1 ဓါတ်တိုင်များ

---

ဓါတ်တိုင်များ


တွဲလွဲခိုနေတဲ့
ငါ့နဖူးက
ချွေးဥဝါဝါကြီးတွေနဲ့
ငါ အောက်ငုံကြည့်လိုက်တော့
ဘယ်သူမှ ငါ့ကို သတိမထားမိပါဘူး ၊
ဒီလိုပဲ
သူတို့ တိတ်တဆိတ်
ဖြတ်လျှောက်သွားကြတယ်။

ငါ အားလုံးကို
အစွမ်းကုန် ထွန်းလင်းပေးချင်ပေမဲ့
ငါ့မှာ အာဟာရက မဝ . . တဝ
ပြီးတော့
မရတစ်ခါ . . ရတစ်လှည့်
အားက ချည့်နဲ့နဲ့။

လမသာတဲ့ ညများ
ငါ့ ဖျားနာနေရင်
“ တောက် မှောင်နေရတဲ့
အထဲ ဓါတ်တိုင်မီးက ပျက်နေသေးတယ်။” တဲ့။
သူတို့ ဆဲတယ်။
ငါကျတဲ့ မျက်ရည် ဘယ်သူသိမလဲ။

တချို့က...
ကျားခုံလေးဆွဲ ငါ့အောက်မှာ နွဲတယ်။
တချို့က...
ထုပ်စည်းတိုးရင်းပျော် သူတို့ အော်တယ်။
တချို့က...
မူးလာ ၊ ရူးလာပြီး ငါ့အောက်မှာ
ခွေးတွေပမာ သေးတွေဖြာတယ်။
တချို့က...
လက်လေးတယားယား ၊ လောက်လေးတကားကားနဲ့
ငါ့ဖန်လုံးကို ပစ်ခွဲတယ်။

ဒီအချိန်ဆိုရင်...
အာဟာရကပြတ် ၊
ချွေးဥက အက်နဲ့
ငါ . . အသက်မရှိတော့ သလိုပါပဲ။

ဒါဆို...
ငါ့ကို လူတွေ ရှောင်ကွင်းတယ်။
ဘယ်လိုပဲ ဖြစ်ဖြစ်ပါလေ၊
ငါ့မှာ . . . အာဟာရလေးမှန် . .
ဖန်လုံးလေးကျန်နေသေးရင်တော့
ငါ အားလုံးကို
အစွမ်းကုန် ထွန်းလင်းပြဦးမှာပါပဲ။

ကိုဇော်

မှတ်ချက်။ ။ လူတွေ ဓါတ်မီးတိုင်က မီးသီးတွေကို လေးဂွနဲ့ ပစ်ပစ်နေတာတွေလို့ ပြန်လည် သတိရ ခံစား ရေးလိုက်တာပါ။

http://zaw357.multiply.com/journal/item/634 မှာ 15.9.2009 ကရေးထားတာပါ။

.

ဓါတ်တိုင်များ