မည်သူ မဆို အမှန် ရှိသလို ၊ အမှားလည်း ရှိပါတယ်။ ကျွန်တော့် အမြင် ၊ အတွေးများကို ကျွန်တော်ကိုယ်တိုင်ပဲ တာဝန်ယူရမှာ ဖြစ်သောကြောင့် ထပ်ဆင့်ကူးယူပြီး တခြားနေရာမှာ ဖော်ပြချင်တယ် ဆိုသော စာချစ်သူ သူငယ်ချင်း များကို စာရဲ့ အောက်တစ်နေရာမှာ “ ကိုဇော် ” နှင့် “ zaw357.blogspot.com ” ဆိုတာလေးကိုတော့ ထည့်ပေးပါလို့ တောင်းဆိုချင်ပါတယ်။

{ သေချာတာ တစ်ခုကတော့ “ ရေးတဲ့စာ ” နဲ့ “ စာရေးသူ ” ကို မရောထွေးစေဖို့ပါ။ }

လေးစားစွာဖြင့်
ကိုဇော်
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။


21 March 2013

6 စာအန်ခြင်း


" စာအန်ခြင်း "

မျိုသိပ်ရလွန်းလို့
အ သွားတဲ့ လူတစ်ယောက်ပါ။

၁ ၂ ၃ ၄ ဘဝကို ရေး
ခဏနေတော့ . . .
၁ ၂ ၃ ၄ ဘဝကို ရေး
ကိန်းဂဏာန်းက လက်တစ်ဖက် မပြည့်သေးဘူး။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

ဧည့်စာရင်း မတိုင်လို့
အဖမ်းခံရတဲ့ ဂျစ်ပစီ လောက်
ဝမ်းနည်းစရာကောင်းတာ မရှိဘူး။
ညဥ့်ကလည်း မှောင်လိုက်တာ . . .

မျိုသိပ်ရလွန်းလို့
အ သွားတဲ့ လူတစ်ယောက်ပါ။

ကဗျာ ဆိုတာ စာအန်ဖတ်နဲ့ တူတယ်။
ငှက်အန်ဖတ်က ငှက်သိုက်
ငါးအန်ဖတ်က ငါးကြီးအန်ဖတ် ဒီလို အမျိုးမျိုးပါပဲ။
ကြာတော့ သွေးစ သွေးန နည်းနည်းတော့ ပါတာပေါ့။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

နွေရာသီ ရောက်ပြီ။
ငှက်ဥသြကို လွမ်းနေသူတွေ . . .
ကားဥသြကို လန့်နေသူတွေ . . .
အတူတကွ ရှင်သန်ကြတယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

မှော်ဆရာ တစ်ယောက်ရဲ့ အိပ်မက်ထဲမှာ
ဘာတွေများ ရှိလိမ့်မလဲလို့
ကျနော် သူ့နေရာမှာ ဝင်အိပ်မက် မက်ခဲ့ဖူးတယ်။
ဟင့်အင်းးးး မှော်ဆရာ ဖြစ်ရုံနဲ့ ကျနော် လန့်နိုးခဲ့ရတယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

ကိုယ့်နာမည်နဲ့ အိမ်ပိုင်တစ်လုံး မရှိသူထံ
မွေး ဖို့ ခွေးလက်ဆောင် ရတာလောက်
စိတ်ဓာတ်ကျစရာ ကောင်းတာ မရှိဘူး။
ဒီလိုပဲ ဖာသိဖာသာ နှုတ်ဆိတ်နေလိုက်တယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

လက်တစ်ဆုပ်စာ မပြည့်တဲ့ လောဘတွေထဲမှာ . . .
တိတ်ဆိတ်အေးချမ်းစွာ ဘဝကို ဖြတ်သန်းချင်တာ
နံပါတ် ၁ ဖြစ်နေခဲ့တယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

လွှင့်ပစ်ဖို့ အမှိုက်ကို ကိုင် . . .
လွှင့်ပစ်ဖို့ အမှိုက်ပုံးရှာရင်း
ရိုးရိုးသားသား အိမ်ပြန်ရောက်သူ တစ်ယောက်ပါ။
ကျနော် တူတူပုန်းတမ်း ကစားခဲ့တာ မဟုတ်ရပါ။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

လူအ တွေနဲ့ စကားပြောရတာ. . .
အ လူတွေနဲ့ စကားပြောတာထက်
အနုပညာဆန်ပါတယ်။
နည်းနည်းတော့လည်း အထီးကျန်ဆန်ချင် ဆန်မယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

ကံဝဋ်ကြွေး ဆိုတာ အတိတ်နဲ့ ဆိုင်သတဲ့။
ဒါနဲ့များ ဝဋ်ကြွေးပြေဘုရားကို
ဘာကြောင့်သွားကြတယ် ဆိုတာ
ကျနော် နားမလည်ဘူး။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

တချို့အရာတွေကို ထားခဲ့တယ်။
တချို့အရာတွေက ထားသွားတယ်။
တချို့ အရာတွေကို ချန်ခဲ့တယ်။
တချို့အရာတွေက ကျန်ခဲ့တယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

မျိုချရဖန်များလို့
လည်မျိုတောင် အတော်ကျယ်နေခဲ့ပြီ။
ဒါပေမယ့် . .
တစ်ခါတလေ ကျနော် စာအန်မိရင် သွေးစ သွေးနတော့ ပါနေလိမ့်မယ်။

မျိုသိပ်ရလွန်းလို့
အ သွားတဲ့ လူတစ်ယောက်ပါ။

အဲဒီလိုပါပဲ။
ကျနော်က လူအ တစ်ယောက်ပါ။
ကိုယ့်ဖာသာ အိပ်မက်တွေ မက်ရင်း . . .
စာအန်ဖတ်တွေနဲ့ အတူ သွေးအလိမ်းလိမ်းနဲ့ပေါ့။

ကိုဇော်
21-Mar-2013

Share/Bookmark

6 ယောက် ရဲ့ ထင်မြင်ချက်:

Aunty Tint said...

မျိုသိတ်တယ်ဆိုတာ အတိုင်းအတာတစ်ခုထိပဲ ကောင်းတာမို့ ရင်ထဲက အရာတွေ တစ်စိတ်တစ်ဒေသလောက်တော့ အံထုတ်လိုက်သင့်တယ် သားဇော်ရေ ။
ထူးခြားကဗျာလေးအားပေးသွားတယ်နော်...
စိတ်ဓာတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

ရွှေအိမ်စည် said...

လက်တစ်ဆုပ်စာ မပြည့်တဲ့ လောဘတွေထဲမှာ . . .
တိတ်ဆိတ်အေးချမ်းစွာ ဘဝကို ဖြတ်သန်းချင်တာ
နံပါတ် ၁ ဖြစ်နေခဲ့တယ်။
တချို့အရာတွေကို ထားခဲ့တယ်။
တချို့အရာတွေက ထားသွားတယ်။
တချို့ အရာတွေကို ချန်ခဲ့တယ်။
တချို့အရာတွေက ကျန်ခဲ့တယ်။
မျိုသိပ်ရလွန်းလို့
အ သွားတဲ့ လူတစ်ယောက်ပါ။

မိုးညချမ်း said...

မျိုသိပ်ရလွန်းလို့ အ သွားတဲ့သူတစ်ယောက်အဖြစ် သွေးအလိမ်းလိမ်းနဲ့ စာအန်နေရတာတော့ ... ဟူးးးးးးးးး :)

မိုးသက် said...

ကျွန်တော်လည်း မျိုသိပ်နေရတာပါပဲ..
မြင်သမျှ တွေ့သမျှ သူ့အရပ်သူ့ဇာတ်ကနေကြသူတွေချည်းကိုး..
မှော်ဆရာအိပ်မက်ဆိုလို့ .. ကိုငှက်ကြီးရဲ့ သီချင်းခွေတောင် သွားသတိရလိုက်သေးတယ်အစ်ကိုရေ :)))

Toe Yee Yee said...

အချင်နေတော့တယ်ကိုဇော် ဘယ်သူ့ ကိုမှချပြလို့ မရတဲ့လောကအကြောင်းကြောင့် မြိုသိပ်ထားရလို့  အချင်တယ် သွေးအလိမ်းလိမ်းနဲ့ ......

rose of sharon said...

မျိုသိပ်ရလွန်းလို့အသွားတဲ့လူတစ်ယောက်ထဲမှာအမလဲပါတယ် :)