15 ချစ်သူ ကို ကျွန်တော်က ဒီလို ချစ်ချင်တယ်

---

*** မပြောပြနိုင်သော ကိုယ်ရေးကိုယ်တာ ကိစ္စကြောင့် စာရေးဖို့ အချိန်နည်းသွားလို့ ရင်ထဲမှာ စာတွေပဲ ရှိပြီး လက်က မရောက်နိုင်ဘူး ဖြစ်နေတယ်။ ဒါကြောင့် အမြဲတမ်း ပက်ကြားအက်လို ရင်ဘတ်ထဲက အမြဲတမ်း အညှောက်ပေါက်ထွက်နေတတ်တဲ့ “ ကဗျာ ” လေးတွေပဲ တင်ဖြစ်မိတယ်။ စာလာဖတ်သူများကိုလည်း အားနာပါတယ်။ 

ဒါကြောင့် မရေးတာလည်း ကြာနေပြီး ၊ စာဖတ်သူတွေက ရေးဖို့လည်း ခဏခဏ တောင်းဆို ၊ ပြောပြောနေတဲ့ အချစ်အကြောင်းလေးတစ်ခုကို ပြန်ပြီး Renew လုပ်ပြီးစတိုင်လ် အသစ်လေးနဲ့ ရေးနေပါတယ်။ မနက်ဖြန် သို့မဟုတ် ဘယ်သောအခါ . . အဲလေ . . မနက်ဖြန် သို့မဟုတ် သန်ဘက်ခါ ပြီးပါမယ်။ ဒါလေး မပြီးခင် အချစ်အကြောင်းဆိုတော့လည်း အရင်က ရေးထားတဲ့ ကျွန်တော့် ရင်ဘတ်ထဲက ချစ်သူပုံရိပ်လေးကို အရင်ဖွင့်ပြလိုက်ပါတယ်။ အရင်က ဆိုပေမဲ့လည်း နှလုံးသားတစ်ဝက် ၊ ခံစားချက်တစ်ဝက်နဲ့ ရေးခဲ့တာပါပဲ။ အခု လောလောဆယ်တော့ ဒါလေးကို အရင် အမြည်း ဖတ်ထားကြည့်ပါလား။ Intro ပေါ့ဗျာ။ ***

ကျွန်တော်ဟာ ကျွန်တော့်ချစ်သူကို ဘယ်လိုပဲ ချစ်ချစ် ၊ ကျွန်တော့်ကြောင့် စိတ်မညစ်စေချင်သူ တစ်ဦးပါ။ကျွန်တော့် သူငယ်ချင်းတွေကတော့ ကျွန်တော့်ကို ပြောကြတယ် ။ အရင်ကတည်းကပေါ့လေ။

“ မင်းချစ်သူကတော့ ကံအကောင်းဆုံး နဲ့ ကံ အဆိုးဆုံးဖြစ်မှာတဲ့လေ။”

ကျွန်တော် နားမလည်ခဲ့ပါ။ ပြီးတော့ ..... နားမလည်ချင်ခဲ့ပါ။

ကျွန်တော်ကတော့ ကျွန်တော့် ချစ်သူ အပေါ်မှာ ကျွန်တော့် ဒီလို ခံစားချက်မျိုးရှိတယ်။

ချစ်သူ ကို ကျွန်တော်က ဒီလို ချစ်ချင်တယ်။

ကျွန်တော်ဟာ ချစ်သူနဲ့ တွေ့ဖို့ ဆိုရင် ချစ်သူ လာရာ လမ်းကို ချစ်သူ မလာသေးလို့ မျှော်ငေးကြိုဆွေး နေရတာမျိုး ချစ်သူနဲ့ တွေ့ပြီးလို့ ချစ်သူပြန်ပြီဆိုရင် ချစ်သူ ပြန်ရာလမ်းကို ကြေကွဲ လွမ်းဆွတ်ပြီး ကျန်မနေခဲ့ချင်ပါ။

ချစ်သူကိုလည်း ကျွန်တော် ဒီနေရာမှာ စောင့်ဆိုင်းနေမယ်  ဆိုတာ သူသိလို့ ရှေ့ကို ကြိုတွေး လောနေရမဲ့ အဖြစ်မျိုး ၊ ကျွန်တော် ဒီနေရာမှာကျန်ခဲ့လို့ သူ စိတ်ဖြောင့်ပဲ စိတ်တထင့်ထင့်နဲ့ သွားနေရမဲ့ အဖြစ်မျိုး ၊ ကျွန်တော် မလိုလားပါ။

ဒါကြောင့်....

ကျွန်တော့် ချစ်သူကို ရင်ကွဲအောင် ချစ်နေပါစေ ၊ ကျွန်တော် သူ့အာရုံမှာ အနှောင့်အယှက် ဖြစ်စေမဲ့ ကိစ္စအရာတွေ ကျွန်တော် ရှောင်ရှားပါတယ်။ ဒါကို သူက ကျွန်တော့်ကို ဂရုမစိုက်ဘူး။ သူ့ကို လျစ်လျူရှုတယ်လို့ ပြောလာရင်လည်း ကျွန်တော်ရင်ဖွင့် ပြမှာမဟုတ်ပါ။

ဘာလို့လဲ ဆိုတော့ သူ့စိတ်ထဲမှာ ကျွန်တော့်က ပိုဂရုစိုက်ပြီး ချစ်နေတာကို ပိုခံစားရမှာ စိုးလို့ပါ။ သူ စိတ်ဆိုးတယ် ဆိုရင် ကျွန်တော် ငြိမ်ခံနေမှာ ဖြစ်သလို သူ မချစ်တော့ဘူးဆိုရင်လည်း ကျွန်တော် သူ့ကို နှောင့်ယှက်ပေးမှာ မဟုတ်ပါ။ သူ မုန်းသွားတယ် ၊ ဆိုရင်တောင်မှ သူ မသိအောင် ကျွန်တော် ကွဲကြေ ခံစားမှာပါပဲ။ ဘာလို့လဲ ဆိုတာတော့ ကျွန်တော်လည်း မပြောတတ်ခဲ့ပါ။

ကျွန်တော် ပြောတတ်တာကတော့ ဒါဟာ ကျွန်တော့် ချစ်ခြင်း မို့လို့ပါပဲ။

ကျွန်တော့် သူငယ်ချင်းတွေကတော့ ပြောကြတယ်။ မင်းရဲ့ အချစ်က ရယူပိုင်ဆိုင်တဲ့ အချစ်မဟုတ်ဘူးတဲ့။ တချို့ကတော့ မင်းရဲ့ အချစ်က ပေးဆပ်တဲ့ အချစ်ကွ တဲ့။ သူတို့ ဘယ်လိုပဲပြောပြော ကျွန်တော် ပြုံး နေမှာပါပဲ။ ဘာလို့လဲ ဆိုတော့ ကျွန်တော့် ရင်ထဲမှာ ချစ်သူကို ချစ်နေတယ်ဆိုတဲ့ ချစ်တဲ့ စိတ်လေးက အမြဲ ရှိနေလို့ပါပဲ။

ဘယ်လိုပဲ ဖြစ်ဖြစ် ကျွန်တော့်ကြောင့် ချစ်သူ အနှောင့်အယှက် ဖြစ်တယ် ဆိုတာမျိုး ကျွန်တော် မဖြစ်စေချင်ပါ။ ကျွန်တော့် အချစ်ကို ဘယ်လိုပဲ သတ်မှတ်သတ်မှတ် ကျွန်တော့်တော့ စိတ်မဆိုးခဲ့ပါ။ ကျွန်တော့်ကတော့ သူ့ကို ချစ်ခြင်းများစွာနဲ့ ပြုံး နေမှာပါပဲ။

** ကမ္ဘာမြေရဲ့ တစ်နေရာက ချစ်သူသို့ . . **

ကိုဇော် ခံစားတင်ပြသည်။

http://zaw357.multiply.com/journal/item/403/403 မှာ 17.6.2009 ကရေးထားတာပါ။

.

ချစ်သူ ကို ကျွန်တော်က ဒီလို ချစ်ချင်တယ်