2 ချောက်ကမ်းပါး

ချောက်ကမ်းပါး

ငါ့ရဲ့ အပေါ်မှာ..
အရောင်ညိုညိုနဲ့..
သစ်ပင်အိုအို တစ်ပင်ရှိတယ်...၊
သူ့ခါးက ခပ်ကိုင်းကိုင်းရယ်...။

ည......
လေပြေမှာ..
မိုးတွေ စွေလာရင်
ငါ့ခေါင်းကို တဝုန်းဝုန်းရိုက်တယ်...။

ငါ့အပေါ်ကနေ
ခပ်ဝေးဝေးကို ငေးရင်
ခပ်ဆွေးဆွေးလှတယ်လို့ ပြောကြတယ်..။
ငါကတော့ အပေါ်ကို မတတ်နိုင်ခဲ့...။

ချစ်သူရည်စားတွေ...
ငါ့..အပေါ်မှာ ....
ဟိုးအဝေးကိုငေး..
သူတို့ ဆွေးကြတယ်..။

ပျော်ပွဲစားထွက်တဲ့ မိသားစုတွေ..
ငါ့..အပေါ်မှာ ခဏနား..
အဝေးက ရှုခင်းကို ရှုစားကြတယ်..။

မူးရစ်ရမ်းကား ကားသမား
ငါ့ အပေါ်က ခုန်ဆင်း...
ဇာတ်လမ်းရှင်းသွားတယ်....။

စိတ်ဓါတ်ကျနေသူ တချို့
ငါ့..အပေါ်က သစ်ပင်မှာ ကြိုးဆွဲ ..
ဘဝကို အရှုံးပေးသွားတယ်..။

ငါဟာ...
ပျော်တတ်တယ်..၊
ကြည်နူးတတ်တယ်.၊
ဝမ်းနည်းတတ်တယ်..၊
ကြေကွဲတတ်တယ်.၊
ငါက မဖော်ပြတတ်သော...
ချောက်ကမ်းပါး တစ်ခုရယ်သာ...။ ။

ကိုဇော်

http://zaw357.multiply.com/journal/item/622 မှာ 11.9.2009 က ရေးထားတာပါ။

.

ချောက်ကမ်းပါး