မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


14 December 2011

19 ပန်းပွင့် ပုံပြင်



တစ်ခါက . . .

တောနေ ဒေသရှိ မြို့ရိပ်မြို့ရာ ဝေးလံခေါင်းပါးတဲ့ ဒေသ တစ်ခုမှ " တောသားလူကြီး " တစ်ယောက် ကြုံကြိုက်လို့ မြို့ပြကို ရောက်လာသတဲ့။ သူ တစ်ယောက်တည်း ရောက်လာတာ မဟုတ်ပေဘူး။ သူ့ကို လူကြုံ ခေါ်လာတာက သူတို့ ရွာက " ရွာသူကြီး " ပါပဲ။ မြို့မှာ နေထိုင်ဖို့ ဆိုတာ အသိ ရှိမှ အဆင်ပြေမယ် မဟုတ်လား။ အခုလည်း ရွာသူကြီးနဲ့ ထိုတောသား လူကြီးက ရွာသူကြီးရဲ့ စီမံမှုကြောင့် မြို့ပေါ်မှာ အခြေကျ နေထိုင်နေတဲ့ " ပညာတတ် လူကြီး " တစ်ယောက်ဆီမှာ ခေတ္တ တည်းခိုတယ်။

အဆင်ပြေပါတယ်။ မပြေစရာလည်း မရှိဘူးလေ။ ထိုပညာတတ်လူကြီးက အရမ်းကို သဘောကောင်းကာ ဖော်ရွေတတ်သူ ၊ မိတ်ဆွေများကို လေးစား ခင်မင်တတ်သူ ဖြစ်တယ်။ သူ့ဆီကို လာရောက် တည်းခိုတာနဲ့တင် သူက ခင်မင်ပျော်ရွှင်နေလေ့ ရှိတယ်။ ဒါကြောင့်လည်း ရွာသူကြီး ဖြစ်သူက သူ့ဆီမှာ တည်းခိုဖို့ ဆုံးဖြတ်လိုက်ဟန် တူပါတယ်။ 

သူတို့ ထိုပညာတတ်လူကြီး ဆီကို ရောက်တော့ . . .  ၊ ရောက်တယ် ဆိုရင်ပဲ ပညာတတ်လူကြီးက ပြာပြာသလဲ ဧည့်ခံရှာတယ်။ နှစ်ပေါင်းများစွာ သူနဲ့ ဝေးနေပြီ ဖြစ်သော ရွာအကြောင်းကိုလည်း ဂရုတစိုက် မေးမြန်းစုံစမ်းတယ်။ ဘယ်သူတွေ ဘယ်လိုနေလဲ ၊ ဘယ်သူတွေကတော့ ကျန်းမာနေတုန်းလား ၊ ဘယ်သူတွေကတော့ ဆုံးပါးသွားပြီ ဆိုတာ သူ သိလိုက်ရရင် ထိတ်လန့် အံ့သြသော အမူအရာ အပြည့်နဲ့ပေါ့။ ဒီလို ဖော်ရွေမှုကြောင့် သူ့ဆီမှာ လာရောက် တည်းခိုသော ရွာသူကြီးနဲ့ တောသားလူကြီးတို့ အတွက် ရှိန်နေတာတွေ ဘာမှ မရှိတော့ဘူးပေါ့။

နေ့ဘက်မှာ ပညာတတ်လူကြီးကလည်း သူလုပ်စရာ ရှိတာတွေကို လုပ်ရင်း ၊ ရွာသူကြီးနဲ့ တောသားလူကြီးကလည်း လည်စရာ ပတ်စရာတွေကို သွားရောက် လည်ပတ်ပြီး ညဘက် အချိန်ဆိုရင်တော့ လက်ဖက်သုတ်ကလေးနဲ့ ရေနွေးကြမ်းအိုးလေး တည်ခင်းကာ အလာပ သလာပ ပြောဆိုနေလေ့ ရှိတယ်။ စကားတွေကတော့ ဟိုရောက် ဒီရောက်ပေါ့။ ဗဟုသုတ ရစရာတွေ ပါသလို ၊ ပျော်စေ ပျက်စေ ဟာသလေးတွေလည်း ပါတယ်။ ခင်မင် ဖော်ရွေတတ်သူတွေရဲ့ စကားဝိုင်း ဆိုတော့ ပျင်းရိ ငြီးငွေ့ဖွယ် မရှိဘူးပေါ့။

ဒီလိုနဲ့ စကားပြောနေရင်း ရွာသူကြီးက ရုတ်တရက် တစ်ခုခုကို သတိရသလိုနဲ့ စကားစပြောတယ်။

" ခင်ဗျားကတော့ သိမှာ မဟုတ်ဘူး။ ဒီလူ့မှာ ထူးဆန်းတဲ့ ပန်းပွင့်တစ်ပွင့် ရှိတယ်။ သူတို့ ဆွေစဉ် မျိုးဆက် အလိုက်ကို ဒီပန်းပွင့်ကို ထိန်းသိမ်း လာခဲ့ကြတာ . . . "

ဟု ဆိုကာ တောသား လူကြီးဘက်ကို လက်ညှိုးထိုးကာ စကားစတယ်။ ရွာသူကြီးက ဒီလို ပြောလိုက်တော့ ပညာတတ်လူကြီးက အံ့သြသွားသလို မျက်ခုံး အစုံကို ပင့်လိုက်ပြီး . . . 

" ဟုတ်လား . . . ဘယ်လို ထူးဆန်းတဲ့ ပန်းပွင့်မျိုးပါလိမ့်။ "

" ဘယ်လို ထူးဆန်းတဲ့ ပန်းပွင့်လည်း ဆိုတာကတော့ ကျုပ်တို့လည်း မသိဘူးဗျာ။ အခု ကြုံတုန်း ခင်ဗျား တောင်းကြည့်လိုက်ပါလား။ "

လို့ ရွာသူကြီးက ဆော်သြတယ်။ ပညာတတ်လူကြီးက ထပ်၍ အံ့သြသွားသလိုနဲ့ . . . 

" ဒီလို ပန်းတစ်ပွင့်ကို သွားလေရာ ယူလာပါ့မလား ၊ ရွာမှာ ထားခဲ့မှာပေါ့ မဟုတ်ဘူးလား။ "

ဒီတော့ ရွာသူကြီးက ခပ်မိန့်မိန့်ကြီး ပြုံးကာ  . . . . 

" ဒါတော့ ခင်ဗျား မှားပြီ။ သူက ဒီပန်းပွင့်ကို အသက်နဲ့ လဲပြီးတော့ ကာကွယ် စောင့်ရှောက်ထားရတာလေ။ ဒါကြောင့် သူ ဘယ်သွားသွား သွားလေရာမှာ ယူသွားလေ့ ရှိတယ်။ အခုလည်း ပါလာမှာပါ။ "

လို့ ဆိုကာ တောသားလူကြီး ဆီကို အကြည့် မျက်လုံး အစုံကို ပို့လိုက်တယ်။ သူ့ကို ဝိုင်းကြည့်နေတဲ့ ရွာသူကြီးနဲ့ ပညာတတ်လူကြီးရဲ့ မျက်လုံး ဒဏ်တွေကို တောသားလူကြီးက မခံနိုင်ရှာဘူး။ မျက်လွှာလေး ချကာ တိတ်တဆိတ် ငြိမ်သက်နေတယ်။

" တကယ်လို့ ဒီပန်းပွင့်လေး ပါလာရင် ကျွန်တော့်ကို ခဏလောက် ပြပါလားဗျာ။ ကျွန်တော်က ရုက္ခဗေဒနဲ့ ဒေါက်တာဘွဲ့ယူထားတာ ဆိုတော့ ဒီပန်းပွင့်လေးကို လေ့လာကြည့်ချင်လို့ပါ။ "

ဟု ဆိုတာကာ ပညာတတ်လူကြီးက တောသားလူကြီး ဆီကနေ ပန်းပွင့်လေးကို ကြည့်ခွင့် ရဖို့ ခွင့်တောင်းတယ်။ တောသားလူကြီးကတော့ သူ့အပေါ်မှာ စေတနာတွေ ကောင်းပြီး မြို့ကို ရောက်ဖူးအောင် ခေါ်လာခဲ့တဲ့ ရွာသူကြီးနဲ့ အခမဲ့ တည်းခိုခွင့် ပြုတဲ့ အပြင် လိုလေသေး မရှိအောင် ပြုစုတဲ့ ပညာတတ်လူကြီးရဲ့ စကားကြောင့် ငြင်းဆန်ဖို့ အင်အား မရှိတော့သလောက် ဖြစ်သွားခဲ့တယ်။ ဒါပေမဲ့ ဒီထူးဆန်းတဲ့ ပန်းပွင့်လေးကို ထုတ်ပြဖို့ ဆိုတာကလည်း သူ့မှာ မျိုးစဉ် မျိုးဆက် သတ်မှတ်ချက် အရ အခက်အခဲလေးတွေ ရှိနေသေးတယ်။

" ကျွန်တော့်ကို ခဏလောက် ပြလို့ ရမယ် မဟုတ်လား ခင်ဗျာ။ "

လို့ ပညာတတ်လူကြီးက ထပ်၍ တောင်းဆိုတယ်။ ဒီတော့ တောသားလူကြီးက အလွန်ကို အားတုံ့ အားနာ ဖြစ်သွားပြီး . . . 

" ကျွန်တော် မပြချင်လို့ မဟုတ်ပါဘူးဗျ။ ဒါပေမဲ့ ဒီပန်းပွင့်က ထူးဆန်းတယ် လို့ပဲ ကျွန်တော် သိထားပါတယ်။ ဒါပေမဲ့ ဘယ်လို ထူးဆန်းတယ် ဆိုတာ ကျွန်တော်လည်း မသိဘူး။ ဆွေစဉ်မျိုးဆက် ထိန်းသိမ်းလာတဲ့ ပန်းပွင့် ဖြစ်လေတော့ မျိုးဆက်ရဲ့ စည်းကမ်းချက် အရ ထိန်းသိမ်းထားရတာမို့ပါ။ ပြီးတော့ သူ့မှာ စည်းကမ်းချက်တွေ ရှိနေလို့ပါ။ "

တောသားလူကြီးက ဒီလို ပြောလိုက်တယ် ဆိုရင်ဖြင့် ပညာတတ်လူကြီးက ပိုပြီးတော့ သိချင်သွားပြီး  . . . 

" ဘယ်လိုများ စည်းကမ်းချက်တွေ ရှိနေတာပါလိမ့်ဗျာ။ အဲဒီ့ စည်းကမ်းချက်တွေကို ကျွန်တော် အတိအကျ လိုက်နာပါ့မယ်။ ထူးဆန်း လှပါတယ် ဆိုတဲ့ ဒီပန်းပွင့်လေးကို ကျွန်တော် မြင်တွေ့ချင်မိရုံလေးပါပဲ။ "

လို့ ဆိုကာ စည်းကမ်းကို လိုက်နာမည့် အကြောင်း သူ့ဖာသာ ကတိတွေပေးလေတယ်။ ကျဉ်းထဲ ကျပ်ထဲ အခြေအနေ ရောက်နေလေတော့ တောသားလူကြီးလည်း မတတ်သာတဲ့ အဆုံး သူတို့ ဆွေစဉ်မျိုးဆက် ထိန်းသိမ်းလာတဲ့ ထူးဆန်းသော ပန်းပွင့်လေးကို ထုတ်ပြဖို့ သူတည်းခိုရာ အခန်းထဲကို ဝင်သွားကာ အထုပ်လေး တစ်ခုကို ယူလာခဲ့တယ်။ ပြီးတော့ ဒီအထုပ်လေးကို ရွာသူကြီးနဲ့ ပညာတတ်လူကြီး ရှေ့ စားပွဲပေါ်မှာ တင်ပြီးတော့ တည်ကြည်စွာ စကားဆိုတယ်။

" ကျွန်တော့်တို့ရဲ့ စည်းကမ်း ဆိုတာ တခြားတော့ မဟုတ်ပါဘူး။ ဒီပန်းပွင့်လေးရဲ့ ထူးဆန်းတဲ့ အာနိသင်က ဘာရှိမလဲတော့ ကျွန်တော်လည်း မသိဘူး။ ဒါပေမဲ့ ဆွေစဉ်မျိုးဆက်ကတော့ လက်ဆင့်ကမ်းပြီး ပြောလာခဲ့ပါတယ်။ ဒါတွေကတော့ . . . 

၁။ ထူးဆန်းတဲ့ ပန်းပွင့်လေးကို ထည့်ထားတဲ့ ပုလင်းလေးထဲက လုံးဝ အပြင်ကို မထုတ်ရပါဘူး။
၂။ တကယ်လို့ ထုတ်ခဲ့မိတယ် ဆိုရင်လည်း သူ့ကို လက်နဲ့ကိုင်ခြင်း ၊ အသားနဲ့ ထိခြင်း မလုပ်ရပါဘူး။
၃။ တကယ်လို့ အသားနဲ့ ထိခဲ့မိမယ် ဆိုရင်လည်း သူ့ရဲ့ မွှေးရနံ့ကို မရှူမိစေရပါဘူး။
၎။ တကယ်လို့ သူ့ရဲ့ ရနံ့ကို ရှူမိခဲ့မယ် ဆိုရင်လည်း သူ့ရဲ့ အရသာကို သိရလေအောင် ဒီပန်းပွင့်ကို လျှာနဲ့ မလျက်မိစေရပါဘူး။

ဒါကတော့ ကျွန်တော်တို့ ဆွေစဉ်မျိုးဆက် ထိန်းသိမ်း လာခဲ့တဲ့ စည်းကမ်းပါပဲ။ ကျွန်တော့်ကို လက်ဆင့်ကမ်းခဲ့တဲ့ ကျွန်တော့် အဖေကလည်း စောင့်ထိန်းခဲ့တယ်။ ကျွန်တော့် အဖေကို လက်ဆင့်ကမ်းလာတဲ့ အဘိုးကလည်း ထိန်းသိမ်းခဲ့တယ်။ ဒီလိုပဲ ဆင့်ပွားလက်ဆင့် ကမ်းလာတဲ့ ဆွေမျိုးတွေကလည်း စောင့်ထိန်းခဲ့ကြပါတယ်။ ဒါကြောင့်လည်း ဒီထူးဆန်းတယ် ဆိုတဲ့ ပန်းပွင့်လေးဟာ ဒီအတိုင်းပဲ ကျွန်တော်တို့ လက်ထဲမှာ ရှိနေခဲ့တာပါ။ " 

တောသားလူကြီးက ရှင်းပြ အပြီးမှာ ပညာတတ်လူကြီးက မေးခွန်း တစ်ခုကို မေးတယ်။

" ဒါဆို ဒီထူးဆန်းတယ် ဆိုတဲ့ ပန်းပွင့်လေးရဲ့ ထူးဆန်းတယ် ဆိုတဲ့ အချက်ကို ဘယ်သူ့မှ သေချာ မသိနိုင်ဘူးပေါ့။ " 

ပညာတတ်လူကြီးရဲ့ အမေးစကားကို ကြားရတော့ တောသားလူကြီးလည်း ရုတ်တရက် မင်သက်သွားတယ်။ တကယ်တော့ သူလည်း ဆွေစဉ်မျိုးဆက် ထိန်းသိမ်း ဆိုလို့သာ ထိန်းသိမ်း လာခဲ့တာ ၊ ဆွေစဉ်မျိုးဆက်က စောင့်ထိန်း ဆိုလို့သာ စောင့်ထိန်း လာခဲ့တာ ဘယ်လို ထူးဆန်းတယ် ဆိုတာ သူ တကယ်ကို မသိခဲ့ဘူး။ 

" အမှန်ပါပဲ။ တကယ်တော့ ကျွန်တော်လည်း ဒီပန်းပွင့်လေးရဲ့ ထူးဆန်းတယ် ဆိုတဲ့ အရာကို သေချာ မသိခဲ့ပါဘူး။ ဆွေစဉ်မျိုးဆက် ဒါတွေကို ရှောင်ရမယ် ဆိုလို့သာ ကျွန်တော်တို့ ရှောင်ရင်း ပန်းပွင့်လေးကို ထိန်းသိမ်း လာခဲ့တာပါ။ ကဲ . . . အခု ကျွန်တော့်ရဲ့ ထူးဆန်းတယ် ဆိုတဲ့ ပန်းပွင့်လေးကို ကြည့်ရအောင် . . " 

သူက ပြောလည်း ပြော ၊ လက်ကလည်း အထုပ်လေးကို ဖြေကာ ဖွင့်လိုက်တယ်။ အထုပ်လေးလည်း ပြေသွားရော အထဲမှာ ပုလင်းလေး တစ်လုံးထဲမှာ ပြာလဲ့လဲ့နဲ့ ပန်းပွင့်လေး တစ်ပွင့်ကို တွေ့လိုက်ရတယ်။ ပန်းပွင့်လေးက အခုမှ လတ်လတ်ဆတ်ဆတ် ခူးပြီး ပုလင်းထဲ ထည့်ထားသလို လန်းဆန်းနေတယ်။ ဒါပေမဲ့ ပုလင်းလေးကို သေချာစွာ ပိတ်ထားတာ နှစ်ပေါင်းများစွာ ကြာနေပြီ ဆိုတာကိုတော့ ကြည့်တာနဲ့တင် သိနေနိုင်တယ်။ 

" တကယ်ကို ထူးဆန်းပါပေတယ်ဗျာ။ ပန်းပွင့်လေးရဲ့ ထူးဆန်းတယ် ဆိုတဲ့ အာနိသင်ကတော့ ဘယ်လို နေမလဲ မသိပေမဲ့ ပန်းပွင့်ကို မြင်တာနဲ့တင် ထူးဆန်းတယ် ဆိုတာ လက်ခံပါတယ်။ ဒါပေမဲ့ . . . ဘာကြောင့် ထူးဆန်း ရတယ် ဆိုတာကိုလည်း သိချင်မိတယ်။ "

လို့ ပညာတတ်လူကြီးက ဆိုတယ်။ ရွာသူကြီးကတော့ ဘာမှ မပြောဘဲ ဘေးကနေ ထိုင်ကြည့်နေယုံပါပဲ။ တောသားကြီးကတော့ ခပ်ငူငူကြီးသာ ထိုင်နေတယ်။ သူလည်း ထူးဆန်းတယ် ဆိုတဲ့ ပန်းပွင်လေးရဲ့ ထူးဆန်းမှုကို မသိခဲ့ဘူး မဟုတ်လား။ ဒီမှာ ပညာတတ်လူကြီးက စကားဆက်တယ်။

" ဖြစ်နိုင်မယ် ဆိုရင် ကျွန်တော့်ကို သုတေသန ပြုဖို့ ဒီပန်းလေးကို ခဏလောက် ငှားပါ။ အများကြီး မဟုတ်ပါဘူး တစ်ရက်ထဲပါပဲ။ ဒီလို ပန်းမျိုး တစ်ခါမှ မတွေ့ဖူးလို့ ကျွန်တော် ဓါတ်ပုံရိုက် မှတ်တမ်း တင်မယ်။ ပြီးတော့ ပန်းပွင့်လေးရဲ့ အချက်အလက်လေးတွေကို ကျွန်တော် မှတ်တမ်းလေး ရေးထားရုံလေးပါပဲ။ "

ပညာတတ်လူကြီးက ဒီလို ပြောတော့ တောသားလူကြီးက ခေတ္တ ငြိမ်သက်သွားပြီးတော့မှ  . . . 

" ကျွန်တော် ငှားချင်ပါတယ်။ ဒါပေမဲ့ အထက်က ကျွန်တော် ပြောခဲ့တဲ့ စည်းကမ်းတွေကို မေ့သွားမှာ စိုးလို့ပါ။ မတော်လို့ ဒီပန်းလေးကို ပုလင်းထဲက ထုတ်လိုက်ရင် ဘာဖြစ်လာမလဲ ကျွန်တော်လည်း မသိဘူး။ ပုလင်းထဲက ထုတ်ပြီးတော့ လက်နဲ့ကိုင်မိရင် ဘာဖြစ်လာမလဲ ကျွန်တော် မသိနိုင်ဘူး။ တကယ်လို့ ကိုင်မိရုံတင်မကဘဲ သူ့ရဲ့ အနံ့ကိုပါ ရှူမိရင်လည်း ဘာဖြစ်လာမယ် ကျွန်တော် မသိဘူး။ ရှူမိရုံတင် မကဘဲ သူ့ရဲ့ အရသာကို လျက်မိရင်လည်း ဘာဖြစ်လာမယ် ကျွန်တော် လုံးဝ မသိပါဘူး။ ဒါပေမဲ့ ဒါဟာ အန္တရာယ် ရှိလို့ တားမြစ်ထားတယ် လို့ပဲ ကျွန်တော် သိထားပါတယ်။ "

" ဟုတ်ကဲ့ . . . ဒါကို ကျွန်တော်ကလည်း သဘောပေါက်ပါတယ်။ ဒီစည်းကမ်းကို ကျွန်တော်လည်း လိုက်နာမှာပါ။ ကျွန်တော့်ကို ဒီပန်းပွင့်လေး တစ်ရက်လောက်သာ ငှားပါ။ "

လတ်တလော ကျေးဇူး ရှိသူလည်း ဖြစ် ၊ သူတို့ အပေါ်မှာလည်း အရမ်းကောင်းနေသူ ဖြစ်တဲ့ အပြင် ပညာတတ် လူကြီး လူကောင်း တစ်ယောက်ဆိုတာကြောင့် တောသားလူကြီးက ပညာတတ်ကြီးကို သူတို့ ဆွေစဉ်မျိုးဆက် ထိန်းသိမ်းလာခဲ့တဲ့ ထူးဆန်းတဲ့ ပန်းလေးကို တစ်ရက် ငှားလိုက်တော့တယ်။ 



စူးစမ်းတတ်သူ ၊ ကိုယ့်ဝါသနာပါရာကို စူးစိုက်တတ်သူတို့ရဲ့ ထုံးစံ အတိုင်း ညဥ့်နက်လို့ ရွာသူကြီးနဲ့ တောသားလူကြီး အသီးသီး အိပ်ယာ ဝင်သွားပေမဲ့ ပညာတတ်လူကြီးကတော့ မအိပ်နိုင်သေးပါဘူး။ သူ့လက်ထဲမှာ ရောက်နေတဲ့ ထူးဆန်းတဲ့ ပန်းပွင့် ပြာတာတာလေးကို ကြည့်ပြီး ပီတိတွေ ဖြာဝေ နေတယ်။

သူ့ရဲ့ စာဖတ်ခန်းနဲ့ သစ်ပင် ပန်းမန်တွေကို လေ့လာတဲ့ သုတေသန အခန်းထဲမှာ တကုတ်ကုတ်နဲ့ အလုပ်ရှုပ်နေခဲ့တယ်။ ပုလင်းလေးကို စားပွဲပေါ်တင်ထားလိုက်ပြီး မှတ်တမ်းတင် ဓါတ်ပုံ ရိုက်ဖို့ ပြင်ဆင်နေခဲ့တယ်။ အဆင်သင့်ဖြစ်ပြီ ဆိုကာ ဓါတ်ပုံ ရိုက်လိုက်တော့ ထွက်လာတဲ့ ဓါတ်ပုံက မလှပပေ။ ပုလင်းကို အလင်းတွေ ပြန်ကာ ပုလင်းထဲက ပန်းပွင့်လေးရဲ့ ပုံရိပ်ကို ကောင်းကောင်း မရပေ။ အကြိမ်ကြိမ် ရှု့ထောင့်မျိုးစုံကနေ ကြိုးစားပေမဲ့ ပုလင်းဆိုတာကလည်း အလုံးကြီး ဖြစ်နေလေတော့ အဆင်ပြေသော ဓါတ်ပုံ တစ်ပုံကို ရိုက်မရခဲ့ဘူး။

တောသားလူကြီး ဆီက ခဏတာ ငှားရမ်း ခဲ့တာ တစ်ရက်ထဲ ဖြစ်လေတော့ သိပ်ကြာကြာလည်း အချိန်ကို အကုန်မခံနိုင်ဘူး။ နည်းမျိုးစုံနဲ့ ဓါတ်ပုံ ရိုက်နေရင်း အဆင်မပြေလေတော့ သူ စိတ်မရှည် ဖြစ်လာကာ ပန်းပွင့်လေးကို ပုလင်းထဲကနေ အပြင်ကို ထုတ်ပြီး ဓါတ်ပုံ ရိုက်ဖို့ စဉ်းစားလိုက်မိတယ်။ ဒီလို စဉ်းစားလိုက်မိတယ် ဆိုရင်ပဲ တောသားလူကြီးရဲ့ စည်းကမ်းချက်တွေကိုလည်း တစ်ခါတည်း သတိရမိတယ်။ သို့သော် ချက်ချင်းပဲ ပန်းပွင့်လေးကို ဓါတ်ပုံ ရိုက်ချင်နေစိတ်က များနေတာ ဆိုတော့ ပန်းပွင့်လေးကို ပုလင်း အပြင် ထုတ်မိပေမဲ့ ငါ လက်နဲ့ မကိုင်မိရင် ဘာမှ မဖြစ်နိုင်ပါဘူး လို့ တွေးလိုက်မိတယ်။

ဒါနဲ့ ပုလင်းလေးရဲ့ အဖုံးအဖြစ် စွပ်ထားတဲ့ အစွပ်လေးကို ဖြေးညှင်းစွာ ဖြုတ်လိုက်ပြီး ပန်းပွင့်လေးကို အပြင်ကို လျောတိုက် ထုတ်ယူလိုက်တယ်။ လျောတိုက်ကာ ထွက်ကျလာတဲ့ ပန်းပွင့်လေးကို သူ သုတေသန လုပ်နေကျ လင်ဗန်းလေးထဲ လျောတိုက်ပဲ သွန်ချကာ ထည့်လိုက်တယ်။ ပြီးတော့ အပေါ်မှ ၊ ဘေးတိုက် မျိုးစုံမှ ဓါတ်ပုံတွေကို တဖျပ်ဖျပ် ရိုက်ယူတော့တယ်။ ဓါတ်ပုံ ရိုက်ပြီးလို့ ရလာတဲ့ ပုံလေးတွေကလည်း အရမ်းကို တောက်ပစွာနဲ့ ပန်းပွင့်လေးကို ပုံဖော်ပေးတယ်။ ဘာရယ်လို့ ပြောရခက်သော ဆွဲဆောင်မှု တစ်မျိုးနဲ့ ပန်းပွင့်လေးက သူ့ကို ညှို့ယူကာ ဆွဲဆောင်နေခဲ့တယ်။

ကင်မရာကို ကိုင်လိုက် ပန်းပွင့်လေးကို ရိုက်လိုက်နဲ့ သူ အရာအားလုံးကို မေ့နေတဲ့ အချိန်မှာပဲ။ ပန်းပွင့်လေးကို အညှာလေးကနေ ထောင်ပြီးတော့ ဓါတ်ပုံ ရိုက်ရရင် ဆိုတဲ့ စိတ်ကူး သူ့မှာ ပေါ်လာခဲ့တယ်။ ဒါနဲ့ သူ တောသားလူကြီးကို ပေးထားတဲ့ ကတိကို မေ့သွားကာ ပန်းပွင့်လေးဆီကို လက်လှမ်းကာ ကိုင်လိုက်မိတယ်။ သူ့ရဲ့ ရည်ရွယ်ချက်ကတော့ ပန်းပွင့်လေးကို အညှာကနေ ထောင်ထားလိုက်ဖို့ပါ။ ဒါပေမဲ့ ဒီလို ပန်းပွင့်လေးကို သူ့လက်နဲ့ ထိလိုက်တယ် ဆိုတာနဲ့ ထူးဆန်းတဲ့ အင်အား တစ်ခုနဲ့ ဘာမှန်း မသိသော အရသာ တစ်ခုက သူ့လက်ကို လာရောက် စီးဝင်ပြီး ကြင်ခနဲ ခံစားလိုက်ရတယ်။

နွေးခနဲသော အသိနဲ့ အတူ ပန်းပွင့်လေးက သူ့အပေါ်မှာ ပိုပြီးတော့ ဆွဲဆောင်အား ကောင်းလာခဲ့တယ်။ နောက်တော့ သူ ဘာဆို ဘာမှ မသိတော့ဘူး။ ကိုင်ထားတဲ့ ကင်မရာကို ဓါတ်ပုံ ရိုက်ဖို့ ဆိုတာ မေ့သွားခဲ့ပြီ။ ကင်မရာကို ဘေးမှာ ချထားလိုက်ပြီး ပန်းပွင့်လေးကို ရင်ခုန်တပ်မက်စွာ ကိုင်တွယ်မိရင်း လေ့လာနေမိတယ်။ ဒီအချိန်မှာ ပန်းပွင့်လေးမှ ထွက်ပေါ်လာတဲ့ မွှေးမြမြ ရနံ့လေးကိုလည်း သူ သတိမထားမိတော့ဘူး။ ဒီရနံ့လေးဟာလည်း သူ့အတွက် ဆွဲဆောင်မှု တစ်ခု ပိုဖြစ်နေခဲ့တယ်။ နောက်တော့ ဒီလောက် မွှေးနေတဲ့ ပန်းပွင့်လေးရဲ့ အရသာဟာ ဘယ်လိုများ နေမလဲ ဆိုတဲ့ မသိစိတ်ရဲ့ ဆွဲဆောင်မှု နောက်ကို သူ့ရဲ့ စိတ်က လိုက်ဖို့ အဆင်သင့် ဖြစ်နေခဲ့လေပြီ။

ပန်းပွင့်လေးကို သူ လက်နှစ်ဘက်နဲ့ သေချာစွာ ကိုင်နေခဲ့ပြီး ပန်းပွင့်ရဲ့ ရနံ့လေးကိုလည်း သူ တပ်မက်စွာ ရှူနေခဲ့မိပြီ။ နောက်ဆုံးမှာတော့ ပန်းပွင့်လေးရဲ့ ပွင့်ဖတ်ဆီမှ ဘာအရသာများ ရှိနေလိမ့်မလဲ ဆိုသော စိတ်ဖြင့် သူ့ရဲ့ လျှာကို ထုတ်ကာ လျက်ဖို့ ပြင်လိုက်လေတော့တယ်။

" - - - - - - "



မနက် မိုးလင်းလို့ ရွာသူကြီး နဲ့ တောသားလူကြီး အိပ်ယာက နိုးလာတဲ့ အချိန်မှာတော့ သူတို့ တည်းခိုနေတဲ့ မြို့က ပညာတတ်လူကြီး အိမ်ဟာ ကြောက်မက်ဖွယ်ရာ ကောင်းသော အသံဖြင့် အော်ဟစ်သံတွေကို ကြားနေခဲ့ရတယ်။

ဘာဖြစ်လုိ့များပါလိမ့် ဆိုတာ သူတို့ စုံစမ်းကြည့်လိုက်တော့ . . . .။ ထိုအိမ် ပိုင်ရှင် ပညာတတ် လူကြီး ကိုယ်တိုင် သွက်သွက်ခါအောင် ရူးသွပ်နေတာကို တွေ့ကြရတယ်။ ညက အကောင်း ၊ ဒီမနက်မှ ဘာကြောင့် ဒီလို ရူးသွပ် သွားတယ် ဆိုတာ သူတို့လည်း သေချာ မသိကြဘူး။ သူတို့ အခု တွေ့နေရတဲ့ ပညာတတ် လူကြီးကတော့ ညကလို ယဉ်ယဉ်ကျေးကျေး အမူအရာ နဲ့ မဟုတ်တော့ဘဲ ၊ မြင်သမျှ တွေ့သမျှကို ဟစ်အော်ကာ ယုတ်ရင်းကြမ်းတမ်းတဲ့ စကားတွေကို ပြောဆိုနေတဲ့ သာမာန် လူအရူးကြီး တစ်ယောက်မျှသာ ဖြစ်နေခဲ့လေပြီ။

တောသားလူကြီးက သူ့ရဲ့ ပန်းပွင့်လေးကို ပြန်တောင်းချင်ပေမဲ့လည်း အခုလို ဖြစ်နေတဲ့ ပညာတတ် လူကြီးဆီကနေ ဘယ်လိုလုပ် ပြန်တောင်းလို့ ရနိုင်ပါတော့မလဲ။ ပြီးတော့ တစ်အိမ်လုံး အနှံ့ လိုက်ရှာပေမဲ့ ထူးဆန်းတဲ့ ပန်းပွင့်လေးကို လုံးဝ ရှာလို့ မတွေ့တော့ဘူး။ ထူးဆန်းသော ပန်းပွင့်လေးဟာ ထူးဆန်းစွာနဲ့ပဲ ပျောက်ဆုံး သွားခဲ့လေပြီ။

သူတို့ အခု လက်ရှိတွေ့ နေရတာကတော့ သွက်သွက်ခါအောင် ရူးနေပြီး မြင်သမျှကို အလိုမကျစွာ အော်ဟစ်နေတဲ့ " ပညာတတ် အရူးကြီး " တစ်ယောက်ကိုသာ ဖြစ်ပါတော့တယ်။

ပုံပြင်လေးကတော့ ဒါပါပဲ။



ဟိုတစ်နေ့က ကျွန်တော် သတင်းလေး တစ်ပုဒ် ဖတ်လိုက်တယ်ဗျာ။


မိုးပျံရထားလမ်းအတွက် စင်ကာပူနဲ့ချိတ်ပြီး ရင်းနှီးမြှုပ်နှံသူရှာ။

ဆိုတဲ့ ခေါင်းစဉ်နဲ့ သတင်းလေးပါ။ အားလုံးလည်း ဖတ်ပြီးကြမှာပါ။ တချို့ကလည်း ဘာရယ် ညာရယ် မသိဘဲ ကြိုဆိုကြသလို ၊ တချို့က ကျတော့ အကျိုးသင့် အကြောင်းသင့် ထောက်ပြ ပြောဆိုကြတယ်။ တချို့ကျတော့ ဘာမှန်းကို မသိဘဲ ဝေဖန်နေလိုက်ကြတာ မြင်ရ ဖတ်ရတာကို စိတ်ဆင်းရဲစရာပါပဲ။

အဲ . . .

ဒီကြားထဲမှာ နောက်ထပ် သတင်း တစ်ပုဒ်ကို ထပ်ဖတ်လိုက်ရတော့ ပိုဆိုးပါလေရော။  " ရန်ကုန်ကို စင်္ကာပူ လို ဖြစ်အောင် လုပ်မယ် " ဆိုတဲ့ သတင်းလေးပါ။

ဟိုးအရင်ကတော့ ပြည်ပ သတင်းဌာနတွေက ရေးလိုက်ကြတာ ညစ်ပတ် နံစော်နေတဲ့ ရန်ကုန် ၊ ပုပ်သိုးနေသော မြို့ပျက် အဟောင်း ၊ ဘာညာနဲ့ စုံနေတာပါပဲ။ ကျွန်တော်က ရန်ကုန်မှာ မွေးလို့ နာရတယ်လည်း မဟုတ်ပါဘူး။ အရှိကို အရှိအတိုင်းပဲ လက်ခံပါတယ်။ ဟုတ်တယ်လေ။ မိုးတွေ ရွာလို့ ရေတွေ များရင် ကျွန်တော်တို့ ရန်ကုန်မှာ ရေတွေ ကြီးတယ်။ ဘာလို့လဲ ရေစီး ရေလာ မကောင်းလို့။ ဒါပဲပေါ့။ မကောင်းတာကို မကောင်းဘူးလို့ပဲ အရှိအတိုင်း လက်ခံပါတယ်။

အခုဗျာ။ ဒီလို ဖြစ်နေတဲ့ မြို့ပျက် အဟောင်းကြီးကို စင်္ကာပူ လို ဖြစ်အောင် လုပ်မယ် ဆိုပြီးတော့ ကြွေးကြော်တာဟာ မလုပ်ဘူးကွာ ဆိုပြီး ထိုင်နေတာထက် စာရင်တော့ တော်သေးတယ် လို့ ကျွန်တော်ကတော့ မြင်တာပါပဲ။ လုပ်တယ် မလုပ်ဘူး ဆိုတာကတော့ စောင့်ကြည့်ရမှာပေါ့လေ။ အခုတော့ လုပ်ပါမယ် ဆိုပြီး ပြောရုံ ရှိသေးတယ်။ စင်္ကာပူလောက်ပဲ သိတာလား ၊ တခြား နိုင်ငံတွေ ဘယ်လောက် တိုးတတ်နေတယ် ဆိုတာ မသိဘူးလား။ ဘာလား ၊ ညာလားနဲ့ ဝေဖန်နေလိုက်တာ အတော်ကို စိတ်ပျက်ဖို့ ကောင်းပါတယ်။

ကျွန်တော်လည်း အတော်ကို စိတ်ပျက်ပါတယ်။ လူတစ်ယောက်က လုပ်မယ် လို့ ပြောရင် လုပ်ပါစေဦးပေါ့လား။ လုပ်ပါမယ် ဆိုတာကို ဟိုလိုလုပ်ပါလား ၊ ဒီလိုလုပ်ပါလား ၊ ဆိုတာတွေနဲ့ လူတွေက တော်တော်ကို ဆိုးဝါးစွာ ၊ ရောင့်ရဲမှု နည်းပါးစွာနဲ့ ဝေဖန်နေတော့တာကိုး။ ဒါကို ယဉ်ကျေးသော စကားနဲ့ သုံးနှုန်းရမယ် ဆိုရင်တော့ အကြံပေးတယ်ပေါ့လေ။ ထောက်ပြတယ် ပေါ့လေ။

လုပ်ပါစေဦးဗျာ။ ပုပ်သိုးနေတဲ့ မြို့ပျက် အဟောင်းကြီးကနေ စင်္ကာပူလောက် ဖြစ်လာမယ် ၊ ပြီးတော့မှ တခြားသော တိုးတတ်နေတဲ့ နိုင်ငံတွေကိုလို ဆက်ပြီး တိုးတတ်အောင် လုပ်မယ် ဆိုရင် ပိုပြီး မကောင်းပေဘူးလား။ ဝေဖန် အပြစ်တင်မှုတွေ များလာရင် လူဆိုတာကလည်း လူပဲ မဟုတ်လား။ တော်ပြီကွာ ဆိုပြီး ငုတ်တုပ် ထပ်ထိုင်နေလိုက်မှဖြင့် ဆိုကာ ကျွန်တော် အတော်ကို စိတ်ပျက် မိတယ်။

အထူးသဖြင့် ကိုယ်က အပြင်ကို ရောက်နေတယ် ဆိုတဲ့ မီဒီယာများ ၊ သတင်းဌာနများ ၊ အတိုက်အခံများကို ကျွန်တော် " ပန်းပွင့် ပုံပြင် " ဆိုတဲ့ ပုံပြင်လေး တစ်ခုကို ပြောပြချင်ပါတယ်။

အရင်က မတွေ့ဖူး ၊ မကြုံဖူးခဲ့ဘူးလေဗျာ။ အခု တွေ့ဖူး မြင်ဖူး ကြုံဖူးပြီ ဆိုတော့လည်း လူဆိုတာ ပိုပြီးတော့ လိုလား တောင့်တာနေတတ်တာ အပြစ်တော့ မဟုတ်ပါဘူး။ ဒါပေမဲ့ သတိလေးနဲ့ တဆင့်ချင်း သွားကြရင် ကောင်းမယ် ထင်ပါတယ်။ တစ်ခါတည်း သတိလက်လွတ်ပြီးတော့ ပန်းပွင့်ကို အတင်း ဖမ်းဆုပ်ကာ ၊ ပန်းပွင့်ကို နမ်း ၊ ပန်းပွင့်ကို လျက်မိသော " ပညာတတ် လူကြီး " လိုတော့ မဖြစ်စေချင်ပါဘူး။

တစ်ခုသော စကားပုံကလည်း ရှိသေးတယ်လေ။ " ပညာရှိ သတိဖြစ်ခဲ " ဆိုလားပဲ။ ဘယ်လိုပဲ ဖြစ်နေပါစေ။ တကယ်သာ ပညာရှိ ၊ ပညာတတ်ခဲ့မယ် ဆိုရင် ဒီပညာကို လေးစားသော အားဖြင့် အသိလေး ၊ သတိလေးနဲ့ ချင့်ချင့်ချိန်ချိန် ပြောဆိုကြဖို့တော့ လိုပါလိမ့်မယ်။

ဘာလို့လဲ ဆိုတော့ ကျွန်တော် သိထားသော " ပန်းပွင့် ပုံပြင် " ထဲက ပညာတတ် လူကြီးရဲ့ ဇာတ်သိမ်းကတော့ . . . . . . .



*** အခု တလော ကျွန်တော် စာတွေ သိပ်မရေးဖြစ်တာ ဒီလို စာတွေ ရေးဖြစ်မှာ စိုးလို့လည်း ပါပါတယ်။ လွတ်လပ်စွာပဲ ကွဲလွဲနိုင်ပါတယ်။ ***



လေးစားစွာဖြင့်
ကိုဇော်
14-Dec-2011

Share/Bookmark

19 ယောက် ရဲ့ ထင်မြင်ချက်:

Angelhlaing(May everybody be happy and healthy! said...

အတွေးလေးတွေ ဝေသွားတယ်အကို....

ကိုရင် said...

ရွာပြင်မှာ တဲထိုးနေတယ်ကြားတယ်..
ဘယ်သူနေဖို့မှန်းတော့ မသိသေးဘူး..
ဒီလူကြီးအတွက်များ ဖြစ်နေမလားပဲ... :D

ကိုကိုမောင်(ပန်းရနံ့) said...

အင်းးး
ပန်းပွင့်ကြည့်ရတာ တော်တော် အရသာရှိမဲ့ပုံဘဲ။ စားကြည့်လိုက်ရ။း))

ဒါနဲ့..
ကိုဇော်စားတုန်းက ဘယ်လို အရသာရှိပါလိမ့်နော်။ ဟာ ဟ။

အင်းဗျာ....သိကြားမင်းတို့ ၀ိသကြုံတို့ ဖန်ဆင်းသလိုတော့ ရေကန်အသင့် ကြာအတင့် ချက်ချင်း ဘယ်ဖြစ်လာနိုင်ပါ့မလဲ။ ဖြေးဖြေးမှန်မှန်ပေါ့။

ဆလူး said...

သမျန်းလူကြီးတော့ မဟုတ်လောက်ပါပူးနော် ခစ်ခစ်

sosegado said...

ပုံပြင်လေးကတော့ ပညာလောဘပါပဲ၊
မြင်မြင်သမျှ အော်ဟစ်နေကြတဲ့ လုပ်သမျှ အလိုမကြတဲ့ သူတွေကတော့
မှန်ပြန်ကြည့်သင့်ပြီ ကိုဇော်ပြောသလို အရူးကြီး ဖြစ်နေပြီလားလို့……………

ဘုန်းဘုန်းတောက် said...

တစ်ဆင့်ပြီးတစ်ဆင့်၊ ဖြေးဖြေးနဲ့မှန်မှန် အောင်ပွဲခံတာကို မြင်ချင်ပါတယ် ကိုဇော်ရေ။

စံပယ်ချို said...

ပုပ်သိုးနေတဲ့ မြို့ပျက် အဟောင်းကြီးကနေ စင်္ကာပူလောက် ဖြစ်လာမယ် ၊ ပြီးတော့မှ တခြားသော တိုးတတ်နေတဲ့ နိုင်ငံတွေကိုလို ဆက်ပြီး တိုးတတ်အောင် လုပ်မယ် ဆိုရင် ပိုပြီး မကောင်းပေဘူးလား-------
အဓိက စိတ်ဓါတ်လေးတွေလဲ ပြင်ဖို့လိုအပ်တယ်ထင်
တယ်ကိုဇော်ရေ

ဘိုဖြူ said...

ဖြေးဖြေးမှန်မှန် တစ်ကယ်လုပ်ရင်ဖြစ်ပါတယ်
သူတို့က မလုပ်တာပါ-မလေးရှားတို့ စလုံးတို့
အိမ်နီးချင်ဒတွေကို ကြည့်ပေါ့
ကြည့်မှမကြည့်တာကိုဇော်ရေ
ကိုဇော်ရေးတာတွေ အားလုံးထိတယ် အရမ်းကိုကောင်းတယ်အကိုရေ

မဒမ်ကိုး said...

တနေ့တလံနှုန်းသာ အကောင်းဆုံးထင်ပါရဲ့း)

mstint said...

တစ်ခြားနိုင်ငံတွေ သွားလာရေး ဆက်သွယ်ရေးတွေ လွယ်ကူနေတာမြင်ရတော့ ကိုယ့်နိုင်ငံလည်း အလားတူ
ဖြစ်စေချင်တာ ရင်ထဲကပါ။ အခုလည်း ဘုရင့်နောင်
ကုန်းကျော်တံတား လုပ်ပြီး နောက်ထပ်တံတား တစ်စင်းထပ်ထိုးမယ်ကြားလို့ F M I City မှာနေနေတဲ့ တီတင့်တို့ အတော်လေး
ဝမ်းသာနေကြတယ် သားဇော်ရေ။ တစ်စစနဲ့ တိုးတက်
လာရင်တော့ အတိုင်းထက်အလွန်ပေါ့လေ။
မောင်ကျန်တစ်တို့ကနေ ရူးကာမှ ရူးရောပေါ့နော်း))
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

Unknown said...

တစ်ခုခုတော့ ရလိုက်တယ်အကို ကျေးဇူးပါပဲ

မောင်သီဟ said...

ဖြည်းဖြည်းဖြစ်လာမှာပေါ့ဗျာ နော့
ကျွန်တော်တို့ကိုယ်တိုင် ကိုယ့်နေရာကိုယ့်အဖွဲ့စည်းနဲ့ ကိုယ့်အလုပ်မှာ ရာနှုန်းပြည့်ပေးဆပ်ကြဖို့လိုတယ် ကိုယ်စီကိုယ်စီ တာဝန်ကျေပွန်စွာနဲ့ကြိုးစားကြရင် ဖြစ်မလာစရာမရှိပါဖူး အရေးကြီးတာ ဝိုင်းလုပ်ဖို့ပဲမဟုတ်လား
ဟပ်ချလောင်းဆိုပြီး ထမဖြစ်ပေမယ့် ဖြစ်လာအောင်ဝိုင်းကြိုးစားကြတာပေါ့

ကိုအောင်(ပျူနိုင်ငံ) said...

မြေအောက်ရထားလမ်း ဖောက်ဖို့ မြေကြီးစတူးတာနဲ့ ယိုင်ကျသွားမယ့် ကန်ထရိုက်တိုက်တွေ အများကြီး၊ သူတို့က စိတ်ကူးယဉ်တာကို အလကားရရင် ရသလို ပြောနေကြတာ ဖြစ်မယ် ကိုဇော် ..း)

ညီရဲ said...

အတွေးလေးတွေ ပွားသွားတယ် ကိုဇော်...

မိုးခါး said...

လောလောလတ်လတ်ပဲ စလုံးမှာ မီးရထားလမ်းခဏပိတ်တာ ၃ခါရှိပြီ .. အရင်ကလည်း ဖြစ်ဖူးပါတယ် .. ခုတခါကတော့ ရက် နဲနဲပိုဆက်တယ်ပြောရမယ် ..

ပစ္စည်းဆိုတာ သုံးဖို့ပဲ မဟုတ်ဘူး .. တည်ဆောက်ပြီးရင် ပြုပြင်ရတယ်ဆိုတဲ့ အသိတော့ ရှိဖို့လိုတယ် .. စလုံးလို့ ဒီလောက်ဂရုစိုက်ပြီး ကွန်ပလိန်းများလွန်းတာတောင် စက်ပစ္စည်းဖြစ်လို့ မတော်တဆဆိုတာက ရှိနေတာပဲ .. စည်းကမ်းမရှိ တာဝန်မယူပဲ ဖြစ်သလိုလုပ်နေဦးမယ်ဆိုရင်တော့ ...

မြန်မာနိုင်ငံကြီး ကမ္ဘာ့အလည်မှာ ထည်ထည်ဝါ၀ါဖြစ်စေချင်တာ မြန်မာနိုင်ငံသားတိုင်းရဲ့ ဆန္ဒဖြစ်မှာပါ .. အရင်ကလည်း မျှော်လင့်သလို ခုထိလည်း မျှော်လင့်တုန်းပါပဲ .. မဖြစ်လာသေးတာကိုတော့ ခံစားရတယ် .. :D

Unknown said...

တဖြည်းဖြည်းချင်း...တဖြည်းဖြည်းချင်းတော့.... မျှော်လင့်ရတာပဲ အကိုရေ....
မြန်မြန်လေး ဖြစ်ရင်ကောင်းမယ် - မြန်မာပြည်ကနေ မခွဲချင်ဘူးလေ...

ိခင်လျက်

ဟန်ကြည် said...

မှန်တယ်...ကိုဇော်ပြောတာကို အကြွင်းမဲ့ထောက်ခံတယ်...ဘယ်ဘက်ကိုပဲကြည့်ကြည့် မှန်မှန်ကန်ကန်နဲ့ မျှမျှတတ ကြည့်တတ်ဖို့လိုတာပဲလေ...အစွဲတွေနဲ့ တစ်ဖက်သတ်ပြောနေကြတာ တစ်ဖက်ကိုတစ်ဖက် အပြစ်တွေလို့ချည်းမြင်နေကြတာတွေကို စိတ်ကုန်နေပြီ...အတိတ်မှာ ဖြစ်ခဲ့တာတွေကို ပစ္စုပ္ပန်အထိ သယ်မလာသင့်တော့ပါဘူး...အတိတ်မှာ ဆိုးခဲ့တိုင်း လူဆိုးလို့ တစ်သက်လုံးမသတ်မှတ်သင့်သလို အတိတ်မှာကောင်းခဲ့တိုင်းလည်း လူကောင်းလို့ တသမတ်တည်း ယူဆလို့မှ မဖြစ်ဘဲ...

အပြုသဘောဆောင်လာရင်လည်း အဖျက်သဘောဆန်တဲ့အမြင်နဲ့ မကြည့်ကြဖို့ အရေးကြီးတာပေါ့ဗျာ...

Anonymous said...

buy tramadol online with mastercard buy tramadol online saturday delivery - tramadol 100 mg high

Anonymous said...

phentermine sale buy phentermine over counter - buy phentermine 15mg