4 ပစ္စည်းဟောင်း ရောင်းပွဲ

---

“ အဟောင်းရောင်းပွဲတော် ” တဲ့။ ကျင်းပနေတာ တွေ့ရသည်။ ကျွန်တော်လည်း ဘာရယ် မဟုတ်ပါဘူး ဝင်ကြည့်မိတယ်။ ကုန်တိုက်ကြီးတစ်ခုရဲ့ အဟောင်းပစ္စည်းများကို ထုတ်ကာ ဈေးလျော့ချရောင်းတာ တွေ့ရတယ်။ ကုတ်အင်္ကျီတွေ ၊ ဦးထုပ်တွေ ၊ စာအုပ်တွေ ၊ ပုတီးတွေ ၊ ဆံညှပ်တွေ များစွာ . . .များစွာ . .။ သီချင်းစီဒီတွေ ၊ ခန်းစီးစတွေ ၊ မဂ္ဂဇင်း အဟောင်းတွေ ၊ ပန်းချီကားချပ်ဟောင်းတွေ နဲ့ အတူတူ သူတို့တွေကို အရောင်လွင့်နေတဲ့ အရာတွေ အကန့်မှာထားပြီး ရောင်းတာ တွေ့လိုက်ရတယ်။

မှောင်မိုက်နေတဲ့ အခန်းထဲမှာ အထပ်ထပ် အဖိခံထားရတဲ့ ပစ္စည်းတွေကို ထုတ်ချလာတော့ စုတ်ပြတ်နေတဲ့ ပစ္စည်း ၊ ဖွာလန်ကြဲနေတဲ့ ပစ္စည်း ၊ ရိနေတဲ့ အဝတ်အစား ၊ မပြည့်စုံတော့တဲ့ တိုလီမုတ်စတွေ ၊ ပြုတ်ထွက်နေတဲ့ ပစ္စည်း အပိုင်းအစတွေ ၊ အောက်သိုးသိုး ဖြစ်နေတဲ့ ဘွတ်ဖိနပ်များ. . . . . . ဒါတွေ . . . ဒါတွေက ပစ္စည်း အဟောင်းရောင်းပွဲလား။ အဟောင်းရောင်းပွဲတော် ဆိုတာ ကိုယ့် ကုန်တိုက်ကို ရှင်းထုတ်တဲ့ ပွဲတော် တစ်ခု မဟုတ်ပါလား။

ဘဝမှာလည်း မကြာခဏ ဆိုသလို “ စိတ်အဟောင်း ရောင်းပွဲတော် ” ကျင်းပပေးသင့်တယ်။ ဘဝမှာ မလိုအပ်တာတွေကို ပြတ်ပြတ်သားသား ရှင်းထုတ်ပြီး ကိုယ့်စိတ်လေးကို သန့်ရှင်းစေသင့်တယ်။ နာကျည်းစရာတွေ ၊ မမှတ်ရစရာတွေ ၊ အကျင့်ဟောင်း ၊ စိတ်ကူးဟောင်းတွေနဲ့ ကြေကွဲမှုတွေ ၊ အငြိုးအတေးတွေ ၊ တွန့်ဆုတ်ကြောက်ရွံမှုတွေ အားလုံးကို စိတ်အဟောင်းရောင်းပွဲတော်မှာ ထုတ်ပြီး အဝေးရောက်အောင် ခါထုတ် သင့်တယ်။

စိတ်ရဲ့ မှောင်မိုက်နေတဲ့ ထပ်ခိုးမှာ အာဃာတအဟောင်းတွေ ရှိနေတတ်တယ် ဆိုတာကို အချိန်ပေးရှာကြည့်ရင် အသေအချာတွေ့နိုင်တယ်။ အဲဒီနေရာမှာ သိုးစော် ၊ ဖုန်နံ့ ၊ အောက်သိုးသိုး အနံ့များစွာကိုလည်း တွေ့လိမ့်မယ်။ ကိုယ့်အတွက် လိုအပ်တာများကိုပဲ သိမ်းထားပြီး ကျန်တာတွေကို ရှင်းထုတ်ပစ်ပါ။ ဒါဆို နေ့စဉ် နေ့တိုင်း ကိုယ့်ဘဝဟာ သစ်လွင်ပြီး ပြန်လည် ရှင်သန်နေပါလိမ့်မယ်။

source; Jumble Sale By Patience Strong 

ကိုဇော် 

16.5.2010

.

ပစ္စည်းဟောင်း ရောင်းပွဲ