0 ကိုယ်တွေ့အင်တာနက် ဟာသများ (၁)

ဒီလိုပါဗျာ..။
တစ်နေ့ ကိစ္စရှိလို့ မြို့ထဲ အသွား သူငယ်ချင်းတစ်ယောက်က ကျွန်တော် ကို ဖုန်းလှမ်းဆက်တယ်..။

" ဟေ့ကောင် online တတ်ခဲ့ဦး..."

တဲ့။ ဒါနဲ့ ပြန်ပြောလိုက်တယ်..

" ဟာ..အိမ်မှာ မဟုတ်ဘူးကွ..မြို့ထဲရောက်နေတယ် "

ဆိုတော့..

" ရောက်ရာ အရပ်က တတ်ခဲ့ကွာတဲ့.."။

ဒါနဲ့ နီးစပ်ရာ မြန်မာဆိုင်ကနေ online တတ်ပြီး သူငယ်ချင်းနဲ့ စကားပြောနေတုန်း... ဆိုင်ထဲကို ယောင်လည်လည် နဲ့ "တ၀မ်းပူ"လေးတစ်ကောင်ဝင်လာတယ်..။ (တ = တောသား) ပြီးတော့ ဆိုင်ရှင် အကိုကြီးကိုပြောတယ်...။

"အကို ကျွန်တော် ကြီးတော် နဲ့ ပြောလို့ရမလား"

တဲ့.။ ဆိုင်ရှင်အကိုကြီးမပြောနဲ့ ကျွန်တော်တို့တောင်မှ ကြောင်သွားတယ်..။ ဆိုင်ရှင် အကိုကြီးက

" ဘာ..ဘာဗျ.."

ဆိုတော့

" ကျွန်တော့်ကြီးတော် နဲ့ ပြောချင်လို့လေ.."

တဲ့..ထပ်ပြောတယ်...။

“ ဟာ..မင်း..ကြီးတော်နဲ့ ပြောတာ ငါတို့က ဘယ်လိုလုပ်သိမှာလဲ..။ မင်းဖာသာ မင်းပြောပေါ့ကွ..”

ဆိုတော့..၊ သူက ဟာ..ကျွန်တော် မသိလို့ ခင်ဗျားကိုမေးတာပေါ့ဗျ...။ ဒါနဲပဲ မနေနိုင်မထိုင်နိုင် ၀င်မေးမိတော့..

" နေပါဦးကွ..မင်း ကြီးတော်က ဘယ်မှာနေတာလဲ.."

ဆိုတော့မှ...အဖြစ်မှန်ကိုသိရတော့တယ်...။

" ကျွန်တော် ရွာက ထွက်လာတော့ ရန်ကုန်မှာတည်းတဲ့ ဘကြီးဘုန်းကြီးက ပြောလိုက်တာလေ..။ မင်း မလေးရှားရောက်ရင် ဖုန်းပြောတာက ဈေးကြီးတယ်...။ အင်တာနက်ဆိုင်ကို ရှာပြီးသွား..ပြီးရင် ကျွန်တော် ကြီးတော် ပြောချင်လို့ပါဆို သူတို့ လုပ်ပေးလိမ့်မယ်...တဲ့ ။ "

အဲတော့မှပဲ..ကျွန်တော်တို့ အပတ်လည်တော့တယ်ဗျာ....။ သူပြောချင်တဲ့...ကြီးတော် ဆိုတာ...ဂျီတော့ပ်(Gtalk) ကိုးဗျ...။ ဂျီတော့ပ်(Gtalk) တောင်မှ ကြီးတော် ဖြစ်အောင် လုပ်တဲ့လူတွေ...။ နောက်ပြီးတော့ သူဆက်ပြောတဲ့ စကားကြားတော့ မှ ကျွန်တော့်တို့ လဲ ပက်လက်လန်တာပါပဲ..။

" အင်း ဘကြီးဘုန်းကြီးက ပြောလိုက်သေးတယ်...။ သူက အမြဲတမ်း အုတ်လမ်း မှာရှိတယ်တဲ့ .. မင်းလာချင်တဲ့ အခါ လာခဲ့တဲ့..။"

သူပြောချင်တာ သူငယ်ချင်တို့လဲ သဘောပေါက်မှာပါ....။ ဘုန်းကြီးက online မှာ အမြဲရှိတယ်လို့ပြောချင်တာနေမှာပါ..။ သူလုပ်တော့မှပဲ ဘုန်းကြီးလဲ အုတ်လမ်းတွေ တွယ်တတ်နေရပြီလေ..။

ဒါကြောင့်မို့ပေါ့..သူငယ်ချင်းတို့ရေ....။ မင်းတို့ ၊ ငါ့တို့တွေလည်း နေ့တိုင်း ကြီးတော် နဲ့ ပြောရဖို့ အုတ်လိုင်း ကို တွယ်တတ်နေကြရတာ မဟုတ်ဘူးလားကွာ...။

ကိုဇော်

http://zaw357.multiply.com/journal/item/3 မှာ 28.12.2008 ကရေးခဲ့တာပါ..။

ကိုယ်တွေ့အင်တာနက် ဟာသများ (၁)