7 မျှော်လင့်ခြင်းနဲ့ အသက်ရှင်နေတယ်

---

ဟိုးဟိုးရှေးရှေးတုန်းကပေါ့လေ . . .

ဒီကမ္ဘာလောကကြီးမှာ လူယောက်ျားတွေပဲ ရှိသတဲ့။ ဒါပေမဲ့ ဒီလူယောက်ျားတွေဟာ အစစ အရာရာ အဆင်ပြေနေတယ်တဲ့။ သူတို့မှာ ခက်ခဲနေတာ တစ်ခုပဲရှိတယ်။ ဒါကတော့ သူတို့မှာ “ မီး ” (Fire) မရှိဘူးတဲ့။

ဒီတော့ သူတို့ စားသောက်တော့ အစိမ်းစားရတယ်။ ညဘက်လဲ အလင်းရောင်မရှိပဲ အမှောင်ထဲမှာ နေကြရတယ်။ အလင်းရောင်မရှိတော့ ကျားရဲ တိရိစ္ဆာန်တွေ လာရောက် စားသောက်မှုကို သူတို့ခံကြရတယ်။

သူတို့ ဒီလို အခက်အခဲ ဖြစ်နေကြတာကို နတ်ပြည်က နတ်သားတစ်ပါးက ကြည့်ပြီး သနားနေတယ်တဲ့။ ဒီလိုနဲ့ တစ်နေ့ နတ်ပြည်က ဘယ်သူ့မှ မသိအောင် ကမ္ဘာက လူသား တွေအတွက် “ မီး ” ကို ခိုးပေးလိုက်သတဲ့။ ဒီတော့ လူသားယောက်ျားတွေက ပျော်ကြတာပေါ့။ “ မီး ” ကို သူတို့ ပွားထားတယ်။ မီးဖိုအကြီးကြီးဖြစ်အောင် လုပ်ထားတယ်။ ဒီမီးနဲ့ ချက်ပြုတ်စား ကြတယ်။ မီးဖိုတွေရှိတော့ ညဘက် အလင်းရောင်ရတယ်။ ဒီအလင်းရောင်ရှိတော့ တခြား ကျားရဲ တိရိစ္ဆာန်တွေ မလာနိုင်တော့ဘူး။ သူတို့အတွက် အရာရာ အဆင်ပြေနေကြတယ်လေ။

မီးကို ခိုးပေးလိုက်တဲ့ သနားကြင်နာတတ်တဲ့ နတ်ကလဲ ၀မ်းသာ ပျော်ရွှင်ရသတဲ့။ ဒါပေမဲ့ နတ်ပြည်က အတို့အထောင် နတ်တစ်ပါးက နတ်မင်းကြီးကို သွားတိုင်တယ်သတဲ့။ နတ်မင်းကြီးက တန်ခိုးနဲ့ ကြည့်လိုက်တော့ ကမ္ဘာက လူယောက်ျားတွေ အရာရာ အဆင်ပြေနေတာတွေ့ရော။ ဒီလို အဆင်ပြေအောင် နတ်သားက မီးခိုးပေးတယ်ဆိုတာရော သိသွားသတဲ့လေ။ ဒီတော့ နတ်မင်းကြီးက မီးခိုးပေးတဲ့ နတ်သားကို အပြစ်ရှိလားလို့ မေးတော့ နတ်သားကလဲ အပြစ်ရှိကြောင်း ၀န်ခဲသတဲ့။ ဒီတော့ နတ်မင်းကြီးကပြောသတဲ့ . .

“ လူဆိုတာ ဘယ်တော့မှ အရာရာ ပြည့်စုံမနေရဘူး။ လူတွေက အရာရာ ပြည့်စုံနေရင် မကောင်းဘူး။ သူတို့မှာ တစ်ခုခု ပြဿနာ ဖြစ်နေမှ သူတို့ အတွက် သင့်တော်တယ်။ ”

လို့ ပြောသတဲ့။ အဲဒီနောက်တော့ မီးခိုးပေးတဲ့ နတ်သားကို အပြစ်ပေးလိုက်သတဲ့။ နောက်ပြီး ကမ္ဘာက လူသားတွေကို ဘယ်လို အပြစ်ပေးရမလဲလို့ သူစဉ်းစားပြီး သူ့သားနဲ့သမီးကို ခေါ်လိုက်တယ်။

“ သားနဲ့သမီး ကမ္ဘာက လူယောက်ျားတွေ အခု အရာရာ အဆင်ပြေနေတယ်။ ဒါကို သူတို့ မှာ ပြဿနာ တစ်ခုမဟုတ် တစ်ခု ဖြစ်အောင် လုပ်ပါ။”

လို့ပြောလိုက်သတဲ့။ ဒီတော့ သားနဲ့ သမီးကလဲ “ ကောင်းပါပြီ အဖေ။” လို့ပြောပြီး သားလုပ်တဲ့ သူက အရမ်း ချောမောလှပတဲ့ လူမိန်းမ တစ်ယောက်ကို ဖန်တီးလိုက်သတဲ့။ နောက်တော့ အသက်သွင်းပြီး သူ့ညီမ ဖြစ်သူဆီကို လွဲလိုက်သတဲ့။ ဒီတော့ ညီမလုပ်သူက ဒီ လူမိန်းမကို မိန်းမတို့ရဲ့ ကောင်းခြင်း ၅ ဖြာနဲ့ ပြည့်စုံအောင် ဖန်တီးတယ်။ နောက် မိန်းမတို့ တတ်သင့်တဲ့ မာယာ ၊ မြူဆွယ်မှုတွေ စတဲ့ အစစ အရာရာသင် ပေးသတဲ့။ နောက်တော့ မိန်းမကို ဘာမှ လိုလေသေး မရှိတော့မှ အစ်ကို ဖြစ်သူဆီ ပြန်အပ်လိုက် သတဲ့။ ဒီတော့ အစ်ကိုဖြစ်သူက အစစ အရာရာ စစ်ဆေးပြီး သဘောကျသွားမှ ညီမနဲ့အတူတူ သူတို့အဖေဆီကို သွားသတဲ့။ အဖေနတ်မင်းကြီးလည်းရောက်ရော။

“ အဖေ ၊ သားတို့ လုပ်ဆောင်လို့ပြီးပါပြီ။”

ဆိုပြီး လူမိန်းမကို အဖေ နတ်မင်းဆီ အပ်သတဲ့။ ဒီတော့ အဖေ နတ်မင်းကြီးက ကြည့်ပြီး သူ့သားနဲ့ သမီးကို တော်ကြောင်းချီးကျူးပြီး လူမိန်းမကို “ ပန်ဒိုရာ ” ( Pandora ) လို့ နာမည်ပေးလိုက်သတဲ့။ “ ပန်ဒိုရာ ” ဆိုတာ ဂရိ လို “ လက်ဆောင် ” လို့အဓိပ္ပါယ်ရတယ်။ နောက်တော့ ဒီလိုပြောတယ်။

“ အသင် လူသားမိန်းမ ၊ သင် ယခု ကမ္ဘာလူလောက သို့ သွားရမယ်။ မသွားခင် သင့်ကို ကျွန်ုပ် သေတ္တာလေးတစ်လုံးပေးလိုက်မယ်။ ဒါပေမဲ့ သင် ဒီ သေတ္တာကို ဘယ်တော့မှ ဖွင့်မကြည့်ပါနဲ့။ တကယ်လို့ သင် ဒီသေတ္တာကို ဖွင့်ကြည့်လိုက် လို့ သေတ္တာထဲက ပစ္စည်းတွေ တစ်ခုမကျန် အပြင်ကို ထွက်သွားမယ် ဆိုရင် သင်ရော ၊ ကမ္ဘာမှာရှိတဲ့ လူသား တွေရော တစ်ယောက်မကျန်အကုန်သေရလိမ့်မယ်။ ”

ဒီလိုပြောပြီး လူမိန်းမ ပန်ဒိုရာ ကို ကမ္ဘာသို့ပို့လိုက်သတဲ့။ ဒီတော့ ပန်ဒိုရာ ဟာ ကမ္ဘာကို ရောက်လာတော့ ကမ္ဘာက လူယောက်ျားထဲက ဘုရင်လို တစ်ယောက်နဲ့ ပန်ဒိုရာ ဟာ အိမ်ထောင်ကျတယ် ပေါ့လေ။ ဒီလိုနဲ့ သူတို့ဟာ နှစ်ပေါင်းများစွာ ပျော်ရွှင်စွာ နေထိုင်ပြီး သား ၊ သမီးတွေများစွာမွေးဖွားသတဲ့။ (သူတို့ခေတ်က လူတွေရဲ့ နှစ်ပေါင်းဟာ ထောင်နဲ့ချီပြီး ကြာရှည်စွာနေရသတဲ့လေ။ )

ဒီလိုနဲ့ ပန်ဒိုရာ တစ်ယောက် နှစ်ပေါင်းများစွာ နေထိုင်လာလိုက်တာ တစ်နေကျတော့ ပန်ဒိုရာ နတ်မင်းကြီး ပေးလိုက်တဲ့ သေတ္တာလေးကို သွားသတိရသတဲ့။ လူဆိုတာကလဲ ခက်တယ်လေ ၊ မလုပ်ပါနဲ့ဆိုရင် လုပ်ချင်တယ်။ မကိုင်ပါနဲ့ ဆိုရင် ထိချင်တယ်။ မစားနဲ့ ဆိုရင် မြည်းကြည့်ချင်တယ်လေ။ ဒီတော့ ပန်ဒိုရာ ကလည်း နတ်မင်းကြီးက ဖွင့်မကြည့်ပါနဲ့ ဆိုတဲ့ သေတ္တာလေးကိုမှ သတိရပြီး ဖွင့်ကြည့်ချင်လာတယ်။ အထဲမှာ ဘာတွေများ ရှိလိမ့် မလဲပေါ့လေ။ သူ မဖွင့်ကြည့်မိအောင်တော့ သတိထားပေမဲ့ တစ်နေ့ကျတော့ သူအရမ်းဖွင့်ကြည့်ချင်လာသတဲ့။

ဒီတော့ ဘယ်သူမှ မရှိတုန်း သူသေတ္တာလေးကို အသာလေးယူပြီး သေတ္တာလေးရဲ့ အဖုံးကို ဖွင့်ဖို့ ဟ လိုက်တယ် ဆိုရင်ပဲ သေတ္တာထဲက ပစ္စည်းတွေ တစ်ခုပြီး တစ်ခု ထွက်လာသတဲ့။ ပစ္စည်းတွေက “ လောဘ ၊ ဒေါသ ၊ မောဟ ၊ ရောဂါ ၊ မနာလိုဝန်တိုစိတ် ၊ ကြောက်ကျစ်မှု ၊ ယုတ်မာမှု ၊ ပြဿနာ၊....” စတာတွေ ထွက်လာသတဲ့။ ဒီတော့ ပန်ဒိုရာ ဟာ အလွန်ထိတ်လန့်သွားပြီး သေတ္တာလေးကို ချက်ချင်းပိတ်လိုက်တယ်တဲ့။

ဒါပေမဲ့ ဘယ်လိုပဲမြန်မြန်ပိတ်ပိတ် သေတ္တာထဲက ပစ္စည်းတွေက ထွက်သွားခဲ့ပြီ။ ကံကောင်းချင်တော့ သေတ္တာထဲမှာ ပစ္စည်းဆိုလို့ တစ်ခုပဲ ကျန်တော့တယ်တဲ့။ တကယ်လို့ သေတ္တာထဲမှာ ဒီပစ္စည်လေး ရှိမနေတော့ပဲ ထွက်သွားခဲ့ရင် ပန်ဒိုရာရော ဒီကမ္ဘာလောကက လူသားတွေအားလုံးရော သေကြရမှာပဲ။ ခုတော့ သေတ္တာထဲမှာ ပစ္စည်းလေးတစ်ခု ကျန်နေလို့သာ ကျွန်တော်တို့ လူသားတွေအားလုံး အသက်ရှင်နေကြရတာပါ။

ဒါပေမဲ့ ဒီအချိန်က စပြီး ကမ္ဘာလောကမှာ ရောဂါ ၊ လောဘ ၊ မောဟ ၊ ၀န်တိုမှု ၊ ကောက်ကျစ်မှု စတာတွေ ဖြစ်လာတယ် ဆိုသတဲ့။ သေတ္တာထဲမှာ ကျန်နေတဲ့ ပစ္စည်းလေးက ဘာလဲဆိုတော့ . . . . . . . . . . . . . . .


“ မျှော်လင့်ခြင်း ” . . . . . . . . . . . . . . . တဲ့။


အဲဒီအချိန်က စပြီး လူတွေက ပြောကြတာပေါ့လေ “ မျှော်လင့်ခြင်းနဲ့ အသက်ရှင်နေတယ်။ ” ဆိုတာ။ တကယ်လို့ မျှော်လင့်ခြင်း မရှိတော့တဲ့ လူတစ်ယောက်ဟာ ကိုယ့်ရဲ့ အသက်ကိုတောင်မှ စွန့်လွှတ်ဖို့ ၀န်မလေးဘူးလေ။ ဒါကြောင့် လူတိုင်း လူတိုင်းက မျှော်လင့်ခြင်းနဲ့ အသက်ရှင်နေတာပေါ့ဗျာ။ ။

မှတ်ချက်။ ။ Pandora ဆိုတာ အရင်က လက်ဆောင် လို့ ခေါ်ပေမဲ့ နောက်တော့ သောတ္တာလေးကို သယ်လာတဲ့ သူ့မို့ သူသေတော့ သေတ္တာစောင့်နတ်သမီး ဖြစ်သွားတယ် ဆိုပြီး Pandora ကို သေတ္တာစောင့်နတ်သမီး လို့လဲ ခေါ်ကြပါတယ်။ ဘာပဲပြောပြော လက်ဆောင် ဆိုတာကတော့ သူ့မူရင်း ဂရိဘာသာ အရ အမှန်အတိုင်းပါပဲ။ ရောမ လိုလို ပုံပြင်တွေလည်း ဒီ “ ပန်ဒိုရာ ” နဲ့ ပတ်သတ်ပြီး ရှိပါသေးတယ်။ သို့သော် အဓိပ္ပါယ်ကတော့ အတူတူပါပဲ။

http://zaw357.multiply.com/journal/item/212 မှာ 15.4.2009 ကရေးထားတာပါ။

လေးစားစွာဖြင့်

ကိုဇော်

.

မျှော်လင့်ခြင်းနဲ့ အသက်ရှင်နေတယ်