23 ကျွန်တော့် မွေးနေ့ ဆုပန်

---

“ မည်မျှပင် ကြီးစေသော သင်္ဘောကြီးများပင် ဖြစ်ပါစေ ကမ်းနှင့်ကင်းလွတ်၍ မခွာစကောင်း ”  ဟူသော စကားပုံ အရ မည်သူ မဆို ကိုယ်ရှေ့က စာဖတ်ခဲ့ရသော စာပေ ပညာရှင်တို့ရဲ့ အရိပ်များ ဖုံးလွှမ်းခံနေရမှာ ဖြစ်ပါတယ်။ 

ဒီစာရေးလေးကို ရေးသူက နိုင်ငံကျော် စာရေးဆရာ မင်းသိင်္ခ ပါ။ သူရဲ့ စာအုပ် အထိမ်းအမှတ်များတွင် ရေးသားထားတာ ဖြစ်ပါတယ်။ ဒီလို နိုင်ငံကျော် စာရေးဆရာကြီးကတောင်မှ သူစာရေးဆရာ ဖြစ်လာတာ ဆရာ ရွှေဥဒေါင်း ၊ ဆရာ ဒဂုံရွှေမျှား တို့၏ စာအုပ်များကို ဖတ်ခဲ့ရသောကြောင့် သူတို့၏ အရိပ် ၊ အငွေ့အသက်များ လွှမ်းမိုးခံနေရနိုင်ပါတယ် လို့ ပြောကြားခဲ့တယ် ဆိုရင် ကျွန်တော်တို့ ဘာမှ မဟုတ်သော ဘလော့ရေးသူ တစ်ယောက် အနေနဲ့ ဒါကတော့ ငါရဲ့ ပုံစံ စစ်စစ်လို့ မပြောနိုင်ပါဘူး။

ကျွန်တော့်ရေးသော စာများတွင်လည်း ကျွန်တော် ဖတ်ခဲ့ရသော စာများမှ နှစ်သက်မိသော စာပေဟန်များ ပါနေနိုင်ပါတယ်။ သို့သော် ကျွန်တော် ရိုးစင်းစွာ ပြောကြားလိုသည်မှာ သူတို့ကို တုပြီး ရေးတာတော့ မဟုတ်ပါ။ (ထပ်၍) သို့သော် မိမိဖတ်ခဲ့ရသော စာများရဲ့ လောင်းရိပ်အောက်မှ မကျော်နိုင်သေးသော အချိန်အတိုင်းအတာ တစ်ခုအထိ စာရေးသားသူတို့ရဲ့ စာပေတွေမှာ ကိုယ်ပိုင်ဟန်များ ဖြစ်ထွန်းလာဖို့ နှောင့်နှေးပြီး သွယ်ယှက်ပါဝင်နေတတ်ပါတယ်။ 

မည်သို့ပင်ဖြစ်ပါစေ. . .

ကျွန်တော်ကတော့ စာကို ကျွန်တော့်ရေးဟန် အတိုင်းပဲ ရေးပြချင်ပါတယ်။  တစ်ခုပါပဲ . . . အဲဒီလို ကျွန်တော် စာတစ်ပုဒ် ဖန်တီးနေတဲ့ အချိန်မှာ ကျွန်တော် ဘယ်လို စိတ်ခံစားမှု ဖြစ်နေလဲ ဆိုတဲ့ အချက်က စာထဲမှာ ဖြစ်ပေါ်လာပါလိမ့်မယ်။ ရင်ဖွဲ့ ခံစားမှု ဖြစ်ချင် ဖြစ်မယ် ၊ ရသ ဖြစ်ချင်ဖြစ်မယ် ၊ မြန်မာမှု ပြုထားသော စာ ဖြစ်ချင်ဖြစ်မယ် ၊ စိတ်ကူးတည်ရာ ရေးထားတာ ဖြစ်ချင်ဖြစ်မယ်။ ကျွန်တော် ဘယ်လိုပဲ ရေးရေး ကျွန်တော် တစ်ခု သေချာတာကတော့ ကျွန်တော် အဆိပ်အတောက် ဖြစ်မဲ့ စာ မရေးပါဘူး။

“ ဆရာဝန် တစ်ယောက် အမှားလုပ်ရင် လူတစ်ယောက်ပဲ သေမယ် ၊ အင်္ဂျင်နီယာ တစ်ယောက် အမှားလုပ်ရင် လူရာကျော်သေမယ် ၊ သို့သော် စာရေးသူ တစ်ယောက် အမှားလုပ်ရေးရင် လူမျိုး တစ်မျိုးလုံး အတွက် နစ်နာသေကြေ သွားရနိုင်ပါတယ်။ ”

ဒါကြောင့် ကျွန်တော် အဆိပ်အတောက် အမှားအယွင်း ဖြစ်စေနိုင်သော စာများကို (အတတ်နိုင်ဆုံး) ရှောင်ရှားရေးခဲ့ပါတယ်။ ကျွန်တော် ဖြစ်စေချင်တာကတော့ ကျွန်တော်က အတွေးလေးတွေကို မီးစလေး အဖြစ် စတင်ပွားပေးသူ တစ်ယောက်သာ ဖြစ်လိုပါတယ်။ ဒီအတွေး မီးစလေးကို စာဖတ်သူ ကိုယ်တိုင် ဘုရားမီးမှာ ပူဇော်မလား ၊ ဧည့်ခန်းထဲက မီးလင်းဖိုမှာ ထွန်းထားမလား ၊ စားသောက်ပွဲက ဖယောင်းတိုင်မှာ ထိန်ညှိစေမလား ၊ ဆောင်းတွင်း ချမ်းလို့ မီးလုံဖို့ မီးဖိုလေမလား ၊ သူများတွေကိုပါ အလင်းရောင် ရစေဖို့ မီးအိမ်တစ်လုံး ထွန်းညှိပြထားမလား ၊ ဒါမှ မဟုတ် အလောင်းကောင်များကို လောင်တိုက်သွင်းဖို့ မီးအဖြစ် ပွားယူလေ မလား ၊ သူများ အိမ်တွေကို မီးကွင်းသွား ပစ်မလား ၊ သူများတွေကို မီးလောင်တိုက် သွင်းမလား။

ဒါကတော့ စာဖတ်သူရဲ့ ကိုယ်တွင်း အဇ္ဈတ ၊ အတ္တ ၊ အစွဲ များဖြင့်သာ ခံစားကြားယောင် သွားတတ်မိပါတယ်။ မည်သို့ပင် ဖြစ်ပါစေ ကျွန်တော်က လက်ဝါးလို့ ပြလိုက်တာကို “ နေပါဦး . . ရပ်  ” ဆိုပြီး ကိုယ့်ဖာသာ မမြင်စဖူး မြင်မိသွားတယ် ဆိုရင်လည်း ကျွန်တော် အားတတ်သရော ဝမ်းသာမိပါတယ်။ 

ဘယ်လိုပဲ ဖြစ်ပါစေ “ လူဆိုတာ တွေးတော ကြံဆ ရတယ် ” ဆိုတာကြောင့် မတွေးမိတာထက် စာရင် နည်းနည်းလေး တွေးမိတာက ကောင်းပါတယ်။ လမ်းကြောင်းမှားနေတာတွေကတော့ ထိုသူကို သူ့ဘဝက ရိုက်နှက် ဆုံးမပါလိမ့်မယ်။ နည်းနည်းတော့ ခါးသီးပေမဲ့ တချို့အတွက်ကျတော့ ဒါက “ ဆေးခါး ” ပါပဲ။  နည်းနည်းတော့လည်း ရှည်ကြာ ခါးသီးနိုင်ပါတယ်။

ဒါကြောင့် ကျွန်တော် ရေးသော စာများမှာ “  ဒါကို ဒါဖြစ်ပါသည်။ ” လို့  ကျွန်တော် ထပ်ဆင့် ဖွင့်ဆို ရှင်းမပြခဲ့ပါ။ စာဖတ်သူ ဖာသာ စိတ်ကြိုက် မြင်သွားနိုင်ပါတယ်။ စိတ်ကြိုက် ခံစားသွားနိုင်ပါတယ်။ ဒီအတွက်လည်း ကိုယ့်ဖာသာမှာပဲ တာဝန် ရှိပါတယ်။

ဒီလိုလေးတွေ အမြင် ၊ အတွေးလေးတွေ ရလာပြီ ဆိုတော့ ကျွန်တော် တကယ်ကို ဝမ်းသာမိပါတယ်။ ဒါကြောင့် ကျွန်တော် မွေးနေ့မှာ မှတ်မှတ်ရရ “ ဆုတစ်ခုသာ ပန် လိုပါတယ်။ ”

“ ကျွန်တော်တို့ ဗုဒ္ဓဘာသာဝင် တစ်ယောက် အနေနဲ့ မျက်မှောက်ပြုလိုရာ နိဗ္ဗန် ကို မရောက်မှီ စပ်ကြား ၊ ဖြစ်ခွင့် ၊ ဆုပန်ခွင့်ရခဲ့မယ် ဆိုရင် . . .  ဖြစ်လိုရာ ဘဝ၌ ကျွန်တော် နတ်လည်း မဖြစ်လိုပါ ၊ ဗြဟ္မာလည်း မဖြစ်လိုပါ။ နိဗ္ဗန် မရောက်ခင် စပ်ကြား လူ့ဘဝကိုသာ အကြိမ်ကြိမ် ရလိုပြီး ထိုလူဘဝမှာလည်း လူတွေကို အသိလေးတွေ ဖွင့်လှစ်ပေးနိုင်သော လူတစ်ယောက်သာ ရိုးရှင်းစွာ ဖြစ်ရပါစေသား။ ”

မှတ်ချက်။   ။ ဆရာ မင်းသိင်္ခ ၏ စကားလုံးတချို့ယူ၍ သုံးစွဲ ထားပါတယ်။ ( တကယ်တော့ မွေးနေ့မှာ ကျွန်တော် ရေးချင်တဲ့ စာက တစ်ခုပါ။ ဖြစ်ချင်တော့ ဒီရက်ပိုင်းမှာ အထွေထွေ အလုပ် ၊ လူမှုရေးတွေ ရှုပ်သွားလို့ မရေးနိုင် ဖြစ်သွားတယ်။ ဒါကြောင့် ဒါလေးပဲ တင်လိုက်ပါတယ်။ )

ပျော်ရွှင်ကြပါစေ။

လေးစားစွာဖြင့်

ကိုဇော်

10.4.2010 - 4.21AM

.            

ကျွန်တော့် မွေးနေ့ ဆုပန်