မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


05 December 2009

7 ပြဿနာ တစ်ခုကို ဘယ်လို ကိုင်တွယ်ဖြေရှင်းလဲ....(How To Solve The Problem)



ဘ၀မှာ ကိုယ်နဲ့ အပ်စပ်တဲ့ အမှန်တရားကို ထိတွေ့မိဖို့ မလွယ်လှပါ..။ ဒီလို ထိတွေ့မိရင်လဲ လူဆိုတာ ရိုက်နှက်ဆုံးမစရာ မလိုတော့ပါ။ ကျွန်တော့် အဖြစ်အပျက်တစ်ခု ပြောပြပါ့မယ်။

ကျွန်တော် မလေးရှားကိုရောက်ခါစ လူက ငယ်ငယ် ၊ စိတ်က မြန်မြန်ထက်ထက် ၊ ကိုယ်ကိုမဟုတ်တာ လာလုပ် ၊ လာပြောရင် မခံတတ်ပဲ ချက်ချင်းပြန်လုပ်တတ် ၊ ပြောတတ်တဲ့ စိတ်ကလဲ ရှိနေသေး။ ပြဿနာ တစ်ခုကို ဦးနှောက်နဲ့ ညှိနှိုင်းဆွေးနွေးဖို့ထက် စကားကလဲ များများမပြောတတ်တော့ ကိုယ့်ကိုလာကြောရင် လက်ကပါပြီးသား။

ဒါကလဲ မြန်မာနိုင်ငံမှာကတည်းက ဘာမှ မလုပ်ဖူးပဲ အိမ်မှာပဲနေဖူးတော့ ပတ်ဝန်းကျင်နဲ့ သဟဇာတ ဖြစ်အောင် မနေတတ်တာလဲ ပါမှာပေါ့လေ။ ဒါကြောင့် မလေးရှား ရောက်နေတာကို သူတို့ကို သူတို့ အမေရိကားမှာ ပညာတော်သင် ရောက်နေတယ် လို့ထင်နေတဲ့ တောသားတွေနဲ့ မလေးရှားရောက်ပြီး နှစ်ပတ်အတွင်းမှာ ရန် ၄ ပွဲ ဖြစ်သလို ၊ နောက် ၂ လအတွင်းမှာလဲ လူ ၂၀၀ ကို ဦးဆောင်ပြီးစက်ရုံကို ဆန္ဒ ၅ ခါပြဖူးတယ်။ တရုတ် စူပါဗိုက်ဇာ ကို ဆွဲထိုးဖူးသလို ၊ ဂေါ်ပြားနဲ့လဲ လိုက်ရိုက်ဖူးတယ်။

ဒါပေမဲ့ ကျွန်တော်ဟာ လူရမ်းကားမဟုတ်ပါ။ လူဆိုး ၊ လူမိုက်လဲ မဟုတ်ပါ။ ကိုယ့်ကို လာကြောတာကို ဘယ်လို ဖြေရှင်းရမှန်းမသိသေးတဲ့ လူတစ်ယောက်မျှသာ ဖြစ်ပါတယ်။ ဒါပေမဲ့ ကံကြမ္မာကောင်းတစ်ခု ဖြစ်လာခဲ့ပါတယ်။ ဒါကတော့ Department ပြောင်းလိုက်ရပြီး Ng Shaiu Fern ဆိုတဲ့ တရုတ်မ လက်အောက် ရောက်သွားတာပါ။ သူ့ကို ကျွန်တော်က Ms Ng လို့ပဲခေါ်ပါတယ်။ သူက ကျွန်တော်ထက် ၁ နှစ်ပိုကြီးပေမဲ့ ကျွန်တော်ထက် ၁၀ ဆမက တော်ပါတယ်။ သူ့ဆီက Management တွေ အများကြီး လက်တွေ့တတ်ခဲ့ရတယ်။ သူက စကားပြောရင် အမေးတွေနဲ့ပဲ ပြောလေ့ရှိပါတယ်။ (တချို့ အထက်လူကြီးတွေက အမေးနဲ့ မပြောပဲ အမိန့် တွေနဲ့ ပြောကြတယ်လေ။)

ဒီလိုနဲ့ တစ်နေ့ ................

အမြဲတမ်း အလိုမကျ ဖြစ်နေတတ်တဲ့ စူပါဗိုက်ဇာ တစ်ယောက်ရှိတယ်။ သူ နဲ့ ကျွန်တော် မတည့်ပါ။ သူ့နဲ့ ဘယ်သူနဲ့မှလည်း မတည့်ပါ။ အဲဒီနေ့က Department မတူပဲ ကျွန်တော်တို့ Lab ကို လာ ဆရာလုပ်နေလို့ ကျွန်တော် ဒေါသတွေ ထွက်နေ တဲ့ အချိန် ၊ တစ်ယောက်တခွန်း စကားများနေတဲ့ အချိန်မှာ Ms Ng ရောက်လာတယ်။ Ms Ng ရောက်လာတော့ ဒီ စူပါဗိုက်ဇာ လဲ ထွက်သွားတယ်။ ရှုးရှုးရှားရှား ဒေါသတွေ ထွက်နေတဲ့ ကျွန်တော်ကို Ms Ng ဘယ်တုန်းကတည်းက ပြောဖို့ စောင့်နေမှန်း မသိပဲ သူ့ဖိုင်ကြားထဲက စာရွက်လေးတစ်ရွက် ထုတ်ပေးတယ်။ စာရွက်က မဂ္ဂဇင်းတစ်ခုမှ စာရွက်လေးပါ။

ဒေါသတွေနဲ့ ကျွန်တော်ယူလိုက်တော့ အပေါ်က တရုတ်လို ရေးထားပြီး အောက်က အင်္ဂလိပ်လို ဘာသာပြန် ပေးထားတဲ့ ပုံပြင်လေးတစ်ပုဒ်ပါ။ ခေါင်းစဉ်က “ How To Solve The Problem ” တဲ့။ ပုံပြင်ပေး မဖတ်ခင်မှာ စကားတစ်ခွန်း ပြောသေးတယ်။ ဘယ်တော့မှ မေ့မရစေမဲ့ စကားပေါ့။ 


ပညာတတ်နဲ့ ပညာမဲ့ ဘာကွာမယ်ထင်လဲ ၊ ဘာမှ မကွာဘူး ။ ခြေ လက် ခေါင်း အတူတူပဲ။ တစ်ခုပဲကွာတယ် ပြဿနာတစ်ခုကို ဘယ်လို ကိုင်တွယ်ဖြေရှင်းတယ် ဆိုတာပဲ။”

(သူနဲ့ ကျွန်တော် စကားပြောရင် မလေးလိုမပြောပါဘူး ၊ အင်္ဂလိပ်လိုပဲပြောတာပါ။) ပြီးတော့ သူပေးတဲ့ ပုံပြင်ကို ဖတ်ပြီးတော့ ကျွန်တော် ကိုင်ရိုက်ခံထားရသလိုလို ၊ နှိပ်ကွတ်ခံထားရသလိုလို ဖြစ်နေတယ်။ နောက်တော့ သတိရတိုင်း ဖတ်လေ အဓိပ္ပါယ် ရှိလေလေဖြစ်စေခဲ့တဲ့ ပုံပြင်လေးပါ တစ်ပုဒ်ပါ။ ကျွန်တော်ဘ၀ကို ပြောင်းလဲစေခဲ့တဲ့ ပုံပြင်လေးတစ်ပုဒ်ပါ။

How To Solve The Problem
ပြဿနာတစ်ခုကို ဘယ်လို ကိုင်တွယ်ဖြေရှင်းလဲ


တစ်ခါက မုဆိုးကြီး တစ်ယောက်ဟာ သူ့သားကို အသိပညာ တစ်ခုပေးချင်လို့ သူတောလိုက်သွားရာကို ခေါ်သွားသတဲ့။ တစ်နေရာလည်း ရောက်ရော တောင်ကမူလေး တစ်ခုမှာ ခွေးတစ်ကောင်က နေပူစာလှုံနေသတဲ့။ ဖခင်မုဆိုးကြီးက သူ့သားကို သေသေချာချာ ကြည့်ခိုင်းပြီး နေပူစာလှုံနေတဲ့ ခွေးကိုမထိစေပဲခွေးရဲ့ ဘေးသို့ ရောက်အောင် ခဲလုံးတစ်လုံးနဲ့ ပစ်ပေါက်လိုက်တယ်။

ခွေးဟာ သူ့ဘေးနားကျလာတဲ့ ခဲလုံးကြောင့် လန့်ပြီး ငေါက်ကနဲ့ ထရပ်လိုက်တယ်။ ပြီးတော့ ဘာရယ်ညာရယ်မှန်း မသိပေမဲ့ ခဲလုံးမှန်းတော့ သူသိတယ်။ သူ့ကိုလာလန့်စေတဲ့ခဲလုံးကို လိုက်ကိုက် နေတော့တယ်။ ခွေးဟာ ခဲလုံးက သူ့ကို လာလဲ မထိဘူး ၊ စားစရာလဲ မဟုတ်ဘူး ဆိုတာသိသိကြီးနဲ့ ခဲလုံးကို ကိုက်နေတယ်။ ဒီမြင်ကွင်းကိုကြည့်ပြီး သားအဖ နှစ်ယောက် ပြန်လာခဲ့ကြတယ်။
 

နောက်တစ်ပတ်လောက်နေတော့ ဖခင်မုဆိုးကြီးဟာ သူ့သားကိုခေါ်ပြီး တောထဲကို ထွက်လာခဲ့ပြန်တယ်။ ဒီတစ်ခါမှာတော့ သူတို့ဟာ နေရာအချက်အချာ ကောင်းတဲ့ သစ်ပင်ပေါ်မှာ နေရာယူကြတယ်။ သူတို့နေရာယူနေတဲ့ သစ်ပင်ရဲ့ အရှေ့ဘက်မှာ ကျောက်ဂူ တစ်ခုရှိတယ်။ ကျောက်ဂူဝမှာ ခြင်္သေ့တစ်ကောင်ဟာ နေပူစာလှုံနေတယ်။ ဖခင်မုဆိုးကြီးက သူ့သားကို ငြိမ်ငြိမ်နေဖို့ ပြောပြီး ခြင်္သေ့ရဲ့လက်နဲ့ လည်ပင်းကြားထဲကို ခြင်္သေ့ကို မထိစေပဲမြားတစ်စင်း ပစ်လိုက်တယ်။

မြားကလဲ လိုရာနေရာကို ကွက်တိပါပဲ။ ခြင်္သေ့ရဲ့ လည်ပင်းနဲ့ လက်ကြားထဲသွားစိုက်တယ်။ စွပ်ခနဲ့ လာစိုက်တဲ့ မြားကို ခြင်္သေ့က ဖျတ်ခနဲ့ကြည့်ပါတယ်။ ဒါပေမဲ့ ခြင်္သေ့က မြားကို ဘာမှမလုပ်ပဲ လက်ကြားထဲလာစိုက်တဲ့ မြားကိုသေသေချာချာကြည့်ပြီး ငြိမ်နေတယ်။ ခဏကြာတော့ မြားလာရာ လမ်းကြောင်းကို မျှော်ကြည့်တယ်။

ပြီးတော့ မြားကိုတလှည့် ၊ မြားလာရာ လမ်းကြောင်းကို တလှည့်သေချာကြည့်တယ်။ မြားတံကို ခြင်္သေ့က ဘာမှ မလုပ်ပဲမြား လာရာလမ်းကြောင်း၇ဲ့ အစွန်းရှိ ရန်သူကို တိုက်ခိုက်ဖို့ရာထပြီး တလှမ်းချင်း လှမ်းပြီး လျှောက်လာတယ်။

ဒါကြောင့်..........

ကိုယ့်ကိုခြောက်လှန့်ခံရတဲ့ ခဲလုံးကို လိုက်ကိုက်နေတဲ့ ခွေး..........။

ကိုယ့်ကို ရန်ပြုလာတဲ့မြားကို လျစ်လျူရှုပြီး မြားလာရာလမ်းကြောင်းရဲ့ ဟိုဘက်မှာရှိတဲ့ အဓိက ရန်သူကို တိုက်ခိုက်တတ်တဲ့ ခြင်္သေ့...............။

ခွေးကတော့ ခွေးပါပဲ.....။

ဒီလိုပဲ....

ခြင်္သေ့ကလဲ ခြင်္သေ့ပါပဲ........။.

ဒါကြောင့်မို့လဲ ခြင်္သေ့ဆိုတာ တောဘုရင်ဖြစ်နေတာပေါ့။ လောကကြီးမှာလဲ ဒီလိုပါပဲ။ ကိုယ့်ဆီရောက်လာတဲ့ ပြဿနာတွေကို အတင်တွန်းထိုး တိုက်ခိုက်တတ်လား။ ပြဿနာရဲ့အစကို ၇ှာပြီး ပြေလည်အောင် ရှင်းတတ်လား ၊ ဆိုတဲ့ လူနစ်မျိုးကွဲ သွားပါတယ်။

ဒါကြောင့် ပြဿနာနဲ့တွေ့တိုင်း သင့်ကိုသင် မေးကြည့်ပါ။

ငါဟာ...........ခြင်္သေ့..........လား ၊ ခွေး...လား။

အဖြေရလာပါလိမ့်မယ်။ ။

Heng Lee Zen ရဲ့ Which One? ကို zaw357@gmail.com ဘာသာပြန်သည်။




ဒီနောက်ပိုင်း ကျွန်တော် ရှုးရှုးရှားရှား ဒေါသတွေထွက်နေပြီ ပြဿနာကို ဖြေရှင်းပုံ မှားနေပြီဆိုရင် Ms Ng က အမြဲတမ်း ကျွန်တော်ကို မေးတယ်။

“Are you Dog or Lion? ”

သူ..ဒီလိုမေးပြီးတိုင်း ကျွန်တော်ပြန်လည် ဒေါသကိုထိန်းလာနိုင်စမြဲပါ။ ။


ကိုဇော် ခံစားရေးသားသည်။


http://zaw357.multiply.com/journal/item/181
မှာ 20.3.2009 က ရေးထားတာပါ။





Share/Bookmark

7 ယောက် ရဲ့ ထင်မြင်ချက်:

Unknown said...

Are you Dog or Lion?
အိုကေ ကိုဇော် ဒေါသကြီးတဲ့ ကျမ အတွက် အရမ်းအသုံးဝင်လို့ ကျေးဇူးအရမ်းတင်တယ်နော်

lwin said...

you're the best.....

Mee Chit said...

တွေးစရာကောင်းကောင်းလေး ရသွားပါတယ်
thz a lot

Anonymous said...

good article, had copied and e-mail to my friends to share with them

Anonymous said...

valuable.....ko zaw

Unknown said...

Although i interested in your post, i can't read your post, there may an error in font, but i don't know why.

aaa said...

ကျေးဇူးတင်ပါတယ် ကိုဇော်၊တော်တော်ကောင်းတဲ့ပုံပြင်ပါ။