ်နေချေပြီ။

        “ အဲဒီခွေးရုးနား မကပ်နဲ့။ ခုနက ကျွန်တော်တို့ ထိုးလိုက်တဲ့ မှိန်းစိုက်ပြီး အရိုးကျွတ် စိုက်လျက် ပါသွားတယ်။ ဒီကောင် နာနေတော့ ကျားနာခဲ ခဲလိမ့်မယ်။ ”

          နောက်က လူတွေကလည်း အဆက်မပြတ် အော်ဟစ် သတိပေးနေသည်။ သို့သော် နီးကပ်နေသော လူငယ်လေး နဲ့ တရှူးထိုး ပြေးလာသော ခွေးရူးက ဘာမှ မကွာ။

         “ ငါ့သားလေးတော့ ဒုက္ခပါပဲ ”

         ဆိုသောစကားသံ သူ့ အမေဆီမှ ထွက်လာ၏။ ငါ့ကို ကိုက်ချင် ကိုက်ပါစေ ဆိုသော ဟန်ဖြင့် သားငယ်လေးကို ကာကွယ်ဖို့ သူ့အဖေက သစ်သားချောင်း တစ်ချောင်းကို ဆွဲကာ လမ်းပေါ်သို့ တတ်သွား၏။ ဒီအချိန်မှာ သူ့ရင်ထဲမှာ မြည်ဟီးနေတဲ့ အသံတွေက . . . . .

        “ ငါဟာ တန်ဖိုး မရှိတဲ့ လူတစ်ယောက်ပဲ ၊ လောကအတွက် အသုံး မဝင်တဲ့ သူ တစ်ယောက် ၊ မိဘအတွက်လည်း အကျိုး မရှိတဲ့ ကောင် ”

       “ ငါဟာ တန်ဖိုး မရှိတဲ့ လူတစ်ယောက်ပဲ ၊ လောကအတွက် အသုံး မဝင်တဲ့ သူ တစ်ယောက် ၊ မိဘအတွက်လည်း အကျိုး မရှိတဲ့ ကောင် ”

         ဒီလိုတွေသာ မြည်ဟီးနေ၏။ ငါက သေမထူး နေမထူး ၊ ဒါပေမဲ့ တန်ဖိုး ရှိတဲ့ လူတွေ မသေရဘူး။ သူ ဖြတ်ခနဲ အသိစိတ်ဝင်ကာ သစ်သားချောင်းကိုင်ကာ လမ်းမပေါ် ပြေးတတ်သွားသော သူ့အဖေကို လှမ်းဆွဲလိုက်သည်။ ပြီးတော့ သူ့နောက်ကို တွန်းပို့ရင်း သူက လမ်းမပေါ်သို့ ပြေးတတ်ကာ သူ့ဆီသို့ ပြေးလာသော လူငယ်လေးနဲ့ ခွေးရူးဆီသို့ အားကုန်ထုတ်ကာ ပြေးလေတော့၏။ တရွတ်ဆွဲကာ ဆတတ ဖြစ်နေသော သူ့ခြေထောက်တွေက သူ စိတ်ထင်တိုင်း အမြန်နှုန်းကို မရပါ။ သို့သော် သူ အားတင်းကာ ပြေးသည်။ ဒါ သူ့ဘဝမှာ နောက်ဆုံးပြေးတာလဲ ဖြစ်နိုင်သည်။

       တရွတ်ဆွဲနေသော ခြေထောက်မှ ဆစ်ခနဲ ဆစ်ခနဲ နာကျင်သော ခံစားမှုကို သူ ခံစားရ၏။ သို့သော် သူ အရှိန်မြှင့်ကာ ပြေးသည်။ သူ ပို၍ မြန်သထက် မြန်နိုင်အောင် ပြေး၏။ ရှေ့ လက်တကမ်းမှာ လူငယ်လေးနှင့် ခွေးရူးကလည်း မှီလုမှီခင်ပင် ဖြစ်နေ၏။ သူ နီးသထက် နီးအောင် သူ မြန်သထက် မြန်အောင် ပြေး၏။ နီးသထက် နီးလာပြီး သူ့နဘေးနားမှ လူငယ်လေး ဖြတ်ပြေးအသွားမှာ သူနဲ့ ခွေးရူးနဲ့သာ မျက်နှာချင်း ဆိုင် ကျန်နေခဲ့ လေတော့သည်။

       “ ဟေ့လူ လှည့်ပြေးလေ ၊ အဲဒါ ခွေးရူး ၊ ပြီးတော့ ကျားနာခဲ လိုက်ခဲ နေတာ ပြေး . . ပြေး . . .”

      သို့သော် သူ လုံးဝ မလှုပ် ၊ သူ မပြေး။ ခွေးရူးကိုသာ သူ တည့်တည့်ကြည့်နေသည်။ သူ့နောက်မှာ သူ့အဖေ နဲ့ အမေ ရှိနေသည်။ ပြီးတော့ သူ့အဖေ နဲ့ အမေကို လုပ်ကျွေးနေသော သားအရင်းထက် ကောင်းသော မွေးစားသားလေး ရှိနေသည် ဆိုသော စိတ်က သူ့ကို ကျောက်ဆိုင်လို ငြိမ်သက်စေသည်။ သူ ကမူးရှူးထိုး ပြေးလာသော ခွေးရူးကိုသာ အာရုံစိုက်ကာ ကြည့်နေလိုက်သည်။ ခွေးရူးကလည်း သူ့ အရှေ့မှာ ထီးထီးကြီး ရပ်နေသော လူသားကို ခုန်ကာ အုပ်လိုက်သည်။ ခြေထောက်တစ်ဘက်သာ တရွတ်ဆွဲ မနေရင် သူ တစ်ဘက်ကို ခြေထောက်ပြောင်းကာ ရှောင်လိုက်နိုင်လိမ့်မည်။

       အခုတော့ သူ့ရဲ့ လှုပ်ရှားမှုတွေက နှေးကွေး လေးလံလွန်းနေချေပြီ။ ခုန်အုပ်လာသော ခွေးရူးက သူ့အပေါ် တည့်တည့် ခုန်အုပ်မိ၏။ သွားအစုံကို ဖြဲကာ ဝင်လာသော ခွေးရူး ပါးစပ်ထဲကို သူ့ရဲ့ ဘယ်ဘက် လက်ဖျံကို ထိုးထည့်လိုက်သည်။ ခွေးရူးကလည်း ထိုလက်ဖျံကို မိမိရရ ခဲမိသည်။ ခုန်ဝင်လာသော အရှိန် ၊ ရှောင်ရန် ပြင်ဆင်နေသောကြောင့် ပျက်နေသော ဟန်ချက်ကြောင့် သူ ခွေးရူးနဲ့ အတူ လဲကျသွားသည်။

         သူနဲ့ ခွေးရူး ၊ ခွေးရူး နဲ့ သူ ဘယ်သူက ဘယ်သူ ဆိုတာ မသဲကွဲတော့အောင် လုံးနေ၏။ ခွေးရူးရဲ့ မှိန်းထိထားသောကြောင့် ကျားနာခဲ ခဲကာ ကိုက်ခဲသံတွေကလည်း ဘေးနားကို ပျံ့လွင့်နေ၏။ သူကလည်း လွတ်နေသော လက်တစ်ဘက်ဖြင့် ခွေးရူး၏ လည်မျိုကို ညှစ်၏။ သို့သော် သူ၏ လက်တွေက သောက်ရေခွက် လက်ကိုင်ကိုင်းကိုတောင်မှ မိမိရရ မကိုင်တွယ်နိုင်တော့သော လက်တွေ ဖြစ်၏။ ဒါကြောင့် ခွေးရူးရဲ့ လည်မျိုကို ညှစ်မိရမည့် အစား လည်မျိုကို တွန်းမိသွားသည်။

        သူ့ရဲ့ လက်တစ်ဘက်ကို ခဲထားသော ခွေးရူး ပါးစပ်အဟမှာ တွန်းလိုက်သလို ဖြစ်ကာ ခွေးရူးက သူ့ကိုယ်ပေါ်မှ ခဏခွာသွားကာ အနည်းငယ် အဝေးက လွင့်သွား၏။ သူ့ကိုယ်ပေါ်မှာနဲ့ လက်မှာ ခွေးရူးရဲ့ ကိုက်ခဲ ခံထားရမှုတွေက ဗလပွ ၊ လမ်းမပေါ်မှာ လူသူ အနည်းငယ်သာ ရှိသည်။ ခွေးရူး ဆိုကတည်းက အိမ်တံခါးကို လုံခြုံစွာ ပိတ်၍ ပြတင်းပေါက်မှသာ ကြည့်နေကြသည်။ နောက်က တုတ် ၊ ဓါး ၊ မှိန်း ဆွဲကာ လိုက်လာသော လူတွေကလည်း ဘယ်သူမှတော့ ခွေးရူးနဲ့ ထိပ်တိုက် မဆုံချင်ကြချေ။

        သူ့ကိုယ်ပေါ်မှ ခွာသွားသော ခွေးရူးက ဟိုဟိုဒီဒီကြည့်ရင်း ထွက်ပေါက်ကို ကြည့်လိုက်တော့ ခွေးရူးက သူနဲ့ မုန့်ဟင်းခါးဆိုင်လေး ကြားထဲမှာ ရောက်နေ၏။ ဟိုဘက်ကို လှည့်ပြေးမလား ၊ သူနဲ့ ခွေးရူးလိုက်သူတွေ ဘက်ကို ပြေးမလား ဆိုသော သဘောမျိုး။ ခဏငြိမ်ကာ သွားရည် တမြားမြားနှင့် ခွေးရူးက သူ့ကို တစ်ချက်ကြည့်ကာ နောက်ကို လှည့်ပြေးဖို့ ပြင်၏။ ထိုနေရာကား သူ့အဖေ ၊ အမေ နဲ့ သူ့မိဘတွေ အားကိုးနေရသော လူငယ်လေး ရှိနေရာ မုန့်ဟင်းခါးဆိုင် သို့ . . .။

         လက်တကမ်း အကွာမှ ခွေးရူးက သူနဲ့ ခွေးရူးနောက်လိုက်သော လူတွေဘက်ကို မလာတော့ဘဲ သူ့မိဘတွေရှိရာ မုန့်ဟင်းခါး ဆိုင်ထဲကို ပြေးဝင်ဖို့ ဟန်ပြင်လိုက်တယ် ဆိုရင်ပဲ သူ ခုနက ခွေးရုး သူ့အပေါ် ခုန်အုပ်သလိုမျိုး ၊ ခွေးရူးပေါ်သို့ သူ ခုန်အုပ်လိုက် လေတော့သည်။ သို့သော် ခွေးတစ်ကောင်ရဲ့ ပြေးအားကြောင့် ခွေးရူးပေါ်ကို သူ မမှီလိုက်။ မှီရာ မိရာကို ဆွဲလိုက်တော့ ခွေးရူးရဲ့ ခြေထောက် တစ်ဘက်ကို ဆွဲလိုက်မိ၏။ ပြေးဖို့ တာဆူနေသော ခွေးရူးကလည်း သူ့ခြေထောက်ကို လာဆွဲ ခံရသောကြောင့် နောက်ပြန်လှည့်ကာ မိရာကို ကိုက်လေတော့သည်။

        ခွေးရူး ကျားနာခဲ ခဲကာ ကိုက်သော နေရာမှာ သူ့ရဲ့လည်မျိုသို့ ဖြစ်၏။ လည်မျိုကို ဘေးတစောင်း အနေအထားဖြင့် အကိုက်ခံနေရသည်။ သူကလည်း လွတ်လွတ်ကျွတ်ကျွတ် ဖြစ်အောင် မိထားသော ခြေထောက်ကို လွှတ်ကာ လက်နှစ်ဘက်လုံးဖြင့် ခွေးရူးကို လည်ပင်းကို ညှစ်သည်။ ခွေးရူးကလည်း ရုန်းရင်း ကန်ရင်းဖြင့် သူ့ လည်မျိုကို ပို၍ ခဲထားသည်။ နောက်ဆုံး သူ့ရဲ့ မသန်လှတော့သော လက်က ခွေးရူးရဲ့ ကျောကုန်းမှာ ထိုးမိနေသော အရိုးကျွတ် မှိန်းသွားကို သွားစမ်းမိသည်။ မှိန်းသွားကို ဆွဲနုတ်ကာ ခွေးရူးရဲ့ လည်ပင်းကို ဖက်၍ ဝမ်းဗိုက်ထဲသို့ ဆက်ကာ ဆက်ကာ ထိုးသွင်းလေတော့သည်။ ခွေးရူးကလည်း သူ့ရဲ့လည်မျိုကို ကိုက်ထားရာမှ မလွတ်။ သူကလည်း ဆက်တိုက် ထိုးနေခဲ့သည်။

         နောက်ဆုံးတော့ တဂိန်ဂိန် အော်မြည်လျက် ခွေးရူး သူ့လည်မျိုကို ကိုက်ထားရာမှ လွှတ်ကာ ငြိမ်သက်သွား လေတော့သည်။ ဒီတော့ ခွေးရူးနောက်ကို လိုက်လာသော လူတွေကလည်း ချက်ချင်း အနားကို ရောက်လာကာ ခွေးရူးကို ပို၍ သေချာစေရန် မှိန်းများဖြင့် ဝိုင်းထိုးကြ၏။ သူ့ တကိုယ်လုံးမှာတော့ ခွေးရူးရဲ့ သွေးများနှင့် သူ့ရဲ့ သွေးများက မြင်မကောင်းအောင် ပေပွနေ၏။ ထို့ပြင် ခွေးရူးကိုက်သော ဒဏ်ရာ လည်မျိုမှ သွေးတွေကလည်း အဆက်မပြတ် ကျလျက်။ သို့သော် သူ့အနားကို ဘယ်သူမှ ကပ်မလာရဲ။ ခွေးရူးရဲ့ သွားရည်မှ တဆင့် ခွေးရူးပျံရောဂါ ကူးစက်နိုင် မဟုတ်ပါလား။ အခုဆို သူ့မှာ သေချာနေပေပြီ။

         “ ဖြစ်ရလေ ငါ့တူရယ် ”

         ဟု ဆိုကာ သူ့အနားကို သားမှန်း မသိသော သူ့အမေ တိုးကပ်လာ၏။

         “ မလာနဲ့ ၊ ကျွန်တော့်နားကို မလာကြနဲ့။ ဒီအဒေါ်ကို တားထားလိုက်ကြပါဗျာ။ ကျွန်တော့်ဆီက ခွေးရူးပိုးတွေ ကူးသွားနိုင်တယ်။ သူ့ကို တားထားကြပါ။ ”

         အော်နေရင်း ၊ ဟစ်နေရင်းနဲ့ သူ သွေးထွက်လွန်ကာ တရွတ်ဆွဲနေသော ခြေထောက်နှင့်ပင် မထောက်နိုင်တော့ဘဲ ခွေကျသွားကာ သတိလစ် သွားလေတော့သည်။ သူ့လည်ချောင်းမှ ခွေးရူး ကိုက်ခံရသော ဒဏ်ရာက အတော်ပင်ကြီးကာ သွေးများက ဒလဟော ထွက်ကျနေသည် မဟုတ်လား။ လူနာတင်ယာဉ်ကို ဖုန်းဆက်ခေါ် ၊ လူနာတင်ယာဉ် ရောက်လာတော့ သူ့ကို လုံခြုံသော ပလတ်စတစ်ဖြင့် ပတ်ကာ ခေါ်ဆောင် သွားလေတော့သည်။ ဒါပေမဲ့ ဆေးရုံ မရောက်ခင် လမ်းမှာပင် သေဆုံးသွား ခဲ့လေတော့သည်။



          တစ်ခါက . . .

         ခွေးရူးကိုက်လို့ အချိန်အတော်ကြာမှ သေဆုံးခြင်း မဟုတ်ဘဲ ၊ ခွေးရုးနဲ့ နပန်းလုံးကာ ခွေးရူုးကို သေအောင် သတ်ပြီး သူပါ အသတ် အသေခံသွားသော လူတစ်ယောက် ထိုရပ်ကွက်လေး တစ်ခုမှာ ရှိနေခဲ့ဖူးတယ် ဆိုတာကို ကြုံခဲ့သူတွေ ၊ မျက်စိဖြင့် မြင်ခဲ့သူများက ထပ်ဆင့်ပြောပြကြသည်။ သို့သော် တခြားလူတွေ ခွေးရူး ဆိုရင် လွတ်ရာ ကျွတ်ရာကို ထွက်ပြေးသွားကြပေမဲ့ ဘာလို့ ဒီလူကတော့ မုန့်ဟင်းခါးဆိုင်က အဘိုးအဘွားနဲ့ မွေးစားသားလေး အတွက် အသက်သေတဲ့ အထိ အသေခံရင်း ခွေးရူးကို တိုက်ခိုက်သွားတယ် ဆိုတာ နားမလည်ကြဘူး။

          နှစ်ပေါင်းများစွာ ကြာခဲ့ပေမဲ့ မုန့်ဟင်းခါးဆိုင် နားမှာ ဖြစ်ခဲ့တဲ့ ခွေးရူး တိုက်ပွဲ  အကြောင်းကို ကြုံတိုင်း တသသ ပြောလေ့ ရှိကြ၏။ ထိုအထဲတွင် သူတို့ရဲ့ ရန်ကို ကာကွယ်ရင်း အသက်ပေးသွားသူ ဆိုကာ တအံ့တသြ ပြောဆိုနေသော မုန့်ဟင်းခါး ရောင်းသော အဘိုး အဘွားနဲ့ သူတို့ရဲ့ မွေးစားသားလေးလည်း ပါဝင်ပါသည်။

           သို့သော်. . . . .



          သို့သော် . . .

         သူတို့ ရပ်ကွက်ထဲတွင် ခွေးရူးကို ဘာလို့ အသက် အသေခံကာ တိုက်ခိုက်သွားတယ် ဆိုတာကို မအံ့သြသော လူတစ်ယောက် ရှိနေခဲ့ပါသည်။ ထိုသူသည် ခွေးရူး အကိုက်ခံရလို့ လည်မျိုမှ သွေးတွေ ထွက်ကာ ဒဏ်ရာရနေသော အမည်မသိ လူကို ဆေးရုံကားဖြင့် ခေါ်ဆောင်သွားသော အခါမှာ လိုက်ပါသွားခဲ့သော ရပ်ကွက်ထဲမှာ လူတစ်ယောက် ဖြစ်၏။

          ဆေးရုံကို မရောက်ခင်မှာပင် အသက် ဆုံးရှုံးသွားသော ထိုလူ့အတွက် တာဝန်ယူသင့်သည်များကို ယူရန် ဆောင်ရွက်နေစဉ် ခွေးရူး ကိုက်ခံရကာ သေဆုံးသွားခဲ့သော ထိုလူ၏ အင်္ကျီ ရင်ဘတ်စ ဟနေရာမှ ထိုသူ ရေးထိုးထားသော ဆေးမင်ကြောင်များကို တွေ့လိုက်ရ၏။ ထိုဆေးမင်ကြောင်မှာ အသည်းပုံ နှစ်ထပ်ထဲတွင် “ မိဘမေတ္တာ ” ဆိုသော စကားလုံးကို ရေးထွင်းထားပြီး ထိုစာသားရဲ့ အောက်မှာ ထိုသူ့နာမည်ကို ရေးထိုးထားပါသည်။

        ဒီပုံ ၊ ဒီစာကို တွေ့လိုက်ကတည်းက ခွေးရူးကိုက်ကာ သေဆုံးသွားသူမှာ မုန့်ဟင်းခါး ရောင်းသော အဘိုး ၊ အဘွားတွေရဲ့ ပျောက်ဆုံးကာ ထောင်ထဲမှာ သေဆုံးသွားပြီ ဟု သတင်းထွက်နေသော သား ဆိုတာကို သိလိုက်ရ၏။ အဘယ့်ကြောင့် ဆိုသော် ခွေးရူးကိုက်ကာ သေဆုံးသွားသော သူနဲ့ သူဟာ တစ်နေ့တည်း ၊ တစ်ချိန်တည်း ၊ ပွဲခင်း တစ်ခုတည်းမှာ ပုံစံတူ နာမည်သာ ကွဲသော ဆေးမင်ကြောင်ကို ရေးထိုးခဲ့သော ငယ်သူငယ်ချင်း အရင်းကြီး ဖြစ်နေသောကြောင့်ပင် ဖြစ်သည်။

      သူ့ရဲ့ ရင်ဘတ်မှာလည်း အသည်းပုံ နှစ်ထပ်ထဲတွင် “ မိဘမေတ္တာ ” ဆိုသော စကားလုံးကို ရေးထွင်းထားပြီး ထိုစာသားရဲ့ အောက်တွင် သူ့နာမည်ကို ရေးထားသော ဆေးမင်ကြောင် တစ်ခု သူ့ရဲ့ ရင်ဘတ်မှာလည်း ရှိနေခဲ့ပါသည်။ သို့သော် ထို အဖြစ်အပျက်များကို သူ ဘယ်သူ့ကိုမှ ပြန်မပြောပြဖြစ်ခဲ့ပါ။

         နှစ်ပေါင်းများစွာ ဆိုးသွမ်း ပေတေ နေခဲ့သော လူဆိုးလူမိုက် တစ်ယောက်ရဲ့ “ အပြန်လမ်း ” ဟာ မလှပခဲ့ပါ။ သို့သော် အဓိပ္ပါယ်တော့ မမဲ့ခဲ့ပေ။

          ဒါပေမဲ့  . . . . .  အရာရာက ပြီးဆုံးသွားချေပြီ။




      မှတ်ချက်။    ။ ငယ်ငယ်က ကြားဖူးသော အဖြစ်အပျက်လေး တစ်ခုကို ပြန်လည် ခံစားကာ ရေးသားထားခြင်း ဖြစ်ပါသည်။


လေးစားစွာဖြင့်
ကိုဇော်
28.1.2011



Share/Bookmark

23 January 2011

15 ပုဏ္ဏား ခုနစ်ယောက် ဆွဲသော ဆင်ပုံ





     ခပ်ဝေးဝေးမှပင် အသံတွေကို ကြားနေရ၏။ ထိုအသံတွေမှာ ရန်ဖြစ်သံတွေပင် ဖြစ်သည်။ အနီးနားကို ရောက်သော အခါမှာတော့ ပိုအံ့သြသွားရပြန်၏။ ထိုရန်ဖြစ်နေသူများမှာ သာမာန်လူများ မဟုတ်ကြချေ။ သူတို့သည် မျက်မမြင်များသာ ဖြစ်သည်။ ဒီထက် ပို၍ တိတိကျကျ ရုပ်လုံးပေါ်အောင် ပြောရမည် ဆိုရင် ထိုရန်ဖြစ်နေသူတို့သည် “ မျက်မမြင် ပုဏ္ဏား ခြောက်ယောက် ” ပင် ဖြစ်လေတော့သည်။

     နီးလာလေလေ ပုဏ္ဏားတွေရဲ့ ခိုက်ရန် ဖြစ်ပွားမှုက ပို၍ ထင်ရှား ကျယ်လောင် လာလေလေ ဖြစ်၏။ သူသွားရမဲ့ ခရီးစဉ်ကို ခေတ္တရပ်နားကာ ထိုပုဏ္ဏားတွေကို ရယ်၍ ကြည့်မိသည်။ သူတို့ ဖြစ်နေပုံကလည်း ရယ်ဖို့ ကောင်းနေခဲ့ပါသည်။ တစ်ယောက် ၊ နှစ်ယောက် ၊ သုံးယောက် . . . . . . ခြောက်ယောက်. . . ဟုတ်တယ်။ စုစုပေါင်း ပုဏ္ဏားခြောက်ယောက် တိတိ သူတို့ အချင်းချင်း ခိုက်ရန် ဖြစ်ပွားနေကြခြင်း ဖြစ်၏။

       သို့သော် သူတို့ ရန်ဖြစ်နေသည်မှာ စိတ်ညစ်ဖို့ မကောင်းလှ။  ဘယ်သူက ဘယ်သူ့ကို ဦးတည်၍ ခိုက်ရန် ဒေါသ ဖြစ်နေသည့် ပုံစံ မဟုတ်ဘဲ ၊ ပုဏ္ဏား တစ်ဦးတည်းမှ ကျန်သော ပုဏ္ဏားငါးယောက်ကို ဒေါသဖြစ်ကာ ခိုက်ရန် ဖြစ်နေခြင်းမျိုးသာ ဖြစ်သည်။ ဘယ်သူ့ကို ဆိုကာ ဦးတည်ချက် မရှိသောကြောင့် မည်းမည်းမြင်ရာ သူတို့ တိုက်ခိုက်နေခြင်း ဖြစ်သည်။ တကယ်တော့လည်း သူတို့အတွက် ထိုစကားသည် အလွန်ကို သင့်တော်လှပါ၏။ မျက်မမြင်တစ်ယောက် အဖို့ အရာရာသည် မည်းမည်းချည်းသာ မြင်နေရမည် မဟုတ်ပါလား။ ( မယုံပါက အရင် မျက်စိကွယ်အောင် လုပ်၍ စမ်းသပ်ကြည့် ကြစေလိုပါတယ်။ ) ဒါကြောင့် သူတို့ စိတ်ထင်ရာ အရပ်ကိုသာ ဦးတည် တိုက်ခိုက်နေခြင်း ဖြစ်သည်။

       “ ငါ့လက်သီး အရှေ့မှာ ရှိသူ ငါ့ရန်သူ ” ဟု သဘောထားကာ သူတို့ တိုက်ခိုက်နေကြခြင်း ဖြစ်သည်။ ဒါကြောင့် သူတို့ စိတ်ထဲ မေးရိုးဟု ထင်ကာ ထိုးလိုက်သော အရာသည် လေကိုသာ ထိုးမိသည်မှာလည်း အကြိမ်ကြိမ် ၊ အရှိုက်ကို တွယ်လိုက်မကွ ဟု ဆိုကာ ထိုးလိုက်သော လက်သီးမှာလည်း တခြားသော ပုဏ္ဏား၏ ဘယ်နေရာကို ဘယ်လို ထိုးမိသွားသည်ကို သူတို့ဖာသာလည်း သေချာ မသိနိုင်ချေ။ “ အင့် ” ခနဲ အသံကြားလိုက်ရရင် ငါ ထိုးချက် ထိသွားပြီ ဟုသာ သူတို့ဖာသာ ခံယူမိ၏။

        မုန်တိုင်း အတိုက်ခံနေရသော မြက်သမန်းပင်များ ကဲ့သို့ ဂမူးရှူးထိုးဖြင့် လက်နှစ်ဘက် ခြေနှစ်ဘက်ကို ရမ်းကာ တိုက်ခိုက်နေကြပေမဲ့ ထိုးချက်နဲ့ ထိချက်က ရာခိုင်နှုန်းများစွာ ပိပိရိရိကို လွဲချော်နေ လေတော့သည်။ သူတို့ရဲ့ နှာမှုတ်သံများကလည်း ပြင်းထန်သထက် ပြင်းထန်လာကြသည်။ သူတို့၏ ရင်ဘတ်တွေသည်လည်း မောလွန်းမက မောပန်းလာကြသည်။ လှုပ်ရှားမှုတွေ နှေးကွေး လာကြသည်။ ဒါပေမဲ့ သူတို့ကတော့ အနိုင်မခံ ၊ အရှုံးမပေး ဆိုသော ပုံစံတွေဖြင့် တတ်ကြွနေကြ၏။

         သူတို့ရဲ့ လှုပ်ရှားမှုက သူတို့ မျက်မမြင်တွေ အတွက် အဓိပ္ပါယ် ရှိနေနိုင်ပေမဲ့ သူတို့ လှုပ်ရှားမှုတွေကို မြင်တွေနေရတဲ့ ကျွန်တော့် အတွက်တော့ ဘယ်လိုမှ ထိတ်လန့်ဖို့ မကောင်း ၊ သူတို့ အလွဲလွဲ အမှားမှား လေတွေကို ထိုးမိနေတာကို ပြုံးချင်စဖွယ် ဖြစ်မိနေသည်။ ဒေါသတွေ ထွက်ကာ သူတို့ ရှူးရှူးရှားရှား ပိုဖြစ်လာလေလေ ပို၍ ရယ်ချင်စဖွယ် ဖြစ်လာလေလေပါပဲ။ သို့သော် သူတို့ရဲ့ အဖြစ်က သနားဖို့ ကောင်းလှပါသည်။ သူတို့ဟာ မျက်မမြင်တွေ မဟုတ်လား။

       “ ဘာဖြစ်နေကြတာလဲဗျ ”

      ကျွန်တော်က မနေနိုင်ဘဲ ခိုက်ရန် ဖြစ်ပွားနေကြသော သူတို့ကို မေးလိုက်တော့ သူတို့က တိုက်ပွဲကို အရှိန်လျော့ကာ အသံလာရာ ကျွန်တော့် ဆီသို့ နားစွင့်ရင်း လှည့်ကြည့်ကြသည်။

       “ ဘယ်သူလဲ ၊ မင်းက ဘယ်က ကောင်မို့ ငါတို့ကို လာမေးတာလဲ ”

      မျက်မမြင် ပုဏ္ဏား ခြောက်ယောက်ထဲမှာ အသက်အကြီးဆုံးလို့ ထင်ရသော ပုဏ္ဏား ခပ်အိုအိုက လှမ်း၍ မေး၏။ ဒီတော့မှ ကျွန်တော်ကလည်း အခြေအနေကို အမြန်ပြန် သုံးသပ်ပြီး ရှင်းပြလိုက်သည်။

     “ ကျွန်တော်က ဘာကောင်မှ မဟုတ်ပါဘူး။ ကျွန်တော်က သာမာန် လူသား ခရီးသွား တစ်ယောက်ပါ။ ခရီးသွားရင်း ဒီဘက်ကို ခဏ ဖြတ်သွားတုန်း ခင်ဗျားတို့ အခုလို ဖြစ်နေကြတာကို တွေ့လို့ လှမ်းမေးမိတာပါ။ ”

     “ သြ . . မင်းက ခရီးသွားကိုး ”

     “ ဟုတ်ပါတယ် ၊ ဒါနဲ့ ဘာဖြစ်နေကြတာလဲဗျ ”

     “ ပြောရရင်တော့ ရှည်တယ်။ ငါတို့ ရွာထဲကို သူကြီးက သူ့ အလှူအတွက် ဆင် ငှားလာတယ် ဆိုလို့ ငါတို့ သွားကြည့်ကြတယ်။ ”

     “ ဟင် . .  ခင်ဗျားတို့က သွားကြည့်ကြတယ် ဟုတ်လား ”

     ဒီလို မေးလိုက်လို့ သူများကို နှိမ်ပြီး ရိုင်းချင်တဲ့ စိတ်နဲ့တော့ မဟုတ်ပါဘူး။ မျက်မမြင်တွေက သွားကြည့်ကြတယ် ဆိုလို့ အံ့သြသွားတာပါ။ အံ့သြခြင်း နှင့်အတူ ကျွန်တော့် ပါးစပ်များပါ ခဏတာ ပွင့်နေမယ် ထင်ပါသည်။

      “ သွားကြည့်တယ် ဆိုတာ မျက်လုံးတွေနဲ့တော့ မဟုတ်ဘူးပေါ့ကွ ၊ ငါတို့မှ မျက်စိ မမြင်တာ။ အခုဟာက သွားပြီးတော့ ကိုင်ပြီး စမ်းကြည့်တာပေါ့ ”

     “ ဟုတ်လား လုပ်စမ်းပါဦး ၊ ဒါဆို ဆင်ဆိုတာ ဘယ်လိုပုံစံကြီးလဲ ”

     ဆင်ကို မျက်လုံးနဲ့ မမြင်ဖူးလို့ ထိတွေ့ပြီး ကိုင်တွယ် စမ်းကြည့်တဲ့ လူတွေရဲ့ ခံစားမှု အထိအတွေ့ကို စိတ်ဝင်စားမိသည်။

      “ အဲဒီလို ဆင်ကို သွားစမ်းကြည့်မိပြီး ပြန်လာတယ်။ အိမ်ကို ပြန်လာတဲ့ လမ်းမှာတော့ ကိုယ့်အတွေးနဲ့ ကိုယ် ဟုတ်ပြီး ငြိမ်နေတာပါပဲ။ အိမ်ပြန် ရောက်တော့မှ တစ်ယောက်ကို တစ်ယောက် ဆင်ကို သွားစမ်းကြည့်တာမှာ ဘယ်လို ထင်မြင်လဲ လို့ မေးမိရာကနေ စပြီး အခုလို ရန်ဖြစ်ကြတော့တာပဲ ”

      “ သွားစမ်းကြည့်ပြီး ဘယ်လိုများ ထင်မြင်ခဲ့ကြလို့လဲ ”

      “ ငါက ဆင်ရဲ့ နှာမောင်း ဆိုတာကို ကိုင်ကြည့်မိတယ်ကွာ ၊ ဆင်ရဲ့ နှာမောင်းက ရှည်မျောမျောနဲ့ မြွေလိုပဲ ၊ ဒါကြောင့် ငါက ဆင်ဆိုတာ မြွေလိုပဲလို့ ပြောတာ။ ဒါကို နောက် တစ်ယောက်က သူက ဆင်ရဲ့ အစွယ် ဆိုတာကို စမ်းမိတယ်တဲ့။ ဆင်စွယ် ဆိုတာ ချွန်ချွန် ထက်ထက် နဲ့ လှံလိုပဲတဲ့။ ဒါကြောင့် သူက ဆင် ဆိုတာ လှံလိုပဲ လို့ ပြောတယ်။ ဒါကို နောက်ထပ် တစ်ယောက်က သူကတော့ ဆင်ရဲ့ ခန္ဓာကိုယ်ကို စမ်းမိတယ် တဲ့။ ခန္ဓာကိုယ်က အုတ်နံရံလိုပဲတဲ့။ ဒါကြောင့် ဆင် ဆိုတာ အုတ်နံရံလိုပဲ လို့ ပြောတယ်။ ”

       “ သြော်. . .  အဲဒီလို တစ်ယောက် တစ်မျိုးစီ တစ်နေရာကိုပဲ စမ်းမိခဲ့ကြတာလား။ ”

       “ အေးပေါ့ . . . ဆင် ဆိုပြီး ရွာမှာ ရှိတဲ့ လူတွေ အားလုံးကလည်း လာကြည့်နေကြတာကိုး။ ဒါကြောင့် လူလေး ရှင်းတုန်း ခပ်မြန်မြန် ကိုယ်နဲ့ နီးရာကိုပဲ ကိုင်ပြီး စမ်းခဲ့ရတာ။ ”

       “ ဒါဆို ဆက်ပြောပါဦး ကျန်တဲ့ သုံးယောက်ကတော့ ဘာတွေကို စမ်းမိခဲ့လဲ ”

       “ အမြီးကို စမ်းမိတဲ့ တစ်ယောက်က ဆင် ဆိုတာ ကြိုးလိုပဲ လို့ ပြောတယ်။ တစ်ခါ ခြေထောက်ကို စမ်းမိတဲ့ တစ်ယောက် ကျတော့ ဆင် ဆိုတာ သစ်တုံးကြီး တစ်တုံးလိုပဲတဲ့။ ဆင် နားရွက်ကို သွားကိုင်မိတဲ့ တစ်ယောက်ကျပြန်တော့ ဆင် ဆိုတာ လှုပ်နေတဲ့ ယပ်တောင်ပဲတဲ့။ ငြိမ်ငြိမ်နေမဲ့ ကောင် မဟုတ်ဘူးတဲ့။ ”

       “ သြ . . . သြ . . .”

       “ ဒါနဲ့ပဲ ငါတို့ တစ်ယောက်နဲ့ တစ်ယောက် တွေ့ခဲ့တာတွေကို ပြန်ပြောရင်း အငြင်းပွားပြီး ရန်ဖြစ်တာပဲ။ တကယ်တော့ ဆင် ဆိုတာ မြွေ လိုပဲကွ ရှည်မျောမျောနဲ့။ တကယ်ပြောတာ ငါ ကိုယ်တိုင် စမ်းခဲ့တာပဲ ”

       “ မဟုတ်ဘူး ဆင်ဆိုတာ သစ်တုံးပြတ် တစ်ခုလိုပဲ တုတ်တုတ်ခိုင်ခိုင်နဲ့ ”

       “ မဟုတ်ဘူးကွာ ဆင်ဆိုတာ ယပ်တောင်လိုကွ ၊ လှုပ်တုတ်တုတ်နဲ့ ”

      “ မဖြစ်နိုင်ဘူး ဆင် ဆိုတာ သွယ်သွယ် ရှည်ရှည်လေး ကြိုး တစ်ချောင်းနဲ့ တူတယ် ”

       “ ဘယ်ကလာ သွယ်ရမှာလဲ ချွန်ထက်နေတာ ၊ ဆင် ဆိုတာ လှံနဲ့ တူတယ် ”

       “ မဟုတ်တာ ဘယ်လိုလုပ် ချွန်မလဲ ၊ ဆင် ဆိုတာ အုတ်နံရံလိုပဲ ဗြောင်ကြီး။ မှီထားလို့တောင်မှ ရတယ် ”

        “ မဟုတ်ဘူးကွာ . . .မဟုတ်ဘူး . . ”

        “ - - - - - -- - ”

        “ - - - - - - - ”

        ဒါနဲ့ပဲ သူတို့ ပြန်ပြီး ရန်ဖြစ်ဖို့ တာဆူ လာကြတော့သည်။

        “ ကဲပါဗျာ . . တော်ပါတော့။ ခင်ဗျားတို့ အားလုံးပြောတဲ့ ဟာတွေ တစ်ယောက်မှ မမှားသလို တစ်ယောက်မှလည်း မမှန်ဘူး။ ဘာပဲ ပြောပြော လောကမှာ ကိုယ်စမ်းသပ် မိတာကို ကိုယ် အထင်မှာတော့ ကိုယ့်ဖာသာ မှန်တယ်ပဲ ထားလိုက်ပါတော့။ ဒီတော့ ခင်ဗျားတို့ အားလုံး မှန်တယ်ဗျာ။ ဟုတ်ပြီလား ကျေနပ်ပြီလား။ ”

        သူတို့ ငြိမ်သွားသော်လည်း သိပ်တော့ ကျေနပ်ပုံ မပေါ်။

        “ ဒါနဲ့ မင်းက ခရီးသွား ဆိုတော့ ဘယ်ကို သွားမှာလဲ ၊ ဘယ်က လာတာလဲ ၊ ဘာအလုပ် လုပ်တာလဲ  ပြောပြပါဦး  ”

        “ ကျွန်တော်က  အလွန်ဝေးတဲ့ နေရာ တစ်ခုကနေ လာခဲ့တာပါ။ ခင်ဗျားတို့ နားလည်အောင် ဘယ်လို ပြောရမယ် မသိဘူး။ ခပ်တိုတို ပြောရရင်တော့ ကျွန်တော်က ခေတ်လွန်ကနေပြီးတော့ ခင်ဗျားတို့ ခေတ်ဟောင်းကို ပြန်လာခဲ့တာပါပဲ ”

        အာမေဋိတ်သံတွေနဲ့ အတူ သူတို့ အားလုံးဆီက အံ့သြသံတွေ ထွက်လာ၏။ ကျွန်တော်က မျက်မြင် ဖြစ်သောကြောင့် သူတို့ရဲ့ အံ့သြမှု ပါးစပ်တွေ ပွင့်သွားကြတာကို မြင်လိုက်ရပါသည်။

       “ ခေတ်လွန် . . . ၊ ခေတ်လွန်မှာ မင်းက ဘာလုပ်တာလဲ ”

       “ ကျွန်တော်က ဓါတ်ပုံ ပြင်စားတယ်ဗျာ။ ”

       “ ဘယ်လို  ဓါတ်သွားထားတဲ့ အပုံကို ပြင်စားတယ် . . ”

       “ အာ . . . ထွီ . . . ၊ အဲဒီ ဓါတ်ပုံ မဟုတ်ဘူး။ ကျွန်တော် ပြောတာက ဖိုတိုရှော့ ( Photoshop ) ပြင်စားတယ် လို့ ပြောတာ ”

        “ ဘာကွဲ့ . . .၊ ငါတို့ မျက်မမြင်တွေကို မျက်စိလည်အောင် ပြောတာ မင်းပဲ ရှိမယ် ထင်တယ်။ ”

        မျက်မမြင် ပုဏ္ဏား ခြောက်ယောက်နဲ့ တွေ့မှ ကျွန်တော်လည်း အတော်ကို စိတ်ညစ်သွားရသည်။

        “ ဒီလိုဗျာ . . . ဒီလို ၊ ခင်ဗျားတို့ နားလည်အောင် ပြောရရင် ၊ ခင်ဗျားတို့ ပန်းချီ ဆိုတာရော သိလား။ ပိတ်သားပေါ်မှာ ဆေးနဲ့ ဆွဲတာလေ ”

        “ ဒါတော့ သိပါတယ်ကွ ၊ ပန်းချီဆရာ ပီကာဆို ၊ လီယိုနာဒို ၊ ဘာညာတောင်မှ ကြားဖူးသေးတာပဲ ”

        “ ဟုတ်တယ် . . . ဟုတ်တယ်  ၊ အဲဒီ ပန်းချီပဲ။ ခင်ဗျားတို့ နားလည်အောင် ရှင်းရှင်း ပြောရရင် ပန်းချီ ဆွဲသလိုပဲ ၊ ဆွဲပြီးသား ပုံတွေကို ကျွန်တော်က ပိုပြီးတော့ လှအောင်လို့ ပြင်ပေးတဲ့ လူ ၊ ဒါပဲ ”

        “ ဟား . . . ဒါဆိုရင် အတော်ပဲ ”

         သူတို့ထဲက တစ်ယောက်က ဝမ်းသာ အားရ ထအော် ပြော၏။

        “ ဘာဖြစ်လို့လဲ ၊ ခင်ဗျားကလည်း အလန့်တကြား ”

        “ အခု ငါတို့ ပြောနေတဲ့ ဆင် ဆိုတာကို မင်းတတ်တယ် ဆိုတဲ့ ပန်းချီ သဘောတရားနဲ့ တွဲပြီး ဆွဲပေးစမ်းပါ ”

        “ ဘယ်လို ဆွဲပေးရမှာလဲ ”

        “ အခုနက ငါတို့ ပြောနေတာတွေလေ။ မြွေ ၊ ယပ်တောင် ၊ လှံ ၊ အုတ်နံရံ ၊ သစ်တုံး ၊ ကြိုး . . . ၊ ဒါတွေကို စုပြီးတော့ သေချာ ဆွဲလိုက်ရင် ဆင်တစ်ကောင် ရပြီပေါ့ကွ။ ”

       “ ဗျာ . .”

       “ ဗျာ မနေနဲ့လေ။ မင်းက ပန်းချီ ဆွဲသလို မင်းရဲ့ ဓါတ်အပုံကို ပြင်စားတဲ့ ပညာတတ်တယ် ဆို ၊ တတ်တယ် ဆိုရင် ငါတို့ကို အခု ပြောတဲ့ ဟာတွေ ပါအောင် ဆွဲပြီး ဆင်တစ်ကောင် အမှတ်တရ လုပ်ပေးစမ်းပါ ”

         ဟိုက် . . .။ ခက်တော့ နေချေပြီ။ တကယ်တော့ ဆင်မှာ သူတို့ ပြောတာတွေ ပါမှ မပါတာ။ မလုပ်ပေး ပြန်ရင်လည်း သူတို့ကို အားနာစရာ။ သူ့အတွက်ကတော့ ဒီလို ဖြတ်တောက် ဆက်စပ်တယ် ဆိုတာ ဖိုတိုရှော့ အတွက်တော့ ဘာမှ ခက်ခဲတဲ့ ပညာ တစ်ခုတော့ မဟုတ်ပါဘူး။

         “ ကောင်းပြီဗျာ။ လုပ်ပေးမယ် ခဏတော့စောင့် ”

        လက်တော့လေးကို ထုတ်လိုက်ပြီး ဖိုတိုရှော့ကို ဖွင့်လိုက်၏။ အရင်ကတည်းက Google က ရှားထားတဲ့ ဆင်ပုံကို ဖိုတိုရှော့ပေါ်ကို File - Open နဲ့ ဖွင့်ကာ ဆွဲတင်လိုက်သည်။ ထို့နောက် လှံ ၊ မြွေ ၊ ယပ်တောင် ၊ အုတ်နံရံ ၊ သစ်တုံးပြတ် ၊ ကြိုး ပုံများကို သိမ်းထားတဲ့ ဖိုဒါထဲက ရှာကာ ဖြတ်တောက်၍ ဆက်စပ်ကာ ဆင်တစ်ကောင်၏ ကောက်ကြောင်းများတွင် ဖြည့်လိုက်လေတော့သည်။

         ကျွန်တော် လုပ်ထားသော ပုံကို ကိုယ်တိုင် နောက်ဆုံး ကြည့်ပြီး စိတ်ကျေနပ် သွားသလို တစ်ချက် ပြုံး၍ ကြည့်လိုက်မိသည်။ လုပ်နေသမျှကို ဘေးက ပုဏ္ဏား ခြောက်ယောက်ကတော့ ဘာမှ ဝင်မပြောဘဲ မျက်လုံးလေး ပေကလပ် ပေကလပ်ဖြင့် ငြိမ်ကာ စောင့်နေကြ၏။ မမြင်ရတော့ နားတွေကတော့ စွင့်လို့ပေါ့လေ။

         “ ပြီးပြီဗျာ။ ခင်ဗျားတို့ ပြောတဲ့ ပစ္စည်းတွေပါတဲ့ ဆင် တစ်ကောင် ”

         “ ပြီးပြီလား . . . ဘယ်မှာလဲ ”

         သူတို့ အားလုံး ဝမ်းသာ အားရ ဝိုင်းမေးကြသည်။

         “ ပြီးပြီ ၊ ခဏစောင့် ခင်ဗျားတို့ကို ပရင့်ထုတ်ပြီး တစ်ယောက် တစ်ခုစီ ပေးခဲ့မယ် ”

         အိတ်ဆောင် ပရင့်တာလေးကို ထုတ်ပြီး  ပုဏ္ဏား ခြောက်ယောက် ရဲ့စမ်းမိသမျှကို သူတို့ စိတ်ထဲမှာ ထင်မှတ်သလို ပြောခဲ့တဲ့ ပစ္စည်းတွေကို ထည့်ပြီး ဖိုတိုရှော့နဲ့ ပြင်ပေးထားတဲ့ ပုံလေးကို ခြောက်စောင် တိတိ ထုတ်လိုက် လေတော့သည်။ ထွက်လာတဲ့ “ ပုဏ္ဏား ခြောက်ယောက် စိတ်ကူးနဲ့ ဆွဲထားတဲ့ ဆင်ပုံ ” လေးကို တစ်ချက်ကြည့်ကာ သူတို့ကို လှမ်းပေးလိုက် လေတော့သည်။

        ကျွန်တော် လှမ်းပေးသော စာရွက်လေးတွေကို ပုဏ္ဏား ခြောက်ယောက်က နဝေတိမ်တောင်ဖြင့် လှမ်းယူ လိုက်ကြ၏။ ကျွန်တော်လည်း သူများရဲ့ စိတ်ကူးကို ပုံဖော်ပေးလို့ အပြီးမှာ တာဝန် တစ်ခုကို ပြီးပြတ်သွားသော ဒီဇိုင်နာ တစ်ယောက်လို စိတ်ကူးနဲ့ လှည့်ထွက်မယ် အလုပ်မှာ  ပုဏ္ဏား ခြောက်ယောက် ဆီမှ အသံ တစ်ခု တပြိုင်နက်တည်း ထွက်လာသည်။

        “ ငါတို့ အားလုံးရဲ့ ဆင်ကို စုစည်းပြီး ပုံဖော်ထားတယ်သာ ပြောတယ် ၊ တကယ်တော့ ဆင် ဆိုတာ “ X X X ” ကိုး ”

         တဲ့။ 

        “ ဘာ  . . ”

       ဆိုပြီး ကျွန်တော်  ပြစ်ပြစ်ခါခါ ဖြစ်ကာ ခံစားလိုက်ရသည်။ သူတို့ ပြောသလို ဆိုရင် မျက်မမြင် ပုဏ္ဏား ခြောက်ယောက်က မမြင်မကန်း သူတို့ စမ်းခဲ့တာ မြွေ ၊ လှံ ၊ ယပ်တောင် ၊ အုတ်နံရံ ၊ သစ်တုံး ၊ ကြိုးတို့ ဆိုပေမဲ့ သူတို့ စိတ်ထဲမှာ သူတို့လိုပဲ ကျွန်တော် စမ်းလိုက်တာဟာ “ X X X ” များ ဖြစ်နေပြီလား . . . . . . . . ၊



        “ ဆင် ဆိုတာ X X X မဟုတ်ဘူး ၊ X X X မဟုတ်ဘူး ”

         “ ဆင် ဆိုတာ X X X မဟုတ်ဘူး ၊ X X X မဟုတ်ဘူး ”

         “ ဆင် ဆိုတာ X X X မဟုတ်ဘူး ၊ X X X မဟုတ်ဘူး ”

        “ ကိုဇော် . . ကိုဇော် ဘာတွေ ယောင် အော်နေတာလဲ ၊ အိပ်မက် မက်နေတာလား ”

        ခန္ဓာကိုယ်ကို လာထိပြီးတော့  တစ်ယောက်ယောက်ရဲ့ လှုပ်အနှိုး ခံလိုက်ရတော့မှ ကျွန်တော်လည်း အသိဝင်လာ၏။ မျက်လုံးကို ပွတ်ကာ ကြည့်လိုက်တော့ သူငယ်ချင်း ဆိုလည်း ဟုတ် ၊ ညီအစ်ကို လိုလည်း ဖြစ်နေသော “ ဒီဇိုင်နာ နဂါး ” ကို မြင်လိုက်ရသည်။

         “ ဘာလဲ . . . ဘာဖြစ်လို့လဲ ”

        “ မသိဘူးလေ ၊ အစ်ကို ယောင်အော်နေလို့လေ ၊ အိပ်မက်ဆိုးတွေ မက်နေတာလား လို့ နှိုးလိုက်တာ ”

         “ သြော် . . . ဟုတ်တော့ ဟုတ်တယ်။ အိပ်မက်တော့ အိပ်မက်ပဲ ၊ အိပ်မက်ဆိုးတော့ မဟုတ်ဘူး။ ဒါပေမဲ့ ကပ်သီးကပ်သပ် အိပ်မက်ကြီး ”

          “ ဘာဖြစ်လို့လဲ အစ်ကို ”

        “ ဟိုး ရှေးနှစ်ပေါင်းများစွာက ခေတ်ဟောင်းကို ပြန်ရောက်သွားပြီးတော့ ဆင်ကို စမ်းတဲ့ မျက်မမြင် ပုဏ္ဏားတွေနဲ့ သွားပြီး စကားပြောနေမိတာ ၊ ပြီးတော့ . . . ”

        “ ပြီးတော့ ဘာဖြစ်လဲ အစ်ကို ”

        “ ပြီးတော့ သူတို့တွေ စမ်းထားခဲ့တဲ့ မြွေ ၊ လှံ ၊ ယပ်တောင် ၊ အုတ်နံရံ ၊ သစ်တုံး ၊ ကြိုး ၊ ဒါတွေကို အားလုံး စုပြီး ဆင်တစ်ကောင်ရဲ့ ကိုယ်ပေါ်မှာ ဖိုတိုရှော့ နဲ့ ပြင်ပြီး တပ်ပေးလိုက်မိတယ်။ ”

         “ ဟာ . . . ဒါဆို အဲဒီဆင်က ဘယ်လိုပုံစံ ဖြစ်သွားလဲ ”

         ဒီဇိုင်နာ ဆိုတော့လည်း စိတ်ကူးထဲမှာ ချက်ချင်းပုံဖော်လိုက်ပြီး ဆင်အစား ရင်နာသွားပုံ ပေါ်သည်။

         “ ဘယ်လိုလုပ် ကြည့်ကောင်းတော့မလဲ နဂါးရယ် ၊ ဆင်က ဆင်ရုပ် မပေါက်တော့ဘူးပေါ့ ”

          “ အေးဗျာ . . . တော်တော် အကြည့်ရဆိုးတဲ့ ဆင် ဖြစ်သွားတော့မှာပဲ။ ဒါပေမဲ့ အစ်ကိုရာ . . . ”

          “ အင်း . . . ဘာဖြစ်လဲ ”

          “ တကယ်တော့ ကျွန်တော် စဉ်းစားကြည့်မိတယ် ၊ မျက်မမြင်တွေပါ ဆိုမှ သူတို့ မျက်စိ မမြင်ဘူးပေါ့ဗျာ”

           ကျွန်တော် ခေါင်းကုတ်လိုက်ပြီး နဂါးကို စိတ်ပျက်လက်ပျက် ကြည့်လိုက်မိသည်။

           “ နဂါးရယ် ၊ လူကိုတော့ ပိုပြီး ချောင်အောင်တော့ မလုပ်နဲ့နော်။ နဂိုကတည်းက ရူးချင်နေတာ ”

         “ မလုပ်ပါဘူး အစ်ကိုရ ။ ကျွန်တော် ပြောချင်တာက သူတို့ ဆင်တောင်မှ မမြင်ဖူးတဲ့ မျက်မမြင်တွေပါ ဆိုမှ သူတို့ ငယ်ငယ်ကတည်းက မျက်မမြင်တွေ ဖြစ်ရမှာပေါ့ ”

           “ အင်း ဟုတ်တယ် ၊ ဒီလိုပဲ ဖြစ်နိုင်တယ် ”

           “ ငယ်ငယ်ကတည်းက မျက်စိ မမြင်လာမှတော့ အစ်ကိုရယ် ၊ သူတို့ မြွေ ၊ လှံ ၊ ယပ်တောင် ၊ အုတ်နံရံ ၊ သစ်တုံး ၊ ကြိုး ဆိုပြီးတော့ သေချာ ခွဲခြားပြီးတော့ သိနေနိုင် ပါတော့မလား ”

          “ ဟာ . . . ဟုတ်တာပေါ့ ၊ အမှန်ပဲ ”

         “ ဒီတော့ ဒီပုံပြင်က ၊ ဒီအဖြစ်အပျက်က တကယ်ရော ဖြစ်နိုင်ပါတော့ မလားလို့ပါ ”

         “ ဟုတ်တယ် ဒါ စဉ်းစားစရာပဲ။ သူတို့ ဆင်တောင်မှ မမြင်ဖူးမှတော့ တခြားဟာတွေကိုလည်း မမြင်ဖူး နိုင်တော့ဘူးပေါ့။ ဒီတော့ သူတို့ လှံ ၊ မြွေ ၊ သစ်တုံး ၊ ယပ်တောင် ၊ ကြိုး ၊ အုတ်နံရံ ဆိုပြီး ဘယ်လိုလုပ် ခွဲခြား ပြောနိုင်ပါ တော့မလဲ ”

         “ ဟုတ်တယ် အစ်ကို ၊ ဒါကို ပြောတာ ”

        “ တကယ်ကို စဉ်းစားစရာပဲ။ ဒါပေမဲ့လည်းလေ ခေတ်ဟောင်း ဆိုတာ ခေတ်ဟောင်းမှာပဲ ထားခဲ့ လိုက်တာ ပိုကောင်းပါတယ်။ ကိုယ်က ခေတ်ဟောင်းကို ပြန်လိုက်သွားပြီး သူတို့ စမ်းခဲ့တဲ့ ဆင်ကို ဝင်ပုံဖော် ပေးလိုက်တော့ . . . . .”

       “ ဘာဖြစ်လို့လဲ အစ်ကို ” 

       “ သြော်. . . ကိုယ်တိုင်က သတ္တမမြောက် ပုဏ္ဏား ဖြစ်သွားတာပေါ့ဗျာ ”

       “ ဘယ်လို ဖြစ်သွားတာလဲ အစ်ကို ”

       “ ဟုတ်တယ်။ ကျွန်တော်လည်း ဖိုတိုရှော့ နဲ့ ဆင်ပုံကို လုပ်ပေးပြီးလို့ တစ်ယောက် တစ်ရွက် ပရင့်တာ နဲ့ ပုံလေးတွေ ထုတ်ပေးပြီးတော့ သူတို့က လှမ်းပြောသွားတယ်။ ”

        “ ဘာပြောလဲ ”

        “ ဆင် ဆိုတာ “ စာရွက် ” တစ်ရွက် လိုပါပဲလား ”

        တဲ့။

        အင်း . . . .
     

        “ အင်း . . . ကျွန်တော် ခေတ်ဟောင်းက လူတွေနဲ့ ခပ်ဝေးဝေး နေတာ ကောင်းမယ် ထင်ပါတယ်။ သူတို့က မမြင်မကန်းနဲ့ ရမ်းစမ်းတတ်တယ်။ ပြီးတော့ မမြင်ဖူးတာတွေကိုလည်း သူတို့ စမ်းမိ သလိုလိုနဲ့ ပြောတတ်ကြသေးတယ်။ ”



      မှတ်ချက်။   ။ လူလည်း ဂေါက်ချင်နေလား မသိပါဘူး။ ဟိုနေ့က ဘာမှန်း မသိ ၊ မက်ခဲ့ရတဲ့ အိပ်မက်လေးပါ။ ဘာတွေမှန်းလည်း မသိပါဘူး။ ဖြစ်စဉ် အတိုင်းပဲ ရေးချင်လို့ “ ဒီဇိုင်နာ နဂါး ” ကို နာမည်တပ်ပြီး ရေးခွင့် တောင်းကာ ရေးလိုက်ပါတယ်။ သူရဲ့ ဆိုက်ကတော့ ဒီနေရာ မှာပါ။ သူကတော့ သူတတ်တဲ့ ဒီဇိုင်နာ ပညာတွေကို မခြွင်းမချန် ပြောပြနေတဲ့သူ တစ်ယောက်ပါ။ သွားရောက် လေ့လာနိုင်ပါတယ်။


နောက်ဆက်တွဲ

       ကျွန်တော် တစ်ခုတော့ ထပ်စဉ်းစား မိလိုက်တယ်။ အိပ်မက်ထဲမှာ တွေ့ခဲ့တဲ့ မျက်မမြင် ပုဏ္ဏား ခြောက်ယောက်နဲ့ နောက်တစ်ခါ အိပ်မက်ထဲမှာ ထပ်ဆုံခွင့် ရခဲ့ရင်ပေါ့ဗျာ။ ဟိုးရှေးရှေးတုန်းက စမ်းခဲ့တဲ့ “ ဆင် ” ကို ထားလိုက်ပါတော့လို့။ အခုတော့ “ နဂါး ” ကို စမ်းကိုင် ကြည့်စမ်းပါဗျာ လို့ပြောချင်မိတယ်။ ဒါဆို သူတို့ ဘယ်လိုတွေ ထပ်များ ပြောလာလိမ့် မလဲလို့ပါ။ ဟဲဟဲ . . .  ဒီဇိုင်နာ နဂါး ”  ကတော့ မျက်ခုံး လှုပ်နေမှာ သေချာတယ်။

လေးစားစွာဖြင့်
ကိုဇော်         

.

Share/Bookmark

20 January 2011

17 မနေ့က ပြီးခဲ့တဲ့ အမေနေ့



မနေ့က ပြီးခဲ့တဲ့ အမေနေ့ 

အဲဒီ ဝလုံး ( ဝ ) ပေါ့
ကိုယ့်ဖာသာ အိမ်မှာ ရေးနေတုန်း
သူရဲကောင်း ဖြစ်ခဲ့တယ်။
အဖေ ၊ အမေ ၊ အဖွား
ရဲရဲတောက် ဆွေမျိုးများကြားမှာ
ငါ့သားလေးက တော်လိုက်တာ တဲ့ ၊
ငါ့သား ဝလုံးလေးက လှမှလှ တဲ့
အဲဒီလို ချီးကျူးခဲ့ကြတယ်။

အဲဒီလိုနဲ့ တခဏ
ဒီဝလုံးက ကျောင်းကို ရောက်တော့
လက်ရေး ဂရုစိုက်ပါ တဲ့
ဆရာမက မှတ်ချက်ပေးတယ်။
မခြစ်ချင် ၊ ခြစ်ချင်
ဝတ်ကျေတန်းကျေ ခြစ်ပေးလိုက်တဲ့
ကောက်တိကောက်ကွေး ခပ်တိုတို အမှန်ခြစ်မှာ
ကျွန်တော့် ဝလုံးလေးက
မျက်နှာငယ်လေးနဲ့ မှုန်ပြပြပေါ့။

ဒီစာအုပ်ထဲက ဒီဝလုံးလေးကို
ထွက်မကျအောင် အသာအယာ ဖိပြီး
ကျူရှင် ဆရာမဆီရောက်တော့
ဝလုံးကိုတောင်မှ ဝိုင်းအောင် မရေးနိုင်ဘူးလား တဲ့
မျက်ထောင့်နီ ၊ မေးကြောတင်းပြီး
ကျွန်တော့် လက်ဆစ်ကို ပေတံနဲ့ ဗြင်းတယ်။
ဝလုံးဆိုတာ ကောင်းကင်က လပြည့်လို ဝိုင်းစက်ရတယ်
ရေထဲက တုန်ချိချိနဲ့ ကောက်တိကောက်ကွေး လမင်း မဟုတ်ဘူး တဲ့။
ကျွန်တော့် ဝလုံးလေး ငိုများ နေမလား
ကျွန်တော်လည်း သေချာ မသိဘူး ၊
ကျွန်တော်ကတော့ မငိုဘူး. . .
ဒါပေမဲ့ . . ဝမ်းနည်းတယ်။

အဲဒီလိုပဲ . . .
ကိုယ့်ရပ်ကွက်မှာ ကိုယ်ကြက်ဖ
သူများ ရပ်ကွက်မှာ ကြက်မ
“ အောက် . . အီး . . အီး . . အွတ် ” လို့တောင်မှ
မအော်နိုင်တဲ့ ဘဝ။
“ ဒါ ဘာဖြစ်လဲ ငါ့သား . . ဒါဟာ လောကဓံ ” တဲ့။
အဖေက လက်တစ်ဖက်ဆွဲ
အမေက နောက်ထပ် လက်တစ်ဖက်ကို ဆွဲ
ကျွန်တော့်က တွဲလဲ
ဒီလိုနဲ့ ကျွန်တော် မိုးပေါ် မပျံနိုင်ပေမဲ့
အောက်ခြေတော့ ခဏတာ . . .
( ထပ်ပြောပါရစေ ) ခဏတာ လွတ်ခဲ့တယ်။
ဒါဟာ မိဘဆီက ရတဲ့ အားတဲ့လား။
ဒါဟာ မိဘရဲ့ ပေးဆပ်မှုတဲ့လား။
ဒါဟာ မိဘရဲ့ . . . . . . ။

ဝလုံးလေး တစ်လုံးတောင်မှ
ဘဝ မပြောင်းဘဲ နေရာပြောင်းတိုင်း
တွေ့ ၊ ထိ ၊ သိ ၊ မြင် ၊ ကြား ၊ နာ ၊ ခံစား သူတို့ကြောင့်
ပုံသဏ္ဍာန် ပြောင်းလဲနိုင်တယ် မဟုတ်လား။
အမှန်ကတော့ . . . .
ကျွန်တော် ရေးလည်း ဒီ ဝလုံးပဲ ၊
နပိုလီယံ ရေးလည်း ဒီ ဝလုံးပဲ ၊
ဟစ်တလာ ရေးလည်း ဒီ ဝလုံးပဲ ၊
ကလင်တန် ရေးလည်း ဒီ ဝလုံးပဲ ၊
ဘီလ်ဂိတ် ရေးလည်း ဒီ ဝလုံးပဲ ၊
စတိဂျော့ခ်ျ ရေးလည်း ဒီ ဝလုံးပဲ ၊
အိုဗားမား ရေးလည်း ဒီ ဝလုံးပဲ ၊
အားလုံးဟာ ဝလုံးတော့ ဝလုံးပဲ မဟုတ်လား ဟင်။

အောက်ခြေက အစဆွဲလို့
အထက်ကို ပင့်တင် ဝှိုက်သွင်းပြီး
အောက်အစနဲ့ ပြန်ဆက်လိုက်တာကို
ဝလုံး လို့ တိတိကျကျကို ပြဌာန်းထားတယ် မဟုတ်လား။
အိုဗားမားကို ဝလုံး ရေးခိုင်းလို့ နည်းစနစ် မကျလို့
လက်ထိပ်ခေါက်မဲ့ လူ မရှိဘူး ၊
အမေရိကန်ကြီးက မြန်မာ ဝလုံးကို ရေးသွားနိုင်တယ် ဆိုပြီး
လက်ခုပ် လက်ဝါးတွေတောင်မှ တဖြောင်းဖြောင်းနဲ့
ညံညံစီ နေဦးမှာပါပဲ။
သူ့ ဝလုံးလေး တစ်လုံး
အစ နဲ့ အဆုံး
အလုံး နဲ့ အသွယ်
အရစ် နဲ့ အကောက်
အမို့ နဲ့ အမောက် မှာ
ဘယ်သူကများ ပြစ်တင် ဝေဖန်မှု မပြုတာ ဘာကြောင့်ပါလဲ။

ဒီမှာဗျ  . . ဒီမှာ . .
စာလုံးလေး တစ်လုံးတောင်မှ ဒီလိုတွေ ပုံပန်းကျမနေတာ
အခု . . .
ကိုယ့်ကိုယ်ကိုယ် ပြန်ကြည့်
ကိုယ့်စာထဲကို ပြန်ကြည့်
ကိုယ်အရှေ့ကို ကြည့်
ကိုယ့်ပတ်ဝန်းကျင်ကို ကိုယ်ပြန်ကြည့်
ကိုယ့်မျက်စိ တစ်ဆုံးကိုကြည့်
ကိုယ့်နဲ့ ပတ်သတ်သမျှကိုကြည့်
ကိုယ့်ရဲ့ တစ်ကမ္ဘာလုံးကိုကြည့်
မြင်သမျှက မတော်တဆ မှားနေတာလား
မြင်သမျှက တမင်မှားနေတာလား
မြင်သမျှက တမင်ကို မှားအောင် လုပ်ထားတာလား
မြင်သမျှက အမြင် မှားနေတာလား
မြင်သမျှက အမှား မြင်နေတာလား။

အဲဒီလို  . . .
တချို့သော စကားလုံးတွေက အသံထွက်တွေပြောင်း
တချို့သော စကားလုံးတွေက အဓိပ္ပါယ်တွေပြောင်း
တချို့သော စကားလုံးတွေက ဝိညာဉ်တွေပေါင်း
“ တစ် နဲ့ တ ”
“ သိတ် နဲ့ သိပ် ”
“ တယ် နဲ့ တရ် ”
“ အချစ် နဲ့ Aချစ် ”
“ မဟုတ်ဘဲ နဲ့ မဟုတ်ပဲ ”
ဘာတွေများ ဖြစ်ကြတာလဲ လို့
ခပ်တွေးတွေး ၊ ခပ်ကျိတ်ကျိတ် မေးကြည့်တော့
သူတို့လည်း ခပ်တိုးတိုး ဖြေတယ် . . . မသိကြဘူး တဲ့။
ငါတို့လည်း မသိကြဘူး။
လူညီတယ် ဆိုပြီး “ ဤ ” ကို “ ကျွဲ ” လုပ်လိုက်ကြတာတဲ့။
ဒါဆို ကျွန်တော် ဒီကျွဲကို စီးမယ် ဆိုတော့
ကျွန်တော့်ကို အရိုင်းအစိုင်းလို ကြည့်ကြပြန်ရော။

အဲဒါနဲ့ပဲ  . . .
အသာလေး ခေါင်းငုံ့ ခပ်ကုတ်ကုတ်လေးကပဲ ထွက်လာခဲ့ပါတယ်။
တစ်ခုတော့ ရှိတယ်  . . . .
ကျွန်တော် “ ကုတ် ” တာက တဝမ်းပူ နဲ့ ဆိုတော့
ခေါင်းကို ကုတ်တာပါ ၊
ပစောက် နဲ့ မဟုတ်တဲ့ အတွက်
ဒီလို “ ကုပ် ” ခဲ့ခြင်း မဟုတ်။
ဒါပေမဲ့  . . .
အဲဒီညကလည်း လမင်းကြီးသာခဲ့ပြီး
နောက်နေ့ကျတော့လည်း မိုးက လင်းခဲ့ပြန်ပါသေးတယ်။

အဲဒီလိုနဲ့ . . . .
နံနက် မိုးလင်းတော့ နေမင်းကြီး ထွက်လာတယ်။
ကျွန်တော်က မင်္ဂလာ နံနက်ခင်းပါ လို့ နှုတ်ဆက်ချိန်မှာ
တစ်ယောက်က Good Morning တဲ့။
ဒီတော့ ကျွန်တော်နဲ့ သူ လက်ဆွဲ နှုတ်ဆက် လိုက်ကြတယ်။
ဒါဟာ နေ့သစ် တစ်ခုကို ကြိုဆို လိုက်ကြတာပဲ မဟုတ်လား။
တကယ်တော့ စည်းချက် ဆိုတာ . . .
ရင်ဘတ် တူညီနေမှ မဟုတ်ပါဘူး
ရင်ခုန်သံ တူညီနေရင်လည်း ဖြစ်တာပါပဲ။
“ ကဗျာ ဆိုတာ ရင်ထဲက လာတဲ့ အသံ ” လို့ ဆိုတယ်။
ဟေ့ . . ဒီမှာ . . . .
ကျွန်တော့် ရင်ထဲက အသံကို ခင်ဗျား ကြားရဲ့လား။

အဲဒီနေ့ကမှ . . .
ဇရက်တွေက ညွှန့်ပေါင်း အစိုးရ ဖွဲ့လိုက်ကြတယ်။
အများက မျှော်လင့်ထားကြတဲ့ အတိုင်း
အုပ်အုပ်ကျွတ်ကျွတ်ပါပဲ။
နဂိုကတည်းက ရှိပြီးသားတွေ ဆိုတော့လည်း
နငယ်က ကိုင်းထွက်စရာ မလိုတော့ဘူးပေါ့။
သူတို့က ရွှေဖလားလေ . . .
ဒီတော့ ငွေအနားကွပ် စရာ မလိုတော့ဘူး တဲ့။
ဘဝဟာ ခြောက်တီးခြောက်ချက်နဲ့
အရည်ပျော်သွားတယ်။
ဇရက်တွေကတော့  . . .
သူတို့ဖာသာ ပြောလို့ ၊ ဆိုလို့ ၊ ငြင်းလို့ ၊ ခုန်လို့ ကောင်းတုန်း။
မိုးသံလေးတွေတောင်မှ တဖြောက်ဖြောက်နဲ့ ဆိုပဲ။

အဲဒီကဗျာက . . .
အဲဒီနေရာမှာ . . .
အဲဒီ စကားလုံးလေး တစ်လုံး မှားသွားတာနဲ့
အဲဒီ အသံတွေ အကုန်လုံး ပျက်ဆီးပြီး
အဲဒီ အသံတွေ  “ အ ” ကုန်တာ အမေရဲ့
အဲဒါကြောင့်ပဲ ဒီကဗျာလေးက “ ဝစီပိတ် ” သွားရတာ။
ကျွန်တော်က အမောတကော ရှင်းပြတော့
အမေက ပြုံးပြီး နားထောင်တယ်။
ပြီးတော့ အဖေ့ဆီကို ကဗျာလေးကို ကမ်းပေးလိုက်တော့
အဖေက လှလှပပ အထက်ကလို အဓိပ္ပါယ် ဖွင့်ပေးတယ်။
“ ကဗျာ ဆိုတာ ရင်ထဲက လာတဲ့ အသံ ” တဲ့
ဟာ ခနဲပါပဲ . . .
ကျွန်တော့် ရင်ထဲမှာ အသံတွေ
အုန်းအုန်းကျွက်ကျွက် မြည်လာတယ်။

အဲဒီက စတာပေါ့တဲ့။
လေးလုံးစပ်မှာလား ၊ ပျို့မှာလား
ဒွေးချိုးလား ၊ ရတုလား
လေးချိုးလား ၊ တျာချင်းလား
အလင်္ကာလား ၊ ဘာသာဗေဒလား
မော်ဒန်လား ၊ အသံမဲ့လား
ပို့စ်မော်ဒန်လား ၊ ဒီဒီဒါဒါလား
သားချော့ ကဗျာလား ၊ မယားချော့ ကဗျာလား
ဘာလား . . . ဘာလား . . . ဘာလား . . .
အဲဒါနဲ့ပဲ နောက်နေ့ကျပြန်တော့လည်း မိုးချုပ်ပြန်တာပါပဲ။
သေချာတယ် အသက် တစ်ရက်ကြီး သွားပြန်ပြီ။
အဆုံးကို ကျွန်တော် မသိသေးဘူး။

အဲဒီလို စကားလုံးလေး တစ်လုံး မှားသွားတာနဲ့
ကဗျာဟာ ဝစီပိတ်ပြီး အတိတ်ထဲမှာပဲ ကျန်နေခဲ့တယ် ဆိုလား ၊
ကဗျာဟာ ကြိုးပြတ်ပြီး ထော့ကျိုးနဲ့ ကနေရတယ် ဆိုလား ၊
ကဗျာဟာ မီးစာကုန် ၊ ဆီခန်း သက်တမ်းကုန်တယ် ဆိုလား ၊
အဲဒီလို သတ်မှတ်ချက်တွေ ကြားမှာ
ကဗျာ တစ်ပုဒ်က အသက်က အတော်ကို ခံဖို့ မလွယ်ပါလား။
ဒါပေမဲ့ ကဗျာက အသက်လေး မျှဉ်းမျှဉ်း ရှူရင်း
အလံဖြူ တစ်လက် ကျောမှာ တပ်ပြီး
တရွေ့ရွေ့ပြေးတယ်။
လိုရာခရီးကို ရောက်တော့ ရောက်မှာပါ။
ဒါပေမဲ့. . . ကြာတော့ ကြာဦးမယ်။

အဲဒီ တစ်လုံးလေး မှားတာနဲ့
ကဗျာက လုံးပြီး ခြင်းထဲ ရောက်သွားတယ် ဆိုရင်
မှားမဲ့မှား များများသာ မှားပစ်လိုက်စမ်းပါ သားရာ တဲ့။
အမှားများလေ အမှန်နဲ့ နီးလေပဲ တဲ့။
- - - - - -
ရုတ်တရက် ကျွန်တော် အ သွားတယ်။
အမှားများတာနဲ့ အမှန် နဲ့ နီးတာ ဆိုင်လို့လား လို့
ကျွန်တော်လေ . . . . ကျွန်တော့် ကဗျာလေး အတိုင်း အ သွားတယ် ၊
ကျွန်တော် တကယ်ကို ဝစီပိတ်သွားတယ်။
- - - - - -
အဖေက ဆက်ပြောတယ် ၊
“ ကိုယ်တိုင်ကတော့ အမှားကို သင်ခန်းစာ ယူတတ်ဖို့ လိုတာပေါ့ ” တဲ့
ကျွန်တော် ဆီမီးခွက် မဟုတ်တော့
ဟုပ်ခနဲတော့ ထမတောက်ပါ ၊
ကျွန်တော့် နားခွက်ကလည်း ဆီမီး မရှိ
နဂိုကကို နကိုင်းထွက်ပြီး ၊ မီးစာကုန် ဆီက မွေးရာပါ ခန်းနေတယ်။
ပါးစပ်က ????? တွေ အတော်များများ ထုတ်သုံးပြီးတော့မှ
အဖေက ရှင်းပြတယ်။
အမှားဆိုတာ မှားနိုင်ခွင့် ၁၀၀ ပဲ ရှိတယ် ဆိုပါတော့
တစ်ခုတည်းကို ထပ်ခါထပ်ခါ မှားနေတာထက်စာရင်
အမှား တစ်ခုကို တစ်ခါမှား တစ်ခါ ပြင်လိုက် ဆိုတာ ပိုမကောင်းဘူးလား။
ဒီလိုဆိုရင် အမှားများများ တွေ့လေ အမှန်နဲ့ နီးလေလေပေါ့ တဲ့။
မရည်ရွယ် တဲ့ အတွက်  . . . .
ဘယ်သူမှတော့ “ မင်း ” ဖြစ်မလာခဲ့ပါ။
“ စော်ကဲ ” နဲ့ ကျွန်တော်လည်း မခင်တဲ့ အတွက်
“ ဟင်း ” ခနဲတော့  . .
ကျွန်တော် သက်ပြင်း တစ်ခါ ချလိုက်ပါသေးတယ်။

အဲဒီအချိန်မှာ . . .
ကဗျာ ဆိုတဲ့ အနုပညာက ကျွန်တော့်ရင်ကို ဝင်တိုက်တယ်။
ရင်ကို ထိလား ၊ မထိလား ဆိုတာထက်
ကဗျာ နာသွားလား ၊ မနာဘူးလား ဆိုတာက
ကျွန်တော့် အတွက် ပိုအရေးတကြီး သိချင်နေမိတယ်။
ဘာလို့လဲ ဆိုတော့ . . . .
ကဗျာ ဆိုတာ အနုပညာလေ
အနုပညာ နာမှာတော့ ကျွန်တော် ကြောက်တယ်။
ဇရက်တွေကတော့  . . . .
သူတို့ဖာသာ သူတို့ သီချင်း ညည်းနေကြတယ်။
ဟုတ်ကဲ့ . . . အဲဒီ သီချင်းကို ကျွန်တော် မှတ်မိပါတယ်။
“ အားလုံးက ဆရာကြီးတွေချည်းပဲ ၊ တပည့် ဆိုလို့ တစ်ယောက်ပဲ ရှိတယ်။
သူကလည်း သေရှာပြီ ” တဲ့။
ဒါက ကျွန်တော် မှတ်မိသမျှ အကုန်ပါပဲ ၊ 
သူတို့ကလည်း ဒါကိုပဲ ထပ်ကာ ထပ်ကာ ရွတ်နေတာပါ။

အဲဒါနဲ့ပဲ . . .
ကျွန်တော့် ကဗျာတွေကို ရပ်ပြီး . . .
စာသားတွေ များများ ချရေးပစ်လိုက်တယ်။
ဗုံးပေါလအောပါပဲ. . . .
အစီအစဉ် ကျနေခြင်း မရှိသလို
ဘာတွေက ဘာတွေကို ဖြစ်ပျက် ရှု့နေလဲလည်း မသိဘူး။
ထွက်သက် ဝင်သက်ကို ထမင်းရည်ပူစည်းလို သဘောထားပြီး
အသက်အောင့်ပြီး ကျော်လိုက်တယ်။
ဒီတော့ Microsoft Word က
ကျွန်တော့် ရေးသမျှကို အောက်က အနီကြောင်းနဲ့ တားတယ်။
မှားတယ် . . . မှားတယ် . . . မှားတယ် . . .
ဟိုဟာလည်း မှားတယ် ၊ ဒီဟာလည်း မှားတယ်
အားလုံးမှားတယ်ကွာ တဲ့။
အဲဒီမှာ ကျွန်တော် ထပ် “ အ ” သွားရပြန်တယ် ၊
ဝစီပိတ်ပါပဲ ၊
ခဏ ခဏ ဝစီပိတ်ရလွန်းတော့လည်း
“ လူအ အိပ်မက် ”  ဖြစ်ရပြန်ပါတယ်။
တိတ်တဆိတ်လည်း ကြေကွဲမိပါရဲ့။

အဲဒီ Word ပေါ်ကို ကာဆာ မချရဲဘူး ၊
စာလုံး တစ်လုံး မချရဲဘူး ၊
အောက်က အမှားများ ဆိုသော မျဉ်းနီက လိုက်ကာ တားနေလို့။
“ တစ်ခါက ” ဆိုလည်း အမှား . . .
“ တခါက ” ဆိုလည်း အမှား . . .
အမှား အမှားချင်း ချေချင်ပေမဲ့ အမှန် ဖြစ်လာပါ့မလား။
ခေါင်းရှုပ်ထွေး နောက်ကျိနေတုန်း
သူငယ်ချင်းက ပြောတော့  . . .
အဲဒါ Format အမှား တဲ့။
ဟိုဟာကို အမှန်ခြစ်ဖြုတ် ၊
ဒီဟာကို အမှန်ခြစ်ဖြုတ်လိုက်တော့
ရေးသမျှဟာ ရင်ထဲက အသံတွေ ဖြစ်လာပြန်ပါရောလား။
ဒါပေမဲ့ . . .
အဲဒီအချိန်ထိလည်း . . . . .
ဇရက်တွေကတော့ သူတို့ သီချင်း သူတို့ ဆိုနေကြတုန်း။

အဲဒီ “ အမှန်တရား ဆိုတာ အမှား တစ်ရံပေါ့ ” ဆိုတဲ့
ဟာသ ဆောင်းပါးလေးထဲကလို
တစ်ခါတလေတော့လည်း
“ အကြံသမား ” ဆိုတာ “ ဖန်သားပြင်ပေါ် ” မှာသာ မြင်ရတာပါလား
လို့ ခပ်ထွားထွား တွေးမိပြန်တယ်။
တကယ့် လူမြင်ကွင်းမှာတော့ . . . .
သူတို့က ဟန်ဆောင် အပြုံးနဲ့ ယဉ်လို့ ၊ လှလို့ ၊ ဝလို့ ၊ ခန့်လို့ပါလား။
ဒီလိုတွေးပြီး ဒီလိုငေးနေချိန်မှာတော့ . . .
ကျွန်တော့် ဝလုံးလေးတွေက လုံးဝိုင်းစ ပြုလာပါပြီ။
အမေရေ . . .  အဖေရေ . . . ဆိုပြီး
အော်ဟစ် တိုင်တည်ကာ ပြောနေရမဲ့ အချိန် မဟုတ်ပေမဲ့
အခုအချိန် အမေ ၊ အဖေ သိရင်လည်း
ကျွန်တော် လေထဲမှာ မပျံဝဲနိုင်ပေမဲ့
အောက်ခြေတော့ ခဏတာ . . .
( ထပ်ပြောပါရစေ ) ခဏတာ လွတ်ဦးမှာပါပဲ။

အဲဒီလိုဆိုရင်  . . .
စိတ်မပါ လက်မပါ ခြစ်ပေးခဲ့တဲ့ . . .
အမှန်ခြစ် တိုတိုလေး ခြစ်ပေးခဲ့တဲ့ ဆရာမကို . . . ၊
လက်ဆစ်ကို ပေတံနဲ့ ဗြင်းခဲ့တဲ့ ကျူရှင်က ဆရာမကို . . . ၊
အရင်ကတည်းက အားပေးခဲ့ကြတဲ့ . . .
အမေ ၊ အဖေ နဲ့ ရဲရဲတောက် အမျိုးတွေကို . . . ၊
ပြီးတော့  . . . ကျွန်တော့်ကိုယ်ကို . . . ၊
ကျွန်တော် အခုတော့ ဝလုံးလေး လှလှ ဝိုင်းဝိုင်းလေး ရေးပြနေနိုင်ခဲ့ပြီ။
ဒါပေမဲ့ . . . .
ဒီအချိန်မှ ဝလုံး ဝိုင်းအောင် ရေးနိုင်လို့
ကျွန်တော့်ကို ဘယ်သူမှ ဆုလာပေးမှာ မဟုတ်သလို
ဘယ်သူ့မှလည်း တဖြောင်းဖြောင်း လက်ခုပ် လာတီးမှာ မဟုတ်ဘူး။
အဲဒီအချိန် အပိုင်းအခြားက ကျော်လွန်ခဲ့ပြီ မဟုတ်လား။

အဲဒါပါပဲ . . . .
အဖေ နဲ့ အမေရာ။
ကျွန်တော် အခု ဝလုံး လှလှလေး ရေးတတ်နေပြီလို့ . . .
ကျွန်တော် မပြောတော့ပါဘူး။
ဒီလိုပဲ . . .
အမေများ နေ့တိုင်း ၊ အဖေများ နေ့တိုင်း
ကျွန်တော် အမေ့ကို သတိရတယ် ၊ အဖေ့ကို လွမ်းတယ် လို့ . . .
ရေးမနေတော့ပါဘူး။
ဒါတွေက ကျော်လွန်ခဲ့ပြီလေ။
မိဘကို သတိရနေတဲ့ သားသမီးတိုင်း အတွက် နေ့တိုင်းနေ့တိုင်းက
အဖေများနေ့ ၊ အမေများနေ့ပဲ မဟုတ်လား။
ဒါကြောင့် မနေ့က အမေများနေ့မှာ . . .
ကျွန်တော် ဘာမှ မရေးတော့ဘူး အဖေ နဲ့ အမေ။
ကျွန်တော် ရေးချင်တဲ့ အချိန်မှ ရေးမယ်။
ကျွန်တော့် ရင်ထဲမှာ အသံတွေ မြည်နေတယ်
အဖေ နဲ့ အမေ ကြားရဲ့ မဟုတ်လား။
ဒါဆို “ ကဗျာ ” ပါပဲလေ။

အဲဒီ ပတ်ဝန်းကျင်မှာ
ခပ်ထက်ထက် သွေးထားတဲ့ ဓါးတွေ ရှိတယ်။
ကျည်ကာ အင်္ကျီဝတ်သွားလည်း အပိုပဲ
သူတို့က နောက်ကျောကနေ ဇတ်ပိုးကို ထိုးမှာ
ကျည်ကာအင်္ကျီမှာ ကော်လံ မပါဘူး တဲ့
သတိပေးသံကို ကြားလိုက်ရတယ်။
ဒါဆိုလည်း ကိုယ်ဗလာပဲ ကောင်းပါတယ်လေ
မကာလို့ မထူးမဲ့ အတူတူ
ကျည်ကာ အင်္ကျီက လေးပါတယ်။

အဲဒီအချိန်မှာ
ဇရက်တွေကတော့ . . .
အချိန်ကိုက် သူတို့ရဲ့ သီချင်းကို
အသံကျယ်ကျယ် တစ်မျိုး . . .
အသံတိုးတိုး တစ်မျိုးနဲ့ . . .
ညည်းနေကြလေရဲ့ ၊
ဘာတဲ့ . . .
“ အားလုံးက ဆရာကြီးတွေချည်းပဲ ၊ တပည့် ဆိုလို့ တစ်ယောက်ပဲ ရှိတယ်။
သူကလည်း သေရှာပြီ ” တဲ့။

လေးစားစွာဖြင့်
ကိုဇော်
20.1.2011



မှတ်ချက်။   ။ ကိုယ့်စာတွေ ကိုယ်ဖတ်ပြီး အမှားတွေ များလွန်းလို့ ၊ ပြီးတော့ Facebook မှာ လိုက်ပြီး ဖတ်မိပြီး မနေနိုင် မထိုင်နိုင် ချရေးလိုက်တာပါ။ ကိုယ့်ကိုယ်ကိုယ်ပဲ အမှားများ အတွက် ရည်ရွယ်တာပါ။ 

လေးစားစွာဖြင့်
ကိုဇော်
20.1.2011

Share/Bookmark

18 January 2011

22 အမြီး ၃ မျိုး



      ဟိုးရှေးရှေးတုန်းက တိုင်းပြည်ကြီး တစ်ပြည်မှာ မင်းကျင့်တရားနဲ့ အညီ အုပ်ချုပ်တဲ့ ဘုရင်တစ်ပါး စိုးစံတယ်။ ဒီတော့ နိုင်ငံက အရမ်းကို သာယာဝပြော သတဲ့။

      တစ်နေ့ကျတော့ ဒီတိုင်းပြည်ရဲ့ ဈေးတန်းလေး တစ်ခုမှာ အဝတ်အစား စုတ်စုတ်ပြတ်ပြတ်နဲ့ အဖိုးအို တစ်ယောက်က စားဖို့ အစားအစာ လိုက်တောင်းနေတယ်။ ဒါပေမဲ့ အဖိုးအို ပုံစံက အမြဲတမ်း တောင်းစားနေတဲ့ သူနဲ့ မတူဘဲ ခရီးသွားနဲ့ တူနေတယ်။ ဒီလို စုတ်စုတ်ပြတ်ပြတ်နဲ့ အဖိုးအို တစ်ယောက်ကို ဘယ်သူကမှလည်း ဂရုမစိုက်ကြဘူးပေါ့။ သာမာန် လူတန်းစားတွေ ၊ သူဌေးတွေ ၊ သူဌေးသားတွေ ၊ မင်းညီမင်းသားတွေ ၊ သူတို့လည်း ဂရုမစိုက်ပဲ ကျော်သွားကြတယ်။

     အဖိုးအို ပုံစံကလည်း အရမ်းကို ဆာလောင်နေတဲ့ ပုံပေါ်တယ်။ အချိန်ကလည်း နေမွန်းတည့် တော့မယ်။  မနက်ကတည်းက ဘာမှ မစားရသေး။ အဖိုးအို လည်း သူ့အဖြစ်ကို သူ စိတ်ပျက်ပြီး အားလျော့တော့မဲ့ အချိန်မှာ သူ့ရဲ့ လက်ကို လူတစ်ယောက် လာဆွဲတာကို သိလိုက်ရတယ်။ သူလှည့်ကြည့်လိုက်တော့ အဝတ်အစားကို သပ်ရပ်စွာ ဝတ်ဆင်ထားတဲ့ လူငယ်တစ်ယောက်ကို မြင်လိုက်ရတယ်။

       “ အဖိုး . . . ၊ အဖိုးက ဗိုက်အရမ်း ဆာနေတယ် ထင်တယ်။ ကျွန်တော် အဖိုး စားချင်တာကို ဒါန ပြုပါရစေ။ ”

       လို့ ပြောပြီး အဖိုးကြီးကို ဆိုင်တစ်ဆိုင်ထဲ ခေါ်သွားတယ်။ ပြီးတော့ အဖိုးအို စားချင်တာ မှန်သမျှ ချစေပြီး စိတ်ကြိုက် စားသုံးစေတယ်။ နောက်ဆုံး အဖိုးအို သွားမဲ့ ခရီးအတွက် စားစရာတွေကိုလည်း ထုပ်ပိုးစေတယ်။ ပြီးတော့ အဖိုးအို သွားမဲ့ ခရီးလမ်းအထိလမ်း လိုက်ပို့တယ်။ ဒီတော့ အဖိုးအိုက သူ့လူငယ်ဆီက မထွက်ခွာခင်မှာ လူငယ်ကို တစ်ခုပြောတယ်။

     “ လူကလေး . . မင်းက စိတ်သဘောထား အရမ်း ကောင်းမွန်တယ်။ မင်းက သာမာန် မျိုးရိုးတော့ မဖြစ်နိုင်ဘူး။ ဘယ်လို မျိုးရိုးများလဲ။ ”

     
ဒီတော့ လူငယ်လေးကလည်း မလိမ် ၊ မညာပဲ အမှန်အတိုင်းပဲ ပြန်ဖြေတယ်။

      “ ဟုတ်ပါတယ် အဖိုး။ ကျွန်တော့် နာမည်က “ သက္က ” လို့ ခေါ်ပါတယ်။ ကျွန်တော်က ဘုရင့်သားတော် တစ်ပါးပါပဲ။ ဒါပေမဲ့ . ခမည်းတော်ရဲ့ မြောက်များလှစွာသော သားတော်တွေထဲက တစ်ယောက်ဆိုတော့ ရှိနေတဲ့ နောင်တော်တွေကို ဘယ်လိုမှ မကျော်နိုင်လေတော့ အိမ်ရှေ့ အရာတော့ မရောက်နိင် ၊ မရနိုင်ပါဘူး။ ဒါကြောင့် ကျွန်တော်က သာမာန် လူတန်းစားလို့ပဲ နေတာပါ။ ”

       ဒီတော့ အဖိုးအိုက လျှို့ဝှက်စွာ ပြုံးပြီး . . .

      “ မဟုတ်သေးဘူး လူကလေး။ ဘယ်အရာမှာ မဆို ကိုယ့်ဖက်က ကြိုတင် ပြင်ဆင်ထားခဲ့ရင် တစ်နေ့ အရေးကြုံလာရင် အသုံးဝင်ပြီး အရေးပါ အရာရောက်စမြဲပါ။ မဖြစ်သေးတာကို ကြိုပြီး အားမကုန်ပါနဲ့။ လောကကြီးက ကြိုတင်ပြင်ဆင်ထားသူတွေကို မျက်နှာသာ ပေးစမြဲပါ။

       ဒီတော့ မင်းကို အဖိုး လက်ဆောင် တစ်ခု ပေးခဲ့မယ်။ ဒီလက်ဆောင်က နှယ်နှယ်ရရ တော့ မဟုတ်ဘူး။ ဗဟုသုတ စွယ်စုံကျမ်းပဲ။ ဒါကို မင်းဖတ်ထား ၊ လေ့လာထားမယ် ဆိုရင် ဒီကမ္ဘာကြီး ၊ လောကကြီးရဲ့ လျှို့ဝှက်ချက်တွေ အကုန် သိနေနိုင်တယ်။ မင်းရဲ့ ကောင်းမြတ် မြင့်မြတ်တဲ့ စိတ်နေ သဘောထားကို ဂုဏ်ပြုတဲ့ အနေနဲ့ ဒီစာအုပ်လေးကို မင်းကို အဖိုးပေးခဲ့တာ။

      လွယ်လွယ်ရတယ် လို့တော့ မမှတ်နဲ့။ နောက်တစ်ခုက စာအုပ် ဆိုတာ အရေးလိုမှ ထုတ်ဖတ်ဖို့ မဟုတ်ဘူး။ ဖတ်ပြီး ခေါင်းထဲမှာ မှတ်ထားရတာ ၊ ဒါမှ အရေးလိုရင် ထုတ်သုံးနိုင်မယ်။ မင်းလည်း ဒီစာအုပ်လေးထဲက အကြောင်းအရာတွေကို လေ့လာ မှတ်သားထားပါ။

      လို့ ပြောရင်း လူငယ်လေးကို သူ့ရဲ့ အိတ်ထဲမှာ စာအုပ်လေး တစ်အုပ်ကို ထုတ်ပေးရင်း ထွက်ခွာ သွားတော့တယ်။ လူငယ်လေးကလည်း သူ့ဆီရောက်လာတဲ့ စာအုပ်လေးကို အဖိုးကြီး ပြောတဲ့ အတိုင်း လေ့လာ မှတ်သားခဲ့တယ်။

      ဒါနဲ့ ကာလ အတန်ကြာတော့ သူတို့ တိုင်းပြည်ကို တခြားတိုင်းပြည်က လာရောက် ဝိုင်းရံပြီး စစ်မက်ပြု လိုတယ်လို့ ကြေငြာတယ်။ ဒီနိုင်ငံက လာရောက်ကျူးကျော် စစ်ပြုတာ အခု အကြိမ်နဲ့ဆို သုံးကြိမ်မြောက်ဖြစ်တယ်။ အရင် နှစ်ကြိမ်တုန်းကလည်း သူတို့ရဲ့ ပြည်တွင်းကနေ ခုခံကာကွယ်တာ ကောင်းလွန်းလို့ ကျူးကျော်လိုသူတွေ ဆုတ်ခွာခဲ့ရတယ်။

      ဘယ်လိုပဲ ဆုတ်ခွာခဲ့ရတယ် ဖြစ်ပါစေ။ သူတို့ နိုင်ငံက လူတွေ သေကြေ ကျဆုံးခဲ့ရသလို ၊ ကျူးကျော်သူတို့ရဲ့ လူတွေလည်း သေကြေ ကျဆုံးခဲ့ရတယ်။ ဒါကြောင့် နှစ်ဖက်စလုံး နစ်နာစေတဲ့ အရာ ဖြစ်လို့ ဘယ်သူမှလည်း စစ်မတိုက်ချင်ကြဘူး။ သို့သော် သူတို့ နိုင်ငံရဲ့ တိုးတတ်သာယာ စည်ပင်မှုကို သိမ်းပိုက်ချင်တဲ့ တခြားနိုင်ငံက လာရောက် သိမ်းပိုက်တာ ဖြစ်တယ်။ ဒါပေမဲ့ ဒီတစ်ကြိမ်မှာတော့ ကျူးကျော်သူတွေက နှစ်ဦးနှစ်ဖက် ပြည်သူလူထုများ မဆုံးရှုံးရအောင် စစ်မက် မဖြစ်ပွားလိုဘူး။

    ကျူးကျော်သူတွေရဲ့ဘက်ကနေ သံတမာန်တွေ စေလွှတ်ပြီး ဒီဘက်က နိုင်ငံက ဘုရင့် ရှေ့တော်မှောက်သို့ ဝင်ရောက်ခစားတယ်။ သူတို့က စစ်မက် မဖြစ်ပွားလိုပါ။ ဒါကြောင့် ..

     
“ ဒီနိုင်ငံမှာ ရှိတဲ့ ပညာရှိသူနဲ့ သူတို့နိုင်ငံမှာ ရှိတဲ့ ပညာရှိသူ ဥာဏ်ရည် ယှဉ်ပြိုင်ချင်ပါတယ်။ ဒါကြောင့် သူတို့ မေးခွန်း ( ၃ ) မျိုးကို မေးမယ်။ ဒီမေးလ်ခွန်းကို ( ၇ ) ရက် အတော်အတွင်း ရအောင်ဖြေ ရမယ်။ ရအောင် ဖြေနိုင်ရင်တော့ သူတို့ အသာတကြည် နောက်ဆုတ်ပေးမယ်။ နောက်လည်း ဘယ်တော့မှ လာမတိုက်တော့ဘူး။ တကယ်လို့ သူတို့မေးတာကို မဖြေနိုင်ရင်တော့ ဒီတိုင်းပြည်ကို သူတို့လက်ထဲ အသာတကြည် ပေးအပ်ရမယ်။ ”

       လို့ အရေးဆိုတယ်။ ဘယ်သူကမှလည်း စစ်မက် မဖြစ်ပွားလိုတော့ ဒီလိုပဲ ဥာဏ်ရည်ချင်း ယှဉ်ပြိုင်ဖို့ သဘောတူ လိုက်တယ်။ ဒီတော့ ကျူးကျော်သူတို့ ဘက်က သံတမာန်က မေးခွန်းစာရွက်လေး တစ်ရွက်ကို ပေးပြီး ပြန်သွားတယ်။ ဘုရင်ကြီးနဲ့ အမတ်တွေလည်း ဒီမေးခွန်းလေးကို ဖတ်ကြည့်လိုက်တော့ မေးခွန်းလေးက ဒီလို ရေးထားတယ်။

၁) အမြီးက အမွှေးအတောင် သာဖြစ်နေတဲ့ သတ္တဝါက ဘာသတ္တဝါလဲ။

၂) အမြီးက အရိုး သာဖြစ်နေတဲ့ သတ္တဝါက ဘာသတ္တဝါလဲ။

၃) အမြီးက အသား သာ ဖြစ်နေတဲ့ သတ္တဝါက ဘာသတ္တဝါလဲ။

         ဒီမေးခွန်းလေးကို ကြည့်ပြီး ဘယ်သူဖြေနိုင်လဲ ဆိုတော့ ဘယ်သူမှ မဖြေနိုင်ကြဘူး။ နန်းတွင်းထဲက ပညာရှိ အမတ်ကြီးတွေလည်း သူတို့ ဒီမေးခွန်းရဲ့ အဖြေကို မဖြေနိုင်ကြဘူး။ ဒါနဲ့ နန်းတွင်းထဲမှာ ဘယ်သူမှ မဖြေနိုင်တော့ တိုင်းသူပြည်သားတွေကို လှည့်လည်ပြီး မောင်းခတ်ကြေငြာရတယ်။

        “ တိုင်းသူပြည်သား လူအများတို့လေး..။

        ယခု ဘုရင်မင်းတရားကြီး၏ မိန့်ကြားချက်အရ တိုင်းသူပြည်သားများကို အသိပေးကြေငြာ ပါသည်။ ကျူးကျော် ဝင်ရောက်ချင်သော တိုင်းတစ်ပါးသူတို့က မေးခွန်း သုံးခုကို လာရောက် မေးမြန်းထားပါသည်။ ထိုမေးခွန်း သုံးခုကား. .

၁) အမြီးက အမွှေးအတောင် သာဖြစ်နေတဲ့ သတ္တဝါက ဘာသတ္တဝါလဲ။

၂) အမြီးက အရိုး သာဖြစ်နေတဲ့ သတ္တဝါက ဘာသတ္တဝါလဲ။

၃) အမြီးက အသား သာ ဖြစ်နေတဲ့ သတ္တဝါက ဘာသတ္တဝါလဲ။

     
ဟူ၍ ဖြစ်ပါသည်။ ထို မေးခွန်းအား ဖြေဆိုနိုင်သော မည်သူမဆို အဖြေမှန်ခဲ့ပါက အိမ့်ရှေ့မင်း အရာ အပ်နှင်းမည် ၊ အမိန့်တော်။ ”

     ဆိုပြီး တိုင်းပြည်ထဲမှာ လှည့်လည် ကြေငြာစေတယ်။ ဒါပေမဲ့လည်း တစ်ရက်ပြီး တစ်ရက်သာ ကုန်ဆုံးသွားတယ်။ ဒီမေးခွန်းရဲ့ အဖြေကို ဘယ်သူမှ မဖြေဆိုနိုင်ခဲ့ဘူး။ ရက်ပေါင်းများစွာ ကြာလာတော့ ဘုရင်ကြီးလည်း မအိပ်နိုင် ၊ မစားနိုင်နဲ့ ဖြစ်လာခဲ့တယ်။ ဒါနဲ့ပဲ ချိန်းဆိုထားတဲ့ (၇) ရက်မြောက်တဲ့ နေ့ကို ရောက်လာတယ်။ ဖြေဆိုနိုင်ပါတယ် ဆိုပြီး ဘယ်သူမှလည်း ဘုရင်ကြီးဆီကို အခစားမဝင်ရောက်လာခဲ့ဘူး။ မနက်ဖြန်ဆိုရင် ကျူးကျင်ချင်သူတွေကို အဖြေပေးရတော့မယ်။

        အဖြေမှန် မပေးနိုင်ရင် သူတို့ တိုင်းပြည်ကို အသာတကြည် သူများ လက်ထဲကို အပ်လိုက်ရတော့မယ်။ ဒါနဲ့ ဘုရင်ကြီးက နန်းတော်ထဲမှာ နောက်ဆုံး ညီလာခံလုပ်ပြီး သူရဲ့ အမတ်ကြီးတွေနဲ့ နောက်ဆုံး အနေနဲ့ မေးခွန်းရဲ့ အဖြေကို သိကြလားလို့ မေးတော်မူတော့ ဘယ်သူ့မှလည်း မဖြေနိုင်ကြဘူး။ ဒီတော့ ဘုရင်ကြီးလည်း လွန်စွာမှ စိတ်မကောင်းဖြစ်သွားတယ်။ သူတို့တိုင်းပြည်မှာ ဒီလို ပညာမရှိတဲ့ လူတွေ ရှိနေပါလားလို့လည်း ထင်မိသွားတယ်။

        ဒီအချိန်မှာပဲ ဘုရင်ကြီးရဲ့ သားတော်လေး တစ်ပါးက ...

       “ ဖခမည်းတော် ၊  ဘယ်လိုကြောင့်မှ စိတ်ပူပင် ဆင်းရဲခြင်း ဖြစ်မနေပါနဲ့။ ဤမေးခွန်းလောက်ကတော့ သားတော် ကောင်းကောင်းကြီး ဖြေနိုင်ပါတယ် ခမည်းတော်။ ပျော်ရွှင်စွာပဲ စံစားတော်မူပါ။ မနက်ဖြန် ရောက်ရင် သားတော် သူတို့လိုချင်နေတဲ့ အဖြေကို ဖြေပေးပါ့မယ်။ ”

      
လို့ ရဲဝံ့စွာ လျှောက်တင်တယ်။ ဒီတော့ ဘုရင်ကြီးလည်း အလွန် အံ့သြသွားပြီး. . .

        “ သားတော် . . ၊ ဖြေဆိုနိုင်တယ် ဆိုတာ တကယ်လား သားတော်.။ ”

        “ တကယ်ပါ. . ဖခမည်းတော်.။ မနက်ဖြန် သားတော် ဖြေဆိုပါ့မယ်။ ”

      လို့ လျှောက်တင်တယ်။ ဒါနဲ့ပဲ ဘုရင်ကြီးလည်း သားတော်လေးကို မယုံကြည်ချင် ပေမဲ့လည်း သားတော်လေးရဲ့ ရဲဝံ့တဲ့ အမူအရာကြောင့် သူ စိတ်အေးသွားခဲ့တယ်။

       ဒီလိုနဲ့ ၊ နောက်နေ့ လည်း ရောက်ရော. . ကျူးကျော်သူတွေဘက်က သံတမန်တွေ ရောက်ရှိလာပြီး သူတို့မေးခွန်း အတွက် အဖြေရပြီလား လို့ လာရောက်မေးတယ်။ ဒီတော့ စိတ်အနည်းငယ် ပူပန်မှု ကင်းနေပြီ ဖြစ်တဲ့ ဘုရင်ကြီးက သူ့ရဲ့ သားတော်ကို ယုံကြည်စွာနဲ့ပဲ .ခေါ်လိုက်ပြီး. .

       “ ကဲ..သားတော်။ သူတို့မေးထားတဲ့ မေးခွန်းကို သားတော်ကပဲ ဖြေပေးလိုက်ပါကွယ်။ ”

       လို့ ပြောတော်မူတယ်။ ဒီတော့ သားတော်လေးက သံတမန်တွေဘက်ကို ရဲဝံ့စွာ လှည့်ပြီး. .

       “ သံတမန်ကြီးများ ၊ ကျွန်ုပ် သင်တို့မေးထားတဲ့ မေးခွန်းကို မဖြေခင်မှာ မေးချင်တာ တစ်ခု ရှိနေပါတယ်။ ”

         “ မေးပါ။ အသင် မင်းသား။ ”

         ဆိုပြီး သံတမန်တွေကလည်း ပြန်ပြောတယ်။ ဒီတော့မှ မင်းသားလေးက ဆက်ပြီး. .

       “ တကယ်လို့ ကျွန်တော် ဖြေခဲ့တဲ့ မေးခွန်း မှန် ၊ မမှန်ဆိုတာကို ဘယ်လိုများ သင်တို့ ဆုံးဖြတ်မလဲ။ တကယ်လို့ မှန်နေရင်တောင်မှ မမှန်ပါဘူးလို့ သင်တို့မှာ ပြောနိုင်တယ်လေ။ ဒါကြောင့် သင်တို့ အဖြေမှန် ဆိုတာကို စာနဲ့ ရေးပြီး အခု ရှေ့မှာ ရှိနေတဲ့ ယွန်းအုပ်ထဲမှာ ထည့်ပေး ထားနိုင်မလား။ ကျွန်တော် အဖြေ ဖြေပြီးပြီ ဆိုရင် အဖြေမှန် ဟုတ် ၊ မဟုတ် တိုက်ကြည့်လို့ရတာပေါ့လေ။ ”

      မင်းသားလေး ပြောဆိုတာကလည်း လွန်စွာမှ ကျိုးကြောင်း သင့်တော် နေတော့ သံတမန်တွေကလည်း. .

      “ ရပါတယ် .. ၊ အသင် မင်းသား။ ကျွန်ုပ်တို့ အဖြေမှန်ကို စာနဲ့ရေးပြီး ယွန်းအုပ်ထဲမှာ ထားပေးပါ့မယ်။ သင်ဖြေပြီးတော့မှ ဖွင့်ကြည့်တာပေါ့။ ”

     “ ကောင်းပါပြီ သံတမန်ကြီးများ။ ကျွန်ုပ်နောက်ဆုံး ပြောစရာ တစ်ခုပဲ ကျန်ပါတော့တယ်။ တကယ်လို့ ကျွန်တော် ဖြေတဲ့ အဖြေမှားခဲ့ရင် ကျွန်ုပ်တို့ တိုင်းပြည်ကို သင်တို့ လက်ထဲကို ကြည်ဖြူစွာ အပ်ပါ့မယ်။ တကယ်လို့ ကျွန်ုပ်ဖြေတာ မှန်ခဲ့ရင်လည်း သင်တို့ အဘယ်ကဲ့သို့မှ ကျွန်ုပ်တို့ တိုင်းပြည်ကို နှောင့်ယှက်ခြင်း မပြုပဲ ဆုတ်ခွာပေးပါမယ်လို့ ကတိပေးနိုင်မလား သံတမန်ကြီး။ ”

       ဒီတော့ သံတမန်ကြီးက . .

      “ ကျွန်ုပ် သဘောတူပါတယ် မင်းသား။ ကတိလည်း ပေးပါတယ်။ တကယ်လို့ သင်၏ အဖြေသာ မှန်ပါစေ ကျွန်ုပ်တို့ ဘယ်လိုမှ သင်တို့ တိုင်းပြည်ကို မနှောက်ယှက်ပဲ အေးဆေးစွာ ပြန်သွားပါ့မယ်။ ”

       “ ကျေးဇူးတင်ပါတယ်  သံတမန်ကြီး။ ဒါဆိုရင် သင်၏ အဖြေမှန်ကို ရေးပါတော့. .ပြီးရင် အရှေ့မှာ ယွန်းအုပ်ထဲမှာ သင်ကိုယ်တိုင် ထည့်လိုက်ပါ။ ”

      ဒီတော့ သံတမန်ကြီးလည်း သူကိုယ်တိုင် မေးခွန်း အဖြေကို စာရွက်မှာ ရေးပြီး ယွန်းအုပ်ထဲ ထည့်လိုက်တယ်။ နောက်တော့ မင်းသားလေးအား ကြည့်ရင်း. .

        “ ရပါပြီ မင်းသား။ သင်၏ အဖြေကို စပြီး ဖြေပါလော့။ ”

      
ဒီတော့ မင်းသားလေးက သံတမန်ကြီးကို သေချာစွာ ကြည့်ရင်း. .

        “ နံပါတ်တစ် - အမြီးက အမွှေးအတောင် သာဖြစ်နေတဲ့ သတ္တဝါက ဘာသတ္တဝါလဲ။ ဆိုတဲ့ မေးခွန်းရဲ့ အဖြေကတော့ “ ဒေါင်း ” ပဲ ဖြစ်ပါတယ်။ သတ္တဝါတွေထဲမှာ သူ့ရဲ့ အမွှေးက အမြီးအတောင်အနေနဲ့ သီးသန့်ရှိနေတယ် ဆိုတာ သူ့ကို ဆိုလိုတာပါ။

        နံပါတ်နှစ် - အမြီးက အရိုး သာဖြစ်နေတဲ့ သတ္တဝါက ဘာသတ္တဝါလဲ။ ဆိုတဲ့ မေးခွန်းရဲ့ အဖြေကတော့ “ ပိတုန်း ” ပဲ ဖြစ်ပါတယ်။ သတ္တဝါတွေထဲမှာ သူ့ရဲ့ အမြီးက အရိုးအနေနဲ့ သီးသန့်ရှိနေတယ် ဆိုတာ သူ့ကို ဆိုလိုတာပါ။

       နံပါတ်သုံး - အမြီးက အသား သာ ဖြစ်နေတဲ့ သတ္တဝါက ဘာသတ္တဝါလဲ။ ဆိုတဲ့ မေးခွန်းရဲ့ အဖြေကတော့ “ ရှူးပျံ ” ပဲ ဖြစ်ပါတယ်။ သတ္တဝါတွေထဲမှာ သူ့ရဲ့ အမြီးက အသားအနေနဲ့ သီးသန့်ရှိနေတယ် ဆိုတာ သူ့ကို ဆိုလိုတာပါ။ ”

       
မင်းသားလေးက ဒီလိုလည်း ဖြေပြီးရော သံတမန်တွေဆီကို လှည့်ကြည့်လိုက်တော့ သံတမန်တွေက သူ့ကို အံ့သြစွာ ကြည့်နေပြီး ၊ နောက်မှ.. .

       “ ယွန်းအုပ်ထဲမှာ ထည့်ထားတဲ့ အဖြေကို ကြည့်စရာ မလိုတော့ပါဘူး။ မင်းသား သင်၏ အဖြေများ အားလုံး မှန်ကန်ပါတယ်။ ကျွန်ုပ်တို့လည်း ကျွန်ုပ်တို့ ကတိအတိုင်း ဤတိုင်းပြည်မှ အသာတကြည်နဲ့ ဆုတ်ခွာ ပေးပါ့မယ်။ ဤမင်းသားလေး ကဲ့သို့ အထွေထွေ ဗဟုသုတနဲ့ ပြည့်စုံသူကို ရရှိထားတာ ဒီတိုင်းပြည် အတွက် အလွန်ကို ကောင်းခြင်း တစ်ရပ်ပါပဲ။ ဘုရင်မင်းကြီး အတွက်လည်း ဂုဏ်ကျက်သရေ တိုးစေပါတယ်။ ကျွန်ုပ်တို့လည်း ပြန်လည် ဆုတ်ခွာပါတော့မယ်။ အခု ယူလာတာကတော့ ဘုရင်မင်းကြီး အတွက် လက်ဆောင်ပဏ္ဍာ တွေပါ။ ကျွန်ုပ်တို့ကို သွားခွင့်ပြုပါဦး။ ”

      
ဟုဆိုကာ လက်ဆောင်ပဏ္ဍာများကို ဆက်သပြီး နန်းတော်ထဲမှ ထွက်ခွာ သွားတော့တယ်။ ပြီးတော့ သူတို့ရဲ့ တပ်တော်တွေကိုလည်း တစ်ခါတည်း ရုပ်သိမ်းပြီး အသာတကြည်ပဲ ပြန်လည် ဆုတ်ခွာသွားခဲ့တယ်။

        ဘုရင်မင်းကြီးလည်း သူ၏သားတော်ကို လွန်စွာမှ အားရ ကျေနပ်တော်မူ၍ ရက်မကူးစေပဲ ချက်ချင်း အိမ်ရှေ့မင်းရာထူး အပ်နှံပွဲကို ချက်ချင်း လုပ်စေတယ်။ ပြီးတော့မှ . .

        “ သားတော် ၊ သားတော် ဘယ်လိုများ ဒီလို ဗဟုသုတတွေကို သိနေရတာလဲ။ ”

       “ ဒါက ဒီလိုပါ ခမည်းတော် ၊ ဟိုးလွန်ခဲ့တဲ့ နှစ်အနည်းငယ်လောက်က လမ်းပေါ်မှာ ဗိုက်ဆာလို့ စားစရာ လိုက်တောင်းနေတဲ့ အဖိုးအိုတစ်ယောက်ကို သားတော်က သူစားချင်တာ စားစေဖို့ ကူညီခဲ့ပါတယ်။ ဒါကို အဖိုးအိုက ကျေးဇူးတင်လွန်းလို့ သားတော်ကို သူက ဗဟုသုတ ရစေဖို့ စာအုပ်တစ်အုပ် လက်ဆောင်ပေးသွားခဲ့ပါတယ်။

        ဒါပေမဲ့လည်း သူပေးတဲ့ စာအုပ်ထက် သူပြောသွားတဲ့ စကားက ပိုပြီးတော့ တန်ဖိုးရှိပါတယ်။ ဒါကတော့ “ ဘယ်အရာမှာ မဆို ကိုယ့်ဖက်က ကြိုတင် ပြင်ဆင်ထားခဲ့ရင် တစ်နေ့ အရေးကြုံလာရင် အသုံးဝင်ပြီး အရေးပါ အရာရောက်စမြဲပါ။ မဖြစ်သေးတာကို ကြိုပြီး အားမကုန်ပါနဲ့။ လောကကြီးက ကြိုတင်ပြင်ဆင်ထားသူတွေကို မျက်နှာသာ ပေးစမြဲပါ။ ” တဲ့။

         တကယ်လည်း ဟုတ်ပါတယ်။ လူတိုင်း လိုချင်ရင် ဗဟုသုတ ၊ ပညာ ၊ ပိုက်ဆံ အစရှိသဖြင့် လိုချင်တာတွေ အကုန် ရယူနိုင်စမြဲပါပဲ။ လိုမှ ထပြီး ရှာရဖွေရတာကိုလည်း အဖိုးအိုက ဒီလို ဆုံးမ သွားပါတယ်။ “ နောက်တစ်ခုက စာအုပ်ဆိုတာ အရေးလိုမှ ထုတ်ဖတ်ဖို့ မဟုတ်ဘူး။ ဖတ်ပြီး ခေါင်းထဲမှာ မှတ်ထားရတာ ၊ ဒါမှ အရေးလိုရင် ထုတ်သုံးနိုင်မယ်။ မင်းလည်း ဒီစာအုပ်လေးထဲက အကြောင်းအရာတွေကို လေ့လာမှတ်သားထားပါ။ ”

       
ဒါကြောင့်မို့ သားတော် လက်ထဲကို စာအုပ်လေး ရလာကတည်းက နေ့စဉ် မှတ်သားထားလို့ အခုလို အရေးကြုံနေချိန်မှာ အသင့်ဖြစ်စေတာပါ။ ”

       ဒီတော့ ဘုရင်ကြီးလည်း သူ့ရဲ့ သားတော်ကို လွန်စွာမှ ချစ်မြတ်နိုးပြီး ဆုတော်လာဘ်တော်တွေ ချီးမြင့်လေသည်။



“ ကျွန်တော်တို့ ဘဝမှာရော. . .

  • လိုမှ ထပြင်ဆင် တတ်ပါသလား။
  • မလုပ်ရသေးခင် စိတ်ပျက် အားငယ်တတ်ပါသလား ၊
  • မဖြစ်ခင်ဆိုတာကို ကြိုတွေးပြီး ကြိုတင်ပြင်ဆင် ကြိုးစားမှု ရှိခဲ့ပါသလား ၊
  • အရာရာကို လေ့လာမှတ်သား တတ်ပါသလား။
  • တစ်ခုခု ပြင်ဆင်ထားသူဟာ တစ်ခုခုတော့ သူ့အတွက် အခွင့်အရေးဆိုတာ ရလာစမြဲပါပဲ။
  • ဘာမှ ပြင်ဆင်မထားသူ အတွက်ကတော့ ဘာမှ ဖြစ်မလာတာ လောကကြီး အတွက် တကယ်တော့ မဆန်းလှပါ။ ”

မှတ်ချက်။ ။ တရုတ် ပုံပြင်လေးပါ။ ကျွန်တော် ရေးတဲ့ စာတွေထဲမှာ ဒီစာ အကြာဆုံးပါပဲ။ ဟိုဟာ လုပ်လိုက် ၊ ဒီဟာ လုပ်လိုက်နဲ့ မှတ်မှတ်ရရ ၆ နာရီကျော် ကြာသွားတယ်။ အင်း  . . . ကျွန်တော်လည်း ဘာမှ ကြိုတင် ပြင်ဆင်မှု မရှိခဲ့လို့ ဒီလို ကြာသွားတာ ဖြစ်မယ်။ တကယ်ကို မှတ်မှတ်ရရပါပဲ။

လေးစားစွာဖြင့်

ကိုဇော်




Share/Bookmark
Related Posts Plugin for WordPress, Blogger...

ဧည့်သည်များ

သွားသွားလာလာ
hidden hit counter




free counters

6.8.2010 မှ စ ကလိသည်။

.